香江花月 (百誠大廈)

營業中

休息中

好耐無打過邊爐啦😋😋其實我都好怕打完邊爐成身都係邊爐味。。不過唔係成日都無所謂啦😏因為朋友生日。。最後揀左呢間打卡嘅邊爐黎食～雖然最近都出左幾間類似。。但最後我都選擇左呢間。。佢所有野都好精緻架。。野飲野食擺盤連環境都係～今次我地ᗷOOK左房。。但我覺得廳出面都好靚～而家就斯左2個湯底分別係🥛日本牛乳玫瑰鍋🐷秘製花雕豬肚鍋而呢2款湯我都有試過。。我就飲左2碗😏😏而好興嘅圍住個鍋有一個圈嘅野食。。呢間佢有2款。。我就叫左 香江拼。。即係肉。。佢仲有個海鮮圈圈。。我地就無叫到。。另外我地仲加左 🐚象拔蚌 都好新鮮🍡七色丸同🥟七彩餃子 呢啲打卡野我都有叫到呀～當然仲有其他邊爐野食啦😏😏仲後係佢啲野飲～超有特色分別叫左3款🍹琥珀誘惑🍹紫醉金迷🍹桃花緣呢幾杯野飲剩係打卡已經玩左一段時間呢間餐廳除左啲野食可以狂打卡之餘。。佢餐廳入面都有個ᗩᖇEᗩ整到好似TEᗩᗰ ᒪᗩᑭ。。等啲人等得耐都可以入去影下相。。等啲時間可以快啲啦。。呢度食野點都ᗷOOK左穩陣啲～我提早1個月ᗷOOK嘅。。咁大家就要預番啲時間啦～..📍 香江花月 (百誠大廈) (佐敦)佐敦佐敦道31-37號百誠大廈2樓..@victori

香江花月營造懷舊、優雅的氛圍，水晶枱燈與大理石地板，增添古典魅力。寬闊的卡座，和綠色植物裝飾，是享受美食、與朋友相聚品茗的寧靜空間，令人放鬆愉悅。餐廳還有神秘打卡位，七彩繽紛的氣球懸浮在空中，投射出柔和的光線，讓人置身於魔幻色彩的空間。美顏花膠雞鍋金黃香甜的雞湯，店員先倒入花膠及蟲草花，慢慢熬製，雞肉釋出黃油精華，傳來濃厚雞湯香氣。呷一口濃稠雞湯，滋補養生，再慢慢享受滑嫰雞肉，花膠彈牙，入口黏糯，啖啖骨膠原，有美顏功效。雞肉的鮮甜，配上花膠的膠質感，形成滑溜柔和的口感，鮮香誘人。花滿園拼盤中包含濃郁的豬肉，和嫩滑的羊肉。豬肉色澤嫰紅，肉質結實、爽口，肥膏位置軟彈，肉味香濃，吸嗦了雞汁湯底，肉香加倍濃郁! 羊肉肉質粉嫰，入口軟腍，帶著微巧的羊羶味，十分不錯。南瓜件南瓜帶純厚的清甜，軟糯綿密，清新滋味，令人意猶未盡。白鱔片白鱔片Q彈，肉質飽滿，富彈性的質地，咬一口慢慢沁出惹味鱔香，沾上香蒜豉油，更加鮮味。日本烏冬烏冬彈牙粗身，細膩的麵條掛滿雞湯，簡單美味。蟹子墨魚丸蟹籽墨魚丸大顆、有嚼勁，口感細緻綿彈，充滿卜卜響的蟹籽，洋溢濃郁鮮香，突出海鮮的鮮美。

