養心麵 (已結業)

舖頭唔算大 只有幾張枱本身想揀薯粉或者米粉點知兩樣都冇 所以最後揀咗河粉😐小編就揀咗麻辣湯 因為驚揀咖哩汁會影響個湯底所以啲汁都揀埋麻辣汁😆上枱嗰陣見到隻色 以為唔辣點知又幾辣😆仲辣到小編流哂鼻水添佢辣得嚟又好夠濃味好香金錢肚淋啲會好啲魷魚好大條 唔係其他舖咁碎濕濕啲份量都幾多間舖仲開得幾夜添 如果大家收工收得夜都可以去食宵夜呀評分:8/10

食得多港式車仔麵，聽到有台式覺得份外吸引～因爲未食過所以很期待～湯底有兩款選擇：美人湯或麻辣湯是日不想食辣，選了美人湯。叫美人是因為加了桃膠，可以養顏吧！清甜湯底不錯！材料少不了台式的，我揀了蚵仔，水蓮及滷豬腳，再加寬粉條湯底夾寬粉條（應是薯粉）好味，薯粉好飽肚所以下次會試試其他麵。蚵仔又夠鮮又大粒，水蓮纖維豐富又新鮮，滷豬腳十分腍又入味，直頭想淨買返屋企加餸～整體十分滿意及一定會再光顧喜歡吃車仔麵的你不要錯過～

乜野原因吸引我來［養心麵］就是因為是「台式」車仔麵，台灣食物一向對港人有一定的吸引力，我非台灣控但睇左OR comments，加上小小好奇心，區使我去左銅鑼灣「養心麵」。店鋪基本上裝潢相當簡單，和地道的車仔麵店差不多, 一邊麵檔、一邊用餐地方。選擇食物只須要在車仔麵紙上剔， 之後交比店員就是咁簡單。來試台式車仔麵，當然就要㨂較有特色的台灣食物。 先選麵底，選了台灣獨有  $18 配料一定要豐富啲，有 $10、  $18、  $8、 $10、  $8 湯底夠色， 應該無乜落味精， 亦不會越飲越咸；第一次食 , 其質感勁似上海白麵，索湯軟滑。 最好味既餸一定係 清甜入味，完全冇渣。 口感比潮式牛腩更鬆化，牛味更濃。  豆皮比腐皮厚， 口感軟滑。 麻麻地既有 一咬開只見到大大舊肉，菜的比例太小。         車仔麵以外還有大碗飯 $48份量好大，約有兩碗白飯的份量，肉燥將飯面完全覆蓋¸ 肉燥色香味濃, 送飯一流。 流心蛋一咬開， 蛋黃漿如泉水流出,  蛋味濃郁， 好味 !   

有個肥肥地男人,唔知想點,非繁忙時間,1)企我坐位後面,左手越我左耳仔攞野,同步右手越我右耳仔,究竟咩事2)都算,雞亦又鞋又咸,豉油多過碗飯,仲同我講d雞亦咩咩岩岩好拎出嚟點點點..好心佢3)收左我張500蚊紙走,然後返嚟撩我傾計,博我唔記得左,叫佢找錢佢話一陣找,點知真係賴我冇俾錢,煩左一輪..劣劣劣劣劣劣.........冇下次!

其實我嚟食嘢啫...唔洗咁態度!我明白你哋做咗一日嘢辛苦, 我(同其他)食客何嘗唔係...但大家嚟食嘢, 都唔係想嚟受你氣! 收銀阿姐同淥面個阿叔...面口+態度真係好趕客! 我唔係要你對我地好有禮貌, 但唔洗好聲好氣問你一句, 換來係呼喝聲回應: "等陣啦~".."嚟緊啦~" 咁樣! 我見唔止係對我咁, 對其他食客都係呢個面口加態度! 大家都係想做完一日嘢嚟醫吓肚, 仲要貼錢買難受...下次真係搵鬼嚟...本身係見佢唔洗等位先諗住試吓...真係無下次!至於食物, 唔係話差, 但又一定唔係好...加加埋埋50-60呢個價錢性格比就比較低...同埋食物過份濃味...對重口味者應該OK...但其他人食完可能"KOK"足一日!  當然, 呢個價錢你又唔可以要求太多...食物總的來說係一般...中規中舉...但加埋受氣就寧願去附近的茶餐廳算喇! 

