香港地 (已結業)

下午茶好抵食，6點前埋單仲有八折咖喱豬扒飯，塊豬扒好大塊，炸得好好！小食我揀左炸春卷，普普通通，唔夠熱甜品我揀左千層糕，咖啡味，味道唔錯！而且埋單只係40蚊，肺炎價，抵到爛，周圍無其他食客，包場

突然要入將軍澳，人生路不熟是是但但搵間野食，由於唔識路就搵間茶餐廳，肚餓的朋友叫左魚蛋紫菜河，我就叫左最喜歡的西多士。個紫菜魚蛋河口感麻麻地，不過算係咁，可以接受醫飽個肚，個傳統西多士都係還可以，比上不足比下又。。。。D花生醬好硬(唔太識形容😂)好似凍左d花生醫硬d咁，唔似熱個陣容左咁。買相的確好吸引，都好靚，服務都唔錯，不過不失，不過個附近可選擇唔多，大家都可以試下，都好多種類供大家選擇，環境都可以

經常都要等位，不過今日只係等左一陣就有位。個商場好多人，天氣又熱，似乎冷氣唔係太夠。呢度用料同烹調一如既往都係比普通茶餐廳冰室特別，而且幾好味。頭抽乾炒M5澳洲和牛炒河粉 - 好特別嘅鼓油味，好有牛味易咬嘅牛肉，好正！係有別於平時餐廳腌到太淋嘅牛肉。香港地重量級咖哩豬扒飯 - 估唔到重點唔係個咖哩突出，而係個炸豬扒。好有鹽酥味，好香。咖哩香料不足，係少辣嘅普通咖哩。奶茶香濃幼滑過一般茶餐廳，而咖啡係即磨都ok好飲。

第一，未食就已經留意到，呢間茶記好興未執好枱就入座，其實等多一兩分鐘個客唔會走，反而你坐低見到張枱咁樣真係無左第一個觀感，見到之後入幾枱都係咁，但我就無事ge。第二，出餐真係好快，基本上繁忙時間，枱枱都唔洗四五分鐘就有野食，似快餐。其實第一次食，講翻野食先，一個三杯雞煲$68加飯加飲品再加$12，唔算平，份量唔係特別足料，但白飯係夠，味道都夠，但雞件係勁多肥肉，幾失望下，諗住食洋蔥撈汁食白飯，又油到好有罪惡感......另外仲有豉椒免治牛肉炒飯底，色水好夠，但其實無乜味，仲似乎好多味精，好口渴，最重點問題係，汁同飯比例基乎係一比一，濕到爆，個汁好味就話啫⋯⋯唉，成程最開心係飲到杯好飲ge凍檸茶。最後，可能運氣唔好先揀中無咁好食ge菜色啫，但已經影響左我好大機會唔會再黎食。

午餐時間黎想食下茶記，呢間香港地環境算乾乾淨淨，睇下有咩好食先午餐都幾多選擇，入去先慢慢揀叫左個頭抽乾炒M5澳洲和牛炒河粉 $66個名好長好殺食，即係港人至愛乾炒牛河，賣相幾靚，仲用鑊仔上，係咪澳洲和牛我就食唔出，不過真係咸左啲，食晒啲河淨返啲牛，仲要飲多兩杯水夏威夷芝士焗豬扒飯 $55芝士份量足，豬扒碎上方便食，味道正常套餐包野飲，見佢個蛋白奶茶好似好正好滑，一於試試蛋白奶茶飲落茶底太濃有啲苦澀，奶茶唔夠滑，而且同蛋白唔係好夾，小伏要加番包糖中和下下次都係踏實啲要返杯檸茶檸水就算埋單送上9折券～呢個價錢OK啦～

