餃掂手工餃子雲吞專門店

人在中環食咩好？呢間餃掂真心掂望落去好似唔算平，不過一食就知咩事隻隻爆涵，勁足料，調味啱啱好唔多味精强力推介松茸素餃🥟豆苗塞到爆曬，中間夾雜住松茸有陣微微嘅苦味，用個苦字好似好嚇人？係松茸獨特嘅味道，真係好正㗎！呢度所有餃子可揀放湯或煎印象中煎係貴幾蚊，都啱嘅，考功夫隻隻都煎得幾靚，夠脆口，冇燶曬今日係煎得油左少少嘅，冇咁油會開心啲松茸餃係佢哋特產，真心推！用料同價錢成正比，貴啲係正常佢哋都有啲平民啲嘅口味嘅椰菜雲耳豬肉，呢個我覺得都正因為椰菜同雲耳都幾爽口呢款比平時食到嘅餃子多左陣清新嘅口感枱面嘅調味架建議大家都要留意下麻辣醬油，豆豉菜脯，陳醋等各有千秋，可以令一款餃子食落有唔同感覺我係辣油fans，加陳醋兩溝，正到爆炸🔥仲有餃子以外嘅小食例如麻醬四川涼麵，酸辣雲耳等等都幾好食㗎👍🤤

龍鳳松茸雙煎餃～松茸係呢度嘅招牌，配合豬肉，口感實淨有咬感，黑松露味道比較濃郁，白松露比較清，煎餃更多了一份香口🙌🏻必食🙌🏻四川涼麵～今日唔係好想食辣，原來呢份麵可以走辣，配上花生碎、香蔥、芫荽，撈勻麻醬，食落凍冰冰，好開胃。龍鳳蛋～蛋白完全凝固，蛋黃呈流心，非常juicy😍半熟糖心蛋沾上白松露醬和黑松露醬，添上另一番風味！蜜餞雞翼雞翼簡簡單單都已經係好食嘅食材，呢度嘅雞翼唔算大隻，勝在整得入味，都唔錯！

去中環上完workshop，就去附近覓食，店舖鄰近扶手電梯，地點都算幾方便！龍鳳松茸雙煎餃即叫即煎，餃子皮脆焦香，一咬入去已食到陣陣松露味，齒頰留香，豬肉結實，有一份咸香，很鮮味！粟米餃、韭菜餃呢兩款我哋order湯餃，最大原因都係因為佢哋嘅湯底～狀元九鼎湯，即係粉葛鯪魚，呢個湯真係不得了，功效可以清熱去濕，生津止渴，入口清甜，我哋真係連湯都飲晒，同餃子🥟好夾添！上湯松茸時蔬呢款松茸係一片片，配合上湯一齊煮，菜心鮮嫩無渣，入口清甜，好fresh！

一直都係呢間餃子店既fansssss差唔多每次都會同朋友嗌一碟松茸豬肉餃同芝士煎餃做鐵膽🤣🤣呢日依舊要左一份芝士煎餃同平時一樣外層脆卜卜，內餡係香甜粟米同滿滿芝士，正！！不過今次就要左素菜version 既松茸灼餃～估唔到都有驚喜無左肉香但就多左一份清爽既味道，都唔錯啵😚😚另外我哋仲要左粟米豬肉湯餃、小雲吞同涼拌皮蛋一齊share=]湯餃既湯底用上店家既無味精老火湯，依家凍凍地咁有啖湯飲就特別暖心💕小雲吞同皮蛋無太大驚喜但都幾好食，朋友仲話下次可以encore個小雲吞，因為cp值相當高😆😆😆呢間餃子專門店既分店有唔少，試過好幾間都覺得唔錯，質素都幾穩定，的確值得一試～