食過兩次養心殿，一直對美人鍋同麻辣鍋念念不忘😍但係有時候次次都打邊爐又會太肥，好彩開咗間養心麵！可以滿足晒我兩個願望✨我揀咗麻辣湯底，台式闊粉條，鴨血，台灣A菜同埋溏心蛋。麻辣湯揀咗小辣，唔辣，就連唔食辣嘅媽咪都覺得唔辣，建議可揀中辣或以上～鴨血同A菜都好入味，份量都幾多👍🏻最鍾意食闊粉條，其實係闊嘅水晶粉咁，QQ地好爽口😋媽媽就揀咗美人鍋湯底，金錢肚，豆皮同埋蘭花乾～美人鍋好香，不過當然打邊爐湯底嘅味道會更濃郁啦，呢個都不錯☺️金錢肚好爽口👍🏻一開始唔知咩係蘭花乾，見個名咁得意就試下啦，原來係豆乾😂味道幾好，吸晒湯底嘅味，外皮微脆～大大杯，飲完可以解膩👍🏻

在銅鑼灣工聯會 上完堂 向灣仔方向行一個街口 有新的麵店 上堂前後 食個快飯 最啱 養心麵 主打台灣菜 車仔麵 一些香港食開的配菜都有仲有一些 台灣飯麵好多台灣直送的 蔬菜 麵 和小食 湯底都好講究 要 美人湯～ 當然唔會錯過麵底 一早揀好 要好少見的 粉條餸就揀了幾個 少見的 水蓮 青綠色 實心 外表好似電線咁 不過好爽脆的 無咩草青味～台灣蘭花乾 睇名估唔到 原來係炸豆腐乾 可能少去台灣 無食過 在 養心麵 食到真係非常好 炸的時間短，炸面的厚度適中 有咬口 又唔會乾到介口好大舊 棉花咁吸了湯 湯又唔會太滾 不會燙傷條利 仲叫左 辣魷魚鬚 和 鹵水金錢肚加左 小小辣係湯底到 不會辣到 飲唔到美人湯仲有d 桃膠 好滋潤呢差d唔記得 仲有萵筍太多餸喇 收埋左係下面好爽 味道好似 唐萵個心聽聞好貴 喺街市買 養心麵 將萵筍 切得薄薄 有好多塊 食極都有終於到個麵 扁扁的水晶粉 煙韌 唔怕 熱湯 浸斷 呀朋友 話要食飯 叫左個溏心蛋 肉燥飯 溏心 做得唔錯！

環境4分：比普通麵店大同多位，又夠冷氣，搭枱後都唔會話太過迫果隻，可以畀四分。衛生4分：門口個水吧同入面Ｄ散枱都好乾淨，Ｄ公筷呀辣醬呀都好整齊，畀四分。服務5分： 填完紙落單，好快就有嘢食，店員好面口唔囉唆又夠爽手，可以畀五分。味道5分：1)      叫左個台灣飛機直送新竹米粉，台灣A菜同台灣水蓮，再配個滷水大腸同埋滷水金錢肚。 新竹米粉感覺比較幼細同滑，可能因為台灣直送嘅分別。台灣水蓮絕對一定要試， 真係唔係好多地方有得食。個滷水大腸絕對冇臭味，而且又唔會好肥，男女都啱食，可以畀五分。2)      碗台式肉燥飯底Ｄ白飯好香又大粒，頂面果Ｄ肉燥夠多，甜甜地，濕濕地，簡簡單單就最好味，又係五分！抵食5分：車仔麵D餸款式特別多，最平八蚊起錶，食幾個餸都係幾十蚊，絕對抵食，所以畀五分。

響香港台式火鍋就食得多，台式車仔麵都係第一次聽咋Menu同平時食車仔麵嘅睇落都好相近，不過仔細睇，有好多都係台式食品，仲有麵線！麻辣湯底睇落好清澈，但食落都幾辣下！個湯底好夠辣而且仲一啲都唔油膩隻滷水蛋係糖心蛋黎嫁！真係估佢唔倒滷水蛋都可以整到咁流心仲好入味新竹米粉比平時食開嘅港式米粉幼食，不過食落好有咬口，仲好有米香！呢碗都係麻辣，食台灣野點可以唔蚵仔喎！個味道真係好似翻左台灣食柯仔煎咁！啲蚵仔好鮮甜，估唔到食車仔麵都有蠔呢個係寬粉條，有小小似紅薯粉，食落好煙韌好有咬口

聽講除左養心殿，仲開左間養心麵係食米線，今日出開銅鑼灣一於去試試。餐廳是先付款後食的，等左陣好快就有得食。我自己點了台灣寬粉條，魷魚，台灣A菜及糖心蛋，配上美人湯加麻辣汁。美人湯湯味好濃郁，加上麻辣汁也不錯。台灣寬粉條也好入味，食到lamlam利。朋友就點了稻庭烏冬，炸豆皮及金菇，配上麻辣湯加麻辣汁。朋友說麻辣湯非常香口，中意食辣就岩晒。烏冬口感也不錯，不硬也不林，煮得剛剛好。炸豆皮也很炸得很脆。

