饞。台式食堂 (如心廣場二期)

營業中

休息中

行到過嚟海之戀 全部都係人，想搵間嘢食都難，跟住就走咗去如心廣場都係人山人海，咁見呢間得幾個人等位就拿拿聲等，反正超口渴想飲珍珠奶茶。好多都係三人行所以我一個人等咗唔駛五分鐘，好快趣。 中午食咗成盒叮飯唔太肚餓 , 就叫咗個牛腩牛筋麵 .一人套餐可以選擇湯或者 仙草甜品，不過係熱嘅，我唔太鍾意食熱仙草就飲呢個貢丸豆腐湯， 個湯好清爽，入面好多芹菜粒，仲有少少豆腐，貢丸冇雪藏味，幾好食。牛肉麵估唔到都唔錯喎，除咗牛筋就唔夠淋之外，牛腩軟淋鬆化，，麵條好彈牙 , 個湯好味，飲到有八角味，同埋食到麵豉粒，最後飲曬啲湯。 另外叫咗個甜酸青瓜，都好味青瓜好爽，醬汁甜酸啱啱好 ; 跟住珍珠奶茶走甜，個冰度配得啱啱好， 飲完杯野d冰塊都剛好溶曬 ,茶味幾香濃，只係珍珠比較淋。服務好好， 呢餐一百三十蚊 , 都唔錯 .一路食一路都好多人等緊位。

疫情下無得去旅行，唯有四圍食野解決深隱。今次經過如心廣場，新開左唔少餐廳，附近又有donki，平日都超級多人。見到有台式便當，環境乾淨，內外都非常簡約清新。餐牌唔少選擇，有藥膳排骨、鹽酥雞、燉牛腩、當歸鴨麵線線都有！價錢都相當親民，下午茶都係$40以下。今次就叫左滷肉麵＋滷豆腐＋溫泉蛋，仲有仙草奶茶。滷肉麵份量相當大，一個女仔真係食唔晒，目測400-500g都有。滷肉軟嫩，半肥瘦，唔會過咸。滷豆腐相當重豆味，一咬落去肉汁出晒黎。少少蜂巢狀。仲要左熱既仙草奶茶，淡淡既仙草配奶茶幾夾。值得一提，餐廳有usb位叉電，又有暖水自助斟水，真係幾體貼。

同朋友Staycation係荃灣如心，行左轉商場見到呢間台式餐廳好似好正咁😍呢到係自己畫紙仔落單，但除左紙仔之外，佢會俾埋個Menus有得睇曬一人餐啲食物賣相😌當然！講到呢到最吸引我地，莫過於一人餐揀埋甜品跟配🤤下午茶價錢係如心廣場呢到都抵食，但我最後都係抉擇食一人餐食，因為甜品真係太吸引我啦🙈🙈叫左鹽酥雞一人餐，飯係台灣米，粒粒分明。鹽酥雞出乎意料地好嫩，平時食嗰啲總會有啲邊位炸得太乾，今次食完全無呢個問題，調味恰到好處，雞味無俾調料蓋過，入口先係少少鹹香隨接而黎嘅就係雞味😋飲品加左$12叫左杯蒟蒻白桃烏龍，我無特別叫少冰少甜，但估唔到黎到只有面頭一層小碎冰，而且又唔係好甜，係香港人口味🥰呢餐最最最點睛之筆係呢碗燒仙草，店員係你主食食到差唔多食完先上，仙草暖暖地，擺落口溫度啱啱好，配料有埋花生地瓜圓紅豆，地瓜圓煙韌有咬口👍🏻

諗諗下都一段時間冇嚟過荃灣西呢邊，適逢今日過嚟呢邊做嘢，一枝公食飯唔知食乜好，行到如心廣場，原來開咗唔少新食肆。經過呢間饞•台式幸福食堂門口，就俾佢吸引咗，事關自從疫情之後都好耐無食過正宗台灣嘢，一於入去試一試lunch set。佢個Menu幾多元化，有唔少出名嘅台灣料理。佢仲照顧到唔少一人顧客，推出咗一人套餐，等我呢啲單丁客都有唔錯嘅選擇。我叫咗個香酥雞排一人套餐，佢個一人套餐除咗香酥雞排之外，額外跟一碗白飯，一碗新竹貢丸豆腐湯。白飯可以加錢轉滷肉飯，今日我就無轉到，因為塊雞排已經幾heavy。雞排嘅外層好鬆脆，肉質好嫩滑，食落好有肉汁，好滿足！仲可以用跟餐優惠價叫台式飲品，當然就試一試珍珠奶茶啦。實在太耐冇飲過珍珠奶茶，飲返真係好過癮。大大杯奶茶，茶底順滑，有茶香味，飲落比起以前街邊台式飲品店更加優勝。舖頭整體佈置有少少簡約風，坐落幾舒服。