好小可食茶餐廳都分享食評。呢間餐廳喺天水圍分店食完後，發誓唔會再食(天水圍分店)， 無論服務態度至出品，一個字講完，差。該分店最後都關門。自此對香港地都有啲卻步， 之前參加咗 個活動得獎下午茶一份， 貪小便宜嘅心態出嚟， 等到期日最後一天才去食， 可想而知考慮了多長的時間。免費就試一試吧， 首先問清楚能否兌換才入座， 呢間分店令我改觀。香港人好麻煩，免費餐仲有好多要求，要求蛋分開上 ，起初說唔得， 入單問廚房可以分開(真好)沙爹牛肉煎蛋麵，沙嗲牛重點質地林夠味道，要比手指公👍🏻。帶了小孩，要求碗仔， 竟然有小童餐具，小朋友見到餐具動物極開心。最後一關，埋單用換領code,簡易完成。總結呢間分店嘅職員同出品，成功洗脫香港地係我心目中嘅差形象。日後應該會考慮再食。

3人行食下茶餐廳小菜先～ 可能比較早都冇咩人唔洗等位叫咗個精選二人小菜套餐$165～有：兩個餸、兩碗白飯同香港地原味靚湯跟餐有成大煲靚湯～日日唔同～飲落唔會好咸好味精～好有屋企煲湯feel小菜七選一：簡咗柱候枝竹牛筋腩煲炆得好入味～牛腩同牛筋都算大舊～枝竹都唔會煮到爛晒～分量嚟講都算可以二選一：可以揀香妃雞或者豉汁蒸倉魚～簡咗紅蔥頭醬油香妃雞～香妃雞食落好入味～肉質淋～份量適中少辣XO醬鮮魷煲～鮮魷煮得剛好唔會過火～不過通菜有D生～醬偏鹹但食落好嘢味

成日都去香港地食早餐，但食晚餐就好少～～因為多數都係屋企煮飯～～不過見佢話有鐵板餐，就偷懶一日同老公鋸個扒～～慣常地坐係比較空曠既出面，諗住咋個下好大煙，空曠d會比較好～～點知好失望。。。因為淋哂汁，攤涼左再拎過黎，完全冇左個個氣氛野唔難食，但唔係個回事囉～～另外個餐包烘得太燶，但仲敢拎出黎俾客人食⋯⋯個頂係燶哂⋯⋯冇氣氛既鐵板～～同將熟左野就咁放上去冇分別。。。。。。另外，為左就小朋友，特登點左個豆腐煲配飯同餐飲～～～呢個仲熱過個鐵板～～餐牌講明有魷魚，但食到底先有一塊仔⋯⋯蝦有2粒、魚有2塊咁～～～

其實自從自己湊小朋友開始，都成日去香港地食早餐～～貪佢有得用apps拎飛同埋宜家個款BB櫈～～除左呢2樣，其實一班侍應都好好人，所以好多帶住BB既媽媽們都會去個度食早餐～～有得電子攞飛真係好重要，等都唔駛等咁耐呀～～～除左BB櫈，仲有貼心既BB餐具添架～～早餐既選擇唔多，但就好flexible ~~ 多士可以揀厚既牛奶多士又或者薄多士；蛋可以揀太陽蛋、反蛋同炒蛋，仲有得炒熟d；米粉、麵、通粉都有；仲可以揀餸另上咁～～～比著係普通茶餐廳，應該鬧人了港式早餐最多人揀都應該係沙嗲牛肉架喇～～呢度既沙嗲牛都算幾好食～～醬汁夠濃、牛肉又有咬口，唔會淋到爛又或者硬到咬唔開～～但齋食就咸左d, 溝番落湯就啱啱好～～另一樣雪菜肉絲米粉，香噴噴既雪菜味同帶有少少辣椒味，勁醒胃呀～～另外，呢度用既都係日本雞蛋，真係比較有蛋香～～特登叫炒熟蛋，阿仔都好鍾意食架～～火腿太陽蛋拼薄多士沙嗲牛肉通粉（餸另上）腸仔炒熟蛋拼厚牛奶多士雪菜肉絲米粉香滑既茶走～～茶香又滑又甜～～

Went here ages ago and the menu is the usual boring stuff eg chicken, steamed fish, claypots etc.The cutlery was nice and clean NOT!Had the chicken with rice which was a nice surprise as there was a side of finely chopped cabbage in a refreshing yuzu dressing.The chicken was boring as usual but I loved the cabbage.The fish was steamed nicely and the black bits were fermented black beans which flavoured the fish nicely.

