首爾石鍋燒

營業中

休息中

話說成日嚟呢間餐廳都要排長龍，今日6:00pm有位。超開心。 見佢有幾款石鍋飯同豆腐鍋都係必食。 今日試新嘢，豬腩片石鍋飯。朋友就話要食泡菜豬腩片辛辣麵。.首先個石鍋飯大概10分鐘就到，嚟到嘅時候已經覺得好香。。 哇！！攪拌嘅時候仲有吱吱渣渣聲，好正好似自己炒咁，醬汁係重點！ 令到個石鍋飯好好惹味，豬腩片煎得肥美香口，怕唔怕肥就見仁見智，不過肥美就係邪惡，亦都係呢到最好食嘅石鍋飯！最好食嘅石鍋飯-豬腩片好多飯焦朋友嘅泡菜豬腩片辛辣麵我問朋友辛辣麵做乜唔喺屋企煮，佢話呢度嘅辛辣麵跟泡菜豬腩片真係正，呢度啲泡菜好似好食過出面，整體系唔錯。

首爾石鍋燒（Mong Kok)經過旺角想食間韓國嘢🇰🇷 見呢間暗暗地 氣氛好似唔錯 不過食落就。。🤧🤧⌖ 韓式伴飯（烤肉）🐷🥒🌽🍚💰$65🤔伴飯搭配上有少少奇怪 面頭係青瓜片、粟米、青瓜絲、肉鬆、木魚同埋烤肉 要落曬隔離嘅辣汁一齊撈先夠味 識落好明顯係欠缺韓式拌飯嘅麻油味🤒 主角烤肉好老身 整體好一般🤐⌖ 韓風一口雞 🐔💰$42賣相幾好 不過食落就好乾身 凍少少會更加硬 隔離配嘅茄醬🥫都唔太夾 唔推薦🤒🤒⌖ 炒年糕💰$58失望嘅炒年糕🥴 年糕同啲汁完全係分離嘅感覺 味道真係唔太夾 完全唔似韓式炒年糕嘅味道🤥🤥⌖ 泡菜烤肉蔥餅 🌮💰$58賣相一般般 食落有少少脆邊位 食到有蟹柳、粟米、泡菜同埋烤肉🤨 就咁食會比較淡口 要配埋個韓式醬會惹味啲😗😗⌖ 凍紅棗蜜 🍹💰$10少見啲嘅飲品 味道OK 幾滋補嘅感覺🤫🤫⌖ 凍蘆薈茶 🍹💰$20諗住蘆薈茶會幾特別 點知。。 係平時買到嘅蘆薈泉水🥲🥲 會飲到蘆薈粒 不過小編覺得係超甜 要溝水先飲得落😬⌖ 附送前菜🍴💰$0落單完之後侍應就會俾哩碟前菜 係豆芽同埋泡菜 味道正常 泡菜偏酸小小🤏☻ 回頭指數：5.5/ 10#Fatshit_ami #Dinne

好耐冇嚟旺角了。好多舖頭都轉晒。依家首爾石鍋燒依然喺通菜街屹立不倒👍今日同朋友嚟食。我叫咗最有名的「蕃茄泡菜烤肉豆腐鍋」。石鍋上，好吸引。蕃茄配泡菜配搭一流。又酸又辣湯底好正，湯底送飯一流！鍋入邊的食物豐富。有蛋有豆腐有烤肉有韓國魚片。鍾意食泡菜嘅朋友不要錯過！朋友叫咗泡菜大蝦炒飯。因為朋友唔可以食太辣，所以佢叫咗小辣。小辣即係少啲泡菜。店員攞出來的時候已經聞到好香的炒飯味道。似係即叫即炒。我見啲大蝦都有五六隻，都好大隻下。呢間餐廳食物價錢唔貴，性價比高，難怪做咗咁多年依然有捧場客！

今日母親節 ，下晝出嚟旺角買禮物 。行到咁上下，好肚餓，咁啱經過女人街， 好多餐廳選擇 。唔知食咩好 ， 見到呢間餐廳感覺ok就入去試下 。。。好想食頭鍋飯 ，唔知邊隻好。。。有傳統石石頭鍋飯， 又有泡菜石頭鍋飯，豬腩片石頭鍋飯 ，金菇肥牛石頭鍋飯， 芝士石鍋飯。 咁多款都想試下。。問咗侍應有咩推介， 最後揀咗芝士石頭鍋飯 。個鍋飯有幾多配菜， 有啲免治牛肉 ，跟芝士 味道濃， 幾好食。 食到底真係有脆脆嘅飯焦喎。 飲品有半價錢 。整體嚟講都ok， 侍應好有禮貌，加分。

