餃掂手工餃子雲吞專門店

本人勁愛食餃子，近日上OpenRice 睇下邊間餃子店多食評介紹，餃掂都算多分店又多人讚決定入店舖試試至愛韮菜湯餃，真係好好食又大隻重點推介果碟菜甫辣椒油，又香讚呀👍🏼睇食評話湯底無加味精，飲落都好鮮肉味又唔口渴，值得再入店試其他口味😋

忙左一朝都唔知忙咩，忙到下午茶時間先黎食我果lunch。唔知系咪忙到連果「餓」字都唔識寫⋯ 去左搵附近既舖，最後去左餃掂度買外賣，買外賣果陣，撞見鄭融系餐廳，我怕醜唔敢上前去影相。佢真人都幾靚女。尼間舖都系即嗌即整，亦都唔洗等好耐。 ⦁粟米豬肉餃配狀元九鼎湯（7隻）$45每款餃子都有7隻同10隻去揀，亦都有煎餃同湯餃揀。我揀左湯餃，果湯唔系普通既清湯，而系「狀元九鼎湯」由粉葛、鯪魚、鰂魚、扁豆、赤小豆等食材去熬製，飲落冇味精，岩晒平時屋企少湯水既我。聽店只講尼個湯好岩依家天時暑熱飲，可以祛下濕。果粟米豬肉餃啖啖肉超足料，又鮮甜多汁。果辣醬必加，好好味，麻辣得黎又有咬口。

餃子專門店呢間都算係數一數二啦，佢最貴嗰款餃子大約要$90左右8隻，材料絕對唔野少㗎，就好似黑白松茸煎雙餃咁，由黑松露同白松露再加豬肉餡製成，味道真係超濃郁，今日就嚟試吓其他款嘅餃子先😍😍😍我哋嗌咗一款煎餃同埋一款湯餃，佢個湯餃嘅湯底係跟咗個狀元九鼎湯，應該係用魚淆成嘅湯嚟，雖然個色澤唔錯，呈奶白色，但其實有啲淡，呢款湯餃叫元貝豬肉餃，裏面係有瑤柱，芹菜，金針菇，豬肉，味道真係超濃郁，瑤柱嘅鮮味蓋過晒整個豬肉餃，咬落去見到青綠色嘅芹菜，非常新鮮，可能係加咗金針菇嘅關係，令到成個餃子食落好香👍🏻👍🏻👍🏻煎餃方面叫左份野生松茸素餃，佢入面係有小棠菜，木耳，金針菇等，雖然係素餃，但味道都可以同豬肉餃媲美，煎餃最着重都係火候嘅問題，呢度嘅煎餃可以煎到兩面金黃色，一啲都唔油，黃金比例啱啱好，入面嘅材料全部都係好新鮮，總括嚟講，無論係$100嘅餃子定係$50嘅餃子，佢哋嘅質素都係一樣咁出色😋😋😋最後我哋叫咗兩杯豆漿同埋一份菜心，豆漿冇咩特別，不過佢係甜度適中豆味濃嘅豆漿，菜心方面熟度都啱啱好，整體都唔錯，款式都多，又有分隻數，經過不妨一試，佢有好多分店㗎😉😉

「餃掂」食碗麵今次唔食麵食餃子🥟位置位於灣仔修頓球場電車站對面, 由利東街行往金鐘方向就餃掂環境落地的玻璃門清楚見到店內環境光猛兩排長沙發卡座及細圓枱, 舒適小店枱上醬料有菜脯辣椒醬、四川麻辣醬、醬油和醋食物可選灼、煎和湯三種製法餃子, 小食一行二人👭🏻叫左兩個小食、兩碟餃子和一支飲品share黃金原味皮蛋 🥚特色冷盤黃金名取其咸蛋黃色, 咸蛋外表通透, 流心咸香蛋黃好軟糯調味豉油醋好開胃惹味酸辣雲耳酸辣好開胃, d 辣椒銀都幾辣, 過癮野生松茸湯餃🥟招牌松茸餃內餡有豬肉、菜和松茸鮮嫩多汁豬肉配松茸, 矜貴好吃!龍鳳松茸雙煎餃 另一招牌之作黑松露白松露一餃修魂, 獨特嘅松露令人齒頰留香兩款餃子都跟一大碗狀元九鼎湯🍵呷一口熱湯, 吃一口餃子, 無味精靚湯現在好少地方有了～最後飲埋自家製山楂雪梨水🧃二人share店員仲好貼心比左紙杯我地自家製清熱解毒生津解渴雪梨味好出, 微甜口味好健康------------------------------醫飽肚肚, 餃掂!

