饞。台式食堂 (如心廣場二期)

營業中

休息中

今日去左荃灣行街，荃灣真係好多野行，今日食個early dinner先，唔洗買外賣為環保出一份力❣️鳳梨蝦球呢個一人套餐有埋開胃菜同白飯，開胃口係一小碟辣蒜椰菜，好好味好香既辣蒜，用黎送飯一流。蝦球脆口彈牙，炸到好乾身無油膩感，而且佢嘅炸粉同一般嘅有D 唔同，唔會覺得好熱氣，一碟仲有8 隻蝦咁多。原來台灣嘅蓬萊米好似日本嘅珍珠米，一粒粒好分明，圓碌碌，而且唔會過於鬆散❣️鹽酥雞便當好香口既鹽酥雞呀，好懷念台灣夜市掃街既感覺呀。舊雞好入味，仲有兩片炸紫蘇葉﹑滷水蛋，而且伴菜有用蒜蓉炒過， 唔係一般白灼就算數，個飯好抵食仲有野飲送，不過我就貪心D，+$10 叫左個特飲❣️紫米芋香奶茶呢個奶茶芋香味好濃，本身紫米有D 甜味， 所以叫左走甜就啱啱好。與其話呢杯係飲品， 不如話佢係飲得既甜品，好有紫米露Feel，但又係台式奶茶茶底，成件事fusion左🤣食飽又可以去超市入貨，荃灣真係一個補給好地方🤣

颱風將近，放工嗱嗱聲買外賣返屋企醫肚，揀咗位於如心廣場嘅呢間台灣菜，剛開張嘅時候食過，印象唔錯，而家外賣自取仲有九折優惠。餐廳嘅抗疫菜單選擇雖然唔算多，但台灣菜中最常見嘅鹽水雞、藥膳排骨、鹽酥雞、紅燒牛腩同滷肉飯之類都應有盡有，而且小食同飲品選擇眾多，價錢亦算合理。外賣盒分成上下兩層，上層係白飯，下層係餸菜，唔怕湯汁喺返屋企途中會倒瀉，非常貼心。蓬萊米煮成嘅飯夠香而且有咬口，灑上少量黑芝麻更加香口；主角紅燒燉牛腩夠軟腍入味，配菜方面有紅蘿蔔同白蘿蔔。藥膳排骨真材實料，驟眼睇都有杞子、紅棗、圓肉同黨蔘，排骨肥瘦適中，藥材味道香得嚟唔會太重，感覺滋補。炸物拼盤有齊花枝丸、甜不辣同地瓜條，份量兩個人分享剛剛好。甜不辣嘅口感有啲似魚餅，大大件，爽口彈牙。花枝丸口感同樣彈牙，夾雜住少量花枝粒，令口感更豐富。整體嚟講餐廳嘅外賣便當質素可以，價錢亦合理，如果份量再添啲就更加好，疫情之下能夠享用到簡單嘅台灣風味，而且乾淨衛生，即使係外賣便當，都已經係一份福氣。

今日去搵工作中的老公食飯由於六點後冇堂食嘅關係😞焗住我哋要食early dinner好掛住台灣唯有食住台灣嘢頂癮之前試過外賣今次就試吓坐低食啦餐牌好似比之前多咗選擇多咗個便當系列今次照舊嗌咗上次覺得幾好食嘅紅燒燉牛腩同埋試咗新嘅鯖魚便當先講吓個紅燒燉牛腩牛腩嘅份量都幾多啲牛腩唔會太肥好啱我心意最驚食到啲一層肥膏嘅牛腩🤢同埋啲牛腩炆得好入味打底嘅白蘿蔔亦都非常冧同入味好香八角嘅味道白飯軟硬適中用啲牛腩汁嚟撈飯超正🤤鯖魚便當嘅鯖魚一啲都唔腥處理得非常之好燒得亦都剛剛好唔會太燶好有住家飯嘅feel另外仲加咗一個小食炸甜不辣食落唔會太油但係就冇嗰個甜不辣醬🤔如果有埋就Perfect啦趕得切喺限時六點之前離開😂解饞成功

