首首.韓式小館 (已結業)

韓國我年半內飛左三次不得不承認我真係幾鐘意韓國早幾日同朋友突然好想去食tea我地無意中搵到呢間餐廳好驚喜咁發現有韓式tea set食啊感覺都幾特別上openrice看多d資料個tea set唔貴平均每人百零蚊同埋見人地有護膚品sample送真係覺得好吸引入到來環境好闊落好舒服一共有兩層我地坐卡位比較大同舒服我地發現呢度餐紙、menu同裝修都有用到同一圖案感覺幾花心思（餐廳送）護膚品sample好彩未送曬heehee手工泡菜飯團呢個有少少辣不過唔算太辣我唔食得辣都覺得唔錯韓式甜辣炸雞塊d粉唔厚炸得幾crispy甜甜地唔會點辣烤牛肉餅年糕卷牛肉包住d年糕d年糕煙煙韌韌整體食落好香香脆芝麻海苔口感超脆芝麻勁香牛油果焗釀飛魚子醬太陽蛋牛油果本身無特別味道加左流心蛋之後整體味道提升左乾杮釀芝士核桃最鐘意食呢個之前去韓國掃左好多合乾柿勁好食原來加左核桃之後會咁好食士多啤梨大福有去過明洞嘅朋友應該都有食過呢類街頭小食食完又開始掛住韓國lu布甸好滑啊韓國傳統茶是日韓茶為梅茶梅茶唔酸味道幾清新微甜唔錯整體感覺好正環境同食物都好有特色值得一試

我好肚餓，所以要食飯！叫左個手工製牛肉餅伴年糕配蜜糖醬油汁跟飯既。其實餐廳係之前公司附近，不過覺得唔係好抵食，所以一直都無試。收工唔知食咩好，又認起呢度有間未試過。個湯好好飲，飲啲咁暖既魚湯，令我諗起當時負13度係韓國街邊小食車既魚湯，味道係一樣咖！好好飲😭年糕用醬油燒過，有咬口，醬油唔會太咸，牛肉餅，如果係牛肉會好啲，因為感覺似高級既肉餅，有點漏。不過都好食。後來發現台台都點一份，我估都幾出名🤪

利東街重建之後，多咗好多特色餐廳，今日約咗朋友喺灣仔附近行街，所以決定就係睇吓有乜好食。行行下見到一間韓式餐廳，發現呢間韓式餐廳竟然加入左下午茶行列，所以決定入去試下。餐廳裝修型格，而且非常有情調，再加上柔和嘅燈光，非常浪漫。餐牌上菜式選擇好多，而且仲有High Tea Set。韓國仁川米酒，醇香綿軟，口感極佳。傳統韓國下午茶，以木製環形托架擺放八款精緻嘅鹹甜點。韓式甜辣炸雞，炸雞大少適中，每件到沾滿甜辣醬，外脆內軟。烤牛肉餅年糕卷，牛肉有咬勁，味道帶甜，內有年糕口感過癮。手工泡菜飯團，飯粒煙韌，配上辣辣嘅泡菜，味道一流。香脆芝麻海苔，海苔咬落香脆，配上芝麻更加香口。牛油果焗釀飛魚子醬太陽蛋，半熟嘅太陽蛋，以及焗過嘅牛油果增添左一份焦香，再配上飛魚子醬那淡淡的鹹香及海水味，各種味道十分配合。柿乾釀芝士及合桃，非常特別嘅配搭，軟林林嘅柿乾同芝士，加上合桃硬中帶軟，果仁味濃郁，味道非常特別。鮮草莓糯米糍，軟滑滑嘅外皮加上新鮮超甜嘅草莓，味道一流。迷你藍莓奶凍，口感幼細順滑嘅奶凍，加上濃郁嘅藍莓味，非常滋味。最後仲附送，化妝禮合，相當貼心。

第一次去利東街，係入面食埋野，睇岩食呢間韓國東西，不錯不錯！嘿嘿呢個泡菜海鮮煎餅，好好食，Ｄ海鮮係新鮮爽口的辣度剛剛好，而且有Ｄ脆邊！配埋新鮮的火剪菜沙律，嘿嘿呢個係春川辣炒雞，件件雞都是雞球已去骨，好惹味香口！呢個份量都唔小，嘿嘿雞件夠哂滑，索哂Ｄ汁之餘仲好入味！嘿嘿呢個係碎牛腩蛋花粉絲辣湯配白飯呢個賣相普通，ＢＵＴ非常好食口感夠哂有層次，味道辣辣地好開胃！嘿嘿前菜都好好食，泡菜味道比較特別，淹得入味夠酸辣送的炸雞。