#老香港火鍋店做完個facial約左朋友去打邊爐，係呀你冇睇錯，我又去打邊爐😛今次去咗佐敦嘅香江花月，成間餐廳裝修設計復古，而且仲有一間房俾你影相📸打卡，座位寬敞，我哋平日去食客唔算多，坐得非常舒服牛乳玫瑰🌹鍋北海道全脂牛乳再配上日本玫瑰做湯底，乳香味濃郁😋仲有玫瑰造型嘅牛乳，睇見都心心眼牛肉🐮拼盤賣相精緻，牛肉款式眾多，以圓盤方式配合火鍋擺盤，啱晒每款都想試啲嘅人七彩餃子🥟直頭係古董藝術品🖼️蟲草花餃，冬菇薺菜餃，姬松茸野菌餃，蟹肉黑松露餃，金華火腿菜肉餃，和牛香茜餃，午餐肉粟米餃，款式相當特別七色丸擺盤同餃子一樣💖分別有南乳墨魚丸，黑松露墨魚丸，紅咖喱魚丸，青咖喱黑魚丸，蟹籽墨魚丸，椰芋墨魚丸，鹹蛋黃墨魚丸，每款唔同味道👅另外仲叫咗雞件、竹笙、腐竹、生根、粉絲等，夠哂豐富，同朋友食到捧住個肚😂玫瑰仙子 充滿着儀式感火焰🔥閃令令，啱晒打卡桃花緣 桃汁特飲，上枱嘅時候仲會出一個大波波喺飲品上面，好可愛啊😍

香江花月佐敦道分店, 佈置十分華麗有氣派 ， 仿似帶你穿越時空重回50年代的舊香港， 喚起了大家對昔日香港的美好回憶 , 環境舒適寬敞。餐廳主打美顏養生火鍋湯底，食材新鮮時令， 讓人食指大動。美顏花膠雞鍋 $298湯鍋以花膠和雞肉熬成的湯頭 , 花膠含 豐富膠原蛋白 , 有美顏護膚的功效 , 女士的至愛。雞肉的鮮甜加上花膠的膠質感, 完美拍檔 , 味道清雅鮮味， 讓人喜歡。花滿園 $238 捲上玫瑰花型的牛肉， 賣相令人心心眼， 牛肉色澤嫩紅，油脂比例均勻，輕輕一涮可享用，柔滑鮮嫩，咀嚼時溢出豐沛肉汁 , 濃郁的牛香在口腔迴盪。 薄切的羊肉帶有獨特的羊肉香氣 , 入口鮮味而柔軟。西洋菜 $48 翠綠的西洋菜, 吸塑料湯底的精華 , 特別 爽脆香甜。伊比利亞黑豚肉 $138 伊比利亞黑豚肉, 來自西班牙的高級豬肉, 肉質細緻柔嫩 , 脂肪分佈適中 , 帶濃郁的豬肉香味 , 口感柔軟嫩滑。自家製魚皮餃子 $68用魚皮作餃子皮， 好有特色， 餃子皮 Q彈嚼勁 , 內餡鮮甜 , 充滿肉汁。

第一次嚟，中午飲茶，不貴，環境有裝修，坐位闊落！手機落單，服務員態度非常好，難得！ 只是豬肉片炆米豬肉嚡熠熠，賣相也欠美觀，但服務搭夠！希望㕑師用心煮，下次可以好食啲！但佢出名是火煱，中午都見有人打邊爐，應該好食會介紹多啲人幫襯！

今日同老公去撐枱腳，揀咗間主打精緻嘅火鍋試一試！餐廳氣派十足，裝修好精緻，每張枱都好有私人空間👍🏻一坐低就送上兩杯蘋果茶，淨係個杯都加曬分😍杯茶亦都好香甜清新👍🏻👍🏻佢哋湯底都有十幾款，款款都好吸引！最後我哋揀咗豚肉白菜鍋，個湯鍋中間有一大個切到成朵花咁樣嘅大白菜，旁邊加咗薄切嘅豚肉，淨係湯鍋都已經超打卡able!! 滾起後先飲兩碗湯，少少蕃茄嘅酸味配埋成個豬肉湯底，口感清爽但油膩，非常好飲！再嚟就到差唔多枱枱都叫嘅香江拼😍😍😍成個擺盤都好似藝術品咁，真係忍唔住影咗好多相先開動😂 呢個牛肉拼盤包括咗安格斯肥牛、牛小腿、牛柳粒、牛心頂、牛脷、手切肥牛、黑柏葉&牛白肉🤤 佢哋唔止賣相吸引，肉質亦都非常新鮮，最有驚喜係牛心頂，因為之前無試過～原來係咁爽口👍🏻 安格斯肥牛肉味濃郁，另外亦好鍾意牛柳粒同埋牛脷～跟埋餐廳提供嘅烹飪時間參考煮出嚟份外好味🤤🤤我哋仲叫咗白鱔同枝竹，白鱔夠厚切好肥美，枝竹就索晒湯嘅精華～兩個都係我哋打邊爐嘅好朋友😚呢間餐廳做咗好多打卡位，下次要同班girlfriend過嚟吹水食飯影靚相😍😍