近排成日煮嘢食，已經好少喺街度食嘢了❗️不過喺屋企食又要煮又要洗，兩個人嘅一晚時間就咁冇咗🙈今晚忽發奇想，直接喺荃灣買外賣，叫寶寶上嚟我公司食埋嘢+行個街先返屋企😝仲撞正今晚公司六點啲同事已經走晒，啱晒我哋開餐🤟🏻.今日揀咗好近我公司嘅呢間饞台灣幸福食堂❗️我之前lunch時已經自己食過一次，覺得唔錯👍🏻而且因為今日出去lunch嘅時候經過見到佢疫情期間，外賣自取有全單九折優惠💕所以今晚就決定試吓佢哋嘅外賣🥡紅燒燉牛腩 $80跟埋開胃菜+飯❗️開胃菜嘅泡菜味道好特別😲泡菜加入蘿蔔蓉+辣椒，配搭特別得來又幾好味💕酸酸辣辣，夠晒開胃❣️雖然牛腩份量睇落唔算多，但係件件都好腍好入味☺️ 而且D腩汁非常適合撈飯❣️牛筋嘅部份比較少，肉嘅部份相對較多～蘿蔔亦煮得夠林，容易入口🤓食完之後發現一個人食其實份量係好夠的😜鹽酥雞便當$72雞肉肉質軟滑，而且唔會炸到好乾，調味亦唔會過鹹 👍🏻新鮮即炸起，熱辣辣非常香口❣️仲跟咗啲榨菜可以用嚟撈飯食🤓跟鹽酥雞便當加$10 就可以轉特飲🤩即刻轉咗個飲品🤨饞食堂仙草奶茶🥤一飲落就飲到奶味比茶味重😍同帶微微甜味嘅仙草味道好夾❗️非常啱我口味🤪而且冰嘅份量控制得啱啱好～就算啲冰融晒

今天晚上, 來到了荃灣搵食, 荃灣出名難泊車, 去商場比較方便。還是第一次來如心廣場二期, 朋友十分欣賞這個車場, 不用上落, 車位很好泊, 又不用等位, 出車時更有提示燈, 而在商場消費夠100就有1個鐘free parking, 來買個外賣便夠。紅燒燉牛腩$80: 醬汁甜甜咸咸夠濃郁, 用來撈飯很好送飯, 牛腩蘿蔔都很入味, 蘿蔔炆得夠淋, 牛腩夠嫩滑又有彈性, 非常出色。藥膳排骨$79: 相比之下, 藥膳排骨湯的味道較清淡, 因為它是湯的關係, 預你用來喝為主, 藥材味豐富但不會苦, 有台灣夜市喝到的味道。排骨可以用來送飯, 口感亦不會鞋口。欣賞它的外賣盒設計, 因為碗很高身, 湯汁不容易漏, 飯薄薄一層, 對我來說飯量剛好, 另外附上泡菜, 味道比較特別, 不知是否自家制, 有種自家發酵的感覺, 也蠻辣的。

上星期跟囡囡逛完Donki超市都差唔多6點了，行到好攰唔想煮飯。咁啱妹妹話想食台灣野，所以就去左附近嘅饞 台灣幸福食堂外賣自取左2個餐返屋企。外賣自取有9折添，好抵 !我揀左個1人套餐紅燒燉牛腩 (含開胃菜，米飯)牛腩炆得夠腍又入味唔會有牛肉痴牙罅唔少得白蘿蔔同埋紅蘿蔔滲滿牛腩肉汁夠曬香甜開胃菜有點似泡菜但醬汁跟韓國泡菜唔同微辣帶點甜食落都幾惹味幸福食堂用嘅係台灣蓬萊米白飯與一般白飯不一樣喔超香Q有咬口白飯撈埋牛腩醬汁好快就KO曬喇 !另一叫左個便當台灣香腸便當附送泡沫紅茶或茉莉綠茶我就另加$10升級左芒果沙冰正宗台式香腸香甜又燒得夠香口配埋菜脯，滷蛋同椰菜白飯加點醬汁囡囡開胃到極速食曬個便當芒果冰沙拎到返屋企冰都未融曬仍然Keep到冰凍同芒果汁嘅香味唔錯喔