不嬲都唔多鍾意喺香港食韓國餐，但今日嚟到呢度，竟然俾我見到兩個韓國人入去食lunch喎！韓國人都食，咁梗係要跟住食啦！入到嚟，環境超企理有兩層，而且洗手間喺樓上，個牌仲用韓文寫㗎，竟然有一種喺韓國食野嘅感覺！前菜我唔食得辣，Kimchi對我嚟講已經好辣！另外木耳及蓮藕都好爽口牛肋肉蘿蔔湯 ($158)其實係牛肋骨連肉，估唔到$158有7塊咁多！平時百幾蚊得2-3塊㗎咋，驚喜！湯非常清甜香濃唔鹹，用嚟撈仁川米飯食好開胃；牛肋骨係好軟腍，我想咬開嘅時候，舊骨竟然瞬間跌咗落檯面，骨肉分離真離譜！蘿蔔超級入味，味道清甜唔苦，非常滿意！烤手工製牛肉餅伴年糕配蜜糖醬油汁 ($168)賣相好吸引，牛肉餅好有光澤，睇見就好想食！旁邊嘅年糕外脆內軟，醬汁徘徊在似甜又鹹之間，非常惹味；牛肉餅口感似漢堡扒，甜甜哋好入味，手打得好結實，唔會一咬即散今日嘅餐飲係人參雪梨茶，入面加咗少少柚子，令人參味道唔會太濃郁，就算唔鍾意人參嘅都可以飲得安心食完當然要走上樓上睇吓，裝修一樣係咁型格，但可惜洗手間原來係要行到去商場入面，一路行一路心諗到未啊？如果餐廳入面都有洗手間就好了！

自從地鐵站出口打通左去利東街之後, 黎利東街影下相買下野都方便左好多, 作為灣仔既地標之一, 美食當然少不了呢間首首.韓式小館係食韓國菜, 地舖好易搵一坐低, 侍應已經馬上送上暖暖既麥茶☕️然後就係送上港人至愛既泡菜卷得好靚好有心思, 淹得入味好好食韓國菜點少得飲番碗紫菜湯呢👍食完泡菜飲, 可以清番d 辣味迎接主角出場🤘香煎韓式薯仔脆餅 - $108薯仔脆餅上碟擺放得好整齊, 薯仔餅好脆, 脆片亦脆, 真係雙映成脆架😂點埋個韓式辣醬更具風味👍春川石板辣炒雞肉 - $138韓式辣醬控注意!! 此辣炒雞肉辣味非常濃厚, 平時食開辣野既我都食到一額汗😝雞肉好入味, 肉既最入面都係咁辣😂傳統五色石鍋飯 -$128食完d 咁刺激既辣雞, 要食番d 清少少既食物中和下🙈五色石鍋飯就恰到好處, 清新既五色蔬菜加埋隻蛋, 食後頓時覺得refreshing 😂而且最正既係有飯焦架, 脆卜卜好香口👍

晚上去灣仔食飯 新的囍帖街 變左歐洲風從外面睇 都無察覺入面會係韓國菜去到門口都突一突我遲左去join其他人 都已經點左菜一坐低就有得食 好耐無係香港的韓國餐廳 提供一碟泡菜 這次仲有較少食的 筍 海鮮炒韓國粉絲 超煙韌 最鍾意個好濃的黑麻油味煎蝦餅 大大粒蝦係入面 蝦餅好厚 食一塊都飽飽地最好就係 伴碟的 火箭菜refresh 下味蕾薯仔脆餅 有d似 瑞士薯餅一堆薯絲煎餅 好結實 沒有散開叫左兩個拌飯 都好好味 每個配料都切得好fine自己撈 加幾多辣醬自己定 仲有湯配韓式炒豬肉 有dd 辣 不過同d葉一齊食就無野 d 葉 幾得意 唔知係咪青紫蘇葉呢仲有d 蒜頭和洋蔥 其他人話好甜 見到檯面 有promo join app 有炸雞送當然立即join了 甜辣炸雞 細細粒 juicy 無咩熱氣一人一啖 剛好過足口癮 食物又好 環境又寫意 連高要求的長輩都滿足到

