養心殿台式養生鍋 (已搬遷) 新店位置

約咗班舊同學飯聚，今次嚟到「養心殿台式養生鍋」。鹽酥雞（$58）唔係即時新鮮炸起，所以香味差小小，仲有小小淋咗。但味道好夠，好夠咸香味。內層肉質都仲係嫩口，唔會食落好柴口。不過$58蚊嘅份量比較小，唔建議點嚟食。養生鍋 拼 酸菜白肉鍋　（$188）食咗幾舊鹽酥雞，個邊爐湯底就上枱啦。飲一啖養生鍋湯，果陣藥材味即刻散出嚟👍👍👍，果下心諗「拎嚟打邊爐有d浪費，因為真係太好飲」。酸菜白肉鍋似係一鍋比較濃嘅豬骨湯底，加咗d酸菜去煲，無咩特別，寧願叫其他湯底算。手切牛肉（大，$338）首先個價錢係好好好好貴貴貴貴貴嘅，份量得幾塊，但係個口感係入口溶化同好嫩口。值唔值就真係個個睇法唔同，要食過先知，我就覺得值嘅，不過食一次算啦😂😂因為個價都真係貴嘅。黑柏葉（$78）黑柏葉好爽脆，唔知係因為新鮮所以脆口，定因爲黑柏葉本身就係脆口。同樣地，份量都係小嘅😂😂。餃子拼盤（12粒，每款2粒，$118）睇個價錢同份量，差唔多成10蚊1粒餃。好老實講雖然有好多唔同味，但因為湯底好濃味，所以餃子熟咗之後基本上都係同一個味。不過打邊爐一定要食餃，😂😂所以肉赤地咁照食啦。手工丸類拼盤（12粒，每款2粒，$108）手工

我真係好鐘意台式火鍋，因為湯底真係好加分，今次選擇酸菜白肉鍋，貪佢鍋底已經有肉嘛～～食台式火鍋有幾樣嘢一定要叫：鴨血鴨血每塊都好大條，但零腥味，爽口至於索到酸菜湯汁，做到應有水準！老油條呢個唔叫真係會後悔，佢真係即炸上台，所以就算唔淥都無問題，就咁食脆卜卜真係好正呢冰菜冰菜超爽口感真係其他菜追唔到，不過記得唔好淥太耐，變了色就失去原味道。千層凍豆腐打邊爐豆品食材都係完美配搭，豆腐Ｄ小孔索曬Ｄ湯，一咬就爆出開胃湯汁，仲有適中口感，夠爆肚又唔熱氣。當然唔少得肉呀、丸呀咁：霜降肉眼肥牛一捲已經又大又厚，肉汁豐富嘅肥牛油脂豐腴，同微酸湯底都幾夾，基本上唔點醬汁食仲好，可以食到牛肉原味，4個女仔食都好滿足。蟹籽墨魚滑手殘嘅我坐享其成，由朋友人妻地幫我地撈好再落鍋，墨魚滑越淥越彈，鮮味足之餘最正係Ｄ粒粒蟹籽令口感大大提升！

聽聞養心殿火鍋湯底好好味 ，亦有人叮囑過我屆時不要只顧飲湯， 要留空間品嚐一下其他火鍋食材，當時心想，真的有那麼好味 ? 今倘終於有機會一嚐此聞名已久的火鍋店湯湯底。店舖採用傳統中式設計，配合燈光營造優雅氣氛，檯與檯之間均以木屏風相隔， 傢俬以深啡色為主，古色古香。火鍋醬汁自取區 : 任添鼓油，蒜蓉，辣椒，葱花等等配料。餐廳提供六種湯湯底 ，各有特式，鍋底可選2款， *只收較貴的款式，我們最終選了美人鍋及寧神養心鍋 美人鍋 $188 女士養顏首選相信女顧客們十居其九都會點美人鍋，鍋內由有大量含豐富膠原的桃膠、一大份烏雞脾、南棗、杞子、金華金腿熬製而成，滋陰養顏，藥材味不算濃，剛剛好易入口。寧神養心鍋 $168好香當歸味 ~ 鍋內有半隻烏雞，一大個魚頭，輔以藥材熬製4小時，故藥材味濃郁， 湯底好好飲，略帶點甜味。# 湯底落足料熬製 打邊爐之前可以先試一試湯本身原味道蟹子墨魚滑$88墨魚滑有一個拳頭般大， 爽口彈牙。豆腐皮$48侍應話新產品推廣期內特價，因此便叫了一客；豆腐皮似燙直版腐皮，皮較薄，放湯後似鮮腐竹，口感幼滑。厚脂黑毛豬梅花肉 $168豬油香味濃，肥瘦適中 ，肉質鮮嫩 ，涮