下晝忽然之間想食餃子 去到呢間全香港有好多分店嘅餃掂 一個人食但係又想試多個味就揀咗雙拼煎餃簡左韭菜豬肉同芫茜豬肉餃 size 大小標準好standard 皮薄餡靚 肉汁爆出好好食 蜜餞雞翼 可以選擇三隻或者五隻 我就揀咗三隻 蜜糖味同雞翼好夾 唔會太甜 雞肉好滑上湯松茸時蔬 好有住家上湯菜心嘅感覺 加咗少少蘑菇 特別好食自家制山楂雪梨水 睇得出係每日新鮮煲 無加額外糖落去 好清甜 完全冇特別再加糖 好好飲餃子有好多款式 下次會試吓其他 例如有壽喜燒牛肉 呢個都好想試

今日唔係好想食飯，朋友仔話食餃子喎，我地黎咗餃掂，方便食完搭車走人，好彩仲早，唔算太多人。好，坐低睇下有咩好食先。至尊松茸豬肉餃，叫左大碗煎餃，有12隻，粒粒都好飽滿，煎到金黃色，好香口，皮薄，裡面餡料好香松茸味，咬落有油份。跟餃子會有個狀元湯，食完煎餃可以濕濕地潤下。蜜餞雞翼，個蜜味幾好，唔太甜，雞翼都好有肉。野味酸辣雲耳，又酸又辣，食落醒胃又惹味。四川涼皮，叫咗小辣都好夠辣，晶瑩剔透涼皮沾上辣汁，配埋花生粒粒同蔥花，食落好香。最後飲杯自家制蜂蜜檸檬薏米水，潤一潤。

好耐無食餃，收工捉咗舊同事陪我去灣仔食餃🥟談心，齊齊訴一下工作的苦。今日落大雨🌧，店舖難得唔係好多人，啲姐姐心情好好非常Nice，蘿蔔前菜都大兜d我地最後叫咗：龍鳳松茸餃粟米豬肉湯餃蜜餞雞翼椰菜豬肉湯餃四川涼皮 -今次過到嚟冇咗我好鍾意食嘅麻辣豬肉餃有少少傷心，好彩我每次嚟到都必點嘅粟米豬肉餃都仲喺度。-香香甜甜嘅粟米豬肉餃咬落去非常多汁，而且佢哋嘅粟米唔係罐頭味，而係新鮮粟米嘅味道。椰菜豬肉就口感比較爽脆一啲，都唔錯。龍鳳松茸餃一黑一白嘅黑白配組合，雖然白or黑松露都唔平，但係餐廳落得夠重手，松露迷值得一試，配搭佢哋自家製嘅狀元九鼎湯，則更顯心思及獨特，出面冇乜地方食到呢個口味。小食方面蜜餞雞翼半甜半鹹，肉質柔嫩，令人不能自拔。四川涼皮則清爽中帶辣勁，煙韌彈牙，口感甚佳，每次都係佢同埋四川涼麵之間掙扎許久。

原來灣仔開咗間“餃掂”呀，放工即刻同阿媽嚟試下店舖位置近修頓球場，及地鐵站，店內越坐越多人餐牌上有多款餃子選擇，款款都好想食，煎餃、湯餃、蒸餃，樣樣愛最後媽媽落單就叫咗呢款 一共10只。兩邊煎到金黃色嘅餃子，素餃內塞滿十足餡料，咬落粒粒松茸，濃郁鮮甜松茸味，食落原汁原味，Juicy美味另外我就叫咗呢款 一共8只。呢款係招牌餃子之一，一碟有哂兩款唔同口味嘅餃子，一款係黑松露，另一款係白松露；兩款都有獨特嘅松露味，香濃松茸味，令人食過返尋味食餃子當然要叫飲品 一杯凍、一杯熱，落咗蜂蜜嘅檸檬薏米水，味道微甜，滋潤喉嚨，仲有大大粒薏米，口感軟綿綿 再叫咗份小辣嘅 咬落爽口彈牙，大大塊滑捋捋嘅涼皮好味道，小辣唔會好辣，下次可以試下中辣添最後叫埋呢份小食 橘黃色嘅原味皮蛋，外表晶瑩通透，食落口感煙韌彈牙餃掂灣仔莊士敦道44號地下