一入到去，冇比餐牌，仲要我提，前後連埋我都係2張枱，仲有一枱似係屋企人黎食，我見個女仔掃完我電話之後坐埋去一齊食。叫咗炸醬麵，勁普通，唔值69+7，自己買一包整仲好食個佢，0服務都可以收服務費，唔會再食。真比錢買難食同難受。

成日聽到隔離team啲同事話去女人街食韓國野好抵，就上openrice睇下啦，睇落似係呢間。真係抵嘅，五六十蚊茶餐廳價，可以過下韓國癮。我叫左泡菜烤肉豆腐鍋，加5蚊轉左跟烏冬。落完單就俾左個冇乜味嘅韓國芽菜小食，多少少麻油就好喇。上枱時個鍋好熱辣辣，烏冬夠晒彈牙，湯底唔會太辣但有泡菜味酸酸辣辣好開胃，肉有少少焦香，豆腐係盒裝豆腐滑捋捋，成窩都滿嘅好豐富。正唔正宗唔重要，好味就夠，60蚊嚟講係抵食嘅。

今次係高質平民下午茶！係門口已經聽到韓文歌，而且假期下午餐時間 間中都會有人排下隊，但好快就入得😋食野緊係要熱辣辣先好食，平時食烏冬都係碗上🍜，但呢個係石鍋上架個烏冬！ 泡菜石鍋烏冬 T05!! T05!! T05!! 🍲🍲 都只係40蚊!!! 唔好睇佢平平地，但好足料架 有🍅+🌽+🐷+滑豆腐+好食烏冬(並不是十蚊3個酸嘅烏冬) 咁凍嘅天氣食啲熱辣辣嘅野真心暖哂，而且個湯底係好濃，每次食都會飲哂啲湯，凍飲都係 +$2 成餐飯都係$42蚊，真心抵食🥳🥳🥳值得狗衝指數：🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️

每個星期六我哋都會去首爾食呢個番茄泡菜烏冬。。一個下午茶40零蚊，唔使加錢仲包埋飲品！真心抵食呢個番茄泡菜烏冬有三大塊蕃茄，豆腐，同埋好好味嘅泡菜！！泡菜酸酸辣辣非常惹味呢！識食就係梗係飲埋佢啖湯，因為湯底好濃郁，連個烏冬都吸了濃湯嘅味道。。呢個下午茶真係非常吸引，出邊好多餐廳飲品要加幾蚊，但呢度係包免費熱飲!! 不過個烏冬滾住上都幾熱， 我通常都會揀杯凍檸茶或者凍奶茶，都只係加$2！！＄42蚊真心抵食，所以我哋每個星期六都會由將軍澳專程搭車過嚟食有時都會幾多人要排隊等一陣。。

喺旺角呢頭返工, 平時中午就嚟呢度食lunch!午市套餐都幾抵除咗午餐之外，另外包一碗餐湯以及一杯飲品餐湯粟米蛋花豆腐湯。看似普通的一碗湯，味道還是不錯的今天中午叫了個芝士泡菜部隊鍋。食部隊鍋當然是辛辣麵的愛好者呢！ 部隊鍋除了辛辣麵以外，還有泡菜，香腸，午餐肉，粟米, 泡菜餃子和雞蛋，十分豐富。。還有在辛辣麵之上還有芝士芝士跟辛辣麵口感10分夾。。yumyum午市套餐免費有飲品, 叫了冰紅茶*凍就$2* 剛好平和了熱辣辣的食物我地經常都黎, 呢到幾多人..早d 12点零就有位. 遲了好多時都要等枱...

呢間店係我一去旺角又想食韓國嘢一定會考慮嘅一間餐廳而每次食我都係一定會叫泡菜烤肉豆腐鍋配飯呢個真係性價比高到離譜特別午市配湯同熱飲又平又大碗食到巨飽當然大食嘅朋友們就應該唔夠個鍋入邊有蛋，粉絲，泡菜，烤肉，魚糕味道咸淡適中湯入邊嘅泡菜就算煲過都仲有好濃嘅味道唔會淡到似烚白菜呢個鍋真係超級下飯真係好鐘意食我地仲有叫一個石鍋飯呢個就有少少細碗但加埋辣醬撈埋一齊甜甜辣辣幾唔錯但我最失望就係韓風一口雞一口就真係一口即叫即炸熱辣辣肉質都唔柴但唔知韓喺邊都真係幾普通最後有啲可惜就係環境真係好細好逼真係肥少少都坐唔到入去而且環境好暗有總唔太乾淨嘅感覺但總括而言小店好難要求咁高而佢嘅味道令我忽略咗佢嘅小瑕疵很讚！！！

