香格里拉米線專門店

營業中

休息中

香格里拉酒店就去過啦，但係香格里拉米線鋪就真係未試過🤣🤣仲要喺觀塘咁近我嘅地方，當然要試吓佢係咪可以提供到香格里拉嘅質素俾我啦🤣🤣佢呢度除咗有普通嘅清湯同埋麻辣酸辣湯之外，竟然仲有沙嗲湯可以嗌啊，咁我梗係要試吓究竟係咩味道啦😍😍佢唔係一啲好濃稠嘅沙嗲湯，反而係有淡淡的沙嗲味～～都幾惹味送方面我揀咗佢嘅豬扒同埋另外嗌咗雞翼～豬扒又整得幾好，外面係有啲肥肥地，所以就令到佢豬扒唔會話好難咬👍🏽

米線關注組推介 — 香格里拉米線🍜▫️呢間位於牛頭角嘅香格里拉米線係米線關注組裏面推薦嘅其中一間，今次就一於黎試吓啦～▫️春卷酸辣米線酸辣湯底叫咗中辣，覺得酸味比較淡，不過辣味濃，米線口感好煙韌。▫️雞肉春卷肥牛米線叫左沙嗲四小辣湯底，味道香甜，不錯👍🏻會想再食多次沙嗲湯底，但下次會想試吓叫小辣/中辣沙嗲😆本身叫咗豬紅但係冇晒，所以就改咗肥牛，肥牛正正常常。雞肉好嫩滑，佢唔係雞絲，而係好似雞柳咁滑身～▫️鮮竹蝦春卷($18)呢碟係另外上嘅。即叫即炸，唔會驚個皮會林晒，好食😋仲要係$18有四舊，真係好抵🤩▫️整體份量都好多！都真係食到勁飽！建議大家下次黎可以試吓佢哋嘅沙嗲湯底！▫️地址：香格里拉米線專門店 (觀塘)觀塘牛頭角道345號地舖

之前見親人地推介米線，香格里拉都一定係頭位圈，不過好好彩去到唔洗等位。呢到既餸既選擇的確比較多，有豬扒，司華力腸等等，米線係幾好食，係偏幼身個款。不過湯底就有少少失望，叫左出名既麻辣湯，但好普通。

呢一間香格里拉 計譚仔之外另一間經常性幫襯嘅一間米線店♥️🙆🏻‍♀️依家野其實唔算好出名但係其實佢啲嘢好好食又唔貴！今次好想推薦比大家！裏面嘅裝修比較鄉村風味啲，同埋見到佢牆上面都有好多同明星影嘅相！呢一間米線個風味比較特別啲 一向食開辣野嘅我都覺得佢個麻辣小辣都已經幾辣！但又好好食尤其是佢啲串燒 墨丸串 司華力腸串 雞肉串都好好味😋！次次去親都會叫串燒食！佢個醬汁特別好好味！同埋佢啲米線都好大碗又足料！仲有個鮮竹蝦春卷都好好食👍👍另外職員都好禮貌！

觀塘區又係美食雲集嘅地方，要係E一區脫穎而出實在一啲都唔簡單👍🏼今次要介紹嘅E一間米線店，開業唔算好耐，但已經係網人見到唔少人提及，佢就係「香格里拉米線專門店」。嚟到鋪頭，已經見到店員做到踢曬腳咁。坐底睇下個餐牌，有形形式式唔同嘅米線食材配搭。除此之外，都有唔同口味嘅雞翼同埋蒜泥白肉等等嘅小食可以點。更加特別嘅係佢仲點串燒嚟食添！😜今次點咗BB辣嘅腩肉同埋鮮竹蝦春卷米線嚟試一試佢先🍜對於唔係好食得辣嘅我嚟講，佢嘅BB辣恰到好處，湯底唔會太過辣又惹味。👍🏼腩肉同鮮竹蝦風卷亦都各有風味！下次再去觀塘要再幫襯佢！

終於可以試到香格里拉米線啦！第一次同同事去食 喪嗌！豬膶豬肉丸米線 酸辣湯bb辣，麻辣皮蛋，蒜泥白肉，香格里拉雞翼，司華力腸串燒，加支凍豆漿，飽到捧住個肚走！絕對會再去食😂😂 鐘意佢個酸辣湯帶少少酸 岩岩好