甜蜜蜜高質蜜餞雞翼～～～呢間餃子店係我係中環嘅食堂，晏晝定係夜晚都成日過嚟幫襯。d阿姐幾nice，雖然人多，佢哋都心平氣和。～～～係煎餃子同埋湯餃子掙扎咗一輪，由於生緊飛滋嘅關係，最後都係揀咗後者。龍鳳松茸雙灼餃，黑松露白松露味滿瀉，味道好特別，而且黑白松露嘅量好足，奢華感十足，但係價錢又貼地。～～～雙拼湯餃（粟米+大白菜）兩款經典嘅口味都各有千秋，粟米香甜味比較重，大白菜就比較爽脆，豬肉味夠濃，一次食晒兩款口味，啱晒我呢啲樣樣都想食嘅人。浸泡落狀元九鼎湯，感覺好養生健康。～～～同粟米餃一樣好香甜嘅仲有蜜餞雞翼，甜味唔係黎自白糖，而係蜜糖，好食得黎亦都健康，加上隻隻入味，令人吃不停口。～～～重慶鮮肉雲吞同四川涼皮嘅中辣都唔算過辣，鮮肉雲吞一口一粒，的骰可愛，食落扎實非常，足料皮薄。涼皮就清新低卡，OL最愛。～～～餐廳名稱：餃掂手工餃子雲吞專門店 (中環)」餐廳地址：中環威靈頓街55號地下

朋友在中環上班,她從未吃過這間用昂貴食材的餃子店,所以今次我帶她來吃。-HK$20狀元九鼎湯~二訪也要喝這碗是因為它非常足料又沒有味精-HK$98龍鳳松茸煎雙餃（黑白松露）~ 一口氣可以吃到2款口味的餃子~黑白松露,真是太開心了。金黃色的餃子外皮, 一口咬下去是脆卜卜的感覺,內餡軟熟又多汁。-HK$57香煎軟心芝士餃~餃子外皮是香脆,一口咬下去便吃到軟綿綿的芝士及清甜的粟米。芝士、粟米及肉餡分配是剛好的比例,多吃幾件也不太膩-HK$42重慶鮮肉雲吞~雲吞皮薄又順滑,咬下去肉質Q彈,配上小辣的重慶湯底我吃兩粒鮮肉雲吞已經出汗了-HK$28黃金原味皮蛋~晶瑩剔透金黃色的皮蛋,配上秘制醬汁,皮蛋迷不要錯過-朋友吃過後,對這間松露餃子讚不絕口。我猜她好快會在上班午膳時間也再來光顧。

[ 餃掂手工餃子雲吞專門店 ]天氣涼又好想食d暖暖地嘅嘢，今日再訪呢間餃子店，有餃子又有湯飲🍲😋✿ 至尊松茸豬肉餃 湯餃子 中(8 隻) (跟狀元九鼎湯) $80作為鎮店之寶，來店必點，湯餃令松茸味更突出，裡面仲有豬肉&野菌。再飲啖狀元九鼎湯，暖暖胃。✿ 壽喜燒牛肉餃 湯餃子 大(10隻) (跟狀元九鼎湯) $72濃郁壽喜燒汁，牛肉嫩滑，別具一番風味，好特別嘅配搭。✿ 粟米豬肉餃 🌽 煎餃子 中(7隻) $57香甜粟米配豬肉，外皮唔會煎得過燶👍🏻✿ 四川涼皮🌶 $32叫咗小辣，香辣開胃，煙韌涼皮加上秘製香辣惹味醬汁，越食越想食🤤總結🫦抵食好味之選，而且餃子口味好特別，湯底絕無味精，值得一試！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿餃掂手工餃子雲吞專門店地址: 中環威靈頓街55號地下 電話: 2873 2280✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

收工後約咗同伴食飯，要喺中環搵間快靚正之選，個人覺得餃掂會入三甲。龍鳳松茸雙煎餃(8隻) $98龍鳳松茸雙煎餃係我經常點嘅餃子，黑松露聞落好香，而且味道幾濃郁，而白松露嘅味道就比較似蘑菇。依種煎餃喺其他餃子舖都不太常見。芫茜豬肉湯餃 (跟狀元九鼎湯) (10隻) $61芫茜豬肉餃就係我同伴嘅最愛，餃子內裏嘅芫茜非常足料，我諗芫茜愛好者食完應該會幾滿足。狀元九鼎湯嘅材料有粉葛、鯪魚、紅蘿蔔、扁豆、蜜棗等，飲落幾有鮮味，而且夠哂潤喉。蜜餞雞翼 (3隻) $24蜜餞雞翼甜度剛好，最怕有啲餐館整得太甜，食緊嗰時就喺到諗，早知叫5隻啦。自家制山楂雪梨水 $20山楂雪梨水都幾滋潤，山楂配上雪梨，有清腸排毒、降脂減肥、生津解渴等功效。上湯松茸時蔬 $32為咗確保自己每餐都有充足嘅纖維，我吔就order咗碟時蔬嚟share。