/饞台式料理🇭🇰/#sa荃灣篇 #sa午餐篇➖➖➖<饞嘴之選💓台式便當🍱>▪️▪️▪️之前係呢頭番工都會去下donki 每次都會經過呢間台式料理店～經過嗰陣都已經食左野今次終於係空肚行過呢間舖😂疫情關係 就外賣番屋企食 雖然有啲遠但拎到番屋企都翻轉曬啲汁同餸😭好彩店隔離有個空曠地方影左相做記錄～店舖行簡約風 係muji嘅感覺💛💛💛而且價錢合理 又幾大份同惹味遲啲疫情好翻啲 一定要再去過💓堂食會有感覺啲🤣➖➖➖1️⃣滷雞腿便當🍗 $64 雞腿真係好大隻 用黎送飯幾正🤤🤤肉質都幾鮮嫩 唔會好鞋口滷水味唔算好出 但佢嘅醬汁幾惹味亦都食到少少蒜味🤤另外仲有隻滷蛋 蛋黃係全熟 幾有蛋香但就覺得飯太濕 有少少軟 始終跨區外賣點都有少少影響到質感🙊➖➖➖2️⃣紅燒燉牛腩 $80 (連開胃小菜、飯) 牛腩炆得幾軟腍、入味 切成粒 幾方便口感帶有嚼口 而且唔會好乾柴😋仲有白蘿蔔同紅蘿蔔做配菜🙆🏻‍♀️➖➖➖3️⃣小菜其實係泡菜 唔算話好辣 但幾惹味用黎送飯唔錯😋➖➖➖4️⃣蒟蒻球白桃烏龍 $24 (套餐+$12) 蒟蒻球幾Q彈 唔太甜另外白桃味較突出 茶底相對無咁濃唔記得叫少甜 但呢個甜度都可以接受🥰🥰➖➖➖

之前放工行街路過，已經比店名吸引左，今次再路過就停低望下個餐牌， 見佢d價錢合理，係走台灣風格一於買返去同媽咪食，等佢唔洗餐餐煮飯咁累。我知媽咪鍾情台灣的鹽酥雞，我就特別叫左鹽酥雞便，而我自己就鍾意台灣腸，所以亦叫左台灣香腸便當，驚媽咪話咁單調我仲加左一份 鹵牛筋。由於係便當關係跟餐有飲品，有得選擇泡沫紅茶和茉莉綠茶， 媽咪比較喜歡茉莉綠茶，佢話夠清香，而我就加十蚊叫特飲蒟蒻球百香果綠茶， 超好飲百香果入口清甜蒟蒻球又有咬口。我同媽咪都覺得呢間鹽酥雞炸得幾好， 外脆內juice ， 台灣腸就唔洗多講必定好食，牛筋好入味又夠腍送飯一流，呢餐食完當我地走去左轉士林夜市了。