囡囡好中意食餃掂😋耐吾耐就話要食。💗放咗學我地去左灣仔分店，可能因為大雨關係，今日客人無之前甘多，靜靜地都幾舒服，店員姐姐仲非常nice，抵讚。👍每次都會點餐廳自家製飲品，健康潤喉。😉😋😋🍐自家製山楂雪梨水$28酸酸甜甜，天然無添加，真材實料。🍋蜂蜜檸檬薏米水$28蜂蜜味道突出，檸檬清新，養生飲品。👍😍❤️龍鳳松茸雙灼餃 （中） $92龍鳳即係有白松露同黑松露，再加埋矜貴嘅松茸 ，味道濃郁，美味又健康。跟碗狀元九鼎湯，清甜解渴，對身體好好㗎❤️💯🥢雙拼餃子🌽 粟米豬肉餃➕元貝豬肉餃（中）$ 57一次可以試曬兩款味道😍粟米餃清甜，元貝有鹹香，兩款都鍾意。😋🍯蜜餞雞翼 (5隻) $32醬汁甜甜地，好惹味。💗惹味酸辣雲耳$25 酸酸辣辣， 做前菜夠開胃。✔️✔️ 

👉灣仔都🈶️《餃掂》，在莊士敦道，面向電車路🚃，位置方便。.📌元貝豬肉餃（湯7隻）$50 ～ 元貝味突出，微微海鮮味道跟豬肉混為一體，感覺新鮮。所有湯餃都會放在《狀元九鼎湯》中 ～～😋📌芫茜豬肉餃（湯10隻）$61 ～ 新鮮豬肉、芫茜比例適中，一入口芫茜味香濃，芫茜控必點！👏📌至尊松茸豬肉餃（煎8隻）$86 ～ 煎餃兩面煎香，皮脆香口，肉汁豐富。另配上一碗🥣《狀元九鼎湯》，濃厚足料🈚️味精，飲完唔口渴。。散叫一碗要$20！☺️📌上海淨麵 $21 ～ 上枱熱辣辣，麵條軟硬適中，唔會過腍，好好味🤤📌自家製山楂雪梨水 $28 ～ 酸酸甜甜夠冰凍，自家製無添加，健康之選‼️👍

今日一放工就趕去灣仔睇免費中醫，無論去邊睇，都係要久等，今次都唔例外……睇完都差唔多七點，幸好宜家有返晚巿，可輕輕鬆鬆食完先歸家。有附近見到這個似曾相識的可愛招牌，掂呀! 又遇上「餃掂」，原來它都有幾多分店遍佈不同地區，真係好掂! 落地的玻璃門可清楚見到店內的環境，整齊企理。內裏環境光猛，設有兩排長沙發座，用隔板間了多張二人枱，還有兩張大的四人枱，座位不算好多，但舒適企理，環境不錯!枱上的用具和醬料都很齊全， 醬料有菜脯辣椒醬、四川麻辣醬、鹽、醬油和醋，還有餐簿、紙巾和醬油碟。翻閱精美的餐簿，望着每款菜式的相片已令人垂涎，好吸引。店子主打是餃子， 有十多款選擇，還可選灼、煎和湯三種製法，另外還可外賣生餃子。除多款餃子外，其實仲有雲吞、雲吞/餃子麵、前菜小食、湯和飲品。*****************************點了兩款餃子，先上壽喜燒牛肉湯餃 Sukiyaki Beef Dumpling Boiled With Soup ($54/7隻)，跟一大碗狀元九鼎湯，正呀! 馬上呷一口熱湯，味道香濃，鮮香美味，啖啖滋潤順口，從沒有令我失望。再嚐壽喜燒牛肉湯餃，內饀好足，啖啖肉，富

