養心殿台式養生鍋 (已搬遷) 新店位置

自從上次黎養心打完邊爐後，一想打邊爐就唸起呢到d湯底，簡直無得頂！加上同阿媽食，更加想食得健康d！😋😋😋好中意呢到帶古典感覺噶裝修！今次黎，叫左個養心鍋和食極唔厭噶酸菜白肉鍋，個養心鍋用好多珍貴藥材、雞、豬肉等煲，奶白色，賣相吸引，飲多兩碗至得！等煲耐少少，d人參淋左，食埋，好滋補！酸菜白肉鍋會多送一份酸菜白肉！另外，叫左極上雪花肥牛：份量足，好有牛味，唔肥，但亦唔會韌！啱曬我呢d驚肥人士！墨魚丸：因為是手打的，所以好彈牙！自家製極品水餃：推介，阿媽食到唔停口！多汁，餡料多！裏面有成隻鮮蝦！！蔬菜盤：啱曬兩人點，可以試到唔同款的菜和菇🍄好彩早黎打邊爐，七點半走個陣門口已經排曬隊🤣🤣

有一段時間冇食火鍋啦，突然好想食，但係怕上火又想吃火鍋，網上搜索一下有乜養生葛店嘴饞一下；見到位於旺角葛養心殿台式養生鍋，一次性滿足我葛要求；店內環境利用木製傢俱和屏風來分隔，座位又寬敞，燈光翼柔和，令人感覺好舒適。點咗份寧神養心鍋，鍋裏面材料豐富，湯底由川芎，白芷等多種藥材熬製而成，兼有半隻烏雞同一個大魚頭，試咗一啖湯底，藥材味濃郁，口感鮮甜；吃翻淡雞肉同魚肉，肉質滑而唔膩，要係覺得寡，仲可以點上幾份配菜一起落鍋哦！絕對係另一翻享受，一個字：“正”！

黎到打邊爐 叫肥牛食當然唔少得 呢到既肥牛都幾有水準 味道幾鮮甜 再加上我地叫左個煲係有小小辣既 所以食落都覺得唔錯 呢到仲有咩杞子蜜糖飲品 配搭打邊爐就岩晒喇 我同幾個朋友一齊黎都食得好飽 價錢有d貴

是日晚餐，同女朋友去養心殿打邊爐撐下檯腳，之前喺荃灣分店食過，覺得同台灣嘅質素唔錯太遠，所以今次再接再厲，不過就去咗旺角彌敦道分店。湯底方面，今次揀咗鴛鴦湯底（白肉酸菜加麻辣），之前有朋友食過，佢極力推介白肉酸菜，所以我哋即管試下係咪佢講到咁正！白肉酸菜湯底入面仲有寬粉，而且麻辣鴨血可以追加一份，真係唔怕食唔飽！點咗極上雪花肥牛，炸午餐肉，蟹棒同鮮甜三蔬，仲有沖繩黑糖烏梅汁。肥牛雪米同牛肉分佈均勻，牛肉放落麻辣湯度特別入味。炸午餐肉即食又得，放落湯又得，而且仲係厚切，啖啖肉。蟹棒就記得唔好滾太耐，如果唔係好易散開。三蔬有爽脆嘅秋葵，鮮甜嘅粟米同埋口感爽口嘅山藥，亦即係淮山。至於飲品方面，酸中帶甜，寧舍醒胃，用嚟開胃一流，而且份量又多，值得叫！呢間分店位置非常易搵亦都好方便，鄰近朗豪坊，環境舒適，座位坐得舒服，侍應態度好，反應又快，抵讚！

第一次三點半就食火鍋,可以同朋友邊食邊坐到三個鐘。皆因六點半前結帳有半價,結果埋單每位都係＄200左右,而食材亦相當有水準吖（有圖有真相）👍我推介有手切牛肉 鴨血 炸午餐肉 水蓮餃子。

今晚去試一試超人氣的火鍋店養心殿，當然是點了招牌的美人鍋和麻辣鍋，味道果然沒有令人失望！鍋底一上，已經聞到濃濃的麻辣香味，令人垂涎三尺，而且湯頭很足料，還附送鴨血。而美人鍋湯底是滑滑的乳白色，用來煮青菜類，香味亦不比麻辣鍋遜色。火鍋料方面，我們點了豬粉腸，蔬菜籃，雜錦手打丸，生蠔，萵筍，豬肉片，水餃，午餐肉，還有麻辣鍋必備的寬粉條！這裏的蔬菜整體都很新鮮，萵筍尤其爽脆，手打丸味道組合很不錯，口感彈牙。而豬肉片肥瘦適中有油香，感覺頗有驚喜，豬粉腸亦是我最喜愛之一，沒有一般的腥臭味，清潔乾淨！整體而言養心殿都是火鍋店的信心之選！