今日同壽星女慶祝生日，她最喜歡就是打邊爐， 故此馬上想起最近好多捧場客的台式火鍋「養生殿」。 聽聞其湯底有滋補養顏之用，最適合我們ㄧ班愛美女仕，ㄧ邊進補ㄧ邊品嚐新鮮食材！😆😆全店利用木製傢俱和屏風來分隔，座位寬敞，燈光柔和，充滿著濃濃的古早味，令人好舒適。我們擾攘ㄧ陣子後，侍應便細心為我們介紹各具特式的六款鍋底，還告知我們可以同時選擇兩款鍋底，他們只會收取較貴 的鍋底價格，讓客人用ㄧ個價錢便可品嚐到兩款滋補鍋底，這點真係值得加許👍故此我們選擇了寧神養生鍋併美人鍋。寧神養生鍋-$168湯底顏色雪白，皆因用上川芎、白芷、天麻、當歸、烏雞、豬肉和二十斤鲜魚餙制而成，味道濃郁，甘甜鮮味。鍋內還有半隻烏雞和半個魚頭，配上藥材，真材實料。美人鍋-$188湯底是楬色的，有烏雞、杞子、圓肉、紅棗和ㄧ團團的植物骨膠原桃膠，味道香甜鮮味，真係又補身又養顏!!湯底已咁精彩，火鍋配材更不會輸蝕。讓我來介紹ㄧ下點了什麼………手切牛肉 - 厚薄適中，油花分佈平均，嫩滑可口，有肉味。手工丸拼盤(12粒) - 鵝肝墨魚丸，黑松露蝦丸， 芝士牛肉丸，墨魚丸，蝦丸，梅菜豬肉丸，各款2粒，全部人手打製， 爽口彈牙。喜歡黑松

火煱店最近真係開左好多間... 試左唔少新野都係想起養心殿.... 總合價錢同味道.. 都係養心殿....今次去食左寧神養心鍋拼麻辣鍋 都係168.  有好多料,.... 不另點都野食都飽左3成... 因飲了不少湯同食左唔少湯料.. 好味...之後點左肉眼肥牛.....178, 牛味不錯, 不過量不過... ; 響玲都係68, 都好似有8件... 好食...,,(可能個湯都加了不少分)又點左墨魚滑-（＄88） 一般野可以唔食；　同凍豆腐（＄４８）.. 一般野,不過個湯都加了不少分，都係要點，　最後水餃拼韭菜餃($82)一定要食, 雖然成10一粒, 不過粒粒好多料, 好好味, 物有所值

之前曾經跟朋友去荃灣食過一間叫做養心殿台式養生鍋，覺得食物質素幾好，又新鮮，又好味，所以就決定帶另一個好友去，讓她都試一試。但今次因為我們已經位於旺角，所以就去了旺角彌敦道那一間分店。我們叫了六款食物，再加一個養生鍋，已經食到捧着肚子走，真的很飽很飽。埋單連加一服務費，大概$585，平均每個人$292.5 。我們叫了一個$188 的養身鍋，因為看中了它在餐牌上寫着精選中外食材，以及有人蔘、火腿、老雞，和豬肉等肴制而成。果然一送到上枱面，眼睛亮一亮，除了見到有好多的紅棗和龍眼之外，還見到有很多的人蔘，是人蔘啊。未食都覺得滋補。哈哈。至於火鍋料就叫了墨魚丸半份，$40。自家製鮮蝦雲吞半份，$42 。蟹籽墨魚滑，$88。芋絲，$38。紫淮山麵，$38。唐生菜，$58。茶芥就每人$20。醬汁醬料就自己走到外邊隨心添取，所以都好方便。整體我覺得全部都好好食，因為食物比較鮮，是新鮮，而且材料用料都幾好，所以即使我沒有沾醬汁，原汁原味吃，都覺得滿意，還吃到有一點點人蔘味。特別喜歡吃它的蟹籽墨魚滑和墨魚丸，因為平時外邊吃火鍋，如果叫墨魚丸食，通常都是加工的一粒粒墨魚丸，但這間餐廳則不是，它的墨魚丸有點

