饞。台式食堂 (如心廣場二期)

營業中

休息中

話說荃灣開左 Don Don Donki之後，周不時都會去荃灣西個邊行下，如心廣場新裝修完靚左好多，加上戲院又開返，成日都會係呢頭行下🤣 今日Day off, 行過見到有間台式食堂，入面係全木嘅裝修，望落好光猛好舒服，價錢又okay ，就入去食返個early dinner 啦🍴 主菜選擇都唔少，經典台灣菜都有，好似紅燒燉牛腩，鹽酥雞，鹵肉飯都有得食，一解思鄉之愁😂 落完order 店員會送到你面前，木製餐盤有開胃菜，主菜同台灣蓬萊米飯🍚藥膳排骨🍖比較少食台式嘅藥膳排骨，感覺有少少似肉骨茶，不過食落甜d，滿滿一碗，份量好多，湯底亦唔會太肥，好有養生嘅感覺，值得一試👍紅燒燉牛腩🐮牛腩唔會太肥，有筋有肉，食落口感幾好，唔會太軟又唔會咬唔開，最中意食d配菜，紅蘿蔔都炆得好入味，送飯一流😋每款主菜都會配上台灣蓬萊米飯🍚第一次食，又幾好食喎！粒粒分明，米香味足，加上開胃菜好好食，有d似韓國泡菜，但偏酸同帶有咸香，十分有驚喜😋😋值得一提嘅係枱上面有差電位，枱底有鈎可以掛袋，十分貼心👍

收工時間，又係無飯家庭出黎搵野食既時間，今日去左如心廣場行下，發現荃灣未來應該會好好行，如果今日食嘅係呢一間饞台式幸福食堂。喺香港台式餐廳多的是，但係唔係全部都好友台灣風味呢？當然唔係啦！所以我一直搵緊一間好「對味」既台灣野，結果比我搵到了。⭐️鹽酥雞 + 台灣蓬萊米 + 開胃菜米用咗台灣嘅蓬萊米，食落去軟綿綿，佢哋嘅鹽酥雞係精粹！又香口又脆，完全唔會好似街邊外賣嗰啲咁油膩！開胃菜估唔到都仲有驚喜，望落去好似韓式泡菜，原來佢係蒜泥白菜😍😍我最鍾意食蒜泥白肉，所以好啱我食!甚至我用埋嚟撈飯..⭐️台灣腸佢將台灣腸切到一片片，同我喺台灣淡水食嘅味道係一模一樣，超級好食而且仲好Juicy!..⭐️ 甜不辣平時喺台灣食到嘅甜不辣佢嘅魚肉味都唔係好出，直情係比較粉，但係呢度嘅甜不辣個餡好實在，陣陣魚肉香味。..因為太好食嘅關係，所以我買單嗰陣都捉咗老闆坐喺度傾左15分鐘偈，原來呢度嘅老闆係台灣人，佢哋呢一間舖頭用嘅材料九成都係台灣運過黎香港嘅，包括豉油都係台灣，而且老闆堅持要健康，所以都唔會落太多多餘嘅調味料，而且舖頭裝修簡單，坐落去好舒服好清新。希望大家去開荃灣嘅話，都可以嚟試一試下，因為老闆嘅堅持

荃灣西又有新樓入伙，商場陸續開幕，多咗唔少餐廳進駐，要試勻都要唔少時間呢日去行完DONKI剛好晚飯時間，未開始有人龍可以揀下試邊間老公話想食中菜咁就試試呢間 饞•台式幸福食堂對上一次去台灣已經兩年幾前啦，好掛住台式口味餐廳以木色裝修好舒服家嘅感覺，店內座位主要似自修室一個人食都唔會尷尬，另外有一張2人一張4人座位食物以定食形式供應，揀選主菜，會包一份前菜同埋白飯同老公再加錢一份轉滷肉飯，一份轉貢丸米粉鹽酥雞套餐 $70 + $12 貢丸米粉不嬲對香口嘢無咩抵抗力，鹽酥雞更加係難以抗拒即叫即炸脆卜卜，咸味適中，咬入口唔會過熟仲有肉汁彈出嚟配返比較清淡嘅貢丸米粉真係啱晒，真係用返新竹米粉架鳳梨蝦球套餐 $78 + $10 滷肉飯78蚊出去叫小菜，有蝦，都預左比較細碟呢份鳳梨蝦球一上檯大碟到嚇親﹗數過有9-10隻沙律醬同菠蘿BALANCE返，食完一隻又一隻唔停口滷肉飯完全無油膩感覺，醬汁勁送飯，差啲想加多個白飯呀哈哈