突然想食滷肉飯 都唔知去邊度搵 咁岩今日經過荃灣 想搵間台灣菜食 台灣菜你唔開都係滷肉飯 鹽酥雞 台灣腸等等 無得旅行 好掛住台灣 可以點？雖然呢排有啲熱氣 但都係好想食 去到舖頭門口好多人排隊 我哋等咗半個鐘到啦 喺門口劃定想食啲乜嘢 入到去好快就有飯食 而且個waiter好有禮貌 令人心情都好好 香酥雞扒飯雞扒炸得好鬆脆 食完想繼續再食 不過冇汁撈飯就有d dry 但勝在塊扒好大塊鹽酥雞大大碗滷肉飯佢鹽酥雞分開上👍🏼 滿滿既滷肉 好好撈飯呀 正 分一半俾對面都仲得😆 老公陪我飲熱桂圓紅棗茶 ❤️ 暖粒粒

屋企有d事要做，未食早餐就一早出發，完成後係如也是見到水牌就show緊尼間野，不假思索就入去嚕。總共叫左三個套餐，溫泉蛋黑胡椒牛肉飯，鳳梨蝦球配魯肉法同有碗魯肉飯。淨係影左自己個魯肉飯，肉粒半肥連肉，汁夠多撈晒成碗飯，飯量都滿，平時食一碗飯既朋友應該會食唔晒，而且我仲要好貪心咁加錢配左紫米香竽奶茶同套餐可以揀燒仙草奶茶甜既，但係唔過份，夠熱！燒仙草味道甘，配少少紅豆甜味，仲有竽圓同埋脆口花生，一流！超推薦

餐廳走簡約風格、幾舒服同乾淨自從DonDonDon開後，附近商場多咗食肆，人流亦多得誇張，見到條龍唔係太長即刻試下⇒　牛筋牛肉麵 🐮$86 🌟牛腩夠腍夠入味！個人偏好台式牛肉麵湯底唔好太濃，呢個合付口味⇒　鹽酥雞 🐥$70 🌟+$10 轉配滷肉飯炸得香脆、不油膩，最緊要係肉滑～滷肉普通拿來送飯剛好-以上兩款一人套餐 2選1 配 新竹貢丸米粉湯 / 燒仙草如果吃飯餐不加飲料，建議配湯，炸雞送飯有點乾😅 ⇒　珍珠奶茶 $20有少少黑糖味幾好飲，珍珠無咩口感⇒　台灣香腸 $30

最近週末去拍拖都會去吓荃灣行吓啲大型商場，今次經過一個比較新嘅商場，發現到間台灣料理幾正，呢度嘅裝修比較簡約整齊台灣料理不嬲都係女朋友嘅最愛，見到又有新開舖頭，我哋當然忍唔住要去食下新野啦！我哋望咗餐牌一陣發現佢揀嘅款式雖然唔多但係就真係好有台灣嘅感覺，每樣野都好似好精細咁樣。不過估唔到連套餐都一樣非常之精緻，我哋分別揀咗藥膳排骨同埋燉牛腩，估唔到兩樣多幾好食，嗰個台灣風味好重前菜有個泡菜俾我哋醒一醒過胃口。藥膳排骨嘅湯好似肉骨茶咁，湯頭好重藥材味，飲落去幾舒服，排骨都炆得好好，再配埋珍珠米一齊食好正。等牛腩呢就同香港嘅牛腩飯好唔同嘅，真係比較有台灣風味，而且個牛腩汁都好有分別，食落去都覺得好正！食飽飽之後我哋又繼續行街街囉。

突然要去荃灣西那邊工作，沒有太多時間食午飯，去到較新的如心廣場，找了一間台式幸福食堂，食一個台灣便當。台灣便當第一個想起就是鹽酥雞，所以點了鹽酥雞便當，泡沫紅茶。另外同事點了一個滷肉飯便當，茉莉紅茶。一碗大大碗，放滿大半碗鹽酥雞，他炸得比較乾身，炸粉尚算ok, 不算很厚，雞肉嫩滑，旁邊放了半個滷蛋，冬菜，用來伴飯不錯。滷肉飯，滷肉都算ok，他是切成長條形的，滷得好入味，鹵水蛋有一隻砌半，旁邊都是放了一些青菜。簡單快食也算是不錯啦，但可能地段的問題，午餐要接近六十，價錢略貴了點。滿分為10分(1分最低，10分最高)食物：8環境：8衛生：8服務：8價錢: 7.5舒適度：8總分：8