今日遲左放工懶得返屋企煮飯,所以約朋友出街食,我地見呢間茶餐廳都新新地,又好多人入去食,所以我地都入去試下!!餐廳環境開揚,位同位之間唔會密質質,裝修有點昔日香港茶餐廳的味道,可惜抽氣系統唔算好,開放式廚房的油煙味走哂入去!!打開餐牌有好多選擇,小菜,粉麵飯都有,不過價錢就貴左d,叫1個小菜唔包飯同餐飲,要另外加錢,一個一人餐都差不多成舊水,最後叫左2個煲仔小菜,1個小菜,1碟飯,1碟意粉!<魚湯鮮菌海味粉絲雜菜煲>有菜心,西蘭花,生菜,蝦,魷魚,菇,粉絲等,味道比較淡,全部既菜都太大條,好難咬斷!<柱侯蘿蔔牛筋腩煲> 蘿蔔炆得好林,牛筋腩煮得好入味,味道不錯!<鮮菠蘿咕嚕肉> 咕嚕肉粉漿厚厚不脆口有點失色!!配菜有三色椒,洋蔥同菠蘿,甜酸汁的味道酸酸味味好開胃!<海南雞飯>咬開雞肉有d紅,應該未熟得哂!!雞肉整得唔算油,沒有鞋口的感覺!<牛柳絲炒意粉> 都幾大碟,牛柳絲唔算多,意粉好油,仲有d咸,但味道可以!整體來講,茶餐廳環境不錯,味道不過不失,但價錢略貴.

今日陪老婆帶前世情人到新都城上playgroup,由於只可以一位家長陪同，我在外等候。期間，經過這家食肆，看到未開鋪便有這麼多人排隊，便決定試一試。最後等位都要15分鐘，但上餐速度很快！⭐️沙爹牛肉麵餐 $37這根本是常餐！！哈哈😄不過，明顯的是他們的沙嗲牛肉的用料跟街外的茶餐廳不同。麵條軟硬度適中。好吃😋⭐️炸魚柳煎蛋套餐 $41炸魚柳很好吃！外脆內軟，肉質非常嫩滑！難怪會比常餐貴$4最最最加分是他們的檸檬水。飲10間9間都係太酸/有苦澀味，這兒沒有！

一家星期日去食個晏，六個人佢叫我哋坐四人枱都算，仲要自己去搬櫈🤦🏻‍♀️餐具得4set都算，望到6個人坐係度都係俾4杯水🤷🏻‍♀️好聲好氣問可唔可以俾多兩杯水，仲要黑口黑面唔想俾咁，家陣好似要乞杯水咁🤦🏻‍♀️叫咗午餐一分鐘都冇就上得，當佢炒好哂放係度，如果想要鑊氣就唔好咁大期望。可取嘅係咖哩夠辣，但係個牛根食落會推翻大家對牛根嘅認知，完全唔同你食開嘅口感，真係唔會再嚟幫襯🤦🏻‍♀️

約了朋友5:30傾下計攝時間！因為7點大家都約了一班教友聽講道。又未想食飯就想起呢間！因為之前行過但又未幫襯過！就入去坐下試下啦！兩個人就叫了一個下午茶加碟紫菜魚蛋片頭，頂下肚子先，聽完講座後再一齊食9點晚飯，就啱啱好喇，呢度環境不錯，天時熱冷氣又夠女侍應生又有禮貌呢份下午茶餐份量又夠，又有香芒薯仔沙律甜品連餐飲都係$48，最緊要係可以坐得耐吖馬，兩個女人坐成粒幾鐘，講下心事真係好開心架門口好靚坐電梯都見到雪菜鴨絲炆米米粉很爽口 食唔到鴨絲香望薯仔沙律味道有些似高級酒店feel添熱檸茶紫菜魚蛋片頭$25好多紫菜 味道鮮甜

放工一個人係屋企附近個商場行左一陣、係地下見到間香港地、就入去睇吓有乜好食、見到個餐牌有个紅葱頭菜油鸡套餐配柚子什菜絲沙律、重有例湯同白飯、套餐來了、原來係西洋菜湯、紅葱頭菜油鸡都好滑、柚子什菜絲沙律就一般、成個套餐都算ok、食飽就埋单走人。