首首.韓式小館 (已結業)

位於喜帖街上，主要提供韓國菜式，是一間非常浪漫的餐廳，主要提供韓國菜式。可惜韓式香煎韭菜壕餅以售止，所以我們未能品嚐到。傳統五色石鍋飯份量適中。醬汁微辣，有分開放置，方便我們自己調節份量。太陽蛋令這道本來是素的菜式變得豐富吸引。自家製韓式煎蝦餅蝦餅足料，不太油膩，內軟又帶彈性，口感不錯。韓式石頭鍋米糕伴自家製雲呢拿雪糕份量不多但非常精緻。米糕在石頭上熱著，配上濃香的雪糕，好吃又特別。傳統韓國五味奶凍份量雖小，但味道濃郁。奶凍有著香濃的奶味，但不太甜，跟較甜的鮮紅五味子汁非常相配。服務周到，環境舒適，菜式多樣化，又適合蔬食者。我和朋友享受了一頓美味的晚餐。

<利東街美味韓菜>灣仔站a3出口對出既幾條橫街 好似春園街 船街 大門東街各有美食 主要都係中菜小炒茶記等等美食 🔥 不過其中一條橫街利東街別樹一格 特色既裝飾 加上高檔既鋪頭 令到好似置身蘇豪區既感覺 食物方面主要都係有酒吧類 既西餐 其中一間韓國菜 首首 西餐酒吧既陳設😉 食物以新舊韓菜合拼 此外仲有各式韓國酒飲 感覺良好 👍🏻😃幾鍾意佢前菜 既泡菜 筍絲同 薯仔🌿🌶🥔醃得酸辣開胃 🍴 韓式甜辣炸脆雞塊 118蚊 🐥🌶個淺藍色圓碟幾靚 , 炸雞 同平時好脆好熱氣既炸雞唔同 佢係偏細舊 出面有層醬汁 甜辣汁 唔錯 一開 始帶 d 辣 辣度一般 🌶雞後到一 d酸甜醬汁 最後先係雞肉 個雞肉整得有少少似咕嚕肉 外面帶少香脆 雞肉彈牙 唔錯👍🏻🐥 🍴大邱香辣蒜粒炆牛肋骨 248蚊🐖🌶用黑色鍋放住充滿醬汁既牛肋骨 牛肋骨好多件落足 料 面層既醬汁 蒜同辣椒都多 但比想像中冇甘辣 反而蒜味香濃 牛肋骨近骨位有適量既肥膏同筋位 食落 juicy有口感🐂 而且醬汁整得好入味 加埋爽口冬菇同 粟子 好味 👍🏻#韓國菜 #牛肋骨 #泡菜 #炸雞 #甜酸 Score 平均分 

星期四放工之後約咗個老死去食嘢,順便盡訴心中情。呢間都幾易搵，地鐵A2出口行5分鐘就到。餐廳我覺得餐廳樓底都幾高，燈火都幾通明。但燈光都比較柔和、感覺好舒服。梳化坐落去都幾軟熟。餐牌餐牌有兩個；一個係飲品餐牌，另一個係食物餐牌。如果喺餐牌裏面見到有廚師帽，即係廚師推介。食物前菜前菜有三款：泡菜、薯仔同蘿蔔。泡菜有少少酸但帶點辣：但有菜本身嘅爽甜。薯仔就幾淋但有少少甜。個甜似係蜜糖嘅甜。八爪魚鮮蝦沙律配清香芥茉醬呢個沙律有蝦、八爪魚、蘿蔔絲、洋蔥絲同埋青瓜絲：芥茉醬就會另上嘅。魷魚好彈牙，而且都好大塊。然後將啲芥茉漿倒落去啲沙律度撈勻佢。有甜甜地而且有少少辣嘅感覺，感覺好清新。韓式炒粉絲韓式粉絲內除咗粉絲之外，仲有蝦、魷魚、帶子，紅椒、洋蔥、菇、蔥同芝麻。粉絲口感煙韌，蝦同魷魚就爽口。味道有少少甜。帶子都幾滑口。自家製雲呢拿雪糕伴甜合桃及黑白芝麻脆片雲呢嗱雪糕都幾滑口，芝麻脆片有好香芝麻味。食落好脆口。韓式石頭鍋米糕伴自家製雲呢拿雪糕最底嗰層係米糕，之後就放上雪糕，最後呢就放咗粟米片。米糕係我第一次食嘅，嗰種感覺幾得意；煙煙靭靭。服務態度：我覺得服務態度都幾好，因為侍應會自動自覺幫我地換