入到門口裝修好靚復古👜好多打卡位 仲有TeamLab鏡房波波房📸平日唔算多人 好舒服出面可以自己拎醬料～整體食物質素唔錯 值得encore！！！📍日本牛乳玫瑰鍋 牛乳花真係好有創意 🐄🥛🌹打到卡又得女仔歡心～店員會幫手切木瓜 🔪 個湯底都幾濃 木瓜真係好好食！📍香江拼 必叫Item之一‼️圓形大木盤圍住火鍋🍲 仲有8款肉類: 安格斯肥牛、牛白肉、牛柳粒、手切肥牛、牛心頂、牛小腿、 牛脷、牛舌、黑柏葉📍七彩餃子🥟 橙、黃、綠、紫、藍、白、黑橙色係鹹蛋黃餃 ：最好食、最惹味淨係有鹹蛋黃，已經好值得食黑色係蟹肉黑松露餃：好香黑松露味～蟹肉都好飽滿🤤📍 桃花緣 桃肉啫喱 + 乳酸 + 梳打汽水🥤即時唧出桃味氣泡🍑比你打卡味道都幾好飲 甜甜地～

裝修好復古👜好似番到五十年代的香港🇭🇰懷舊的報紙牆、霓虹燈、人力車 📸都幾多打卡位再mix埋現代配置 - TeamLab鏡房波波房🫧座位勁寬 ✅朋友/ 家庭聚會黍都非常okay~📍日本牛乳玫瑰鍋 ($168)係女人應該都好中意呢個鍋~打卡able之外🐄🥛🌹湯底可以養顏解壓~牛乳玫瑰花+木瓜+鋪滿食用花🌼成件事好fancy好靚店員會幫手切木瓜 🔪等木瓜融入牛乳鍋湯底好濃牛乳味🐮順滑又帶清甜📍香江拼 ($798)老實講 小編係為咗「佢」而黎 👑餐廳皇牌牛肉拼盤用圓形大木盤圍住火鍋🍲 係幾誇張有齊8款肉類: 安格斯肥牛、牛白肉、牛柳粒、手切肥牛、牛心頂、牛小腿、 牛脷、牛舌、黑柏葉安格斯肥牛仲砌成玫瑰花🌹 好有心機其實8款肉類都好好食 👅肉味好濃、口感軟腍 0伏味最特別係有牛心頂 + 牛胸爽 ✔️其他餐廳比較小有口感好爽脆 滿滿骨膠原😍📍七彩餃子🥟 見到7彩已經好想order!!! 因為顏色真係好吸引💙藍色 : 皮蛋餃～皮蛋+木耳+蝦+豬肉 小編唔太食皮蛋sad!!藍色餃子皮 有D衝擊...🤍白色 : 自家製韭肉餃韭菜味好濃好正，皮薄餡爆🧡橙色 : 鹹蛋黃餃～淨係有鹹蛋黃，已經好值得食💚綠色

