餃掂手工餃子雲吞專門店

上次食過荔枝角間分店，咁啱今日去太子始創嗰邊買嘢，見到呢間餃掂快線，諗起上次食完覺得幾高質，今次同朋友又再食多次。今次encore番龍鳳松茸湯餃，野生松茸剪素餃，一份上湯松茸時蔬，飲品叫咗一杯凍蜂蜜檸檬薏米同一杯熱嘅自家制山楂雪梨。總括嚟講佢啲餃子皮薄餡靚，份量偏大隻嘅。堂食仲有醃蘿蔔食，同埋都有兩款醬揀。食物質素都係咁好食，先講個龍鳳松茸湯餃，咬落去啖啖肉，分湯上，但係唔係烚到乾身，仲充滿肉汁，連埋啖湯去食，充滿咗肉汁同埋松茸嘅味道。另外煎餃都係咁好食，真係好鍾意食素餃，佢嘅餡料都好充足，食到有唔同種類嘅蔬菜，超健康。飲品方面，兩杯都飲得出係健康同養生，啱晒秋天滋潤身體。

呢間中式雲吞餃子專門店，真係要試下。佢哋嘅龍鳳松茸煎雙餃，一上枱就已經聞到陣陣松茸香，餃子皮煎得金黃酥脆，咬落去嘅時候，裏面啲餡料仲係多汁，松茸同蝦肉完美融合，真係令人一試難忘。至於芫荽豬肉湯餃，湯底清甜，帶有淡淡芫荽香，豬肉餡唔會太肥膩，入口滑溜。每粒湯餃都係手工製作，皮薄餡靚，令人食完一碗又想再叫多一碗。元貝豬肉湯餃就更加特別，元貝嘅鮮甜味完美提升咗成個湯底嘅層次，餃子入面嘅豬肉鮮嫩，配合湯底真係一絕。飲品方面，佢哋嘅自家製山楂雪梨水清爽解膩，飲落去有少少酸酸甜甜，好適合用嚟中和餃子嘅油膩感。而蜂蜜檸檬薏米水就更加清新，薏米嘅淡淡香氣加上檸檬嘅酸同蜂蜜嘅甜，真係令人一飲愛上。整體嚟講，呢間專門店真係無論食物定飲品都交足功課，服務態度亦都非常好，店員親切有禮。無論你係鐘意食煎餃定係湯餃，呢度都一定會有你嘅心水之選。下次如果你想搵間地方好好享受下餃子嘅美味，呢度就係你嘅不二之選。#nomnomdumpling

餃掂手工餃子雲吞專門店 (太子)間唔中就會好想食餃子今次嚟到於港九新界有多間分店嘅餃掂！為咗保持新鮮堅持每日即日包製店內座位算多而且每枱有足夠嘅位置所以坐得幾舒服餃子有湯餃及煎餃款式相當多單係選擇要食咩款餃子都要D時間呢到仲要有幾多小食款可以揀添例如涼皮，皮蛋，雞翼等*留意煎餃係即叫即煎 需時大概20分鐘落咗單後店員就會送上一碟仔-自家制酸蘿蔔酸度剛剛好用嚟開胃非常適合！龍鳳松茸雙煎餃 （中8隻) $98-仲有大12隻 $147可以揀 除咗煎餃外都可以配湯餃 龍鳳松茸餃即係黑白松露配松茸豬肉餡各4隻 喜歡松露嘅人一定要試吓 因為兩個款松露味都相當明顯 豬肉唔肥膩 而且餃子皮薄 個底仲煎得好香脆香煎軟心芝士餃 （7隻） $58-仲有10隻$69可以揀 但軟心芝士就只可以做煎餃 裡面有芝士豬肉仲有粟米！ 粟米中和咗芝士嘅膩感 食食吓會有陣清甜嘅味道 大推呢款！雙拼湯餃 $55韮菜豬肉餃+芫茜豬肉餃-湯餃湯底為狀元九鼎湯 用咗美國蛇果（蘋果）生魚無花果淮山豬尾骨熬製 一飲就知無落味精 清清甜甜 湯餃同樣樣薄餡靚 韮菜同芫茜味同樣突出自家製山楂雪梨水 $20