剛好到胡忠交點資料，晚上到利東街逛逛，挑了Bistro Seoul ，一家新派韓國餐廳食晚飯。裝修走西方風格，跟一般的食韓國餐廳大不同。座位寬闊，很舒服。每位有三款前菜：藕片、牛蒡、辣白菜手工泡菜煎餅，香香辣辣，帶點脆口，不錯的開胃小食。鮮蝦八爪魚沙律，海鮮非常新鮮，特別是大蝦，肉質結實鮮美，配上各式蔬菜，麻醬沙律汁，清新又有豐富口感。炆牛腩絲蛋花粉絲湯，牛腩絲肉味濃。湯用泡菜和牛肉煮成，帶辛辣微酸，配白飯一流。石鍋年糕伴雪糕，鐵碗非常熱，不斷為年糕加熱，焦香米糕加上半雪糕，有點冰火同食的感覺，滿足！

下午同同事食好西，去左喜帖街的首首食韓國野。無BOOK枱都有位，不過就坐個大枱同其他食客SHARE，不過都OK 的，唔嘈，傾偈都方便。我同同事仔心大心細，個MENU上所有野都好似好好味咁呀，MENU第一版就係個SPICY海鮮湯飯，咁我想第一版應該係推介，其實我好想試但又怕SPICY，結果我退而求其次試了一個牛肉湯飯，一食就不得之了呀﹗牛肉湯飯個真係好甜，係肉甜唔係清甜，好濃郁，我真係在香港其他地方未試過咁甜的牛肉湯呀﹗而個POT有好多牛肉，佢係有少少咬口的肉質，我同事就嫌佢唔夠淋，但係我就覺得OK。啲肉係有少少肥，雖然我有少少怕肥，但其實咬開佢都好易，同埋食到少少肥又覺得佢好0個種肥美的感覺，真係起罪惡，餐廳又唔姑寒都有幾多夠肉架。最正我係將佢D白飯倒入個湯食，食吓食吓，我成個飯同湯都飯哂，一滴都無淨呀，你話幾咁誇張。佢個SET同場加映啲前菜，我同事試到佢係自己MARINATE的，即係新鮮﹗而餐後又有COFFEE, 都係靚野黎架﹗總括，要俾個9分佢呀﹗

話說今日要OT，兼且撞正落雨天，在灣仔返工的我不想再周圍去，於是就叫早放的另一半搭來灣仔等一等我。幸好，放工時不算好大雨，但既然我倆都在灣仔，那就周圍看看吧。我們出了地鐵站行兩行，另一半話想去囍帖街兜下。殊不知我們在囍帖街在雨中慢步時，旁邊就看見這間首首.韓式小館。首首.韓式小館在囍帖街上真是十分搶眼，有著一塊大大的透明玻璃，令人可以邊食邊看街邊美景。在進場前，我們亦須要看看餐牌先吧，食物款式、價錢在灣仔囍帖街確實是最符合我們的。我們選好食物之後，很快就有前菜奉上，值得一讚。⋮ 1. 手工泡菜海鮮煎餅, $118我們首先點了一份手工泡菜海鮮煎餅來作為前菜。另一半很喜歡吃韓式泡菜，這個泡菜海鮮煎餅肯定能滿足她的要求。開胃的泡菜配上爽口的海鮮，加上煎餅滋味的脆感，入口時可以用熱辣辣香脆脆來形容，儘管亦不是很辣。手工泡菜海鮮煎餅的鬆脆口感認真一流，但如果為這份煎餅再配上一些特製醬汁，那就絕對錦上添花了。⋮ 2. 長泡菜燉穀飼豬肋骨, $138上面已經提過，另一半喜歡泡菜關係，我們之後亦點了這份長泡菜燉穀飼豬肋骨。不說不知，這份穀飼豬肋骨是配以湯汁的形式煮成的，所以在進食之前，我們很自然地要先

和朋友在灣仔健身後，到朋友介紹位於灣仔利東街的首首。韓式小館補充能量。餐廳裝潢糅合了韓式和西式風格，共有兩層以及有少量室外座位，座位寬敞，一大班朋友聚會也有空間。晚市餐食主要分為前菜、主食和甜品三大類。前菜點了鮮蝦八爪魚沙律，鮮蝦和八爪魚十分新鮮，爽口彈牙，芥末醬汁爽辣香胃；手工泡菜海鮮煎餅，煎餅熱辣香脆加上酸辣的泡菜，很是開胃。 春川石板辣炒雞肉，熱辣辣上桌的辣炒雞肉，有多件雞肉和韓式年糕，份量十足，很喜歡它的甜辣醬汁，不會過辣影響味蕾；炆牛腩絲雞蛋花粉絲湯配白飯，粉絲湯的辣度比其他菜式稍辣，配白飯剛好，三二兩下就把白飯吃光了。 甜品朋友選了石頭鍋年糕伴雪糕，雪糕放在小小的石鍋內，加熱了的石鍋令雪糕融化，亦令年糕結焦，吃下去很有口感。 食物質素、份量和環境都很不錯，價位在灣仔區來說算是比較親民的了，整體性價比值得一試。