今日特登攞左AL同朋友慶祝生日，疫情令到街都出少左，襯今日要食好西同埋Shopping！其實朝早已經食左早餐，準備行去激安行既時候經過如心廣場商場二期，覺得有啲累同埋有啲口痕，所以就同朋友入左去坐。環境都幾干淨，隔離措施做得好足，咁樣食客都放心堂食啦！一黎到職員好細心咁比左兩杯暖水，服務好好坐位重有USB位充電添，好方便！因為唔太餓，所以就同朋友Share左一個餐再另外叫一份小食加飲品。藥膳排骨當歸味好濃，最岩就係女仔補身用，排骨都炆得好入味亦都好淋，米粉好爽口，浸耐左都唔會好似出面茶記咁發脹晒，呢個要比Like仙草奶綠我本身係唔多中意飲甜野既，叫既時候唔記得叫少糖，朋友就覺得Ok唔會好甜，仙草好好食仙草奶茶朋友點既，茶味好濃，同奶味夾埋都攞到一個平衡，唔會好甜，好正！炸花枝丸香口野我就最中意架啦！花枝味好濃好香，炸得又夠脆，呢個真係比足100分！如果每人叫一個餐都係100蚊內埋單，叫套餐重有優惠價可以加配飲品。今個星期三開始要叫外賣啦，見到佢外賣有9折好吸引，可惜唔係住附近，好彩襯未禁堂食前幫襯左姐，大家住附近可以諗諗佢啦！

荃灣西商場越來越多餐廳開咗，今日你試吓呢一間台灣野，而當日係實施晚市禁堂食嘅第一日咁我哋就唯有買外賣返屋企食啦，外賣仲有九折添 😸鹽酥雞便當（ $72 ）🍗🍗鹽酥雞嘅份量幾多，炸得皮脆肉嫩，隔左30分鐘返到屋企都唔會好淋，另外佢嘅配菜都幾多，仲有一隻滷蛋添🥚如果可以俾啲汁撈飯就更好啦，整體來講都幾好味😋鳳梨蝦球套餐配滷肉飯（ $88 ）🍱呢個套餐我加錢轉左滷肉飯，佢嘅滷肉係連埋肥豬肉條狀，比較大粒，食落有口感🍤🍤鳳梨蝦球嘅炸蝦足足有八隻咁多，但係鳳梨比較少，如果可以多啲鳳梨就更好啦～🍍🍍蒟蒻球白桃烏龍（跟餐加$10 ）🥤因為當日好熱我哋嗌多咗一個嘢飲，蒟蒻球感覺比起食珍珠會冇咁肥，飲落都幾清新🍑🍑桃味都唔會好假😛👍🏻👍🏻

📍饞•台式幸福食堂🙃感謝香港市長... 我要來開始發挖外帶了。一向很少在香港吃台式，畢竟隔月飛就當然吃道地的嘛，但現在先來止止飢吧。🔸藥膳排骨我一向比較抗拒中藥味，但這個湯汁不會苦而是帶點甘甜，排骨已經燉到軟爛。🔸紅燒燉牛腩🐂牛腩不會太肥膩，還有紅白蘿白兩種，全部都很入味，很好下飯～🔸台灣蓬萊米🍚感覺介乎在珍珠米跟泰國米之間，不會很黏。🔸開胃菜加了滿滿蒜蓉的泡菜，很對口味，但吃完真的會有口味🤣平均來講都不錯吃，唯一是小貴，如果有連飲料感覺會比較高Cp值。💲Hkd 約80@1餐🏡香港荃灣如心廣場商場二期1樓122號舖🕐星期一至日11：30 - 14：30/17：30 - 22：00.#hk #hkig #hongkong #hkgirl #hkinfluencer #influencer #hkkol #kolhk #foodie #foodiehk #hkfoodie #foodies #Taiwan #香港 #女生 #美食 #荃灣美食 #如心廣場 #香港美食 #台灣味 #台式美食 #台式 #黃色經濟圈 #美食日記 #美食分享 #美食推薦 #饞 #饞台 #poyeefoodie

［荃灣］饞 台式幸福食堂.紅燒燉牛腩食剩指數:5/100牛腩份量都算幾多燉得好淋好入味配菜有紅白蘿蔔同樣地好入味好清甜同牛腩好夾！好有台灣風味～套餐仲會跟一份開胃菜今日就係台式泡菜少少辣同酸怕辣既我都食到食完又真係幾開胃.滷雞腿便當食剩指數:10/100滷雞腿超大隻大到個碗都差啲裝唔哂滷得幾入味但又唔會好咸肉質都唔差唔會好老另外便當仲有滷蛋同其他菜加上啖啖飯都有汁味道好豐富.茉莉綠茶食剩指數:5/100茉莉綠茶唔會好甜有淡淡的茶香唔會有澀味清清地唔錯

