香格里拉米線專門店

營業中

休息中

💡潮聖#觀塘#人氣#米線➡️《香格里拉米線專門店 》🍲個店名好特別😂，餐牌花多眼亂😶，呢度相對多野食揀，有酸菜魚水煮魚串燒個啲。唔知係咪食個時太肚餓🙈，覺得粉份量好似冇譚仔咁多🤭米線爽口幼滑，湯底唔錯，配料方面正正常常，未係好驚喜。1. #酸辣湯底配 豬扒（小辣）由於呢個湯底主打少油所以飲落好清爽，健康啲，夠酸但可能相對無麻辣湯底咁惹味，如果order 辣度多啲應該會再濃味🤔🔆🥩煎豬扒加左啲黑椒煎得幾香，好軟淋，🤭應該用左好多鬆肉粉。2. #沙爹湯底配 腐皮+魚片頭+薄切牛肉+滑牛 唔多米線店有沙爹湯底揀。呢個沙爹味係溫和個種，唔會好咸好濃，似係加左啲豬骨湯，飲落好順口，但如果飲哂成碗湯底可能會有小小膩感。🔆🐂薄切牛肉肉質鞋口，肉味濃。⭐️整體味道：8.5/10💬食完之後覺得要山長水遠去食就唔會喇，住附近就會去食既。

慕名而來平日晚上7點半不用等位原來有樓上雅座一條友試了酸辣腐竹豬腸米線雞肉串燒酸辣湯底不錯，但也沒啥驚喜腐竹失色，乾巴巴！無豆味！豬腸碎上，實在不太能吃出味道雞肉串燒只是一般啲人話個沙嗲汁正其實好削😓我覺得名不符實囉

好耐冇寫食評，未試過一間中午外賣米線，要等45分鐘，只見比我遲來到堂食的幾張檯已經進食中，間舖只係咁出堂食單，要追到斷氣先開始做外賣單，接單時又唔講明要等好耐，如果午市冇能力接外賣單，就唔該早出聲唔接外賣啦，真係等到一肚火，係我前面仲有一個foodpanda 外賣哥哥等左1小時，一路接電話比人話，佢一路追單一路要睇住部電單車，佢再追店員點知同佢講廚房未做佢張單，你地商店應該考慮接外賣單能力，你會影響人地送外賣比人駡既苦處，但問題唔係外送員身上，你地店舖過失，分分鐘影響人地冇左份工

係米線關注組留意到呢間野，有好多討論同好多人推介呀！色長水遠都要嚟試試佢～佢11點開門，我星期日既1130去到唔駛排隊，上面仲有一層，都似乎有廿幾枱，唔駛等位最開心！平時食米線會食麻辣，今次見到個野菌湯，又令人好想試下！再叫埋豚肉、司華刀腸同埋豬髀仔。湯底普通，都香既。豚肉好香豬味，煮到岩岩好👍🏻👍🏻 司華力腸唔知係咪有另一款🤔🤔 好似人地啲調味勁啲既😐😐 豬髀仔肉質鬆軟，但整體普通，唔明點解咁多推介😳

唔知大家有無聽過呢間米線舖 都算出名朋友強烈推薦 話佢湯底超正 配料選擇又多然後小編就被說服去試試喇😝有多款湯底選擇 小編推介麻辣、酸辣、沙爹湯底而辣度都有多種程度 有料到嘅不妨試下特特辣今次叫咗酸辣湯 夠麻夠酸 都OK嘅 不過米線份量太多 好快就索晒啲湯喇🤣🤣必叫蜜汁司華力腸 仲煎到脆卜卜添( *ˊᗜ`*)ฅฅﾞ腩肉麻麻 有啲似肥牛FEEL 但豆卜吸晒湯汁 讚!!

米線關注組大推嘅香格里拉米線，果然人頭湧湧，旁邊是同樣食米線的雲桂香，但門外等候的人客寥寥無幾。自問完全吃不到辣，未能一嚐最出名的麻辣湯底。我們叫了包含所有配料的香格里拉米線，配上蕃茄湯底，從湯底的顏色，大概也猜到無甚蕃茄味，純粹稍稍帶點粉紅色，米線是爽彈的質感。配料則非常普通，雞肉可以稱得上是難吃，一陀粉團，也不知自已在吃什麼。以海量的芽菜墊底，芽菜沾滿紅油，雖然吃不得辣，但吃幾口也覺得惹味，不過整體不特別好吃。豬腩肉極薄。司華力腸串燒和牛柳串燒偏咸，牛肉被梳打粉醃醃得一咬即斷。

