香江花月 (百誠大廈)

營業中

休息中

慶祝朋友生日，朋友鐘意影相和去打卡餐廳食飯，朋友响open rice睇完食評後挑選呢一間香江花月食生日飯。一早訂左枱，去到餐廳安排入座，要求想坐餐廳前排卡位位置，職員吾俾，話前面座位位置今晚吾開放，應該係人手不足和已經大約知道今晚光顧客人有幾多，所以只開放中間和後面的座位位置。餐廳環境可以，食物質素和味道一般不過服務就麻麻地，每位服務員應該工作量太大，基本上都無笑容無服務可言，呢個價錢會覺得不值，難怪香港人會寧願北上飲飲食食吾留港消費。當晚叫左豬骨湯底和最適合打卡的食物，有香江拼嘅全牛拼盤（牛肉質素合格但價錢偏貴左啲，只係用大木板圈圈放置不同類型的牛肉，賣相確係好睇，用嚟打卡出post方面就一流），同樣七彩餃子和七色手打丸都係用木格上菜，但食物味道沒有賣相出色，七彩餃子，隻隻都差不多味道，完全食吾出有咩不同，而且餃子皮太厚，可以不叫。七色手打丸，又係粒粒差不多味道，好彩是手打丸比餃子好味，另外再叫左碟炸枝竹和買二送一嘅生啤，埋單2位收費就要$1580。呢個價錢我覺得可以有更好嘅選擇，生日嗰個話事，為左慶祝朋友生日，去邊間餐廳係佢決定。總結，唯一要讚嘅係餐廳抽氣做得好好，打邊爐吾會俾蒸氣

香江花月好適合約朋友食精緻火鍋。門口已經係好靚嘅打卡位，裏面寬敞，裝修精緻，每一個區域都優雅精緻。餐廳行復古、高雅、精緻餐點路線，每一樣菜品都係打卡able，價錢只是比普通的火鍋店稍貴，絕對值得。養顏花膠雞鍋 $238點呢個火鍋就係為咗飲佢嘅湯底，香甜，補身又養顏，裏面有半隻雞，菜品太豐富，最後呢半隻雞都食唔晒要拎走。桂花蚌 $118新鮮桂花蚌，鮮甜爽脆，稍稍灼10秒已經夠。香江拼 $798 必點牛肉拼盤，打卡好靚，8種唔同部份嘅牛肉，牛心頂、牛白肉、安格斯肥牛都有，每款大概6塊，6人食都可以每人試到唔同牛肉部位嘅味道。即炸響鈴卷 $58非常香脆，就咁食都得。玫瑰仙子 $108打卡必點😍，浴火重生的概念，火燒完就顯現出一杯非常靚嘅玫瑰特飲，好浪漫。生力白啤 $83估唔到生力白啤咁好飲，小麥味道不重反而充滿花香味。適合打卡，家庭聚餐，朋友聚會，生日慶祝的一餐，絕對值得推介。

放工同朋友去打邊爐，揀咗有幾間分店嘅火鍋店「香江花月」。餐廳環境好靚好啱聚會。我哋揀咗個比較少見嘅石橄欖無花果豬肺湯。呢個湯底清甜又滋潤，同平時飲開嘅杏汁豬肺湯勁唔同。我哋叫咗份少見嘅金沙青，呢個係平時比較少食到嘅豬肉部位。冇豬頸肉咁肥不過幾爽脆。我哋仲叫咗份七彩餃子。嚟到嘅賣相果然好靚。我最鐘意食嘅係橙橙黃黃嘅鹹蛋黃餃子，味道鹹香濃郁。估唔到火鍋店都有cocktail!我哋嗌咗玫瑰仙子、紫醉金迷。