幸福真的得來不易這句說話在這年頭真的是感受甚深！在10月頭行過如心廣場看見這間台式色店饞•台式幸福食堂被它幸福兩隻字吸引了！於是就跟車爸爸去吃了一場午餐。幸福食堂店子小小的地方不大！但用上清新的木糸裝修簡簡單單反而感覺更加舒服！大家也知道車媽媽近半年都積極Keep Fit當中，所以也很少會吃一個正常份量的午餐，但我對於台灣香腸＄30是絕無抗體的！於是我決定散點一客台灣香腸和一份套餐跟車爸爸分享！這個台灣香腸真心令我佩服！首先來到是凍冰冰的香腸外皮毫無脆皮的口感內裏亦沒有肉汁，最重要的是我是首次吃台灣香腸是沒有配蒜片的，吃入口完全是貼錢買難受的感覺簡直係浪費了我寶貴的Quota！另外的是一人套餐系列中的炸滷豬扒飯＄90，套餐來包括有一份開胃菜、炸滷水豬扒配台灣蓬萊米一碗。蓬萊米是台灣的一款稻米品種吃下口感較黏糯而且具彈性，確實米香也挺濃我頗為喜歡這米飯的口感。而開胃菜這天我們得到的是胡麻醬菠菜，這個基本是沒什麼難度可言的前菜，只要夠新鮮便已經很好吃了。炸滷豬扒一盒有兩大件相信做法是將豬扒炸完再滷水，吃下去豬扒確實軟淋但沒有豬扒該有的口感，而且也挺重口味必須以白飯佐吃才行！飲品方面車爸爸選

想食台灣野所以嚟咗如心嘅「饞•台式幸福食堂」💁🏻‍♀️ 之前新開食過dinner，今次就lunch time稍早，一開門就去食喇～Menu比起以前有唔同，亦都因為依家疫情關係，變咗做落單職員送餐。最後我揀咗好想食嘅鹽酥雞便當，加咗滷肉，野飲就要茉莉綠茶～Menu仲有啲一人套餐，就算唔加野飲都可以自助斟水：野食到就聞到好香🤤 新鮮熱辣炸起鹽酥雞🤤 鹽酥雞便當份量都幾多！多件鹽酥雞、半隻滷水蛋、菜圃，仲有加咗嘅滷肉，飯嘅份量都好多呀！鹽酥雞，炸得香脆、唔油，食入口juicy嘅，肉都仲係滑的！👍🏻 調味我覺得都適中，唔會過鹹或唔夠味。菜圃同菜酸酸地，同飯一齊食係夾嘅。加咗嘅滷肉份量都唔少，調味都係適中，推薦加嚟食，因為本身飲嘅份量多，加咗濕濕地、有啲味，送飯一齊食配搭唔錯👌🏻至於野飲茉莉綠茶，甜甜地綠茶味，唔會太甜，配合同鹽酥雞滷肉飯一齊食都配合。整體嚟講味道都唔錯，解咗我思念鹽酥雞之愁🙊 而且成間餐廳光猛整潔，所以食嘅時候都覺得舒服～

好掛住台式料理，但發現香港大部分台式餐廳都得肉燥飯無素食。終於俾我搵到荃灣如心廣場這間 饞 台式幸福食堂 有個純素飯餐，而且又雲耳又杞子又牛蒡超養生，仲幾好食添，去開荃灣又多個地方可以食素。 饞 台式幸福食堂 位於荃灣如心廣場二期，由荃灣西站行過去比較近，如果由荃灣站出發，沿住天橋行大概15分鐘就會到，因為都係行天橋的關係，唔會好難搵。餐廳在 Corner 位，大部分都係面壁的單邊位，大概可以坐到廿幾人。空間光猛明亮，都坐得幾舒服既。圖中圈住的就是純素選項，套餐包含開胃菜、主菜和白飯。後面仲有飲品小食，我覺得炸梅粉地瓜條和滷蛋都幾吸引。 蟲草花雲耳炒牛蒡 HK$68份量超級多的雲耳，加上很好味的獻汁，用來撈飯食一流！起初我以為上面果幾舊係豆腐，一食先發現有牛蒡味，原來牛蒡收埋在這裡，都幾有特色喎！再加上枸杞子和蟲草花，整個非常養生，是一個唔沉悶又好好食的純素餐點。開胃菜係麻醬菠菜，白飯則用左台灣蓬萊米，質素都好有誠意。 熱仙草烏龍奶茶 HK$12 (跟餐價)飲品另外加錢配了杯仙草奶茶，跟餐價只要 HK$12 又唔貴，仲勁大杯添。飲起來有台灣烏龍茶香，仙草都中規中距幾好食。原本我都驚