4月17號一個人過唻食 排左半個鐘 竟然要我搭檯 我同姐姐講 可唔可以安排其他位置 佢話繁忙時間 好難安排 但係隔板都無 我真係接受唔到囉 即刻走左 可想而知佢地對衛生嘅重視程度好低 為左安全著想 我選擇唔食

傍晚時間嚟到呢間米線專門店，餐廳入面唔算好大，幾乎全間鋪都坐滿晒。侍應姐姐服務態度幾好，好有禮貌，仲提醒我哋餐廳提供嘅辣都幾辣，要量力而為！ 🍴 酸菜魚米線 ($88) ⭐️⭐️⭐️⭐️ 原來都幾大碗，呢個價錢來講算係幾值。湯底味道唔錯，辣嘅程度對我嚟講啱啱好，魚肉多到成碗都係，食落都算係幾嫩滑新鮮，唔算太多骨，連埋米線食認真唔錯！ 除左魚肉，其他配料都比得幾足，超正！🍴 肥牛麻辣湯米線 ($41) ⭐️⭐️⭐️💫 價錢大眾化，雖然冇酸菜魚咁大碗，但係都食得飽。麻麻辣辣嘅湯底令到食慾大增，唔會麻到食咩都無味，反而愈食會愈上癮！入哂味嘅牛肉唔會韌，幾好食。 牛肉嘅份量仲要比得好慷慨，一定飽！.............................. 香格里拉米線專門店 地址📍: 觀塘牛頭角道345號地舖 總評分: 7.2/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️⭐️

友人推介這家觀塘米線, 說它是東九龍之冠, 今天吃過, 我有少少保留. 麻辣湯底麻香比辣度強, 不會過於刺激, 而且湯頭帶點鮮甜, 這比其他的麻辣米綠層次上多點特色. 米線口感偏爽而挺身, 浸湯時間長也不會糊化, 掛湯力一般, 麻辣味道不太滲入米線之內. 豬潤處理就如其他米線店般, 咬下去偏乾而且切得不太厚, 泡多得著滿湯面, 個人不甚喜歡如此賣相, 感覺不夠乾淨. 肥牛味道和口感正正常常, 沒有失望但也沒有驚喜. 反而腐度吸收湯汁精華, 再加上本身的豆香, 可說是配菜中最吸引的部份.豬仔脾這小食愈來愈少地方可以吃到, 味道濃烈, 口感嫩滑, 而且相當Juicy, 四十多元三支骨不能說超值, 但處理上和份量上也比米線更討我喜歡呢!

香格里拉米線專門店觀塘牛頭角道345號佢嘅麻辣米線湯底真係食到好香嘅花椒八角味道😍😍😍😍😍同譚x雲x香嗰啲唔同，啲豬腩肉亦都同嗰兩間連鎖店唔同， 一塊過好長，有兩塊，食落去係另外炒過，超正！值得過嚟幫襯，我下午茶時間過嚟叫咗豬腩肉麻辣四小辣米線～加$3有埋嘢飲～下午茶時間唔多人侍應服務態度好好，有得揀坐樓上，座位好足夠，值得幫襯😋😋😋😋😋#hkfoodie #hkfoodies #hkfoodieblogger #hkfoodieyiki #ktfood #香格里拉米線專門店 #kwuntongfoodie #kwuntongfood #米線#米線關注組 #ricenoodlelover

仲記得第一次☝🏼接觸「香格里拉米線專門店」時，當時舊鋪在旺角、雖然鋪頭細、但味道👅一試難忘。後期關門大吉幸好而家在觀塘重開分店，抱住期待既心❤️去重嘗 辣到胃痛、愈食愈辣愈過引既米線🍜但好可惜 可惜為迎合不同人既口味，佢地加以改良後，湯底多左一份啖啖既沙嗲味，雖然各方面都仲保持到水準（但始終之前更好食🥲）餸都係好足料、另外米線份量十分多、相信男仕們食都足夠既💪🏻不得不讚👍🏻新鋪環境好了很好、而且坐得舒服好多😆😆😆