台式寬粉條 (三餸) $44呢間主打台灣特色車仔麵 自從中學後都好少食車仔麵了 今次仲加上台灣風麵底有比較多既選擇 我叫既台式寬粉條賣相似透明既河粉 質感就似無咁韌既紅薯粉 配個湯底好好食湯底揀左小辣既美人湯配麻辣醬汁 佢隻醬我覺得幾特別 同食開既麻辣燙果種麻有啲唔同 反正都幾夠味 因為叫左辣所以都唔肯定美人湯本身係味 不過同叫既另一碗麻辣湯底相比明顯色水無咁深 食落辣度稍低一啲 不過唔食得辣既朋友都係唔建議叫麻辣醬汁講得車仔麵當然可以揀餸 餐單上有專門劃分開台式配料 本來想叫台灣炸豆皮可惜無哂 改為叫台灣水蓮 另外再揀左辣汁咖喱魚旦同唐生菜 台灣水蓮其實我唔知係咩菜 外觀似一條條幼繩 食落爽口 口感有啲似豆苗既莖部 魚旦其實無咩辣 可能係個湯夠辣遮哂 生菜本身就幾吸湯汁 食得辣先好叫黎跟辣湯整體黎講都唔錯 係真車仔麵玩法 要幾餸同咩配料自由選擇 價錢比起港式車仔麵貴少少 不過麵底配料加入台式元素 同埋個湯都幾正 可以一戰台灣關廟麵 (三餸) $50呢碗車仔麵麵底揀左關廟麵 有啲似幼身少少既米線 味道黎講寬粉麵配個湯會深刻啲配料要三餸 其一係台式滷水金錢肚 另兩款係日本蟹棒同唐生菜 金

病緊冇咩胃口，用外送app 叫左呢間養心noodle, 一人前：大腸noodle , 食到台灣的口味，湯底又唔會太杰，又有芫茜「掉」味，feel so fresh, like 呀！大腸份量都唔少！天氣乾燥，也點了清潤pear 水，飲落感覺真材實料，唔似沖水出來那種！有機會想試下其他菜式～

蝶荳花蜂蜜檸檬...好好飲🥰🥰🥰台灣水蓮...爽口甜👍🏻👍🏻👍🏻鴨紅抵食...$10好多塊😍😍😍湯甜夠辣😃😃😃😃豬手$28一大碗（旦有點過火冇咬口岩喜燒食林既人）環境唔錯服務就一般般了（車仔麵姐可以丫）價錢麵公道話晒銅鑼灣麻😉😉😉

平時都幾喜歡食港式車仔麵，貪多選擇任配搭，日日食都唔會厭。公司附近的養心麵，其實都開了一陣子，聽聞係台式的車仔麵，因為常常都要等位，所以一直未有機會試。今日咁啱經過，啱啱又有位，當然要嚐嚐啦。這裡是自助點餐，先劃點餐紙再付款，然後店員就會送到你面前。餐紙上有飛機圖案代表是台灣飛機直送，我都點了台灣直送的寬粉條，蘭花乾，麻辣鴨血，滷水大腸，萵筍，流心蛋配上美人湯加小麻辣醬。美人湯固名思義食了會變靚啦😂，因為湯加了桃膠煮，有大量骨膠原，非常適合愛美的女士。寬粉條口感烟韌，好吸收湯汁。麻辣鴨血滑溜唔會粗硬，亦吸收了麻辣汁，唔太辣非常惹味。蘭花乾原來係一大舊切成花狀的豆腐乾，好似海棉吸滿汁，非常滋味。滷水大腸清潔無異味，滷水味濃，豬腸唔會韌👍，萵筍非常爽脆，點蔬菜類一定要揀佢。

平價美味之選 食日本野食到厭有時要揀下簡單野食下 台灣野黎講 黎間真係算唔錯 車仔面有我最愛的qq noodles 真係好好食 彈牙加埋湯底吸曬味 好鬼正 個養底係美人湯 好補有桃膠 味道剛好 、配料有水豆腐、台灣貢丸等、真心又快又好味填飽到個肚 飲品合格 有種懷舊嘅感覺、成件事係配合 、個滷肉飯略嫌個汁希得滯 其實真係幾好食 夠大碗 個糖心蛋幾好食、可以翻兜😌店雖然細但係野食同價錢係合理 唔會好似其他咁 又貴又麻麻 銅鑼灣好難揀到好味ge野 係意外的收獲 大家不防試試