餃子爺爺

營業中

休息中

好耐冇嚟官塘，今早瞓醒，無無聊聊，就去官塘行吓，行經協和街近物華街附近，見開咗幾間新小店，就過去睇吓有咩好嘢食見呢間店門面幾乾淨，又係主打手工餃，鍾意食餃子的我，就決定入去試下點咗大份的鮮蝦韭黃餃（煮法可煎、湯煮），我就選咗湯煮，以半價可加一杯飲品，點咗蜂蜜山楂茶先嚟一碗豆腐瑤柱鮮魚湯，係送嘅～湯好清，有少許瑤柱味，飲完唔會口乾鮮蝦韭黃餃～真係好真材實料，每隻都有一隻蝦仁🍤，好有韭黃味，蝦肉都幾脆口，仲有豬肉，餃皮雖有點厚，但有咬口，餃子醮少許醋，真係好味好多蜂蜜山楂茶～甜甜酸酸，好好飲，好醒胃

有天無聊地找觀塘有沒有餃子店看到有報導說這家店的湯很特別就來了叫左一份大, 一份細餃子細既跟湯, 大既轉左酸辣湯3款餃子按好味程度排芝士粟地豬肉餃>西洋菜豬肉餃>白菜豬肉餃主要個問題係餡好散完全無餃子應該有既肉汁味道清淡酸辣湯同所有野都唔夾, 獨立好味既 但因為其他野無味會覺得佢好濃味記得分湯另外個清湯因為都倒瀉左一半, 無去細味不幸既係外賣拎返公司途見到漏湯打開一睇原來唔係粒左咁簡而係成個蓋裂左明顯係做外賣既經驗不足如果老闆見到既話希望你會注意下

#hoijun平民篇好耐無同大家分享餃子🥟啦今次呢間都係主打無添加味精老火湯湯底既餃子店🤘🏼🤘🏼-#韮菜鮮肉餃豬肉唔會話好肥，菜同肉份量均勻。不過小編會特別推介🌟🌟鮮野菌素餃🌟🌟中間係菇🍄🍄食落好有口感👅👅菇菇愛好者表示好滿意🤤🤤而且呢款餃仲係店內大熱好快賣晒⚠️⚠️～～～～～～～～～～～～～～～～～～～～～～～～📍餃子爺爺 (觀塘)🕴🏻觀塘協和街131號仁富大廈地下E舖

我同家人好喜歡吃餃子，今天就嚟到觀塘呢間餃子店。店內環境整齊乾淨，仲有洗手間。叫左韭菜水餃，味道都可以，湯好清新，但係冇乜特別。西洋菜煎餃，真係好好味，煎得好香，餃入面又多汁，正！另外，加咗個湯麵和擔擔麵，但味道真是一般，唔值得加錢食，建議如果肚餓可以叫多份餃子食，會抵食啲。另外，欣賞嘅係服務態度幾好，見到有個客人，因落錯單嘢而有啲燥和嘈。服務員都即刻同佢跟進，同佢解釋返，重新落單。賣單時，服務員仲同我們道歉影響咗我哋。

難得深入觀塘，由地膽朋友帶頭覓食。朋友帶筆者來到這家餃子店，表示是她每天上班前的所到飯堂。一碗有5隻，餡料滿多的。餃子皮煙韌，但有一點略厚。內餡包著的是野菌菇粒，本身是菇控的筆者挺喜歡的。加配了上海麵底，麵量正常，麵條入口也頗彈牙的。重點是它的紅棗淮山豬骨湯底，喝下去毫無味精感，相信是人手新鮮熬製。味道鮮甜，整碗全喝掉也沒有口乾感，好有住家湯的感覺。青瓜切成薄長片，再包成一卷卷。麻辣汁重麻香，香口又惹味。吃用時先攤開青瓜片，讓內卷位置也沾上辣汁。這個是小份量，有3隻雞翼。醉雞翼經冷藏後肉質一般都偏實，稍嫌酒味不夠濃郁。進食期間，從友人口中得知「餃子爺爺」是由2位年輕小伙子創業。現在這年頭，小店買少見少，所以絕對值得來捧場。

之前經過過餃子爺爺🥟👴🏻食過一次，覺得幾好食。無論係湯餃，定係煎餃子，都係足料又好味😋上次試過個牛肉湯麵，今次帶埋奶奶嚟食。(上次無影相😅)今次我地都係有叫湯餃同煎餃，仲叫左小食，不過有時一嚟到就食，所以唔係全部都有影相😅希望大家體諒🙏🏻奶奶食湯餃，話食得到個湯係自己煲，無味精，好好味，主角餃子都係十分美味。煎餃子外脆內Juicy 👍🏻水晶淆肉就同平時個d一樣，發揮正常。醉蛋十分驚喜😀正呀原本今次嚟都係想叫牛肉湯底，但老闆話售罄了，推介我地食擔擔面，十分出色👍🏻😋味道好味，又用心經營。其實我唔知個兩位男士係咪老闆，但服務好好，又友善。另外有個呀姐，要再訓練下，太唔醒目，希望可以改善下呀姐嘅服務質素，咁客人就會食得開心d最後想同大家講，價錢係十分相宜！大家都去試下啦！