放假特登過嚟donki 行吓街睇下有咩買 行到攰攰地就去搵啲嘢食 ， 見到呢間唔錯就試下啦.薑汁烤豬扒 套餐 (開胃菜 , 台灣蓬萊米)價錢: $76豬扒薄切3大塊 每啖都食到濃郁醬料味 煮到好淋 但又唔鞋口飯 具彈性 比一般米飯黏 涼拌木耳 爽口 加左杞子 作點綴 幾靚.仙草奶綠 $12 加芝士鮮奶蓋 $8我係無法抗拒芝士奶蓋嘅魅力 有 通常都會加 呢個奶蓋冇令我失望 飲落有種好香甜嘅pancake 味 冇叫小甜 飲落都岩岩好 .食完呢個lunch 好滿足 可以再去donki戰鬥過

1️⃣饞食堂超大碗滷肉飯 ($50):果然冇改錯名，飯嘅份量差唔多有2碗，完全係飯筒食堂。 滷肉份量差唔多鋪滿成碗飯，的確係食到肉塊帶少少肥膩，唔係單純肉粒，咸味剛好，肉偏軟嫩，食完唔覺油膩，暫時成位我係香港食過最好食嘅滷肉飯👍🏻.2️⃣ 鹽酥雞飯 ($70): 鹽酥雞嘅份量比我想像中多，足足有一碟滿。鹽酥雞炸得岩岩好，外酥脆內軟，肉嫩滑、不太油膩，鎖住肉汁，亦唔會滿口炸粉👍🏻唯一覺得味道少咸，胡椒鹽份量多咗d。推薦鐘意食鹽酥雞嘅朋友食去食，性價比高。炸雞仲要即叫即炸，誠意十足.總結，鐘意食台灣菜嘅朋友仔值得一試，菜式選擇係唔多，但勝在性價比高，而且lunch不用加一。

今日同老公去咗如心廣場叫外賣食晚飯，行嚟行去都唔知想食咩，想平平哋食但係又唔想食頹野，最尾行過呢間台灣野見到有老公鍾意食既藥膳排骨飯就決定食呢間。老公叫咗藥膳排骨飯配爆米花仙草奶茶，我叫咗紅燒燉牛腩配檸檬冬瓜茶。外賣等咗唔係好耐，大約10分鐘就攞得啦！返到屋企即刻開嚟食，啲嘢食都仲係好熱辣辣，仲聞到好香嘅藥材味！佢仲有送個開胃菜，應該係酸辣嘅白菜，我自己覺得有少少辣，但係老公覺得好好味，食晒兩兜。到主菜啦，個藥膳排骨飯都好重料，望落成兜都係藥材同排骨，但係湯底有少少唔夠味。而個牛腩就好濃味啦，啲肉又好多又好嫩，一啲都唔硬！飲品方面個檸檬冬瓜茶有驚喜，甜甜地又酸酸地好解渴，但係個爆米花仙草奶茶就甜得滯，飲落好重奶精味！相比之下我會推介檸檬冬瓜茶多啲啦兩個餐加埋都唔使$200 ，仲有一個鐘停車場送添！

裝潢簡單，開放式廚房，可選擇的套餐及小食都較一般台食店小。但食物份量充足，也十分美味。點了一個藥膳排骨，排骨淋，湯底不肥膩，配跟餐的腐乳醬汁一絕。另外鳳梨蝦足有8大隻，不輸酒樓小炒。