啲人成日話鄰近城市嘅餐廳裝潢非常搶眼，但係其實有啲香港嘅餐廳都落好重本架，尤其是呢間響佐敦嘅「香江花月」，無論係裝修、餐具、服務、食材、擺盤都係將大眾對香港火鍋店嘅標準大大提高。首先講講個裝修，餐廳主打係老香港風格，雖然餐廳都係行緊類似裝修風格，但係可以做到復古而不失華麗嘅餐廳確實唔多。並未有如絕大部分香港餐廳一樣，將餐枱排到好擠迫，雖然未至於做到包廂效果，但係食客嘅私隱度都相對較高，冇咁容易可以俾隔離枱偷聽到傾計嘅內容。餐廳亦預留咗好多位置畀食客打卡，無論係大人定係小朋友，都適合影相留念。睇到呢度你或者會以為餐廳嘅食物，會被裝修比下去，但係好快你就會打消呢個念頭。我哋得兩個人去打邊爐，所以嗌嘅食物唔多。湯底我哋叫咗一個「豚肉白菜鍋」，餐廳好有心機咁將個白菜同豚肉砌成一朵花，再灑上花瓣，然後再將蕃茄加入湯底入面，成個畫面都好靚，店員一擺上枱，我哋都忍唔住要影一陣相先，然後店員就會幫我哋剪開朵「豚肉白菜花」。肉食方面我哋叫咗一個「香江拼」，「香江拼」其實係一個牛肉拼盤，包含咗多款上品嘅牛肉，當中有偏向濃味嘅安格斯肥牛、充滿油香嘅牛白肉、偏向腍身嘅牛柳粒、香濃牛味嘅手切肥牛、嫩滑爽口嘅牛心

港式火鍋通常都唔會太花巧畢竟火鍋講究嘅都係湯底靚，用料新鮮但呢間有齊以上種種不特止仲打卡able to the max!!!懶得慢慢點菜，直接叫了個拼盤拼盤一上枱，即刻全台人都嘩嘩聲淨係呢個評判，我哋用咗20分鐘影相😂太靚喇！除咗靚之外，每款牛都好特別，全部個樣睇落去都好新鮮好精神！湯底叫左花膠雞，好足料！每人都飲咗兩碗湯先開始打邊爐！餐廳環境又靚，全部位置都好乾淨，唔會話有浸邊爐味太好食喇！以後girls night都要嚟！！！有得食有得玩仲有得打卡！正！

華洋風舊香港火鍋店 • 香江花月超唯美打卡香江拼圈圈牛肉拼盤🇭🇰 最近大家都被《九龍城寨》風掀起舊香港的城市情懷。以50年代的舊香港為藍本的香江花月，讓食客感受昔日五光十色的華洋風尚文化外，也把情懷融入精緻的火鍋之中。火鍋店既有舊香港的風貌，也引入像Team Lab的波波鏡室營造花月之境，非常夢幻。🥛🌹日本牛乳玫瑰鍋 $168牛乳鍋鋪滿食用花，牛乳玫瑰花架在木瓜上，湯底既濃郁順滑又帶清甜。🐮 香江拼 $798一圈入爐的香江拼像極了藝術品，肉類砌成玫瑰花形狀，排列整齊，超打卡able。牛肉拼盤以圓形大木盤圍住個湯鍋，視覺效果震撼。拼盤有齊安格斯肥牛、牛白肉、牛柳粒、手切肥牛、牛心頂、牛小腿、 牛脷、牛舌、黑柏葉。兩款肥牛油花均勻，肉味香濃，口感軟腍。比較特別的牛心頂是牛心臟最頂部分連接著血脈和心臟的組織，雪白爽脆，值得一試。而牛白肉又稱牛胸爽，是牛前胸的脂肪部分，入口泛著牛油香味，口感爽脆。🥟 七彩餃子水餃放在古色古香的架子上，庭院風滿滿。七色水餃包括鹹蛋黃餃、姬松茸野菌餃、蟹肉黑松露餃、午餐肉粟米餃、皮蛋餃、自家製韭菜餃、和牛香茜餃，色彩繽紛，粒粒飽滿足料。💜 紫醉金迷 $108酸酸甜

同朋友聚舊，傾吓近況，因此呢晚我哋嚟咗「香江花月」，坐嘅位置寬敞，同其他檯有合適距離，好啱聚會同食好嘢，又有cocktail飲🍸。🥢石橄欖無花果豬肺鍋 $268清潤香甜，少少帶酸，唔油膩，係唔錯嘅選擇。🥢美國安格斯肥牛（細） $198肥瘦均勻，每片肥牛都有一定厚度，食落亦好有牛香。🥢脆口金沙青 $78口感似豬頸肉，但會更爽脆，味道香滑，值得嗌👍🏻。🥢七彩餃子 $108七色加埋托盤令餃子好精緻，每隻餃子亦各有特色，白色嘅韭菜餃好飽滿，紫色嘅係牛肉餡，綠色係香菇，味道唔錯。🥢手打蟹籽墨魚滑 $88墨魚滑好滑溜，而且入口即刻感受到肉嫩，墨魚味道濃厚👍🏻，推薦。🥢娃娃菜 $48🥢出前一丁$48🍸玫瑰仙子$108