今日難得係荃灣收工，所以就直接約男朋友係荃灣食埋野先返屋企。嚟到先發現原來如心廣場新開咗好多嘢食！今次我哋揀咗 饞 台灣幸福食，食台灣嘢！藥膳排骨$79 +$10轉滷肉飯食落去Feel到好足料，因為真係好重藥材味，同埋成煲野都好多藥材，亦都有好多舊排骨，每一舊都好入味！食台灣嘢又點可以唔叫滷肉飯呢⋯⋯啲滷肉飯好食，肥瘦肉都有！鹽酥雞$70 +$10轉滷肉飯另一樣台灣嘢必食就係炸雞！一份入面都算將多舊～每舊食落去都唔多炸粉，唔會太厚皮或者食落去勁粉，不過我覺得偏乾身咗少少，如果可以再Juicy啲就好喇！再一次講，滷肉飯真係好食！另外每一個餐都會有開胃小菜，開胃小菜係唔辣但係偏酸嘅泡菜，幾特別！（望落去都係橙色啲但唔紅！）同埋我哋每人都叫咗檸檬冬瓜茶，解渴又好飲！

同爸爸一齊食台灣野～見到呢間好似係新開嘅，乾淨企理，就去試吓價錢唔貴，餐牌仲有埋食物個樣睇，好好揀。我嗰個係鳳梨蝦球，爸爸嗌咗個薑汁烤🐷扒飲品方面我叫咗蒟蒻球白桃烏龍，佢就飲爆米花仙草奶茶我個杯有好香濃嘅茶味，大大杯，夏天咁熱飲真係好爽不過作為台灣餐廳，我覺得如果有珍珠奶茶就好啦啲蒟蒻又幾得意，就咁睇好似冰🧊同椰果，口感好QQ講返我個飯先，啲🍍唔會好酸，炸蝦🍤都有好多隻，碗飯又係台灣蓬萊米，好香特別鍾意啲蝦球配埋沙律醬食，冇咁乾，好似平時酒樓晚宴食嘅咁，但啲炸粉唔係好厚，感覺冇咁熱氣仲有就係🍍都有好多件爸爸嗰個啲薑汁味都同🐷扒好夾，送飯一流而且大大塊，冇骨㗎！我哋每個餐都配送一個前菜小食，係泡菜嚟唔係好辣，幾開胃！雖然坐「bar枱」，玻璃對住出面嘅係人來人往嘅行人，但係一邊食一邊想像佢係一間開係台灣嘅餐廳，對住台灣街頭嘅景色，想像台灣就感受到更濃嘅台灣味～

與友人在荃灣行街，順道經過如心廣場，無意中看見一間台式餐廳大排長龍。雖然時間已來到夜晚7時，而且我與友人還未感到肚餓，但是我倆始終給這家餐廳吸引到，想去探索一番究竟。由於不太餓的關係，我們只點了兩道推介的主菜- 紅燒燉牛腩配米飯以及鹽酥雞配米粉嘗一嘗。侍應上菜的速度很快，不到十分鐘我們的餐也送上了。值得一提的是這裡有提供充電服務，給你的手機充充電，是免費的！話不多說，直接試一下紅燒燉牛腩，牛腩味道真的是很入味，而且燉得非常軟，入口不會太難嚼。蘿蔔亦是煮得非常入味，完全是吸收所有的牛腩汁，米飯做得也不錯非常軟熟。我對這整體評價非常高。另外一道是鹽酥雞配米粉，主菜鹽酥雞炸得非常脆口，亦充滿台灣地道風味，令人有一種回到台灣的感覺。米粉亦爽口彈牙，份量不多也不少適合女士們。整體來講食物質素味道優良，服務貼心，唯獨價錢可能有一點偏貴啦（見人見智），哈哈。