係附近行完街，去左呢間係大街的餃子店醫下個肚。店前仲貼左歌手同食家嘅相，令我期待睇下呢間連鎖店係唔係做到高水準。差唔多7點到，唔洗等位就有得入座，叫左：🔹龍鳳松茸雙煎餃 ($98)呢個煎餃外脆內軟，煎得剛剛好，黑白松露嘅餃子，真係第一次試，落足料，味道香濃，鍾意松露嘅朋友值得一試。🔹芫茜豬肉餃($53)芫荽餃子就係一個驚喜，煎餃鎖住肉汁，加上芫茜嘅香味，真係無得輸，全餐嘅亮點。如果食得落，真係想叫埋其他蔬菜餃。🔹重慶鮮肉雲吞 ($44)麻辣湯底濃郁，一碗已經有12隻，皮薄餡靚，食落去好有滿足感。🔹蜜錢雞翼($25)蜜糖醬汁，少甜油帶豉油香，可以過下口癮。🔹踏入秋天叫左滋潤嘅自家制山楂雪梨，同行朋友亦叫咗蜂蜜檸檬薏米，解膩開胃。整體嚟講，呢度嘅餃子非常足料，煎餃出色，而且款式好多，價錢合理，仲可以外賣生餃子返屋企煮，下次一定要試多幾款。

成日都喺太子經過呢間餃掂手工餃子雲吞專門店，今次終於有機會同朋友一齊試吓佢哋出名嘅手工餃子同埋飲品！🥟🥬 上湯松茸時蔬🍂菜心煮得啱啱好，保留住脆口嘅口感，味道清甜，吸收咗上湯嘅精華，簡單但好健康！🍲🍗 蜜餞雞翼雞翼煮得好入味，蜜餞嘅甜味加埋少少鹹香，平衡得唔錯。第一啖擺入口嘅時候，味道令我覺得係家嘅味道！🍯內裡肉質嫩滑，食落去啖啖肉，好滿足！🍖🍜 四川涼皮呢個涼皮真係好辣好醒胃，真係會食上癮！🌶️涼皮超級彈牙，辣勁十足，配埋花生碎同黃瓜絲，口感豐富，食落去有陣陣麻辣味。🔥🧀 香煎軟心芝士煎餃呢個芝士煎餃真係一試難忘！外皮煎得金黃香脆，咬開嘅時候感受到啖啖芝士，真係好邪惡！🧀餃子餡料豐富，芝士同粟米嘅配搭好夾，食落去香濃但又唔會太膩！🥟🥩 壽喜燒牛肉湯餃（中碗湯另上）呢個湯餃真係好有驚喜，湯帶清甜，餃子皮薄餡靚，入面嘅壽喜燒餡好有牛肉味，仲有微微嘅洋蔥味，超級特別！返嚟一定會再叫呢個餃子，呢個真係必試推介！🍜🍐 自家制山楂雪梨水飲品方面，山楂雪梨水飲落去好清甜，仲帶有少少山楂嘅酸味，飲完覺得好清新！🍐食完餃子飲返啖，真係解膩又潤喉！🍷🍋 蜂蜜檸檬薏米水薏米水嘅清甜加上蜂蜜檸檬嘅酸甜味，飲落

咁耐以來幫襯過超過無數次，由白楊街搬鋪去基榮小學隔籬都一直有幫襯，不過啲嘢食越嚟越唔掂，以前啲醃蘿蔔自己夾，到之後淨係嗌餐會比一小碟你，而家連嗰一小碟都冇埋，越嚟越庹縮。另外我食完嘢先記得原來要食藥，但係我杯嘢飲已經飲晒，湯都飲晒，問個侍應有冇水佢話冇，我話真係諗住送藥，兩啖水就夠啦，佢都話冇，我又唔係冇幫襯佢嗌嘢飲，好冇人情味，好失望，本身啲嘢食已經冇以前咁好食，縱觀咁多樣嘢，我以後唔會再幫襯。