好少寫食評 真係難食到未離開間舖就忍唔住要寫…呢間野算係我呢2-3年食過最中伏既一間 但見到咁多人話好食 好明顯知發生咩事 仲要唔係平，一個午餐$54-72石鍋飯- 入面完全冇配菜 d雞舊舊都係雪味牛仔骨 - 全部都係肥肉 勁多鬆肉粉 一舊都食唔到豆腐鍋 - 入面有明門卷同粟米粒係咩玩法 仲要得2舊豆腐好多架直升係呢間舖上面盤旋 - 伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏 （點都要寫到夠200 字比喊樣佢）

首爾💚蕎麥冷麵 $69金菇肥牛豆腐鍋 走飯 $78另收+1服務費-蕎麥冷麵配料有🌽 🥒絲 蟹柳絲 紫菜 木魚 玉子 🍥啲面軟琳琳 但都有啲口感 仲偏幼身🍜我覺得啲質感都ok個汁甜甜地 分量都足夠去浸🥒絲同🌽令到成疊野感覺上開胃啲👻紫菜同木魚就搞到好似有和風🎌不過其實佢哋幾香玉子甜甜地 我幾鍾意🥰但係個名門卷就爭啲可以厚多啲啲同埋佢有咁奇怪嘅味🤭．金菇肥牛豆腐鍋 走飯可以揀走辣個湯熱辣辣 幾好味😋入邊有金菇 肥牛 滑滑嘅豆腐 泡菜 同埋比一般韓國粉絲更加幼嘅粉絲👻個個湯幾香 幾好味😋．前菜💁🏻‍♀️💁🏻‍♀️💁🏻‍♀️青瓜🥒酸酸甜甜 有少少啦好開胃 最好食嘅前菜．泡菜有少少🌶．芽菜好似比啲唔知乜嘢水浸過咁有浸奇怪嘅味道．粉絲色素同個味道一樣都好鹹唔知做咩事🤷🏽‍♀️-23/8 eat唔寫得好詳細㗎啦💁🏻‍♀️-好味程度：🌕🌕🌕🌑🌑抵嘅程度：🌕🌕🌕🌑🌑服務態度：🌕🌕🌑🌑🌑會回頭率：🌕🌕🌕🌑🌑

今晚約咗朋友去女人街食飯, 見女人街咁多食肆都唔知揀邊間好。。我本身想食西餐或食川菜， 但係朋友話要經過首爾話想入去試吓勁多人等枱，我攞飛之後大概都等咗成30分鐘。。見餐牌啲嘢食價錢適中， 除咗基本嘅石頭鍋飯，韓國豆腐鍋等等，也有韓式小食及其他定食。叫咗一個泡菜烤肉豆腐鍋烏冬（微辣）首爾沙律，海鮮蔥餅以及韓風雞翼系出邊聽到排隊啲人話呢度啲烏冬好好食，點都叫黎要試一試。我唔係好食得辣，所以叫咗一個勁小辣。上枱時溫度好高，還是滾緊的鍋入邊有泡菜，豆腐，韓式魚蛋，雞蛋，有d肉，以及其他配料，幾豐富。。我較為欣賞湯底，味道濃，好食揀了幾個小食。。海鮮葱餅： 我試過放汁同冇放汁，味道截然不同！服務員細心提醒我哋蔥餅係跟個汁，有落汁個䓤餅真系好食好多！雞翼剛炸起，差啲六親個嘴🤭🤭夠鬆脆juicy,唔會好似出邊啲雞翼咁咸， 點個醬汁甜甜地增Tim味道

天氣凍，經過呢間食石頭鍋好似唔錯。。六點幾見裏面已經好多人。。咁就入去試吓先！，我本身鍾意食少少酸辣，見佢地豆腐鍋類好似幾吸引，就叫咗一個蕃茄泡菜豆腐鍋配飯一上枱個豆腐鍋滾辣辣仲係滾緊，幾正喎。材料有蕃茄，泡菜，豆腐，烤肉。。裏面仲有啲粉絲同埋半生熟嘅雞蛋🥚首先試吓湯嘅味道先！好濃郁好野味豆腐滑脫Lui Lui 的, 好似豆腐花咁滑。。，烤肉味道特別, 我以為啲烤肉係牛肉，不過原來問咗侍應佢哋話係豬肉來的隻生蛋半生熟，我最鍾意呢種口感。。豆腐鍋足料，食完呢個豆腐鍋基本上都幾飽，我竟然飲晒啲湯下次可以帶朋友過嚟試吓泡菜令到湯底超濃郁，酸酸辣辣，醒胃。🥳🥳聽到隔離枱加錢加粉絲，原來可以加錢加粉絲,唔食飯，都好喎，可以減肥

好普通既韓國料理餐廳，雖然價錢親民，多學生食既，但係食物質素真係一般，比較推介既係鐵板燒既🐷腩片，味道香口，佢哋既醬汁都系甜甜地，要講既係小編雞翼🍗當飯食，但係呢間既雞翼真心好差，又乾又冇味，黎到仲要凍既🤦‍♀️