有d火鍋店經常聲稱湯底好健康好養生，其實係好睇自己怎樣點野食既🤔，好似今次就示範左係養生中食得唔健康(錯誤？)🙈一見到呢間既火鍋湯底清單，全部都好正，重點係有晒每款入面既材料，唔使估估下。配料款色唔算特別多，勝在好多都係自家製/空運到港，岩晒我呢d有選擇困難既人🤣養生鍋湯底一黎到，陣陣既人參味已經飄出黎，但試飲湯底時又無好重藥材味👍🏻手切牛肉叫左細份，但出到黎都好多片。只要涮10幾秒左右已經好滑好嫩，亦好有牛味。左面韭菜餃入面放左好多韭菜，好飽滿。右面鮮蝦雲吞既蝦就超大隻，食落去係新鮮彈牙👍🏻一般午餐肉都係罐頭拎出黎serve,但呢度輕輕炸左先拎出黎，即刻好食左一個層次😋一開頭點解會話唔健康，就係因為呢度有酒精供應😂(其實係唔應該飲架嘛？！）叫左個佐酒小食，但稍稍嫌有d涼左，口感一般，唔係好入味。整體既環境同服務係好既，如果可以唔提供酒精選擇，會更切合呢間餐廳主題😆（應該係，除非唔係)

母親節又到啦，雖然平時都會帶媽咪周圍食野，不過哩一日一定要帶佢再食餐再好既今次我地這一家就去左養心殿度打邊爐，圍埋一齊食，好開心呀餐廳既裝修好有中國風，入到去特別有感覺，真係要講返句台語-讚呀今次我地叫勁多野食「鹽酥蚵仔」「招牌鹵水拼盤」「美人鍋/養生鍋」「丸類拼盤」「午餐肉」「餃子拼盤」「紫淮山麵」鹽水炸雞🍗，好嫩滑牛肉薄切，好新鮮呀每一樣食物都好新鮮，值得一讚既係兩個湯底好有味，就咁飲都好甜整體都好值得推薦既餐廳。

#台式養心殿養生鍋 --好高質既火鍋店，唔係任食形式食材好新鮮，好中2食佢既蝦，大隻多肉餃子既餡都好特別，皮薄餡靚，仲大大粒手打丸同普通超市買果d 係唔同級數😋肥牛都好嫩滑好中2藥膳鍋，好似飲緊湯甘🤭評分： 8.5 / 10

銅鑼灣嗰間人流通常比較多，知道西灣河開咗養心殿，就拉咗個朋友過嚟試吓，睇吓可以點養心法😂😂😂食物❤️❤️❤️❤️❤️打邊爐，今時今日最緊要梗係唔係個爐啦，湯底先最吸引到人哋去，今次試咗美人鍋加秘製薑母鴨湯底，超鍾意，飲咗好多湯底先開始打邊爐，好好飲❤️其他食物每樣野質素都唔錯，不過最值得嚟試一定係個湯底，鍾意飲湯嘅人不容錯過份量❤️❤️❤️每樣嘢嚟嘅份量其實唔多，二至三人差唔多環境❤️❤️❤️❤️基本上全部都係卡位，冇人會喺你隔離騷擾你，坐得幾舒服服務❤️❤️❤️侍應生都幾有禮貌，但成日比較難叫到人，唔知佢哋去咗邊或者睇唔到你叫佢價格❤️❤️其實今時今日香港好多地方打邊爐都好貴，養心殿算係中上，$700至$800左右一個人，不過湯底真係好有特色，都值得嚟試吓！

又來到養心殿火鍋店 早前已經去過3間分店 但還是百吃不厭❤️古色古香的裝修 也是最吸引我的地方麻辣湯底 除了辣度十足 配料亦非常足料除了大量辣椒外 最有驚喜是有甜甜的蜜棗早吸收了麻辣味 非常新鮮的味道麻辣湯底還有鴨血追加 份量十足👍🏻極上雪花肥牛非常精美的擺碟 見到已經垂涎欲滴牛肉非常嫩滑 牛魔王必選👍🏻日本牡蠣 超級肥美之餘亦都非常新鮮1碟有6隻 價錢亦合理 另外 萵筍沒有很多火鍋店可以食得到 而今次我亦都是第一次吃估不到 是那麼鮮甜 蔬菜類高質之選👍🏻