2019年3月28日 星期四今晚約咗女朋友同埋一班舊同事一齊去打邊爐，順便聚下舊，傾吓計。揀咗旺角嘅養心殿，因為網上面見好多人都話性價比好高。位置唔算太難搵，電梯一上到去就見到等左一陣就有位坐，店員即刻俾咗餐牌我哋，上面有好多唔同嘅食物架，見到有啲食物係普通酒樓冇嘅，就好似台灣冰菜，甚至係湯底都同普通酒樓唔同我哋叫咗個寧神養心鍋，黎到嘅時候見到裏便好足料，有當歸同其他藥材，仲見到有隻雞喺裏面，聽店員講湯底仲用咗鮮魚熬製而成，所以個湯底有奶白色，飲咗少少覺得好甜首先嚟嘅係餃子拼盤，因為唔知咩餃好，所以每樣都試啲，有雲吞、韭菜餃、水餃等等，每一舊都包得好大隻，所以淥熟咗之後一咬落去裏面嘅料即刻爆曬出嚟，裏面充滿肉汁，雲吞裏面有好大隻蝦手工丸拼盤都係因為唔知揀咩丸食好，所以諗住每樣都試吓。有墨魚丸、蝦丸、牛肉丸等等，睇得出每粒都係人手整出黎，淥熟後仲係好完整，咬落好彈牙，其中墨魚丸食落去仲好爽口添，好有墨魚味日本生蠔，諗住叫少少嚟試吓，冇諗過咁大隻，而且食落去仲好鮮甜，有淡淡海水味雪花肥牛一嚟到嘅時候嚇咗一跳，因為牛肉上面嘅紋理分布得好均勻，所以食落去嘅時候肉質同脂肪嘅比例啱啱好，唔會太過老

已成為聚餐烚下烚下首選每次向朋友介紹完 大家都係對個湯底讚不絕口 所以今間朋友話去打邊爐 不約而同已經知大家講邊間😎美人鍋必點呀 好中意個陣淡淡既藥材味 同好多食材都好夾😋嗜辣既朋友就要埋麻辣湯 呢度點鴛鴦湯都唔使點加錢 總之計貴個款✔️手切肥牛！黎碟大既先足夠滿足我們 有牛味 肥瘦均勻 冰菜好少地方有 平常多數以沙律作食🥗打邊爐原來口感都很不錯🤔厚切午餐肉必點！炸的香口的表面 浸少少湯或者單食都好吸引！魚皮餃同韮菜餃雖然各家店都有 但呢度的皮薄多汁 不過記得不要煮太耐呀😂另外我地還點了響鈐 墨魚滑 同好多好多的丸🍲上菜速度快！職員亦有善地建議各樣食材大概煮幾耐 very nice!

養生之選😄同朋友慶祝生日打邊爐la,試下新的火鍋店😆極有驚喜同一般店唔同,美人湯湯㡳有人參又有烏雞,味道超濃🤘, 食完人都精神d 😆😆,但是唔鐘意人參的人可能會覺太濃🤔不過唔緊要仲可以試其他鍋🤘🤘叫咗鴨血,又滑又入味,肥牛又新鮮👍🏻 QQ麵爽口彈牙,一試難忘雖然每人都要200 幾但性價比超高,一定會再去👍🏻👍🏻

28/3/2019 旺角 養心殿台式養生鍋今天約了幾個舊同事去打邊爐，選址當然是大家都方便的旺角啦！ 旺角這間養心殿真的十分方便，位於彌敦道，又近地鐵站有近巴士站！單單是鍋底已經有很多選擇， 我們選了零神養心鍋， 鍋底本身由十分多的材料煮成 ，裏面有四至五塊魚，烏雞，還有一些瘦肉，而且藥材味很重，但食物不會很苦…… 單單是這個鍋底已經有很多食物………極上雪花肥牛餃子拼盤 （極品水餃，鮮蝦雲吞， 水蓮餃，韭菜餃，麻辣牛肉餃，魚皮餃 各二）手工丸類拼盤（鵝肝墨魚丸，黑松露蝦丸， 芝士牛肉丸，墨魚丸，蝦丸，梅菜豬肉丸 各二）嘉美農場雞肉紫淮山麵日本牡蠣 6隻關廟麵響鈴養心殿最好的地方就是沒有限時，一大班朋友喜歡吃多久就吃多久， 唯一覺得可以改善的地方是座位有點迫，剛好今晚我們附近有兩枱是一大班人的，很嘈……我們傾計有點吃力……