做完gym見呢間餃子店冇乜人，就入嚟試下～8點左右嚟到，都坐得鬆動餃子口味有好多選擇，同埋啲口味都好特別，唔係淨係得出面好common嘅韮菜豬肉餃個啲龍鳳松茸湯餃 - $92有淡淡黑白松露嘅香味，但唔會cover哂豬肉味，味道鹹淡適中，唔似常見黑松露食物會有一陣重嘅鹹味！最緊要佢仲陪咗個湯，個湯都好清甜壽喜燒牛肉煎餃 - $58煎到外邊脆卜卜，皮薄餡多，所以口感幾好！呢個煎餃一咬會爆汁‼️好juicy, 牛肉餡入面好似仲落左啲馬蹄或者洋蔥嘅食材，層次更豐富四川涼皮 - $33涼皮就正常發揮，食一啖涼皮飲一啖湯就最好不過黃金皮蛋 - $30平日比較少食黃色嘅皮蛋，口感上會比普通皮蛋清爽啲，冇咁膩口山楂雪梨水 - $28一支大約倒到兩杯半雪梨水👍🏻好清甜解渴，飲得出係真材實料，唔會加左好多糖，係自然嘅味道-總結：最後埋單兩個人食左$241，超飽！餃子出色，皮薄餡靚，味道層次豐富，口味又特別！推薦大家嚟試下～

餃掂雖然係連鎖店，但質素好高，亦比小店更穩定。太子都有好幾間出名餃子店，但嗰日行到勁攰又拎住好多嘢，餃掂就夠晒闊落坐得舒服啲至尊松茸豬肉餃配清甜松茸湯同黑白松茸醬，一款辣辣地有少少XO醬味，另一款純松茸，加上飽滿既松茸肉餡勁好味，俾貴少少都抵香菇雞肉煎餃係新出品，採用日本厚菇，咬落去菇同雞肉完美融合，實的的得黎又好滑，仲煎到岩岩好好香脆！餃子麵配6隻元貝豬肉餃大大份，無論麵條同餃子皮都好滑，元貝豬肉餃有少少芹菜好香，又係大大粒真係無懈可擊龍鳳蛋係喺糖心蛋上，加上黑松露同白松露醬，好香松露味仲有少少鹹香，配上糖心蛋黃真係100分食呢度嘅餃子又係用餐廳自己煲嘅靚湯唔會太鹹，但都叫咗自家制山楂雪梨水，清甜潤喉幫助消化

最近愛上食餃子，今日同老公一齊試下呢間有松露口味既餃子店龍鳳松茸湯餃配狀元湯黑、白松露豬肉手工餃各4隻，松茸配松露，散發淡淡松露香，餃子皮薄多餡唔肥膩！湯餃跟 「狀元九鼎湯」，個湯飲落好清甜無味精，蛇果、生魚、無花果、准山、豬尾骨熬製，好鮮甜、冇落味精，可以補氣健脾、生津抗燥🥬🐷芫西豬肉煎餃芫荽餃出面比較小見，岩晒我依個芫荽愛好者！芫荽夠香夠多，配埋豬肉，食到啖啖芫荽味，又有肉味，配合得好好🌽🐷粟米豬肉煎餃好鍾意粟米脆卜卜嘅口感同香甜嘅味道，呢款都推薦🥕酸蘿蔔這裏提供少有的醃蘿蔔，爽脆酸甜，開胃之選。🍜四川涼麵天氣實在太熱，好想食啲開胃涼菜， 份量2個人食都略為太多😂，食完超飽。微辣清爽，配上麻醬，開胃解暑🐥蜜餞雞翼第一次食用蜜餞煮嘅雞翼 有啲類似蜜糖雞翼嘅感覺 一啲都唔痴牙 雞翼煮得入味又唔會過甜 🥚麻辣皮蛋皮蛋好香，個汁唔算太辣，又唔會搶晒皮蛋的味道🍐山楂雪梨水材料有山楂片、雪梨、 甘草等，所以唔會飲落得個甜字，味道清甜偏酸，飲落好開胃🦟蜂蜜檸檬薏米水口味清新，又唔會太甜，依排濕氣重，個人攰攰地，飲依個岩晒，夏日消暑必飲📍餃掂手工餃子雲吞專門店 (太子)太子荔枝角道1號嘉業大廈地下