日前行過利東街, 打完卡影完相, 就隨便搵間餐廳入門口好似幾靚, 就入左去成個氣氛都有好情調, O岩哂利東街O既環境食韓國野當然唔少得泡菜, 哩到前菜小食都有三款韓式粉絲就每次都會嗌哩間炒D 粉絲非常彈牙!調味O岩O岩好,  唔會太甜韓式蝦餅, 脆脆地, 幾香口韓式辣炒自然豬..............究竟咩係自然豬呢?我唔知! 不過豬肉辣辣地, 幾開胃伴碟蒜頭同埋洋蔥都食得, 好甜! 唔會辣又一碟韓式煎餅脆卜卜, 又係香口野至香O既韓式伴飯, 石頭飯熱辣辣, 等一陣再撈, 就整到飯焦脆卜卜, 仲有焦香, 撈埋D 醬一齊食,不得了牛肉伴飯, 今次冇飯焦又係另一個口感新加入會員仲有一小杯韓式炸雞送!積分仲可COUPON有驚喜 

利東街西餐廳林立，原來都有間特色韓式餐廳，餐廳裝潢精緻，座位舒適，我地就放工後黎舒舒服服食晚飯。要鬆一鬆，當然要叫支啤酒，這支是韓國啤酒，夠冰凍，麥味香濃。每位都有一小碟前菜，有泡菜、海帶、酸甜蓮藕。好喜歡泡菜，如果有多點泡菜就更好了，好開胃。牛肉飯配一碗湯，有清淡的洋蔥味，不錯。牛肉飯有海苔、芽菜、菇、青菜，牛肉嫩口，肥瘦適中，辣醬微辣，把所有菜與醬料攪伴均勻，一口吃到所有菜，口感豐富，好飽肚！見差不多每位食客都點牛肉餅年糕，我地又試下。牛肉餅好鬆軟，牛肉新鮮，有蜜糖甜甜的味道，再配蒜粒，甜中帶少少咸，年糕軟綿綿，這菜好特別！埋單發現原來happy hour酒有7折！

老婆想到灣仔的利東街走走，於是接她下班後便直接乘地鐵到灣仔，原來現在已經有地鐵出口直接到利東街的地下場商，十分方便。行了一陣子之後開始肚餓，於是走上地面找吃的。一上來便看到這家裝修不俗的餐廳，而且有兩層高，感覺像是西餐廳但原來是韓國餐廳。吃得西餐多，今晚就吃韓國菜吧！老婆胃口不大，於是點了一個《自家製人參雞湯 $228》份量不小，足夠二人享用。整隻春雞配上紅棗和原條人蔘，聞落已經陣陣人蔘香，入味清香，如果想濃味一點可自行加添隨湯附上的鹽和胡椒。燉過湯的雞肉來說，此春雞的肉算是嫩滑，都十分飽肚。自己再點一個《韓式燒牛肉拌飯 $128》，主要有燒牛肉，配菜有紫蘇葉、辣蘿白、菇、荳芽和舖於飯底的紫菜，加入紅色的韓式大醬再拌勻整個飯實在很香口惹味。如果想要飯焦的話可以先放一陣子才拌勻。

很多時走到利東街都是日頭時間，每次看到這家別緻的Bistro Seoul都想一試，特別是吃晚餐，因為加上利東街的氣氛感覺必定很浪漫。今晚男人終於應我要求帶我去試試。先來三式前菜：再點了三個菜：《生魷魚及八爪魚薄切 $128》賣相有驚喜，第一次吃到這種生魷魚及八爪魚薄切。當中有冬菇、海藻、木耳、蘇子葉、生魷魚及八爪魚薄切，全部都切得碎，生魷魚和八爪魚份量比較少，但整體帶有煙韌口感，加上檸檬汁令味道清新提味，作前菜會不錯。《雜菜炒韓國粉絲 $98》首先對筆者來說最重要的是粉絲沒有過油，而且調味沒有過咸，一切都適中。粉絲煙韌彈牙，加上木耳、青椒、黃椒、蔥和冬菇片，加添色彩之餘口感更加豐富。《韓國酒香汁醬汁燜豬腩肉 $148》豬腩肉份量算多，雖然有脂肪但不油膩，連皮入口反而有爽口彈牙的感覺。另外隨碟會有子蘇葉、蒜芯、洋蔥等配菜。每片子蘇葉都淋上了韓式酸辣醬，把豬腩肉蘸上醬汁再放上片子蘇葉和加上配葉，入口微辣香口，子蘇葉的味道更於口腔久久不散。晚飯後再漫步利東街感覺很浪漫呢！