星期日去了灣仔利東街逛逛，到了一間韓式餐廳吃個飯，餐廳裝潢偏西式，座位很寬闊舒適，我們各點了一個set, 連前菜、湯、主菜、飲品。前菜是泡菜、醃藕片，酸酸甜甜很醒胃，令我食欲大增，再來了個芽菜湯，清清甜甜的，又清熱。炒韓國雜菜粉絲，炒得乾身，韓式粉絲很入味，材料豐富有黃色椒、菇類、雲耳，傳統牛肉五色石頭飯，有多種雜菜絲、牛肉、加上甜辣醬混起來，很滋味石鍋熱度令飯底焦焦的，吃下很脆～再加$20就有甜品，自製雲尼拿很香很幼滑，看到一點點雲尼拿籽，難怪如此香濃😄和甜核桃、黑白芝麻脆片，互相配合，很美味～服務也很貼心，會介紹菜式，侍應有禮貌，會不時加水加茶，也沒有吃完就快被趕的感覺😆挺愉快的一個週末～

今日到灣仔會展工作，放工後往利東街逛逛，這裡嘅商舖都幾有特色，陳設清潔優雅，晚飯時間找地方用饍也很容易。呢間首首韓式小館都幾大，座位闊落舒適，主食韓國嘢，佈置華麗典雅。叫左炒韓國牛肉炒粉絲，傳统五色石鍋飯和香烤蒜粒醬油雞翼。牛肉炒粉絲唔錯，粉絲幾爽口，唔會太腍，牛肉有牛味。五色石鍋飯賣相唔錯，甘荀絲，青菜，菇絲等橙橙綠綠，純蔬菜餸料，睇落有色彩，食落幾健康，飯粒熱辣辣又帶焦香。香烤雞翼烤得很香脆，雞翼都幾大隻，一碟有六隻，肉質好軟滑，伴碟嘅蒜頭好香口，很舒閒嘅韓食。

經過灣仔，到了差不多晚飯時間，就四周逛逛有什麼好吃，於利東街看見這家吃韓國菜的餐廳，決定入去試試。餐廳一共有兩層，裝修不是傳統的韓式設計，感覺很西化。我們才剛坐下，店員就送上三款泡菜前菜，有辣白菜、荀絲和醃蘿蔔，酸辣開胃。傳統豆醬海鮮湯首先送來的是這個湯，一端上桌，陣陣蝦味撲鼻，香氣十足。海鮮湯鮮味，豆醬香濃，帶一點點辣，不會過鹹。材料豐富而且新鮮，有三隻大蝦、兩隻青口、兩隻帶子和魷魚，還有滑豆腐，熱騰騰的一鍋海鮮湯為我們打開味蕾。韓式甜辣脆炸雞塊炸漿薄薄的，炸得香脆，不會很厚的粉感。一口黑咬下先是脆脆的，然後是充滿肉汁的嫩雞肉，炸得不會乾。味道很惹味，辣辣的，又帶一點甜，吃得很過癮。海鮮炒韓國粉絲賣相吸引，材料豐富，有爽口大蝦仁、鮮嫩帶子、魷魚片、菇菌，粉絲煙煙韌韌，很有彈性，炒得入味，洋蔥和香蔥的香甜味能夠滲入粉絲，很有鑊氣。粉絲帶一點辣，在天氣熱的夏天吃，開胃惹味。

行完利東街見到呢間韓國餐廳都唔錯咁。就決定同屋企人試下先。雖然係星期六，但係餐廳都有提供午膳套餐選擇。而且選擇多，點餐後店員就因為我們免費送餐湯及前菜。每人各有一大舊泡菜，其他韓式料理前菜。傳統大醬海鮮湯，有濃濃既煎蝦香味。裏面既材料非常豐富，有大蝦，帶子，豆腐，青口。豆腐入口夠滑，帶子剛剛好好唔會煮老。貌相平平無其，但勝在所有食材夠新鮮，湯底夠濃夠好飲。春川石板辣炒雞肉及年糕，雞肉份量估唔到有咁多，配料都好足。年糕夠咬口，濃濃既韓國醬汁有少少辣，但係配飯剛剛好。飯粒多軟淋，最後成碗食晒。加左小小錢要左個自家製雪糕。食落去有冰感，加上黑白芝麻及合桃更加配合。