觀塘市區重建之後，起咗凱匯一呢個超大型嘅屋苑。由於有豪宅加持，觀塘附近嘅食肆都水漲船高，好多老店都被業主迫遷，取而代之嘅係啲新鋪。對於居民來港有好有壞，舊區觀塘風情雖然減少，但係亦都為區內帶來唔少優質美食。餃子爺爺就是一間當中的表表者，坐落於協和街嘅上半段(和樂邨對面)，全店主打餃子，有多種不同口味嘅餃子供客戶選擇，本人最愛西洋菜餃，餃子好Juicy，一份細份餃子加啲小食(糖心蛋、口水雞)，再加碗魚湯/豆漿都係好滿足。老闆好似係個後生仔。

開張到而家都食咗一排，一開頭個魚湯有人話好腥唔鍾意，但我自己又覺得OK，可能係口味問題啦。後來佢哋轉左湯底，老闆話會定期轉下湯底，咁都幾有新鮮感so far都唔錯。餃子d味道都幾好味，芝士玉米鮮肉餃係我最愛，同埋小食d麻辣好好味。有人話小食好味過水餃，但我覺得一樣濃味一樣淡味，分開食又得，兩樣加埋亦可。價錢黎講就太子嗰啲餃子店咁上下，貴唔貴見人見智啦。跟住講下缺點，三個廚房兩個樓面，成間舖得嗰幾枱客成間鋪都可以冧哂檔，又落錯單、又唔check清楚有咩售罄、出餐又亂，要喺間鋪度大聲嗌黎嗌去，問邊個叫左乜邊個叫左物。我唔知係咪樓面班阿姐唔識得用電子設備落單，落張單要幾分鐘，confirm又要幾分鐘，Confirm完又落錯，一係就冇落到。成間舖充斥着混亂，廚房兩個年輕人應該係老闆，又要顧住煮嘢食，又要顧住樓面情況，感覺上幾個阿姐幫唔到手之餘重幫倒忙。如果外賣還好，堂食見到就覺得好煩躁。

觀塘自從重建後，連鎖食肆不斷湧入，想找特色小店鋪， 唯有喺和樂邨，或者街市附近一帶努力找尋下。最近發現開了新餃子店，餃子控的我，當然要入去試一下。自開業來，已食過了兩次了，應該算中肯吧❤️每次都晚上差不多11點了，好彩趕及關門前入去食😂。點了韭菜餃，香菇馬蹄餃，帶子韭黃餃。小食方面，牛展，醉雞，及麻辣雞絲粉皮。另外還送了湯及豆漿。不過忘記湯的名字了😅😅*香菇馬蹄餃好味道👍🏻👍🏻 本人最推介*帶子餃，味道清，較淡， 但食到簡單的鮮味～這種餡料在其他餃子店，是比較難找到的！值得一試！👍🏻*醉雞很鮮味，酒味剛好，而且偏清甜的酒味更配合用於雞翼裡，（比起第一次食時，店主有改善，因為之前發向他們反映過味道較淡，不夠入味）推介👍🏻👍🏻*雞絲粉皮都很好食，麻醬甜到剛剛好，我對這個的印象是最深的，因為他的麻醬不是普通的那種，店主應該有用心調配過，味道有特色👍🏻👍🏻 唯一美中不足的，是沒有套餐的選擇，（我是在開業不久去試的，當時沒有）如果店裏有套餐，這樣吸引力會更好。另外，小店枱上沒有菜莆，好像缺少了一些，希望店主可以考慮吓製作菜莆😂整體來說都很推介👍🏻👍🏻，能夠做到餃子及小食同樣能做得出色的餃子店，是不

開左幾個月，今日終於去試，其實附近左右都有x方雲集&餛飩鋪， 呢間餃子鋪都好大競爭。餃子可揀5隻$22或10隻$39，另可加$15配麵， 我食左西洋菜豬肉餃及雞絲粉皮， 仲有豬骨湯，標榜沒有味精餃子清清地，岩我口味，幾好食反而小食 雞絲粉皮出色，醬汁溝得好，少辣，雞肉仲多過粉皮，唔似雞絲，似雞粒粉皮多d,正。小食都有好多選擇，驚喜地出色，我有選擇困難症，都諗左好耐。店員有禮，會主動介紹,下次試下芝士餃子先

