餃里 (悅湖商場) (裝修中)

因為禁夜晚堂食，日日都煩惱煮乜好，諗起屯門碼頭個邊有間食餃子嘅，一直想幫襯好耐，所以就專程搭車去光顧，買黎今晚打邊爐。店舖小小，裝修簡樸，再加上幾位煮食嘅姐姐，整間店給一種好踏實好本土好香港嘅感覺。所有餃子全人手製作，款式選擇也很多，既可以食湯餃，也可以食煎餃。生餃（韮菜 + 椰菜）- 粒粒都大大隻，好足料。一啖一粒，肉同菜平均分布，好豐富。生餃 （泡菜 + 紫菜）- 泡菜餃好好食，好夠味，令人很回味。紫菜餃也很好。芝士粟米煎餃 - 味道也很不錯，但芝士味再濃厚啲就會更好。店門外有一些關於這家餃里的小書冊，冊內記錄小量老闆開店的心路歷程，以及一些經營餃子店和製作餃子的感受，值得大家細心觀看。

同事買過番公司食。d 餃子勁大粒，包得勁好，煮完都唔會爛。所以自己買d 番屋企，wfh 都可以有好野食。地點話方便都係fake 你。係唔太方便，做屋村街坊生意多。唔太花巧，我買生餃番屋企自己煮。紫菜餃，泡菜餃，芹菜餃，椰菜餃，韭菜餃d 汁同菜埔都好高汁，可以有多一種口味。唔識煮野嘅我，滾左2~3 個字都唔爛。韭菜餃，重口味。新鮮。椰菜餃，清新芹菜餃唔係個個都ok 芹菜，ok 嘅就會鐘意。泡菜餃我拾左，可以煎會好味d紫菜餃出面唔常見，不過好飽滿最好食嘅。

唔可以堂食，噤只好外買返屋企食啦！一路都想試一下屯門碼頭的餃子外賣店，就趁呢個機會去買啲餃子返屋企食，去到餃子店見到店面裝修得都好有品味，仲有幾個人排隊買緊餃子，咁就更加放心一試啦，因為第一次食所以樣樣都想試下，咁就不如買兩個包含9隻餃子嘅套餐，一個係湯餃套餐，包含韭菜，椰菜和香荽餃子，一個係煎餃套餐，包含咖哩，芝士粟米同埋泡菜餃子，但又怕唔夠飽，所以叫咗個湯麵同埋一個撈麵，湯麵我就選擇咗分湯加多兩蚊，等咗五六分鐘就已經全部預備好啦，仲有醬汁醋同埋酸蘿蔔餸㖭。可能住得近返到屋企打開全部都仲係熱辣辣，首先張湯倒到返落個湯麵嗰度然後整返軟佢，麵嘅質地唔錯好軟滑，椰菜，韭菜同埋香荽嘅餃子食落都好好味，啲皮亦都唔算厚，而咖哩餃子就真係好有特色，泡菜餃子食落更加美味，芝士粟米餃子亦都好香芝士味，值得推介，撈麵辣辣地都好開胃。最初以為9隻餃子唔多，原來食落都好飽，好彩啲麵都好好味，一個好滿足嘅外賣套餐。

餃里餃子都算係我其中一樣咁鐘意食既野，之前朋友有介紹話悦湖附近有間餃子唔錯，咁今日就去試下。餃里鋪頭好有小店風格，有少少家的感覺😎😎 呢到主打煎同湯餃，亦有新鮮生餃比人買返屋企自己煮。我地一共買咗4款餃子，包括:韮菜豬肉湯餃 (6隻)香茜豬肉湯餃 (6隻)芝士粟米鮮肉煎餃 (6隻)咖哩鮮肉煎餃 (6隻)首先講下湯餃先。湯係屬於比較清果種，飲落有少少粟米味，幾舒服。餃子好飽滿，餡料好足夠。餃皮做得好，雖然拎到返屋企已經過咗10分鐘，但餃子皮唔會因為浸住湯而爛開，值得一讚。而餡料唔會醃得過火，食哂成碗都唔會口渴！香茜豬肉餃，芫茜份量好多好香，好好味呀！如果韮菜餃韮菜份量再多d就好啦！而煎餃，個餃皮一樣咁出色。餃皮冇因為放係盒到而比啲倒汗水搞到淋晒。芝士粟米鮮肉餃，芝士果好強烈，但粟米既甜味平衝返個味道，令餃子唔會太咸同太重味。 咖哩鮮肉餃，咖哩係偏辣果種，如果唔食得辣既話可以揀其他口味。但以上幾款我自己就最鐘意佢浸辣味！總括黎講，餃子口味幾平衡，而且調味恰到好處，好有細個屋企人包既感覺，值得一試。

