香格里拉米線專門店

營業中

休息中

呢間米線鋪之前有人喺米線關注組推薦過，咁岩經過附近就去試下，米線同食物份量比較少，味道不似預期，食三哥同譚仔仲抵過食佢，有啲唔明點解咁多人推薦佢。重慶酸辣湯米線+雞肉+鮮竹蝦春卷一開始碗米線上枱，覺得佢好清，以為會無咩味，但係食落都幾辣下，佢嘅辣度比三哥米線辣，不過湯就無咩配料，得兩塊腐皮同幾條芽菜，感覺似味精湯。雞肉係雞脾肉，所以都幾嫩滑，不過份量好少。鮮竹蝦春卷係同米線分開上，因為佢係即炸，我差唔多食完碗米線佢先上，味道一般，但好油，我個人鐘意南記個款多啲。

入過「米線關注組」十大米線🥹不時都會見到啲介紹男朋友睇完Rock哥啲食辣片之後都想去挑機終於! 有機會去開嗰頭 係我哋兩個都幾鍾意嘅麻辣湯!🤍麻辣湯米線($29) | Rating: 8.5/10總共有6款湯底 唔辣嘅番茄同沙嗲湯都有今次試咗麻辣嘅中辣同特辣! 超級重口味湯㡳有層次 唔係死辣 而係又香又夠麻 但整體偏鹹咗少少鼓起勇氣試咗兩啖特辣 辣椒粉味再香啲 但我唔玩命了米線未到超級彈牙 但都可以接受配料由$6-$13都有 試咗炸醬 雞肉 牛肉片 蝦春卷等欣賞蝦春卷炸到層腐皮脆口 仲會分開上!另外推薦超級嫩滑嘅雞肉同大大塊嘅牛肉炸醬就唔識欣賞了 味道太甜 個汁太稀 冇乜「醬」嘅感覺🤍蒙古大汗烤豬腿($48) | Rating: 7/10見到好多人都嗌過 同比較少米線鋪有但食落普通only 孜然味唔算太重 烤得有少少乾 可以唔洗特別試🤍香格里拉雞翼($30) | Rating: 8/10相比豬腿呢個好似普通啲咁 但食落出色啲!即叫即炸 雞皮炸到超脆口 雞肉入味麻辣粉同孜然粉再吊少少味 重點係佢鎖到肉汁 咬落juicy!

以前早有耳聞過香格里拉米線的大名🤪只是地點不就腳 一直沒有來這天晚上終於的起心肝來試一試〰️麻辣皮蛋 $23上枱時已經很驚 因為每一件皮蛋都是溶溶爛爛的一看就知道不新鮮🥵 不過麻辣醬汁調得不錯 很香 可是不辣〰️中間發生一件小插曲👻 店員在refill筷子時 不慎將筷子跌進皮蛋裡🥢然後我和她都呆了 過了幾秒 她才緩緩拾起然後離開了這樣給客人的觀感。。不是很好。。雞翼酸辣紅薯粉 $44辣度 酸度可自行選擇🍜雞翼 $12 有兩隻 非常駭人未吃 已聞到劇烈的臭味 一咬下去 真的臭到沒法吞掉。。兩隻都一樣。。最後我也沒吃雞翼😢 紅薯粉裹成一大餅麵餅 很難攪散有啲懷疑 為什麼即叫即煮也會黏成這樣。。酸辣湯底基本上就是醋的味道。。米線的配料有韭菜、芽菜、腐皮〰️串燒司華力腸 $18整晚最好吃的菜品。。 可是也談不上好吃雖說是串燒 但不知道為何有很多湯汁在底下。。鹹鹹甜甜酸酸的？？？？司華力腸面頭撒滿了孜然粉 就是大家想像得到司華力腸的味道〰️枱上基本配備〰️-不知道從字裡行間 大家能不能感受到我的失望肚子很餓的時候吃到這些食物 真的。。 很難不生氣。。食物質素不好 價錢不便宜 服務不好 地方不好坐？？？？？

今日點了雞肉，魚片頭紅薯粉雞肉冇味，一般配菜韮菜、芽菜只有數條湯多到睇唔到食物唔怪張單有少湯選如果選擇少韮莱同芽菜，應該乜都冇最差係，D呀姐鬥大聲講嘢，個收音機開到超大聲！救命！冇可能再嚟