豬紅雞肉麻辣米線(2小辣）$45 + 豆漿一枝 $8 🐷🐔🍜米線最重要既靈魂絕對係個湯底😤，呢度既麻辣湯底色香味俱全，望落色澤金黃🥘，配料充足，湯底飲落味道濃郁而且「麻」「辣」俱備，仲會愈食愈辣咁過癮，可以話係一個好高分既湯底💯。而講到餸呢，雞肉🐥唔柴幾滑又唔會散收收，而豬紅就正常水準啦，如果可以再入味d就好。另外豆漿8蚊有一大枝，唔會好甜，用黎解辣一流!肥牛豬潤酸辣湯米線 $49 酸辣湯唔會太辣😋，夠酸得嚟唔會靜係得醋酸，而係有好多酸菜做配料而成既酸味，而家諗返起都流口水🤤🤤！肥牛、豬潤基本嘢👌🏻，但勝在份量唔少，整體食落非常滋味。👻紅油蒜泥白肉 $45 睇落賣相非常唔錯，有青瓜絲墊底，腩肉切得厚薄適中，雖然蒜泥夠多，但對我地嚟講，略嫌蒜味不足😙，唔夠重口味，有啲美中不足。串燒(司華力腸 $18、墨魚丸 $18）兩串串燒上枱既時候都夠熱辣辣，司華力腸夠大條，而且外皮香脆👍🏻，充滿燒烤香味👃🏻；墨魚丸味道正常，夠晒大粒🙆🏻‍♂️。伴碟會跟埋一個淡淡哋既沙嗲醬，整體唔錯。😌Overall兩碗米線都真係幾高水準，絕對會翻兜之選，不過米線當日煮得唔夠爽滑，可能煮耐左少少，但都已經好正! 推薦大

觀塘好多隱世美食小店，今次朋友介紹下試下米線先。。。下午茶過去人流唔算好多，不過keep住有人入嚟食野，又有人叫外賣，但員工就只得一個，個姐姐都幾忙。餐牌米線選擇好多，不同價錢，又有小食串燒。魚腐野菌湯米線🍜魚腐有4大粒，睇落每粒脹卜卜，其實入耍係空心有小小魚肉釀係入面，好特別！唔會太油，我都係第一次食。不過個野菌湯完全無菇味，清湯無異，米線好滑唔會一Patpat嘅。腩肉酸辣湯個酸辣湯好有驚喜！酸係有嘅，個辣係麻辣，味道濃而且係剛好，好食！入面仲有好多酸菜，啲酸菜唔會食到一舊舊硬有根嘅菜，整得好好食！食完個米線飲左個湯底，之後唔會覺得好口渴，亦唔會好咸。不過就係無乜服務，食完個米線就走啦😂呀！記得可以加飲品，佢杯凍飲好大杯！你地睇下比起可樂更加大杯咖，抵飲！

入左社交媒體米線關注組成日見到有人講呢間🤣終於黎左朝聖即使係平日嘅lunchtime 都好多人 坐滿曬🤣今次叫左腩肉豆卜 重慶麻辣 二小辣仲有凍檸茶就算好多人 但出餐都好快👍🏻凍檸茶感覺比一般茶記大杯即使冇叫少甜都唔會好甜👍🏻碗米線份量都好大感覺大過譚仔腩肉係2大塊 肥瘦適中👍🏻豆卜就有4舊 個人覺得食米線一定要叫豆卜 因為豆卜可以索曬啲湯好正🤤另外仲有芽菜 腐皮做配菜本身仲有韮菜 不過因為我唔食所以走咗湯底二小辣都幾辣😂食到後面個口麻曬 不過辣得好過癮🤣總體黎講都幾好食🤣🤣如果食厭左譚仔可以試吓新野😛😛

最後係米線群組啲group友都介紹過觀塘一間米線舖頭，今日就決定同朋友去試吓！下午茶時間送嘢飲🧃小鍋米線 酸辣湯 $29 👍🏻👍🏻👍🏻牛柏葉+$12、豬耳+$13可係跟米線、薯粉米線好大碗，質感比較誘惑同彈牙亦配有好多配料（芽菜、酸菜、韭菜）牛柏葉、豬耳份量都足夠至於湯底方面可能我叫咗二小辣覺得湯底較酸🙈下次會叫辣啲😆😆小鍋米線 酸辣湯 $29 👍🏻👍🏻👍🏻鮮竹蝦春卷+$9 腩肉+$8腩肉都唔錯，唔會話好肥咁🐵湯底方面家姐叫咗二小辣就變得特別酸了小食——牛柳串燒 $18🤙🏻🤙🏻🤙🏻新鮮燒起，外皮少脆牛肉非常之淋，牛又唔會太老又夠入味，好正！總結而言，依間餐廳環境下午茶都姐抵食，份量超足夠🙈🙈評分時間～5隻👍🏻最高😉味道：👍🏻👍🏻👍🏻👍🏻服務：👍🏻👍🏻👍🏻價錢：👍🏻👍🏻👍🏻環境：👍🏻👍🏻👍🏻地理位置：👍🏻👍🏻👍🏻回頭機會：👍🏻👍🏻👍🏻👍🏻#人總有一飽今餐我最飽！😋📍📍 香格里拉米線專門店 (觀塘)觀塘牛頭角道345號地舖