冬天最好就係暖笠笠食餃子🥰所以今次我哋嚟到位於屯門嘅一間餃子專門店，店舖喺輕鐵兆禧站附近，所以好方便就可以嚟到我哋兩個人叫咗五款口味，總共30隻餃子，份量好多，每隻餃子都包到脹卜卜，啖啖肉，皮薄餡靚每隻餃子成半隻手掌咁大，要分兩餐食先食得晒😅咁嘅價錢，有咁嘅質素同埋份量，真係好抵👍湯餃方面，我哋叫咗椰菜鮮肉餃同埋紫菜鮮肉餃值得一讚嘅係佢用嘅湯底係自家熬製嘅椰子豬骨雞湯，不含味精，飲落有淡淡椰子嘅清香，亦有雞嘅咸鮮味，真係好養生😍紫菜鮮肉餃每一啖都食到好多好多紫菜，真係第一次見，超級滿足兩款餃都係啖啖肉，仲要係靚豬肉，唔會食到啖啖肥膏煎餃方面，我哋就叫咗芝士粟米豬肉餃、泡菜豬肉餃同埋咖喱豬肉餃所有煎餃都比較乾身，唔會好油膩芝士粟米豬肉餃真係值得一讚😍 我哋雖然擺咗30分鐘先食，但係仍然一咬落去就爆曬汁，咬開有芝士拉絲，又有粟米中和芝士嘅膩，真係好好食 😋泡菜豬肉餃食到香濃泡菜味，但唔會太辣，啱晒鍾意食泡菜但唔食得辣嘅朋友😍咖喱豬肉餃好香咖喱味，餐廳好足料，落咗好多咖喱香料，香口而不辣如果鍾意食辣嘅朋友，餐廳有辣嘅菜甫賣好香口，又唔會太咸，不過有辣椒籽，所以都幾辣下😅餐廳只設外賣，亦都有賣

去屯門就一於餃屯門牛，試唔同既屯門鋪頭呢間店都有少少名氣，網上對佢既評價都唔差，今日得就後試試佢腸下係咪真係咁貨真價實佢地有套餐同單點，我就單點左幾份黎試試韭菜餃多汁好食，無味精又唔會死店卜，煎得岩岩好，拌麵希望下次餃得更好，味道有少少欠缺🤔🤔樓下既餃子有三款，芝士，韭菜同同白菜芝士餃食落都係多汁，不過多左芝士既香味白菜餃食落爽口多汁提提大家，一定要換埋佢隻速菜脯，包你食得更過癮🤣🤣🤣🤣🤣

第一眼感覺這間小店好企理， 很多姐姐忙於做餃子， 餃子種類款式十分多，早兩日經過就叫了外賣試下！呢度嘅餃子款式很多，都幾有新意，我本身就最喜歡食韭菜豬肉餃，但係有其他新款嘅配搭，當然唔好錯過啦！9隻3拼自由選 ( 湯餃 )芹菜鮮肉餃、香荽鮮肉餃、紫菜鮮肉餃呢度嘅餃子皮唔算太厚，裏面嘅餡料十足，一啖咬落去只可以食到一半，湯底好清香， 韮菜餃蔬菜，鮮肉，感覺都好新鮮芹菜鮮肉餃，芹菜十分爽口！紫菜鮮肉餃子， 紫菜比例相當高，入口一食就食得出， 味道都幾特別。9隻3拼自由選 (煎餃)咖哩鮮肉餃、泡菜鮮肉餃、芝士粟米鮮肉餃咖哩鮮肉餃，咖哩味有少少似日式咖哩， 味道剛剛好唔會太鹹。泡菜鮮肉餃， 裏面嘅泡菜入口都幾特別，食落去唔錯， 味道都幾夾。芝士粟米餃，芝士味好強烈，粟米加豬肉味道好均衡。