下午茶時段去，叫咗一個香格里拉米線套餐，沙嗲湯底，未試過食到一肚氣，好聲好氣同啲職員反映，之後完全冇處理過，一句今日返嗰啲係咁㗎喇，之後就行咗去🤷🏽‍♂️俾錢嗰陣仲犀利，個職員仲要態度好差。真係觀塘入邊嘅克店。未見過啲豬膶可以切得咁細塊，全部都細細粒，呢兩塊已經係最大🤣🤷🏽‍♂️入邊啲配料，全部好似碎上咁樣，牛肉又酸，豬肉又唔熟，大佬呀，豬肉啊🤷🏽‍♂️🙂真係唔使再去，去譚仔算🤷🏽‍♂️🙂

其實都唔係第一次，到店取外賣，已跟職員說攞網上外賣平台外賣，佢地唔肯攞出黎，一共4位職員，一直叫我行入去攞，行到裡面，一個又嫌我阻住佢送餐，用不友善既目光看我，之後說：行入去啦，真係好無語，究竟係公司政策定係人為呢？係咪有心留難？比多次機會都係咁樣，沒改善其他方便，食物值得一讚如果可以改善服務態度就唔錯，始終附近咁多餐廳選擇

今晚突然間好想食米線😊， 行街經過香格里拉米線專門店，位於觀塘牛頭角道345號地舖。 晚飯時間都要等差不多十分鐘才能入座， 餐廳主打食米線🍜，另外還有串燒🍢，我點了香格里拉米線套餐$58、 鮮茄濃湯米線$29、 豬紅$8、魚腐$8、 鮮竹蝦春卷$9、豆漿$8 X2。 🔸香格里拉米線套餐🍜 ～ 見到有好多餸，非常吸引，就一於試下啦😋！有魚肚、牛肉、牛丸、墨丸、豬潤、豬肉、腩肉、魚蛋、雞柳、火腿、炸醬、韭菜、腐竹、生菜、豆卜和芽菜等等， 直情好似部隊鍋米線一樣👏🏻， 點了酸辣湯底三小辣， 辣度剛剛好， 米線份量都足。 🔸鮮茄濃湯米線🍅🍜 ～ 有豬紅、魚腐和鮮竹蝦春卷， 鮮茄湯都幾香濃， 特別喜歡吃鮮竹蝦春卷， 香口好味。 🔸豆漿🥛 ～ 開頭以為8蚊一杯，原來係一大支， 豆漿不算太甜， 但豆味偏淡。 整體味道都可以， 我推介鮮竹蝦春卷。🏷️溫馨提示～ 整個用餐體驗均屬個人分享意見， 只作參考😊。

重慶湯底完全冇花生，冇酸菜連譚仔和三哥的質素也比不上！重慶湯底沒有配料，湯底淡如水，只有一片腐皮，幾條菲菜！完全沒有一些基本認知的重慶酸辣粉應有的配料：如花生及酸菜等，令人大失所望！

夜晚放工9:40，10點前想食碗米線歸家，點知入到去，無人執枱，都算。你座得好哋哋，叫你迫埋一張已有一位客人既二人枱。服務態度極其惡劣！明明有樓上位，做乜要叫返啲人落嚟，迫埋一堆人？環境-兩陌生人撘枱-惡劣服務-惡劣衛生-無人執枱-惡劣

Lunch最鍾意食米線 平靚正！呢間啲鮮竹蝦春卷真係超好食 我每次都會叫兩份先夠🤣餐廳會另外用碟仔分開上 所以鮮竹蝦春卷保持脆卜卜 咬落去爽爽聲😛湯底就普通麻辣底主要都係為左春卷 不斷回頭食😋

想試咗呢間米線好一排今晚終於有機會呀點左豬扒蘿蔔生菜豬耳麻辣三小辣米線嚟到真係幾大碗下米線煮得偏淋嘅但係我幾鍾意呢個質感同埋佢個米線係偏幼果隻豬扒會另上嘅質感整得幾鬆下又唔會over左我覺得呢個幾好生菜同豬耳就正正常常呀蘿蔔係煮得幾淋嘅鍾意蘿蔔嘅要試吓呀