香江花月是一家優質餐廳,以精緻的粵式料理和火鍋而享負盛名。咁同朋友打邊爐，朋友想試呢一間火鍋店，咁我地咪走去試下囉，其實入面個場幾靚，華麗係呢一間餐廳嘅賣點， 呢間嘢簡直就係打卡嘅聖地，咁我哋叫咗以下:首先,他們的海鮮冬瓜鍋可謂是精品中的精品。冬瓜肉質鮮嫩爽脆,與新鮮的海鮮如蝦、帶子等完美融合,湯底更是清甜鮮美,令人回味無窮。此外,他們的伊比利亞黑豚肉亦是一大亮點。肉質細嫩多汁,配合特製的調味醬汁,回味無窮。自家製的韭菜餃味道鮮美,餡料飽滿,皮薄餡多,頗有水準。尤其是配合自己特製的辣醬汁,更突顯出餃子的美味。值得一提的是他們的頂級花膠。花膠完全凸顯出其原有的鮮甜滋味,嫩滑爽口,難怪這道菜會如此受到食客的青睞。另一個亮點則是即炸魚皮。酥脆香嫩,帶有淡淡的魚香,啖一口頓覺魚肉精華盡在其中。在肉類方面,澳洲羊肉卷更是一大特色。羊肉鮮嫩多汁,配上精心的醬料,讓這道菜化腥提鮮,風味獨特。值得一提的還有手打蟹籽墨魚滑。口感細膩,而且蟹籽的鮮甜和魚滑的鮮味也恰到好處地融合在一起。最後,自家製的水餃和噴汁貢丸也是不容錯過的佳餚。水餃皮薄餡多,咬下飽滿多汁;噴汁貢丸則口感爽滑,湯汁鮮美,別有一番風味。O

好友說帶我試懷舊打卡酒樓，跟住她來到佐敦，出左地鐵行幾分鐘就到，可能是轉角位，好容易錯過，幸好有人帶路。搭電梯上一樓，就見到好懷舊的酒樓門口，有架人力車在門口，有點似五六十年代電影場景。酒樓內籠好大，右邊墻擺滿舊式座台電話機，當裝飾墻身壁紙。座位寬闊舒適，卡位好多，餐具是古色古香，一個古老水壺令時光倒流，仲有我喜歡的公雞🐔碗。早茶有優惠，11-12點可以食平點心，我們食7個點心，埋單＄222，茶位＄10，確是實惠，點心質素不錯，服務都到位，但都有不足之處，當天有包場活動，我們訂位時卻不知會，只可食到12:30，知客說已短信通知，但現在行騙電郵太多，不敢輕易按入不熟悉的連結，所以想坐耐些都不可以，難得專門來捧場，卻不能盡興，有點可惜。😅

網上見到佐敦有間打邊爐好靚既打卡餐廳一嚟到有杯蘋果綠色杯底有條金魚仔入口非常濃郁自助調味～有超多配料揀，腐乳＆潮州辣椒油出面比較少有，豉油+生蒜+腐乳+辣椒油～無得輸湯底揀左日本牛乳玫瑰鍋$168除左靚之外，仲好啱女士~養顏兼有緩解壓力之效。木瓜上面有朵牛乳玫瑰花~好多日本食用玫瑰花木瓜好甜，湯底好濃牛乳味，好正香江拼$798～好啱打卡～一上枱超吸睛～影呀影有三朵安格斯肥牛砌成既玫瑰花～淥2分鐘～個人覺得牛味最濃，口感嫰滑牛白肉～淥3秒鐘～油而不膩卷埋安格斯肥牛，口感特別，牛味更濃牛柳粒都有3份～淥4分鐘～個人覺得肥瘦適中，油香味濃，口感軟腍手切肥牛～淥2分鐘，好新鮮，口感嫰滑牛心頂～淥3秒，第一次食，幾得意，口感爽脆黑柏葉～淥3秒鐘～爽口彈牙牛脷～淥1分鐘～好juicy~牛小腿～淥1分鐘～相比起安格斯無咁膩份量都幾多～3個人食都夠七色餃子$108藍色～皮蛋餃～好特別，除左皮蛋仲有木耳，蝦，豬肉白色～自家製韭肉餃～一咬開韭菜味濃郁，皮薄餡爆滿，好食。橙色～鹹蛋黃餃～一咬開就有4份1粒鹹蛋黃，超香綠色～姬松茸野菌餃～一咬開好香松茸味，好有層次，爽口。黃色～午餐肉粟米餃～粟米甜餐肉大粒，好