平時行過都見到，始終未試過～呢次終於買來試下。。外賣買左其中一款試😋😋.椰菜鮮肉餃🥬🐷🥟🥟好味道：⭐️⭐️⭐️⭐️⭐️湯底好正。。完全唔係咪精味～而且水餃皮唔會好厚。。水餃入面的味都好清新而食到菜+肉味～食果陣連埋湯底一齊食～簡直一流😍😍👍🏻好好食真係！！😋👍🏻👍🏻終於明白點解咁多人幫襯😋👍🏻.6 隻。。$36...隻隻都好大隻👍🏻👍🏻🥟.邊打食評。。都好想再食😁👍🏻足料😋.另外菜甫都好好食，辣得來，好正😋分開食。。同連埋水餃一齊食，都別有一番風味👍🏻

屯門碼頭有一間都好出名既餃子🥟良心小店叫做餃里 GAOLAY全部餃子都係人手一粒一粒新鮮即日包今次我就透過外賣平台外送服務🏍叫左2盒生餃分別係韭菜鮮肉生餃 （$52）同椰菜鮮肉生餃 （$52）一盒有12隻2款都好大粒，今日打算試下自己煎餃餃里已經預先將啲餃子鋪滿生粉 跟返佢地教既做法去煮，唔洗10分鐘就已經有新鮮美味既餃子食😋餃子全部皮薄餡靚，大大隻佢除左有依兩款餃子之外，仲有好多唔同餃子🥟推介100%

呢間餃子店係屯碼個邊既屋村入面，係一間小店，見到近食飯時間唔少人去買，所以就去試下。佢既餃子都好多口味，價錢都好平，好街坊價。我同朋友各自叫左一盒生餃翻屋企食，再叫左碗熟既湯餃即食。9隻3併自由選我就簡左香茜，紫菜同素菜餃，佢有跟埋醬料同菜圃，樣樣都好周到，佢既湯底好似呀媽煲既湯咁，完全唔係味精湯，係真係可以飲埋既湯黎，紫菜餃平時比較少見，佢就真係好足料好多紫菜，肉質都好新鮮，有咬口，唔係一pat肉個類，好有屋企既感覺，香荽餃真係好多芫荽，好香荽味。另外素菜餃都好特別有d雲耳，好有咬口，素既都一樣好食。生餃方面佢包裝都好體貼，分開一格格，唔係拎到翻去痴埋左。咁我就係蒸既方式，生餃係芹菜同香荽，有樣野要注意，自己煮既話唔好太過耐，如果唔係d芫荽過熟就會少左荽味。自己蒸既話佢既餃子保留到肉準，一咬就爆左肉汁出黎。另外就係泡菜餃同埋素菜，泡菜餃好香泡菜味，唔會太辣。佢既餃子真係好有水準之餘好有屋企既味道，好足料，老闆好好人，呢間一定要再翻食，呢間好推薦!

呢個係嚮屯門悅湖山莊屋苑商場裡面嘅一間外賣小店，專做手工餃子，朝早一開店已經好多人幫襯。店內餃子都係即日包嘅，有9款口味，仲有湯餃同煎餃、或者套餐可以選擇。本人好喜歡食餃子，見到有咁多口味，就算可以雙拼都好難選擇，於是一次過買左3打生餃子（共5隻口味）番屋企慢慢食。外賣生餃嘅包裝盒做得好靚，餃子可以分開一個個放，唔會有黏爛餃子皮嘅情況。 而且盒背面有煎餃同湯餃嘅烹调方法，真係好貼心，好適合我呢d廚房新手。呢個就係自己煮出黎嘅樣啦，就算係湯餃，餃子皮完全冇溶或者爛，而且粒粒餃子望落非常飽滿。每一盒餃子仲配左辣菜圃同醋。韭菜餃菜肉比例剛剛好，鹹度適中。香茜餃芫茜份量好多，好濃味，喜歡呢種蔬菜嘅朋友可以試試。素餃推薦口味之一，入面有大量木耳、蘿蔔同粉絲，咬落清甜爽口。泡菜餃正宗韓國泡菜味道，但比較辣。芝士粟米餃呢個只可以煎，入面好多粟米，芝士好香濃，推薦。