行過威靈頓街搵食，想清清地就坐底食個餃子🥟點左好特別嘅野生松茸素餃(7隻）$52好小係香港食到加左松茸餃子，健康有益仲有啖啖松茸👍🏻👍🏻香煎軟心芝士餃(7只）$57咬一半就會見到裡面加左芝士溶左係餃子裡面，加上清甜爽脆粟米，超推薦依款餃子🌟雲吞麵（12隻)$50滿滿一打12隻小雲吞一啖一隻，皮薄餡靚非常滋味😋四川涼皮$32切成寬闊的涼皮，微辣口感更加掛汁之餘，十分Q彈。不得不題佢個「菜脯豆豉辣椒醬 」都係必試之選，直頭想買一樽番屋企，真係點乜都好食

叫咗個四川涼麵小辣小辣，嚟到似麻醬撈麵。我同佢講我要四川小辣，佢話呢個就係小辣（看圖一），唔夠就枱面有醬自己加。問佢芝士餃子有冇肉，佢就話餃子梗係有豬肉㗎喇！okey!　咁素餃係咪都有肉？個啊姐四眼嘅，冇名牌。態度差到一個點！見到佢都唔好幫襯！

冬天就好想飲碗熱辣辣湯，就會諗起餃掂，餃子掂，又雪梨水掂店內經常滿坐龍鳳松茸豬肉餃 $92餃子隻隻都皮薄飽滿，咬開見到粒粒松茸，食到松茸同豬肉鮮味。食完餃子飲埋清甜狀元九鼎湯，好滿足！松茸餃會附送一碗狀元九鼎湯，註明沿用古法煲製，不含味精，不加鹽。呷一口，清甜甘香，養顏降火，不過個人認為加一點點鹽湯味道更出椰菜雲耳煎餃 $49/ 7隻外層煎得香脆入口香脆惹味，鮮爽Juicy，而且足料，咬開有椰菜雲耳都幾足料四川涼皮 $32涼皮咬落煙韌有口感，涼涼地酸酸辣辣好啱夏天食山楂雪梨水 $28自家製山楂雪梨水，清潤又不會太甜，酸酸甜甜好解渴. Menu

推薦滑溜冰凍四川涼皮配搭熱辣辣重慶鮮肉雲吞～～～有時返工返到好夜，真係唔想煮飯，又要買材料，煮完又要洗。～～～是晚收工就直接黎咗公司附近嘅呢間人氣餃子店🥟食晚餐。呢度姐姐服務不錯，而且餃子關注組成日都讚，所以平日下晝人龍都幾長。～～～🥢龍鳳松茸雙灼餃：一黑一白，雙色味道差不多，但兩樣都好食，尤其浸泡落佢地嘅狀元九鼎湯，帶有淡淡魚花生香氣，令黑白松露更為提味，餃皮亦更濕潤。～～～佢哋嘅餃子口味款式眾多，揀唔到食咩好，就最好直接叫雙拼滿足自己，大白菜味道清新，🌽粟米就夠香甜，兩者都唔錯。說到香甜亦要提及蜜餞雞翼，蜜香滲透入雞肉每吋紋理，係一種自己屋企整唔到嘅美味。～～～重慶鮮肉雲吞望落橙紅色一片，其實食落去有辣嘅香味，但係又唔會好刺激嗰種，裏面嘅肉餡好足，雲吞皮亦都好滑溜。～～～熱辣辣嘅一粒一粒雲吞，配搭埋佢哋凍冰冰嘅四川涼皮一齊食就最夾不過，晶瑩剔透嘅四川涼皮加上粒粒花生🥜香蔥等，簡簡單單就令人感到滿足！～～～餃掂手工餃子雲吞專門店 (中環)中環威靈頓街55號地下