而家成日一講打邊爐就會諗起養心殿，因為湯底好多選擇又好飲，今晚男朋友話想打邊爐，所以又黎左旺角呢間養心殿。好彩早黎到，等左一陣就入得!我諗我都差唔多試哂啲湯底，男朋友中意食寬粉，所以揀左有寬粉既酸菜白肉湯底，另一邊就要左寧神養心湯。揀完湯底就可以去醬料區拎豉油，配料都好齊全。材料都有好多選擇，仲有唔小自家製食品，例如係丸類同餃子類酸菜白肉鍋有好多料，仲會附送一碟酸菜同白肉，寬粉索哂湯汁好入味!寧神養心湯好足料，有大大個魚頭同烏雞喺裡面，好濃既藥材味，未開始食已經飲左幾碗湯有啲飽。極上雪花肥牛，紋理好靚，食落都好香牛味。墨魚滑，好彈牙仲有好多蟹籽!而且份量都好多。雜錦蔬菜盤，有唔同種類既菇同菜，連秋葵都有!粟米又大粒又甜台式火鍋必食既鴨血，食落好爽滑，完全唔會腥。除左食物質素唔錯，店員都好好服務，會經常行埋黎睇下洗唔洗加湯同收碟。果然每次黎都無令我失望!

今天放工突然想打邊爐，我同同事都不約而同想起了《養心殿台式養生鍋》由於我們太肚餓了，所以先叫了一份鹽酥蚵仔($78)作前菜。因為之前每次都點美人鍋，所以今次決定試試其他-最原始的養生鍋($188)火鍋湯底。火鍋非常足料，有人蔘，豬肉，龍眼，老雞等配料，濃濃的藥膳味道，感覺非常養生。另外，我們還叫了一份霜降肉眼肥牛($178)，即炸響鈴($68)，老油條($58)，半份自家製韭菜餃($42)和寬粉條($38)。肥牛的肉質很鮮嫩，炸響鈴和老油條口感爽脆，而我個人認為韭菜餃最值得推薦！熱騰騰的韭菜湯，配上餡料口感十足。另外寬粉條很QQ彈牙，吸收了湯底的精華後簡直是一流！最令我驚訝的是即使落了很多不同配菜，湯底也不會很油膩。最後我認為餐廳服務不錯，每枱客人也有包廂，有空間之餘亦有帶有私人空間。咁健康咁養生的火鍋，下次必定帶家人再來！

養心殿算是我最愛的火鍋店之一，差不多每次食火鍋都會黎！今次點左麻辣同寧神湯底，一如往常咁高質呢。好建議大家打邊爐之前飲返2啖湯先，湯底好足料好香濃的，我成日都話黎養心殿打邊爐根本唔洗點醬料。今次貪心地點左高級肥牛，有種入口即溶既感覺。除左牛之外仲點左羊肉呢，一啲都唔羶，正！其實我次次黎都一定會點響鈴同冰菜，響鈴係我覺得火鍋一定要食的，冰菜係出面餐廳比較少見呢，口感好特別，真係要試下！另外仲點左金錢肚、烏冬同啲雜菜，個人覺得娃娃菜打邊爐係最夾的，因為會吸哂湯底既味，好食！

朋友成人話養心殿好好食。一直都好想試但係同朋友夾唔到時間。難得今日夾到時間食啦。這裡地方幾亁凈企理，坐位很舒適⋯⋯先介紹火鍋因為最重要就是湯底..湯底方面，主要有六種選擇⋯⋯我們選了鴛鴦鍋，一邊是麻辣。一邊是養生鍋望落比較清的。而麻辣鍋入面就主要係辣椒。養心鍋是以魚頭及多種藥材做湯底奶白色的魚湯鮮甜好喝，非常出色介紹一下食物方面。手工丸拼盤，六款可以滿足唔同嘅口味唔同嘅朋友每款都很彈牙！當中黑松露蝦丸帶有幽香味。梅菜豬肉丸味道鹹鹹地。而鵝肝墨魚丸較惹味！手切牛肉，牛肉色澤紅潤脂肪比例分佈好平均。而牛味卻是出奇地香濃突出。輕灼數秒，入口嫩滑無比！雖然價錢三百多唔算平。老實講真係好食過一般的肥牛。叫了個雜錦蔬菜盤，有多款蔬菜款式 。仲有少量菇類入面，而且新鮮。其他配料大路野如炸午餐肉。支竹等我唔介紹啦⋯⋯由於時間關係，我地七點坐到九點幾。乜拆都無都幾貴，下次會選擇早啲入坐！