之前聽人講屯門碼頭有一間隱世餃子小店-餃里，今次專程黎到屯門碼頭試一試下餃里係屯門悅湖山莊入面，位於商場地下51-52號舖。位置都算明顯唔難搵，係屯門碼頭行入去悅湖山莊商場就見到。雖然係星期日，但餃里門口都好多人排隊，不過無堂食，要外賣拎走。叫左煎泡菜鮮肉餃(6隻)同6隻雙併湯餃紫菜鮮肉餃及椰菜鮮肉餃。因為都多人叫，所以都要等10分鐘先有。泡菜鮮肉餃(6隻) | $426隻雙併自由選(紫菜鮮肉餃及椰菜鮮肉餃)| $44 泡菜煎餃味道好好味，如果去試既話可以試下。但係紫菜鮮肉湯餃及椰菜鮮肉湯餃雙併，就麻麻地個湯底差啲，所以都係建議食煎餃會比較好味。餐廳雖然係小店，但值得支持，建議食煎餃味道⭐⭐⭐⭐環境⭐⭐⭐服務⭐⭐⭐⭐衛生⭐⭐⭐抵食⭐⭐⭐

今日黎開屯門碼頭，記得朋友曾經介紹過呢頭有一間餃子店啲餃子好好食，黎開要記得要幫襯😉。呢間鋪頭位於悅湖山莊商場，係一間專做外賣餃子嘅小店。佢有生餃子同熟餃子賣，而熟餃就有湯餃或煎餃。今次買左佢嘅生餃，分別係韭菜、椰菜同芝士粟米各一盒，同價錢更加可以選擇雙拼，而口味都幾多款式，除咗我頭先揀嗰三隻款，佢亦都有芫荽味、芹菜味、咖喱味、泡菜味、素餃。一盒有12隻，姐姐即叫即包，非常新鮮，每隻餃子都好大隻😆。仲送埋菜脯同辣椒醬！👍🏻👍🏻隨盒有張卡紙教埋你烹調方法。煮沸熱水就可以放下餃子，等到餃子浮起後再煮一分鐘就可以享用美味嘅餃子啦👏🏻👏🏻簡簡單單落左鹽同雞粉調味，韭菜餃有濃濃嘅韭菜香味，味道濃郁，非常好食；椰菜味道就清淡啲，但就食到豬肉嘅鮮甜味道。而煎餃亦非常容易，落油燒熱個鑊，落餃子慢慢煎脆四邊道可以食得啦！🤗芝士粟米味好啱煎黎食，煎到表面香脆黃金，芝士味已經出晒黎，香噴噴，同粟米非常之夾，食落juicy,食唔停口🤤😋。而韭菜餃煎過後，味道更出，點埋麻醬更加好食😛。

呢間餃子好出名 有好多報道 之前媽咪都有買過黎試 前日有朋友黎屋企打邊爐 專登再黎幫襯 個鋪面幾有日式感覺 望入去見到好多姐姐努力咁包緊餃子 不停咁包餃里撈麵 ＄15呢度ge菜蒲好好食 呢個麵就係用左菜蒲黎撈 辣辣地好好味 同埋真係好平韮菜湯餃 ＄36我本身好鍾意食韮菜 呢款餃子好好 重點係個湯底 係椰子豬骨雞湯 好味到一滴都飲晒生餃一打打咁賣 可以溝2款唔同味道 我一共買左4款唔同ge生餃 包裝上有張紙教你用唔同ge方法煮 好細心韮菜生餃 ＄46 per打買完湯餃都要再買生餃食椰菜生餃 ＄46 per打椰菜好爽脆清新 好好味咖喱生餃 ＄52 per打呢款好特別 出面少d見 香濃咖喱味 一試難忘芝士粟米生餃 ＄60 per打呢款又有粟米又有芝士 好香芝士味 加埋粟米口感好豐富 正呀!呢間餃子店仲有好多款餃 好吸引 下次要試埋芫荽餃子

Omg... the dumplings 🥟 are super yummy 🤤 that I forgot to take photos before eating the dumplings 😋Not wait for a long time~ usually ppl will bring home to enjoy with family. You can choose from both steam and fried dumplings 🥟 I tried before . Both are yummy~ ThThey are very yummy !!!! Mouth-watering, tried many times ... I ordered fried curry, 泡菜 & corn 🌽 meat dumplings this time !!! Very delicious. They are crispy too .Enough for 7 ppl party here 🤩🤩