今日家母冇煮飯，唯有喺外面商場求其買個晚飯食下，見荃灣如心廣場呢度都有好多新餐廳開，而呢一間台式幸福食堂都幾人多排隊，決定試吓買佢嘅外賣先睇佢餐牌款式都唔少，除咗有佢嘅招牌嘅藥膳排骨同埋大家都比較熟悉嘅台式鹽酥雞飯之外，仲有好多小菜同配菜，我最後叫左個鳳梨蝦球餐。另外，就算食素嘅人都唔需要怕，可以試吓佢嘅三杯素菇豆腐！等咗大概五至10分鐘，我嘅外賣就整好咗啦，我嗱嗱臨攞返屋企試試先，佢配既前菜小食係涼拌黑木耳，味道都好fresh好開胃一開個鳳梨蝦球都幾香！不過賣相隻顏色就冇圖片顯示得咁colorful，我好欣賞佢嘅外套設計，佢係一個兜裏面仲有分夾住飯同埋主食，咁就唔怕啲汁同醬將會沐晒落啲飯到！呢個鳳梨蝦球都唔錯，而且份量好多！我諗都有成10件左右，而且size都吾細！不過好可惜係因為拎返屋企有段時間，所以外面層炸衣已經吾脆，都係prefer大家當食呢個，反而外賣可以選擇個招牌藥膳排骨，仲好養生！

店面很簡樸～很有台灣味道客飯選擇不是很多，可是看上去都很好吃中菜是我口味我們兩人點了薑汁烤豬排 豬排很嫩，超入味，🙊可能口味偏淡的人會覺得鹹，這個醬汁不只是薑汁哦，應該還有放麵豉醬吧感覺是媽媽的味道～還有這個泡菜不是韓國口味的，但也很好吃，酸味不強 蒜味更特出可以塞滿一大口飯另外一份是沙律醬炒蝦🍤，可是這道菜做的不太好，上面那層粉漿不夠香脆，都軟軟的還有如果改換沙律Wasabi醬應該更好吃鹵肉山菜就很正常，沒有什麼評論囉下次想試藥膳排骨

今天約了朋友去行荃灣海之戀商場，發現附近的如心廣場開了很多新餐廳，看到一日台式小清新餐廳，環境十分舒適、清新簡潔設計，讓我不由自主地走去看看ヽ(｡･ω･｡)ﾉ餐牌上的食物都好吸引，因疫情關係想去台灣也去不了😭止一止心癮就試一試這間台式餐廳，超多選擇呢！有蝦球、魯肉飯等等，但最後被紅燒燉牛腩吸引著。好耐無吃牛腩了，所以叫點了一個紅燒燉牛腩，牛腩煮得非常之淋滑，入味☺️再加上白蘿蔔清甜，蘿蔔加上牛腩真的是絕配！套餐還會跟一份開胃菜～是用豆整成的豆絲干，加上幸福食堂的台灣蓬萊米白飯，與一般白飯不一樣喔😍超香的一起吃都不錯的，在等待外賣過程，聽到店員也是用普通話溝通，好像去了台灣般的親切感呀(*ﾟ▽ﾟ)ﾉ雖然因疫情去不到台灣吃美食，但這間台灣食店絕對跟台灣的味道一樣美味ヽ(｡･ω･｡)ﾉ