素食朋友有口福啦，快D去試下啦！今日路過太子見到這間「餃掂」個名好搞笑，就睇下啦 … 竟然有素餃 … 即刻入去坐低試下～有2款口味係素食的 … 大滿貫素餃野生松茸素餃亦有兩種不同烹煮方式，白灼餃子 和 煎餃子，白灼的話係無湯跟的，因為沒有素湯底，所以只係就咁白灼煮餃子，另一種係香煎餃子。第一次試食，我就叫左”野生松茸素餃” 煎餃子，味道很好，松茸味好香濃，好好味。另外仲叫左一碟小食”涼拌白菜絲”，小小辣，唔食辣既朋友都可以嘗試一下，很香甜開胃惹味。最後仲叫左一杯”自家制山楂雪梨水”，配搭煎餃子真係好適合，解油膩清熱氣既感覺，飲落都好天然，無額外加糖水，好健康！兩款素餃都有得外賣”生餃”，店長話最好就係即日食，為確保新鮮食用，都唔建議雪太長時間先再煮黎食，會影響左餃子的口感～ 真係好講究呀！唔錯唔錯，下次有機會要去另一間分店試下另一款口味的”大滿貫素餃”。呢間太子店 就應該唔會再黎 …食物唔差，唯一既問題就係店內的員工，態度真係好差，完全係趕客既服務 … 星期六夜晚 店內都勁多位，但店員都強勢要求1個/2個既 客人逼埋一張長枱 搭枱坐，有客人要求想坐鬆動D 都會被「阿姐」大聲呼喝要求客人

鍾意食餃子同芝士🧀嘅我, 呢度嘅🥟餃子就啱晒我啦, 因為佢有軟心🧀🥟芝士餃, 出面好少有😛除咗有肉嘅鮮味仲有好濃郁嘅芝士味添， 呢個配搭真係啱晒我， 另外我哋再叫咗龍鳳黑白🍳松露蛋， 松露配搭雞蛋🥚真係好夾而且蛋黃係溏心㗎😍，再叫多一份🐥蜜餞雞翼添， 平時餐廳滷水雞翼就見得多，但係蜜餞雞翼真係好少有， 比蜜糖雞翼更加好味😋最後叫埋佢哋而家製飲品山楂🍐雪梨水酸酸甜甜就解渴，呢啲天氣飲啱晒🥳🥳🥳

因為朋友一直想試呢一間嘅餃子店，所以今日就約咗佢去食。喺門前有好多明星有同嗰度嘅老闆合照，包括食家濤哥，店面乾淨企理。入到去環境明亮，寬敞，清潔又衛生，有好多二人枱，幸運的是店員帶我們去到一張大枱度坐👍🏻，非常闊落。同埋去到嘅時候啲客人都坐咗八九成，證明有一定嘅熟客幫襯。我哋叫咗至尊松茸豬肉煎餃（$86.00）（中碗），香煎軟心芝士餃（$58.00）（中碗），韭菜豬肉煎餃（$50.00）（中碗），四川涼麵（$31.00）（小辣），蜜錢雞翼（$25.00）（小），自家制山楂雪梨（$20.00）以及蜂蜜檸檬薏米（$20.00）。首先送到的是山楂雪梨水、蜂蜜檸檬薏米水和四川涼麵。關於山楂雪梨水，一入口有股中藥味，然後便是酸酸甜甜的感覺。而蜂蜜檸檬薏米水，一入口有股檸檬味，然後清甜可口，令人飲完仲想飲嘅感覺。至於四川涼麵，麵食落有咬口，辣椒油拌埋麻醬，讓人顧不上儀態大啖大啖食。然後侍應就把香煎軟心芝士餃，至尊松茸豬肉煎餃，韭菜豬肉煎餃，蜜錢雞翼以及狀元九鼎湯。關於芝士餃，食落非常香芝士味，芝士食落去有啲甜甜地的感覺，口感綿軟，讓不愛吃芝士既我都想一個一個接著吃。而至尊松茸餃，味道清淡怡人，適合