睇米線關注組，見到近近地嘅觀塘都有間米線推介，打定電話過去嗌外賣，避開排隊先。食咗：▪️香格里拉米線套餐 $58 （麻辣湯小辣）內有：魚肚、牛肉、牛丸、墨丸、豬膶、豬肉、腩肉、魚蛋、雞柳、火腿、炸醬、韮菜、腐竹、生菜、豆卜、芽菜。▪️鮮竹蝦春卷 $9▪️司華力腸串燒 $18-呢度除咗麻酸辣湯底，仲有特別啲嘅沙嗲湯。不過覺得沙嗲湯同米線好似唔太夾，叫返麻辣湯嚟食。湯底望落顏色較淡，好似清湯咁，但一食麻辣即刻出晒嚟。小辣對我哋嚟講就啱啱好👍🏻套餐米線嘅配料基本上同譚仔差唔多，比較特別嘅係有魚肚，軟腍又吸湯，無記錯好似都有兩三嚿。小食方面，叫咗司華力腸串燒（大家形容係睇見都覺得痛🫢）。外皮脆卜卜，腸仔面頭有少少調味，不過條腸仔本身都夠味，加咗調味就鹹咗啲。-就算唔係外賣都好似唔使排隊（或者熱潮已過？）

前幾日收工專登行去想再試試個香格里拉米套餐，等左一陣就好似平時咁吃啦，見唔到套餐米線入面冇牛丸魚彈 ，諗就應該係底部啦，點知再吃落去都係冇丸，我就同侍應講碗米線冇丸 ，麻煩跟一跟，我吃左一陣都係冇丸，搵極都冇。同我平時吃其他連鎖店唔同。其他店一搵就有或者直接見到。點知侍應聽到就話我見到有wo,就直接行開。我當時都廢事吵同佢傾。見到當時係晚上較夜時間都得兩台客。侍應講完就行開一邊玩心音同語音傾計。吃返譚x /三x 相信係更好選擇。

今天因為要取件的原故來到了官塘，取件後正值午飯時候於是決定附近找間餐廳醫肚。走著走著眼前看到這間招牌上寫著「米線專門店」的餐廳，平時多數吃譚仔的我好奇想試試。我點了雞肉，薄牛肉 麻辣湯米線。米線來到時已聞到一陣陣麻香，忍不住先是試了一口湯。湯底麻中帶辣，非常醒胃。雞肉應該用了雞髀肉，口感嫩滑。薄牛肉真的是薄薄的一片片，有牛味又不會像肥牛般肥膩，不像出面一般用的牛肉片。而米線煮得剛好，質感爽口又不會太硬太淋，值得一讚。總括來說算是有水準的米線店，會想再來試試

🥢觀塘 再訪實測人氣強勁孜然麻辣湯底米線🥢半年前睇關注組食過一次呢間位於觀塘的人氣米線，感覺非常重口味又阿辣，但非近見個個都話佢又油又唔好食，負評比較多，今次去開附近，又去實測挑戰吓🥢薄切牛肉 $12 炸豬扒 $13麻辣湯米線（3小辣）$29炸豬扒原件上，係即炸熱辣辣，醃得好入味，咬落軟腍，薄切牛肉係鮮牛切到大大片，3 小辣麻辣湯都幾辣帶孜然味，辣度直迫譚仔小辣，所以都較強勁，米線太腍無咩口感而且無味，應係米線湯底分開煮，煮完先放入麻辣湯，所以比其他米線店逐碗煮米線入味的口味較差🥢雞翼尖$8 鮮竹蝦春卷$9 麻辣湯米線（中辣）$29 雞翼尖幾雖然軟腍，但味道唔係突別突出，蝦春卷即炸的但係普通街市買到的貨仔，唔係自己整有d 失望，呢碗米線都係太腍無咬口，中辣麻辣湯會比較油膩，而家非常辣，感覺香味比之前嗰一次較少得個辣字，可能太油太辣，食完第二日，搞到肚痛咗幾次，腸胃受唔到請自行減辣🥢司華力腸 串燒 $18點完後一陣就有得食，雖然有跟芥末汁，但個汁係好薄弱且無咩味，可能只係裝飾，腸本身已經炸好，再燒兩野翻熱，味道少少孜然粉，好似有點求其🥢餐凍檸茶 $7正常口味，勝在比平時茶記大杯🥢總括嚟講