荃灣西開咗間DONKI, 得閒都會去買嘢行街，行到攰攰地，就梗係要去搵嘢食啦。附近如心廣場有好多食肆，今日就揀咗呢一間台式餐廳。餐廳裝修簡約，店員都好有禮貌，款式都好多選擇，總有一款啱食。紅燒燉牛腩呢一個紅燒燉牛腩賣相唔錯，而且又開胃前菜，有一碗飯，加少少錢仲有一杯台式飲品。首先試吓個牛腩先，個牛腩瞓得好林，味道亦都好入味，牛肉味好香，仲有啲配料，白蘿蔔都好入味，用啲牛腩汁送飯，一流。香芋紫米奶茶香芋配紫米，呢個配搭好新鮮，但又出奇地夾，賣相都好靚，紫米好有咬口，香芋味好香，而且唔會太甜，正。台灣香腸一向都非常鍾意食台灣香腸，貪佢皮薄餡靚，肉味好香，而且有少少甜味，非常鍾意。總體呢一間台式餐廳好有驚喜，雖然裝修簡約，但食物質素好好，服務亦都好好，讚！

好想食台灣嘢 今次去咗荃灣如心饞•台式幸福食堂時間尚早，趁午餐時間前入座😏Menu有小菜有便當可以選擇，我揀咗食便當 🍱鹽酥雞便當加滷肉台式飯最愛就是鹽酥雞，當然要試下，而且台式飯配滷肉最match，所以加$10加了。看上去份量充足，除了主角鹽酥雞，還有半隻滷蛋和蔬菜及菜莆，吃完真的很飽。🤤雞炸得好脆好香，而且新鮮熱辣辣，不會太鹹，好好食。咬開雞肉，入面還很滑和juicy有肉汁，好食。滷肉大細分明，味道適中，喜歡它沒有像其他店舖般太油太鹹，吃了也不覺得太膩，撈飯吃真的很配合。泡沫紅茶看上去好像沒有特別，所以都沒有太大期望。落單時店員說是固定甜度，不能少甜，起初都有少許擔心會否過甜。可能因為現在多數人都不喜歡太甜，所以其實甜度剛好，只有淡淡的甜味。最重要是茶味頗濃及香，配合碗飯很好。

屋企附近商場開咗好多新餐廳，之前成日經過呢間台式美食嘅舖頭都好想試！今日放假瞓到自然醒同屋企人去左食lunch!餐廳店舖不大，裝修行簡約風，有落地玻璃，環境舒服地方乾淨！Lunch Set選擇唔算話好多但勝在簡約夠健康. 我哋都分別叫咗兩款一人套餐同埋小食加2杯飲品！一人套餐還包了一款開胃菜👍🏻屋企人叫左藥膳排骨套餐. 藥膳湯底未食已經聞到藥材的香氣！先喝一口藥膳湯非常足料，排骨數量也很多😱都算入味腍身而且啖啖肉，不柴口！天氣涼涼地食呢個真係岩哂，食完暖身👍🏻 飲品叫左熱紫米芋香奶茶，香芋味好濃郁呀，入面仲有好多紫米😍 好特別！而我就叫咗鹽水雞套餐加錢轉了貢丸米粉.米粉有米香口感爽，貢丸也非常彈牙，不錯！鹽水雞都好大份，而且雞件亦都好大件，肉質比較結實，啖啖肉充滿麻油香，再配上粟米芯同青瓜，係一個健康之選👍🏻 飲品配左仙草烏龍奶茶，烏龍配仙草個味道原來都幾夾，唔錯呀！另外叫咗一份台灣香腸小食，佢哋既台灣香腸烤得非常好吃，很正宗的台灣美道！外皮烤得香脆內裏很juicy甜甜地， 有驚喜！