本身鍾意食餃子，所以經過見到就入黎試~~~~~~兩個人叫左四樣野，整體好滿意，以街坊生意同價錢黎講，性價比高。係值得幫襯嘅心機小店。服務好好，姨姨好有心落單，又會主動介紹menu。芹菜豬肉水餃 - 本身鍾意食餃子，所以經過見到就入黎試韮菜豬肉煎餃 - 個人比較喜歡水餃，但都好食麻辣青瓜 - 有心機之作，造型同做法都有心機，兼且爽同入味豆腐皮蛋 - 個醬調得好，少可食到好食嘅豆腐皮蛋個皮好煙un，個湯無味精都好飲。啲餃唔細粒，10粒好夠飽

剛開鋪時幫襯過一次，覺得好一般般，都無諗住再幫襯。但今日收夜，冇乜選擇下就再去試一次。本身都冇乜期望，點知今次水準好左好多，一口氣清左十粒餃呀！煎餃唔會乾，大大粒，好足料，感覺到材料都好新鮮！最喜歡係無論煎餃定湯餃，都會送一碗魚湯，魚湯又唔腥，又冇味精👍👍👍今次仲叫左份京式茄子，好惹味，有驚喜，正！環境又乾淨，店員服務態度好好，食得舒服又開心！有位後生仔，唔知係店員定老闆，服務態度一流，好有heart，會再黎幫襯，試曬咁多款口味至得！

屋企附近新開嘅餃子店，啱晒鍾意食餃子的我~剛開舖時食過芝士粟米豬肉餃，略嫌芝士味唔夠重，但味道都唔錯；雞絲粉皮係足料嘅，都有其他朋友讚過啦今晚落車又經過，索性食埋先返屋企今次試魚湯餃子麵，帶子韮王鮮肉餃，足料，好味麵底好好味，好鍾意個texture，加埋個好有誠意嘅魚湯，好少食麵會照鏡，連湯都飲埋後生仔老闆親力親為，人好nice又好傾，有講有笑，仲好認真咁問客人意見，咁有心嘅小店真係要支持下！題外話：呢間之後，隔離又開咗間餃子雲吞店，跟住後面街巿又開咗間剩做外賣嘅生雲吞餃子舖... 突然咁多間嘅？🙄今晚隔離嗰間幾乎拍烏繩，但呢邊就坐滿...睇嚟... 質素高下立見🤷

今日去開觀塘睇醫生,睇完大約5點半左右,開始肚餓,咁就搵啲嘢食下。好耐冇行過觀塘,咁就四圍行下啦～咁啱經過協和街,見到呢間舖頭仔,幾新咁,都有幾多人喺入面食緊嘢,就行埋去下,入面個員工好友善咁出黎介紹下,我又鐘意食餃子,就入去試下。餐牌上都有好多款唔同嘅餃子,我叫咗個帶子粒豬肉餃,加個湯麵(魚湯底),呢排少食菜所以叫咗碟上湯芥蘭,仲有個雞絲粉皮添。啲嘢食等咗5至8分鐘左右就黎齊哂啦～個湯麵彈牙,魚湯底,好鮮味。帶子粒豬肉餃,足料大粒。雞絲粉皮,好滑好香。真喺好好食,良心小店。值得再食~~下次我黎開觀塘會再食,雖然唔知會隔幾耐而家返到屋企睇返之前別人嗰啲食評~有啲話個湯好腥,效率慢,老實講,我真喺唔覺。真喺要為此店平反一下

因為我好懶打字, 所以我只食少寫, 但今次唔寫唔得。睇左openrice的食評, 本來冇打算幫襯, 不過經過門口時店員不停叫我入去試下, 而我本身係非常喜歡食餃子, 所以即管俾次機會佢試試。穩陣起見, 只點了一碗帶子韭黄鮮肉餃加麵配鮮魚湯, 本來有牛肉湯和鮮魚湯揀, 但因為有食評話魚湯又腥又難飲所以我偏偏揀魚湯。由於餐廳新開, 環境很新淨清潔。嬸嬸店員落力介紹食物組合, 對我的提問亦有問必答。麵一到, 我第一件事係試湯先, 好好味呀, 魚湯鮮甜夠熱, 飲得出係真材實料, 我本身好怕腥, 但佢果種飲得出係新鮮的腥, 好得。餃子我食到粒粒的帶子肉, 豬肉餡也是軟熟鮮甜不會死實實, 只是略嫌太少韭黄味。麵是上海麵, 也是煮得非常軟熟剛剛好帶有嚼勁。用餐時只有我一個客, 當時有個後生仔店員正和另一個嬸嬸店員唔知正在大聲對答緊咩, 的而且確係幾annoying, 希望佢地注意下。埋單時我向後生仔店員讚佢地食物好味, 只是略嫌太少韭黄, 佢好有heart解釋餃子size有限, 如果多左韭黄就會少左肉, 咁我話算了, 我寧願要肉, 因為肉好好味 ^o^食物份量對於OL來說剛剛好, 好適合要味道也要健