利東街平日的燈飾也很美，令沿路餐廳都增添一份浪漫與友人M在這散步，隨便點了一間餐廳癲那前菜（泡菜、牛蒡、蓮藕）泡菜偏辣，牛蒡和蓮藕口感爽脆味道偏酸，開胃手工泡菜海鮮煎餅 $118面帶少少脆，內裡鬆軟，不油膩海鮮足料，不會只食到麵粉餅帶微辣，怕辣人士只要挑走辣椒粒便可海鮮炒韓國粉絲 $118另外有牛肉或雜菜選擇，素食人士也可食用海鮮方面有帶子、蝦和墨魚，肉質彈牙感油膩的話，可配石鍋飯一起吃中和建議粉絲和石鍋飯一起點，二人SHARE剛剛好傳統五色石鍋飯 $138配料除了蛋外都是蔬菜，感覺很健康石鍋熱度剛好，飯焦不會燶，脆卜卜喜歡辣椒醬的味道，偏辣但豆味很香，拌飯不錯總括而言，這裡的韓菜意外地健康清新平日提起韓食只會想到燒肉和泡菜沒想到這裡菜單有不少素的選擇，素食人士也無問題又有COCKTAIL可點，選擇多元化，是有驚喜的韓式餐廳

學韓文已一段日子，自覺開始流住韓國人嘅血，所以耐唔耐都要食返鄉下野，今日去睇利東街個地球，剛好對面就呢間韓食，所以順道食下。坐落見隔離檯客人拎住調酒師個shake shake壺係度shake,﹐咁過癮，即刻問下店員係咩嚟先。原來叫做Shake & Shake cocktail﹐係自己搖嘅，仲有3款口味。我一於唔執輸，叫返杯Hendrick's Orange。見人shake就好過癮，自己shake就有d驚shake到倒瀉晒，好彩，調酒初體驗都總算及格。可能因為杯飲係orange口味，幾易入口嘅，仲帶有少少成功感嘅味道，哈哈! 飲咗兩啖酒，就大食積上身，點咗兩樣野食…...傳統手工泡菜煎餅 - 有兩件，餡料有蝦、魷魚、洋葱、泡菜，係有厚度嘅煎餅，蝦同埋魷魚嘅份量都算大，可以整到煎餅唔乾，但又有小小脆皮，幾好食呀。蔚山燒牛肉伴野菜沙律 - 野沙律其實是一碗新鮮生菜、紫蘇、青瓜、甘筍及黄椒。而牛肉、菇、洋葱用鐵板上，一食就知道是用韓式的醃醬去製作，一貫韓式料理風格。食法是用生菜或紫蘇包裏著牛肉及其他蔬菜來吃。 餐廳裡仲有一d韓國人，我見佢地會另外叫多一兩個白飯，逐小包埋一齊食。店員好細心，送餐

這間餐廳有兩層位於灣仔商業區，不少上班族下班後會到這小卓一番，餐廳有多款酒選擇。韓式炸雞塊 $118炸雞有六至七塊，份量稍嫌太少，雖然雞肉嫩滑但價比性不高。長泡菜燉穀飼豬肋骨 $138泡菜湯用慢火燉令豬肋骨能吸收所有湯的味道，肉質軟腍，泡菜亦燉至淋身，基本上不用咬。附送前菜 三款: 蓮藕片2片、辣味黃瓜3片，泡菜1份蓮藕片帶一點點柚子的味道，很清新的前菜，十分特別。黃瓜及泡菜正常，辣度剛好，符合香港人口味。

利東街重建後，整條街的裝飾及周圍的餐廳都變得高級起來。這街位於街道中間以韓食為主的餐廳可以一試。荷香韓式素炒韓國粉絲 $118粉絲煮至熟透後加入多款蔬菜及醬汁炒至入味，沒有油膩感及調味適中。辣雞肉五石鍋飯 $168四種蔬菜加雞肉共五種材料製成的石鍋飯，加上韓式醬汁拌混後吃，雞肉辣味略不足，但肉質嫩滑。手工泡菜海鮮煎餅 $118一碟只有兩塊，價錢稍貴，內有魷魚、鮮蝦及紅緣椒等，加上粉漿煎至金黃色，欣賞這餐廳的食物一點也不油膩。