🐻👨🏽同我最鐘意打邊爐，平時多數喺屋企自己打，呢排打到悶就諗住周圍搵吓食😛呢間喺佐敦嘅超靚火鍋打卡店二話不說就訂咗位😆🐻入到去真係俾呢間餐廳嘅裝修震懾左，門口已經有個好靚嘅迷你Team lap打卡位,小小英倫風嘅裝修再加埋花嘅原素，唔會太過眼花撩亂，但係又好舒適嘅感覺 ☺️🐻其實佢哋有好多湯底選擇，我哋就揀咗花雕胡椒豬肚，香濃嘅花椒胡椒味我哋最鍾意食嘅牛，我哋就覺得唔夾✌🏼肥牛好出色睇d色澤咁鮮紅就知正🫶🏻🐻但最開心嘅就係有個皮蛋蝦滑俾我玩🤣可以自己中下中下搞埋一齊🤪🐻仲有最值得一讚嘅位係呢度嘅醬料區非常乾爽同乾淨,去好多地方打邊爐醬料區都係好黐立立又污糟呢度嘅店員真係少少污糟都會即刻走去清潔👍🏽

大熱天時開住冷氣打邊爐係香港人傳統，收工個陣條邊爐癮起，即刻睇下附近有冇乜好地方止下癮，揾下揾下就見到呢間香江花月，就衝上去睇下有冇位。去到門口就已經有摩登既感覺，香江花月裝修走八十年代風格，枱櫈擺設都模仿當年既味道，而且每張枱空間好大，放滿全桌邊爐料都卓卓有餘，枱與枱之間都有距離，感覺好舒服。香江花月湯底足足有十二款，好多都好有特色，不過今晚我哋想簡簡單單，點左個秘製花雕豬肚湯，湯底配料相當豐富，鋪滿枝竹，豬肚多到食唔哂，飲落花雕同藥材味好足之餘，仲有胡椒味。打邊爐當然唔少得食牛，叫左一大碟美國安格斯肥牛同牛脷滿足下，肥牛油花漂亮，食落軟糯牛味多，牛脷厚切口感彈牙。之後追加白鱔片，白鱔大大塊，淥熟唔會縮埋一舊，食落無骨有口感。最特別係皮蛋蝦滑，自己DIY將皮滑同蝦滑混合，兩種不同口感既彈牙一齊食，係一種新鮮既體驗。

打卡真係一流，懷舊裝修靚，座位亦十分舒適，食物賣相非常精緻，冇得彈美顏花膠雞鍋 HKD 298 滋補花膠蟲草花雞鍋，用上原隻雞浸得鮮嫩可口,湯底重非常濃郁，花膠同蟲草花係分開上既，服務員更加會幫你切埋隻雞，服務一流香江拼 HKD 798呢個真係想食好耐㗎啦，成日見到人哋IG打卡，全牛拼盤包括安格斯肥牛、牛白肉、牛柳粒、手切肥牛、牛心頂、牛小腿、 牛脷、牛柏葉等等，圍住個爐嘅拼盤賣相好吸睛，而且砌成玫瑰花形狀，成個藝術品咁食咁多牛咁肥膩，梗係叫返杯茶飲呢度都幾種花茶，有洋甘菊同玫瑰花茶可以揀最鍾意佢有間波波燈房可以任影

上次去過銅鑼灣分店，超級華麗，令人印象深刻，今次就試埋佐敦呢間餐廳陳設以50年代的舊香港為藍本，置身其中可感受昔日五光十色的華洋風尚文化，盡享獨一無二的火鍋新體驗之前食過日本牛乳玫瑰鍋、今次食個養生花膠雞鍋，再配埋人氣特色配料，包括匯聚安格斯肥牛、牛心頂及黑柏葉等不同牛部位既香江拼，真係視覺和味覺上都得到享受值得一讚既係呢度服務超級周到，除咗食物好味服務亦一流，店員會為你將雞鍋既雞切成容易吃的大小，方便食用，亦都會時常問需唔需要加湯，值得一讚👍🏻

環境好舒服，食物都可以！不過全完無服務，侍應生不足，加上每位都面黑黑，基本禮貌都無。我一月份光顧時，服務態度簡直天淵之別😮‍💨不會再來，吃到一肚氣。食物環境幾好都冇用，失望🫣