我好中意食台灣野，疫情前成日去台灣，行親夜市一定食藥燉排骨，因為真係得台灣整得好，尤其冬天食超暖笠笠。尼間台灣野好新淨，乾淨企理既環境，坐得幾舒服。一坐低有提供紙袋裝口罩，又有消毒濕紙巾抹手，非常細心。我地3個人黎食，一人叫左一個餐。我一見到藥燉排骨就好猶豫要唔要，因為香港好多台灣餐廳都有得食，但成日都係整得普普通通，最後實在忍唔住，太耐無食過就叫左。一上菜，d藥材味超香，第一時間飲啖湯，望落好濃，但飲落唔油，好清，藥材味入喉好舒緩壓力，可惜有d唔夠熱。排骨好軟好林，有少少軟骨連住d肉，好好食。另外叫左鳳梨蝦球，紅燒燉牛腩。蝦球我望落以為好炸好油膩，但食落好脆，炸粉好薄，d蝦都新鮮好爽口，沙律醬好配好送飯。至於牛腩勁入味，仲有少量牛筋，入面d蘿蔔煮到林唒。佢d餐會跟埋開胃泡菜，比起韓式果d無咁辣，岩唒我。最後另叫左一個台灣腸小食，不過不失啦，但竟然無跟生蒜頭，少少失敗

位於如心廣場2期的饞。台式幸福食堂，老早在它剛開張的時候已經很想嚐嚐，這晚回家前剛好要到荃灣的Donki 買些日式醬料回去煮飯用，給了我一個好藉口嚐試新餐廳。除了餐廳是我喜歡的台式料理之外，最吸引我的地方應當是它簡潔的裝潢，僅以白色作為牆身和室內主色調，配柔和燈光和木系桌椅作點綴，小清新的風格看得很舒服。餐牌的選擇不多，主菜套餐只有5款。我點了藥膳排骨，而男友則點了燉牛腩。每一份餐都配了 Kimchi，味道和我在超級市場買回家的有點不一樣。它的味道偏甜，辣味適中。藥膳排骨味道像肉骨茶，湯頭藥味頗濃，排骨已經燉至味淡，可加點附帶的醬汁調味。燉牛腩肉質夠腍，醬汁鹹度適中，配飯則是剛好。

今日早放工去左Donki 諗住買d 水果返去比仔仔食，點知仔仔打來問我放工係咪肚餓，不如你買盒飯返來同我share 食， 阿仔叫到，買完水果就去如心廣場睇下有咩外賣好食，比我發現新店我和仔仔都未食過，一於就呢間。我買左個鹽酥雞配飯和開胃菜， 由於即叫即炸，所以都等左一會兒，當拎起外賣時嗅到那一份熟悉的香味我就知我冇選擇錯，拿拿聲回家同仔分享。一返去仔仔已經估到我買左鹽酥雞，因為真係好好香， 我們share 來食，雞件份量都幾多， 咬落去面好脆，入面好juice ，堅正囉， 仔仔係咁同我爭食 。另外我都買左杯蒟蒻球百香果綠茶， 入面茶香唔錯，而蒟蒻球口感好得意， 但又係我飲了幾口就比仔仔爭飲哂了。睇來下次要買兩份先得。

依間係如心2新開既台灣菜 勁無印風 入到去好舒服🤤店員一坐低就送上消毒紙巾同埋口罩紙袋 好貼心-鹽酥雞+台灣蓬萊米 +開胃菜$70鹽酥雞好大碟 皮唔厚 一啲都唔乾開胃菜係紅蘿蔔西芹粟米仔涼菜有少少辣好啱送飯🥰-爆米花仙草奶茶跟餐+$15飲落第一啖有少少奇怪但係飲下飲下又幾特別 係台灣奶茶味道加少少甜爆谷味 唔算好甜同仙草好夾🌟🌟-滷雞翼$21 滷蛋 $8 雞翼正常味道 蛋值得一試 蛋黃一啲都唔乾 配飯一流🥚🥚午餐同晚餐餐牌一樣 感覺午餐有少少貴但係勝在夠大份

係商場經過見到，看看menu見價錢合理就買過一次外賣。今次就係叫外賣速遞，兩次既食物都唔錯，份量亦好多。首次係饞食堂超大碗滷肉飯，肉燥飯大大碗，配上滷肉同滷蛋，好味鹽酥雞配飯都好味，皮脆，味道適中！送到時都仲熱！最後係炸花枝丸，彈呀惹味，推薦，不過送黎都凍左了！