距離上次幫襯可能都有二年時間，此終覺得餃子食極都吾飽，而且價錢都吾平，所以試過就算。今日再吃因為友人話要食，我當然冇問題啦，記憶中依間餃子都好吃的。豬肉湯餃子跟狀元九鼎湯$80之前試過九鼎湯，今日再試覺得味道較淡，味道似粉葛魚湯，疫情下喝多一點老火湯對身體更好。豬肉餃子的形狀和素菜餃子不一樣，這個圓圓的餃子形狀挺可愛，餡料肉汁豐富，肉味適中，味道自然，應該冇下味精，味道幾好，但價錢略貴。大滿貫素餃 $52 店員奉上時，我問佢點解唔系蒸餃，我地明明系要蒸餃，佢上菜時先至話俾我哋聽佢哋冇左寵蒸，其實佢係咪要之前講俾我哋知，anyway 我哋只係問清楚。點解系七隻餃子單數咁得意嘅 ？餃子尚算飽滿，餃子皮有適當嘅厚度，和廣東雲吞不一樣的，類似上海式。素菜餡用咗白菜、木耳、甘筍等，味道清新，相當健康。兩款餃子也換上辣椒菇醬，菇味好出亦不太辣，如果有得賣我都想拎樽返屋企食。麻辣唐芹拌豆筋 $32調味適中，清爽素食，幾惹味。餃子整體好吃，只係價位略高。

一直都好鍾意食餃掂嘅餃子 材料新鮮 大大隻 又好食又夠飽今日喺灣仔換完身分證 即刻就行過去莊士敦道食餃子 以下就係我每次必食嘅一人餐推介首先當然食個辣涼皮開一開胃啦 又麻又辣 正呀！😍之後仲叫咗碟菜心 最近啲菜心成$40一斤 但係搞掂都冇加價 良心小店呀🥺🥺而重點餃子當然要一碟煎餃 一碟水餃啦！煎餃方面叫咗黑松露煎餃 最鍾意佢用矜貴嘅黑松露 配上新鮮嘅豬肉 帶出餃子嘅鮮味仲要皮脆多肉汁🥰🥰水餃方面叫咗鴛鴦水餃🥟 一款係椰菜豬肉水餃 另一款係雲耳豬肉餃有菜又有肉 夠晒健康！以上就係我嘅一人之選啦 大家有興趣都可以試吓～

有一段時間沒來餃掂吃餃子了。這裡是我數一數二愛吃的餃子店，每款餃子都很真材實料。最近疫情再次爆發，禁晚市堂食再次實施，唯有外賣回家吃。點了幾款餃子和小吃，等了大約15分鐘食物就準備好了。幸好回到家，餃子還是熱呼呼的，而且湯餃貼心地將餃子和湯分開，不怕餃子浸得變軟。每次來都必吃的至尊松茸豬肉餃。點了大份的灼餃，配搭狀元九鼎湯。豬肉餡飽滿多汁，鮮味十足，有濃濃的松茸香。灼餃最能吃到餡料的鮮味。龍鳳松茸雙灼餃。一份餃子可以吃到黑松露和白松露兩款口味。兩款的松露味道也是很突出，和豬肉餡十分夾！必吃之選。香煎軟心芝士餃。十分好吃的煎餃！餃子煎得金黃皮脆，內裡的粟米豬肉芝士餡同樣豐富飽滿！滿滿的金黃芝士餡還帶有拉絲效果！壽喜燒牛肉餃。點了中份的煎餃試試。壽喜燒甜甜的味道和牛肉餡很惹味！小食方面點了店員推薦的黃金原味皮蛋。果然不錯！皮蛋口感很煙韌有彈性，鹹香十足！四川涼麵。帶點酸辣川麻的拌面，挺開胃的！

今日見完客忙到七彩，所以嗱嗱臨見到間餃子鋪就衝入去開飯就算啦，首先見到隔離枱係十隻十隻餃子咁嗌，我都怕同男朋友食唔晒，不過見到賣相非常之靚所以我哋都試試。男朋友係韭菜豬肉嘅超級粉絲，所以我哋就嗌左韭菜豬肉煎餃，另外就粟米豬肉煎餃，雖然時間要耐少少，但真係知道佢即場煎，皮薄餡靚仲要好多餡添，另外我哋一人嗌左一個麵，我就嗌左涼拌麵，即係辣辣地又有芝麻醬呢啲特別醒為嘅麵，佢個辣醬亦都調得非常之好食，男朋友就嗌咗個壽喜燒牛肉湯餃子，壽喜燒牛肉亦都係有驚喜，雖然我哋係用湯食，餃子入邊嘅肉質非常之飽滿，而且仲好香牛味，真係意外地搵到一間餃子世外桃源。