這次是由搬新店後，第一次到訪，打算食出出的松茸，現在點餐後，小吃會由店員送上。店員推薦**🥟龍鳳松茸雙煎餃**煎得恰到好處，餡料中松茸的味道濃郁，黑白松露雙重感受，菇菌味非常濃郁，餡料鮮味多汁汁液在口中迸發。緊接著，🥟🥟**椰菜豬肉餃**。椰菜爽脆可口，菜同肉平例平衡，清新與豐富的層次感。🥟🥟🥟**韮菜豬肉餃**。一口咬下，韮菜的香氣瞬間充盈口腔，鮮嫩的餡料讓我驚喜不已，餘韻在舌尖 lingering，每一口都是對味道的享受，食材的新鮮與用心。還點了一杯🍹檸檬薏米水，清新的酸爽瞬間驅散了夏日的暑氣。除了餃子，店員服務也讓我印象深刻。員工們熱情積極，不停向我介紹每一款餃子的特色和搭配，讓我在嘗試不同的口味。

太子食足料平價餃子升級版狀元九鼎湯 $22採用蘋果、生魚、無花果、淮山、豬尾骨熬出嚟嘅湯 飲落非常清甜蘋果味好出～重有補氣健脾嘅功效添香煎軟心芝士餃 煎餃 $58/7隻有煎餃同湯餃 7隻同10隻揀 適合唔同口味同大細食嘅人士呀😆芝士融化晒同啲肉汁重有粟米粒撈埋一齊 食落既鹹又甜 口感不錯～日本龍鳳蛋 $18/隻重點係配合黑白松露醬！溏心蛋充滿蛋香入口嫩滑 跟松露醬一齊食都幾夾 黑松露口味較濃 而白松露就會比較清淡野味酸辣雲耳 $26蜂蜜檸檬薏米水 $28/枝幾清新溫潤又吾會太甜 重可以去水腫 女仕們必試！餃掂手工餃子雲吞專門店 (太子)太子荔枝角道1號嘉業大廈地下E號舖

上次食餃掂快線覺得不錯，今次又帶男友去食餃掂龍鳳松茸湯餃 配狀元九鼎湯 $92所謂龍鳳松茸，分別加左黑白松露，所以咬第一啖，男友已話好重松露的香氣；加上餃子皮薄餡多，係一款值得encore再encore嘅嘢食！上次已經介紹過狀元九鼎湯，配料有蘋果、魚、無花果、淮山、豬尾骨等，有補氣健脾、生津抗燥的功效。其中蘋果味好出，都幾清甜入味軟心芝士煎餃 $58芝士已經融化，同肉汁混和；加左粟米粒，食起嚟鹹得黎又甜甜哋，不錯！蜜餞雞翼 $25男友鐘意食雞翼，而且甜蜜蜜，岩哂佢口味黃金原味皮蛋 $30個樣好特別，第一次見！味道似奶黃味的皮蛋，咁岩係中秋前夕，可以應下節！上次試左自家制山楂雪梨水，清甜生津；今次嗌多杯檸檬薏米蜂蜜水，都幾清新溫潤，仲可以去水腫添！