早係十年前係旺角花園街有一間叫香格里拉嘅米線鋪，大碗味濃又多餸，但鋪租與競爭底下結業無奈可惜，近排得知觀塘開咗間同名嘅米線鋪，見狀就好想去試下係咪昔日係旺角花園街果一間呢。今日就叫個兩碗麵。香格里拉薯粉($58) - 酸辣小辣即係依家好興嘅大碗乜野餸都有啲，先講個湯頭先，酸辣湯係偏酸，酸味偏重而辣味不減，小辣與譚仔差不多；丸類就一般般，其餘配菜同為一般或過熟，唯獨是有兩片肥牛生熟程度剛好，其他真心一般。酸辣米線 ($44) - 酸辣小辣多酸兩餸，韭菜鹵肉線，韭菜鮮嫩，有少少脆口，鹵肉就入味同淋滑嘅，與大碗什錦嘅餸菜相差什遠，湯頭多了酸菜，食味比大碗什錦更係優勝。食後估計應該是同一間來的，單餸米線味道與以前差不多，味濃餸多及抵食，而大碗就得多料無食味就一般。

之前新開嘅時候甚至要排隊，而家無咁誇張，不過就長期都有唔少人。平日晚7點零黎到，岩岩好樓下有位，唔使上樓梯。三小辣麻辣湯底。辣度喺BB辣之後就四小辣起跳，相對頗辣，亦有麻味。另外食過沙嗲同酸辣湯底，沙嗲個味就濃味啲，辣黎講就麻辣會純粹啲，稍微係油膩左少少，但米線鋪食到呢隻有層次嘅辣已經好ok。麵質黎講都係好，唔會煮到淋曬。一個餸，雞肉份量夠亦好食。$37黎講算中等價錢啦，不過無論你係鍾意食米線定鍾意食辣，應該都唔會失望。

我同老公都算係米線愛好者亦係關注組組員😆😆老公轉工後係觀塘牛頭角一帶返工同同事食過一次返黎分享我話關注組成日有人講呢間趁住放工又經開老公話帶我試一次餐廳比我想像中乾淨企理剛好坐到二人卡位 都幾闊落又好好彩點幾鐘lunch time都唔洗排隊餓鬼搵食即刻落order老公嗌左豬大腸韮菜蝦卷 麻辣中辣大腸係切到好幼個種 個人覺得夠淋個蝦卷都好食(分開上，掛住食唔記得影) 韮菜份量都好夠我嗌左蘿蔔豬腩肉酸辣小辣蘿蔔好淋夠甜又入味個豬腩羊係打邊爐個d一片片同我期待細細塊個種唔同麻麻地呢款豬腩片酸辣麻辣我都鐘意食成日會選擇困難症咁二揀一但個人認為呢度既麻辣好食過酸辣酸辣味唔夠濃 唔係唔夠辣 又唔係唔夠酸係整體唔夠濃味 唔知有無人明我意思😂值得一讚係佢個米線粗幼度 軟硬度都適中 係外面少有食到既口感另外嗌左個香格里拉雞翼唔入味 淨係表皮有香料味質素如果講到朝聖又未至於比連鎖式經營既米線好食順路經過唔洗點排骨都可以一試山長水遠特登去就有機會會失望🤭

黎左呢間米線舗兩次，今日觀塘一放工過黎就食佢！第一次黎係朋友介紹，唔知邊款係出名既麵，就叫左個酸辣湯🚨腩肉酸辣湯米線🍜 $37後尾先知原來可以加酸，雖然 menu 無寫。當堂勁開心！作為一個唔太鐘意辣又勁鐘意酸既人，呢度簡直係天堂！唔會有食譚仔個種愛恨交纏，所以 finalized 係 BB 辣 + 多酸既酸辣湯底 + 腩肉🚨司華力腸串燒 $18佢啲串燒都好正，又唔貴，十幾蚊一串咋。首先，個司華力腸切都切得咁靚！要讚！個碟底仲要淋左個甜甜地既沙嗲汁，OMG，夾到癲~~食完好滿足~ 係附近掃下平貨就返屋企 luuuuu