陪朋友去利東街買東西，見有家店鋪有下午茶套餐，很吸引，仔細一看，才知道是韓式料理。牆上貼了好多韓式銀匙，另一邊有很多酒瓶。吃韓式料理，當然要吃我最愛的石頭鍋飯，五色石鍋飯簡單得來，營養價值豐富，熱乎乎的，拌完辣醬後，色香味美。牛肉炒粉絲亦是我的不二選擇，但是在香港吃，不容易吃到地道韓國的味道。而這家店煮得剛剛好，粉絲煙煙韌韌，配彩色椒及雜菇，還有牛肉絲，微辣，不鹹。泡菜豬肋骨相對有少少辣，豬肋骨很腍，泡菜很入味，配上豆腐，好喜歡。

記得讀書年代，曾經因為做project要到人去樓空待清拆的囍帖街，十多年後囍帖街變成現在的喜歡里。喜歡里除了以婚嫁做主題，街內都進註了很多特色食店，而早前去開灣仔才發現港鐵也多了一個通往喜歡里的出口。今次跟朋友的飯聚地點，就定在喜歡里內的一間傳統韓國菜館。＊＊＊＊＊＊＊＊＊＊＊＊＊＊說的就是首首。香港雖然多韓國餐館，但大部份不是韓式炸雞店就是韓式烤肉店，傳統韓國菜算是小眾，首首主打的就是這類小眾的傳統韓國菜。前菜三味點餐後每人會有一碟三味前菜，由左至右分別是牛蒡、泡菜和中華沙律。牛蒡爽口，泡菜夠辣。橙汁($40)天氣熱想飲杯凍飲，飲返杯橙汁開胃就最適合。手工泡菜海鮮煎餅($108)泡菜海鮮煎餅一客有三塊，煎餅有蝦和泡菜，入口微脆幾香口。傳統五色石鍋飯($128)五色石鍋飯有脆肉瓜、紅蘿蔔、蟲草花、豬肉和冬菇，顏色豐富幾吸引，左邊跟石鍋飯一用奉上的是韓式辣醬和蛋花湯。食客可按自己喜歡的辣度加入韓式辣醬奉飯，石鍋飯軟硬度適中，加入韓式辣醬幾惹味，還有一點飯焦。自家製雲呢拿雪糕伴甜合桃及黑白芝麻脆片($68)雲呢拿雪糕幾香幾滑，雪糕下有芝麻脆片，脆口得來很香芝麻味，兩者非常配合。總結，食物整

今日經過玩具街睇玩具，行行下開始肚餓，都係決定提早食晚餐先。一於行入利源東街搵食，入面都多咗好多餐廳小店，見到有間韓國餐廳環境好似不錯，老公又話想食，就決定今晚就食返餐韓國菜啦！😆😆餐牌選擇都算多，而且圖片吸引海鮮炒韓國粉絲粉絲非常Q彈又有咬口，香味十足，蝦肉爽口彈牙，帶子鮮甜軟嫩，好食👍🏻大邱香辣蒜粒炆牛肋骨一上枱已經聞到好香，味道甜甜的，好濃郁香氣，辣味不算強勁，牛肋骨肉質軟嫩入味，令人食唔停口，堅正👍🏻👍🏻👍🏻韓式燒牛肉拌飯燒牛肉香味撲鼻，仲有泡菜，蔬菜等等，加入韓式辣拌飯醬拌勻，口感豐富，材料豐盛，正😋 只是略嫌不夠熱 餐廳比較多外國遊客，但員工英語能力高，接待完全不成問題，抵讚👍🏻

利東街重建後，有多左好多外國餐廳進駐😗依間韓國嘢都喺我口袋名單入面有一陣😌等口袋深一啲就去食左個午餐🍽一坐低就會得到前菜同湯，湯係正常韓國餐廳會飲到嘅味道，前菜除左泡菜仲有筍絲同海草😌我哋分別點左依兩樣嘢，再加多左份蒸餃子🥘同學嘅辣炒豬肉分量都唔少，有菇絲係入面增加口感，辣味都幾夠🍚配白飯都幾開胃我點嘅泡菜炒飯偏甜味，份量都係幾大份，煎蛋十分靚仔🍳飯粒分明唔會濕，惹味之餘又唔熱氣😗😗韓式蒸餃子唔算好大粒，饀料豐富，皮都有嚼勁，可惜底部有啲太濕，但個饀都係好香☺️如果有泡菜味就好啦🤤是日韓茶係柚子蜜，滿足🤡