慶祝朋友生日，朋友鐘意影相和去打卡餐廳食飯，朋友响open rice睇完食評後挑選呢一間香江花月食生日飯。一早訂左枱，去到餐廳安排入座，要求想坐餐廳前排卡位位置，職員吾俾，話前面座位位置今晚吾開放，應該係人手不足和已經大約知道今晚光顧客人有幾多，所以只開放中間和後面的座位位置。餐廳環境可以，食物質素和味道一般不過服務就麻麻地，每位服務員應該工作量太大，基本上都無笑容無服務可言，呢個價錢會覺得不值，難怪香港人會寧願北上飲飲食食吾留港消費。當晚叫左豬骨湯底和最適合打卡的食物，有香江拼嘅全牛拼盤（牛肉質素合格但價錢偏貴左啲，只係用大木板圈圈放置不同類型的牛肉，賣相確係好睇，用嚟打卡出post方面就一流），同樣七彩餃子和七色手打丸都係用木格上菜，但食物味道沒有賣相出色，七彩餃子，隻隻都差不多味道，完全食吾出有咩不同，而且餃子皮太厚，可以不叫。七色手打丸，又係粒粒差不多味道，好彩是手打丸比餃子好味，另外再叫左碟炸枝竹和買二送一嘅生啤，埋單2位收費就要$1580。呢個價錢我覺得可以有更好嘅選擇，生日嗰個話事，為左慶祝朋友生日，去邊間餐廳係佢決定。總結，唯一要讚嘅係餐廳抽氣做得好好，打邊爐吾會俾蒸氣

香江花月好適合約朋友食精緻火鍋。門口已經係好靚嘅打卡位，裏面寬敞，裝修精緻，每一個區域都優雅精緻。餐廳行復古、高雅、精緻餐點路線，每一樣菜品都係打卡able，價錢只是比普通的火鍋店稍貴，絕對值得。養顏花膠雞鍋 $238點呢個火鍋就係為咗飲佢嘅湯底，香甜，補身又養顏，裏面有半隻雞，菜品太豐富，最後呢半隻雞都食唔晒要拎走。桂花蚌 $118新鮮桂花蚌，鮮甜爽脆，稍稍灼10秒已經夠。香江拼 $798 必點牛肉拼盤，打卡好靚，8種唔同部份嘅牛肉，牛心頂、牛白肉、安格斯肥牛都有，每款大概6塊，6人食都可以每人試到唔同牛肉部位嘅味道。即炸響鈴卷 $58非常香脆，就咁食都得。玫瑰仙子 $108打卡必點😍，浴火重生的概念，火燒完就顯現出一杯非常靚嘅玫瑰特飲，好浪漫。生力白啤 $83估唔到生力白啤咁好飲，小麥味道不重反而充滿花香味。適合打卡，家庭聚餐，朋友聚會，生日慶祝的一餐，絕對值得推介。

放工同朋友去打邊爐，揀咗有幾間分店嘅火鍋店「香江花月」。餐廳環境好靚好啱聚會。我哋揀咗個比較少見嘅石橄欖無花果豬肺湯。呢個湯底清甜又滋潤，同平時飲開嘅杏汁豬肺湯勁唔同。我哋叫咗份少見嘅金沙青，呢個係平時比較少食到嘅豬肉部位。冇豬頸肉咁肥不過幾爽脆。我哋仲叫咗份七彩餃子。嚟到嘅賣相果然好靚。我最鐘意食嘅係橙橙黃黃嘅鹹蛋黃餃子，味道鹹香濃郁。估唔到火鍋店都有cocktail!我哋嗌咗玫瑰仙子、紫醉金迷。

啲人成日話鄰近城市嘅餐廳裝潢非常搶眼，但係其實有啲香港嘅餐廳都落好重本架，尤其是呢間響佐敦嘅「香江花月」，無論係裝修、餐具、服務、食材、擺盤都係將大眾對香港火鍋店嘅標準大大提高。首先講講個裝修，餐廳主打係老香港風格，雖然餐廳都係行緊類似裝修風格，但係可以做到復古而不失華麗嘅餐廳確實唔多。並未有如絕大部分香港餐廳一樣，將餐枱排到好擠迫，雖然未至於做到包廂效果，但係食客嘅私隱度都相對較高，冇咁容易可以俾隔離枱偷聽到傾計嘅內容。餐廳亦預留咗好多位置畀食客打卡，無論係大人定係小朋友，都適合影相留念。睇到呢度你或者會以為餐廳嘅食物，會被裝修比下去，但係好快你就會打消呢個念頭。我哋得兩個人去打邊爐，所以嗌嘅食物唔多。湯底我哋叫咗一個「豚肉白菜鍋」，餐廳好有心機咁將個白菜同豚肉砌成一朵花，再灑上花瓣，然後再將蕃茄加入湯底入面，成個畫面都好靚，店員一擺上枱，我哋都忍唔住要影一陣相先，然後店員就會幫我哋剪開朵「豚肉白菜花」。肉食方面我哋叫咗一個「香江拼」，「香江拼」其實係一個牛肉拼盤，包含咗多款上品嘅牛肉，當中有偏向濃味嘅安格斯肥牛、充滿油香嘅牛白肉、偏向腍身嘅牛柳粒、香濃牛味嘅手切肥牛、嫩滑爽口嘅牛心