諗住今日5點係觀塘早收工，梗係要試下人人都話好食又要排好耐隊既香格里拉米線啦!因為時間真係好早，所以店入面都冇人，唔洗排隊直接入座，因為都係第一次食依一間，所以都叫左一個保守既配搭。雞肉酸辣米線!因為無人嘅關係，所以上菜既速度好快，叫左一陣就有得食，但係味道就真係麻麻地，只係非常普通既米線，甚至有啲難食!雞係滑雞件，唔係雞絲黎，而且無咩味，所以一般。 而酸辣湯底，個味道都唔突出，食唔到有咩特別酸同辣既味道，總括而言，如果再黎食都未必會搵叫同一個湯底，或者試下串燒同小食會好啲。

朋友推介我知 呢間米線好辣喎咁我咁鐘意食辣野 梗係唔可以錯過啦😎我食左魚腐 蘿蔔 酸辣湯 （中辣）利申- 平時係其他米線連鎖店 食開大辣細細個已經係我好鐘意食辣野 但我唔鐘意食到好油唔明點解辣野總是油🤷🏻‍♀️ 咁呢碗野對我黎講 算好油之但係 我食左第一啖 就覺得好辣喎🤣🤣都未飲佢d湯 呢個既辣好堅想讚下佢既米線 偏幼 滑口蘿蔔好好食 雖然碗野好辣但佢唔會辣到cover 其他野食既味道食到最後 都可以食到蘿蔔既甜味魚腐都好食 吸晒d辣汁🤪加左雞翼 - 呢個只係普通不過想讚下其他串燒 墨魚丸同牛丸 都好出色但我當時唔記得影相辣到我影碗麵 都影到歪晒🤣🤣🤣🤣🤣🤣碗野真係好辣 好彩仲完成到同行朋友就唔食得辣揀咗沙嗲湯底BB辣 我都試咗 覺得好夠香！下次我會試其他湯底 睇下有無無咁油 而又夠辣既先！

咁岩經過見到第一試食，見到都有人叫外賣心諗差極有限啦，點知真係中伏伏伏伏…..難食到一個點，點左豬潤、炸醬配紅薯粉，都知豬潤容易出事架啦，點知炸醬都出事，其實不能稱呼為炸醬，應該叫佢肉碎先岩，豬潤同肉碎都乾到一個點，肉又唉，真係可一不可再！！！可一不可再！可一不可再！重要的事講3次！呢個價錢咁的質素！哈哈！唔飽都唔想再食，係得個紅薯粉叫做好食D，叫做幾有咬口，出面好少地方有紅薯粉食，就被佢呃左黎試！

今日2021年7月9日去食 lunch, 其實呢間野已經俾過好多次機會，呢間野出名食物等得耐，最少30分鐘或以上，仲要不停催單，有時仲有漏單。今日真係最後一次機會了，永久黑名單，永遠都唔會再黎食，事源我叫左杯凍檸茶少冰走甜，黎左杯甜既，我就同個冇著員工制服既女人講，單冇錯係俾錯飲品，以為佢會沖過杯新既俾我，點知唔係。杯檸檬茶難飲到不得了，我只飲左兩三啖。我都費事再出聲，到俾錢時同個收錢既講，佢話你唔講要沖過杯新既，其實你地出錯單，呢啲唔使個客講掛 ? 同埋一杯檸檬茶值幾錢呢 ? 出錯野唔係應該換過新既咩 ?

平時我都係食開一啲連鎖嘅米線店，唔講都唔知道有呢間餐廳，都係要好多謝網上關注組😆🤩🤩-今次嚟到我嗌左豬膶米線，同埋叫咗普通米線唔會有嘅沙嗲湯底😍😍，沙嗲湯底好香濃，唔算太辣，亦都好香花生味😋😋豬潤嘅數量亦都好多，輕輕數個下應該都有29舊以上😆😆-另外仲有好多款唔同嘅串燒，最特別竟然有我最愛嘅司華力腸🤣舖頭好有心將司華力腸介得好靚🥲點埋佢哋嘅沙嗲汁，甜甜地，好好味，值得推介😍