#小秘書 最鍾意打邊爐，今次難得約齊班同學仔，所以又嚟咗我最鐘意嘅 #養心殿。我哋點咗 #美人湯 + #酸菜白肉鍋❤️ 淨係湯底都已經拎咗80分！美人湯：桃膠份量十足，就算每人已飲左一碗都仲不時夾到鍋裡面嘅桃膠嚟食, 好滋潤❤️ 至於個 #酸菜白肉鍋，啲酸菜同鍋裡面嘅豬肉好夾味，絕對唔係湯還湯、水還水嗰隻🤩#小秘書 就最鐘意佢哋嘅 #黑松露蝦丸、#梅菜豬肉丸、#水晶冰菜、#鴨血🤩 肉丸都係用鮮肉嚟打成，真材實料、冰菜口感爽脆、鴨血新鮮無腥味。食到中途開始有啲口渴，朋友都點咗 #香茅茶，而我就點左 #珍珠奶茶，好有台灣風味呀！最後不得不提嘅係佢地嘅服務，服務員都好有禮貌，會提我地要飲湯先，又不停加湯(唔係滾水)。而最重要既係唔限時！我哋可以慢慢傾慢慢吹😅🤣 確係一個聚會嘅好地方🤩🤩

朋友聚會最好就係打邊爐啦, 今日又黎我近期至愛嘅養心殿開餐, 真係比佢地嘅湯底迷住咗😌酸菜白肉拼美人鍋係我首選👍D湯一滾起, 先每人飲返碗美人雞湯先, 有烏雞丶桃膠丶紅棗等多種滋補材料，毎位美人飲完一碗又一碗, 湯好入味, 超正😍再黎急不及待跳去夾隔離個邊嘅酸菜同寬粉條, 呢鍋有幾好味, 寬粉入曬甜甜地嘅酸菜味, 又係未開始落其他食物淨食寬粉同酸菜已經停唔到口😋其實好味嘅又點只咁少呀, 老油條即係油炸鬼，佢已經取代咗嚮鈴，外表好似好硬只要浸湯幾秒, 脆度適中。黑松露蝦丸, 夠彈牙。冰菜我都係第一次食, 因為兩個湯都夠濃所以放乜入去出黎嘅食物都沾上湯味，雙重味覺☺️今次呢班朋友好欣賞呢度嘅酸菜, 免費加食完仲唔夠, 要再encore 😂最後我地清曬所有食物🙌🏻

叫咗美人鍋同養生鍋lad 料超足,又有烏雞,又多人參 , 餐牌上寫咗嘅料都有🤘🤘全部野食都來齊,上得都好快, d 肥牛同雞好新鮮😁😁食物質素高😋😋like facebook 仲有野飲送添😍四個人食,價錢中上, 每人大概200到, 物超所值,下次一定再去😝😝

食物質素 9/10今日放假，知道下午5:00前有半價優惠，就帶埋屋企人去食午餐。叫左鴛鴦鍋，一邊係酸菜白肉，一邊係美人鍋，價錢就跟最貴個隻湯底$198湯底咁既價錢就係飲個湯都抵番曬！店員同我地講先飲湯，後打邊爐。飲完個湯已經飽左5成，haha-美人湯：湯底好鮮甜，睇得出用左好多料去煲，有成隻烏雞係入面。-酸菜白肉湯：湯底夠味，入面都有好多酸菜同五花肉，額外仲會送多一份比你後加配料-五餐肉好特別，會先炸過再上，即食香脆可口-鮮蝦滑真材實料，好彈牙-梅菜豬肉丸尼個係爸爸最愛，佢話個味好特別唐生菜-有好既湯底，一定要叫菜食去吸曬個湯寬粉條-偏幼身，如果係粗身啲就更加好環境衛生 8/10環境大，坐得舒服，裝修好有古典氣息！服務質素 8/10店員做野快手，order左之後亦都好快有得食！

這間火鍋店於短短大半年之間幾已聞名於朋友間, 每次約火鍋晚餐都例必到這裡, 除了因為分別多之外, 還因為他們一直都保持水準, 不得不點個大讚!大會指定~湯底是麻辣鍋, 今次由朋友推介試了另外一款的是美人鍋, 入面是真材實料的原隻烏雞, 煲得又嫩又滑!大會指定~手切肥牛這裡的肉類選擇多, 但肥牛是必食的, 吃過幾次不同價錢和種類後, 還是覺得手切肥牛(大)最好和最抵吃!大會指定~蟹籽墨魚滑超級彈牙的墨魚滑!!!大會指定~炸午餐肉不得不承認這是最平凡的菜式, 但因為餐肉十分厚實, 炸過後又不會很油膩, 每次來都很期待!!!大會指定~冰菜不是每間火鍋度都有的吧其實還有點了很多其他菜料如~香菇貢丸。芝士牛肉丸。雲吞等等, 多到數唔晒