港式火鍋通常都唔會太花巧畢竟火鍋講究嘅都係湯底靚，用料新鮮但呢間有齊以上種種不特止仲打卡able to the max!!!懶得慢慢點菜，直接叫了個拼盤拼盤一上枱，即刻全台人都嘩嘩聲淨係呢個評判，我哋用咗20分鐘影相😂太靚喇！除咗靚之外，每款牛都好特別，全部個樣睇落去都好新鮮好精神！湯底叫左花膠雞，好足料！每人都飲咗兩碗湯先開始打邊爐！餐廳環境又靚，全部位置都好乾淨，唔會話有浸邊爐味太好食喇！以後girls night都要嚟！！！有得食有得玩仲有得打卡！正！

同朋友聚舊，傾吓近況，因此呢晚我哋嚟咗「香江花月」，坐嘅位置寬敞，同其他檯有合適距離，好啱聚會同食好嘢，又有cocktail飲🍸。🥢石橄欖無花果豬肺鍋 $268清潤香甜，少少帶酸，唔油膩，係唔錯嘅選擇。🥢美國安格斯肥牛（細） $198肥瘦均勻，每片肥牛都有一定厚度，食落亦好有牛香。🥢脆口金沙青 $78口感似豬頸肉，但會更爽脆，味道香滑，值得嗌👍🏻。🥢七彩餃子 $108七色加埋托盤令餃子好精緻，每隻餃子亦各有特色，白色嘅韭菜餃好飽滿，紫色嘅係牛肉餡，綠色係香菇，味道唔錯。🥢手打蟹籽墨魚滑 $88墨魚滑好滑溜，而且入口即刻感受到肉嫩，墨魚味道濃厚👍🏻，推薦。🥢娃娃菜 $48🥢出前一丁$48🍸玫瑰仙子$108

香江花月是一家優質餐廳,以精緻的粵式料理和火鍋而享負盛名。咁同朋友打邊爐，朋友想試呢一間火鍋店，咁我地咪走去試下囉，其實入面個場幾靚，華麗係呢一間餐廳嘅賣點， 呢間嘢簡直就係打卡嘅聖地，咁我哋叫咗以下:首先,他們的海鮮冬瓜鍋可謂是精品中的精品。冬瓜肉質鮮嫩爽脆,與新鮮的海鮮如蝦、帶子等完美融合,湯底更是清甜鮮美,令人回味無窮。此外,他們的伊比利亞黑豚肉亦是一大亮點。肉質細嫩多汁,配合特製的調味醬汁,回味無窮。自家製的韭菜餃味道鮮美,餡料飽滿,皮薄餡多,頗有水準。尤其是配合自己特製的辣醬汁,更突顯出餃子的美味。值得一提的是他們的頂級花膠。花膠完全凸顯出其原有的鮮甜滋味,嫩滑爽口,難怪這道菜會如此受到食客的青睞。另一個亮點則是即炸魚皮。酥脆香嫩,帶有淡淡的魚香,啖一口頓覺魚肉精華盡在其中。在肉類方面,澳洲羊肉卷更是一大特色。羊肉鮮嫩多汁,配上精心的醬料,讓這道菜化腥提鮮,風味獨特。值得一提的還有手打蟹籽墨魚滑。口感細膩,而且蟹籽的鮮甜和魚滑的鮮味也恰到好處地融合在一起。最後,自家製的水餃和噴汁貢丸也是不容錯過的佳餚。水餃皮薄餡多,咬下飽滿多汁;噴汁貢丸則口感爽滑,湯汁鮮美,別有一番風味。O