推薦滑溜冰凍四川涼皮配搭熱辣辣重慶鮮肉雲吞～～～有時返工返到好夜，真係唔想煮飯，又要買材料，煮完又要洗。～～～是晚收工就直接黎咗公司附近嘅呢間人氣餃子店🥟食晚餐。呢度姐姐服務不錯，而且餃子關注組成日都讚，所以平日下晝人龍都幾長。～～～🥢龍鳳松茸雙灼餃：一黑一白，雙色味道差不多，但兩樣都好食，尤其浸泡落佢地嘅狀元九鼎湯，帶有淡淡魚花生香氣，令黑白松露更為提味，餃皮亦更濕潤。～～～佢哋嘅餃子口味款式眾多，揀唔到食咩好，就最好直接叫雙拼滿足自己，大白菜味道清新，🌽粟米就夠香甜，兩者都唔錯。說到香甜亦要提及蜜餞雞翼，蜜香滲透入雞肉每吋紋理，係一種自己屋企整唔到嘅美味。～～～重慶鮮肉雲吞望落橙紅色一片，其實食落去有辣嘅香味，但係又唔會好刺激嗰種，裏面嘅肉餡好足，雲吞皮亦都好滑溜。～～～熱辣辣嘅一粒一粒雲吞，配搭埋佢哋凍冰冰嘅四川涼皮一齊食就最夾不過，晶瑩剔透嘅四川涼皮加上粒粒花生🥜香蔥等，簡簡單單就令人感到滿足！～～～餃掂手工餃子雲吞專門店 (中環)中環威靈頓街55號地下

同伴係餃掂嘅常客，今晚我哋都約咗喺依度食飯。龍鳳松茸雙煎餃(12隻)自家制山楂雪梨水龍鳳松茸即係黑白松露嘅意思，黑松露聞落幾香，香甜濃郁，而白松露嘅味道就比較接近蘑菇。價錢雖然比其他餃子較貴，但都係值得嘅。山楂雪梨水飲落口感覺滋潤，味道亦唔會太甜。餃子麵 - 芫茜豬肉餃(6隻)同伴係芫茜愛好者，非常欣賞依度嘅芫茜豬肉餃。即使我對芫茜冇特別喜好，亦都覺得唔錯，配上麵線，份量都唔細。上湯松茸時蔬一餐飯又點可以冇蔬菜呢？飲食要有足夠嘅纖維先至夠健康。中環威靈頓街上有三間餃子舖，不過我最鍾意嘅，始終都係餃掂。

如要講水餃家族譜系，真係天南地北各有獨特個性的種類。我吃過特別的可算是尼泊爾餃子。蒸餃子其實是喜瑪拉雅常見的一款小食，Momo 是當地餃子的意思，半月形像鍋貼，可蒸可炸；餡料可以選雞肉或蔬菜，配一弽辣汁醬吃。另外大家熟悉的日本煎餃、北方水餃等等都會常吃，咁講真我雪櫃冰箱都會常備兩包急凍水餃，有時宵夜唔使次次食即食麵咁寡 XD今次來這店吃餃子，主要是路過時被它的湯底吸引，又想飲湯就入內。小店格局，裝修簡約，原來已有八間分店。侍應落單迅速，可能是在平日中午繁忙時段訓練有素，服務相當有效率。Menu 好似好多餃子咁，主要大概八款左右。光顧當日人流不多，和侍應閑聊一下。它們這裏為了應付中環人食飯最緊要快嘅原則，又可做多轉生意翻枱，午市供應的餃子都會預先煮到7-8成熟，等客人嚟到再煮熟。而去到兩點後，人流開始少，就可以做返即叫即煮，所以2點後過嚟就可以食到最正的餃子。點了「韭菜豬肉湯餃」$45 / 7 隻，湯底的老火湯叫「狀元九鼎湯」，我姑且在此簡約啲叫佢做粉葛鯪魚湯：手功餃子皮不算厚，甚有彈性，菜肉味道分明，韭菜味道出眾，用來做煎餃也應該會不錯：和侍應傾談一下。他們的餃子是每日即製，所以能保持