香港海賊王餐廳 (已結業)

好多蚊、咬左幾粒蚊爛！味道普通啦、食食下有show、但係唔知講乜！食物份量足夠！但價錢偏高！不過海賊王人物逼真！又一直播放海賊王歌曲、氣氛幾好、可以去試下、但要著長褲！

未入門口就見到烈陽號獅子頭大炮迎接你，入到去就有齊晒8個主角等你同佢哋影相！路飛當然係大家嘅最愛啦！到夜晚7點30分仲有段短片介紹各主角，過吓少癮咁！餐點方面賣相都同角色有關，今次就試用路飛做主題嘅餐點。草帽日式咖哩飯 $128 ，除咁咖喱好味，賣相100分之外，仲有幾塊大大粒牛柳粒，足料！路飛Jumbo肉盤 $328 有羊扒、豬仔脾、牛柳、雞扒、紐侖堡腸、烤菠蘿，每件都大大件，兩個人Share就非常夠飽！忌廉鮮茄海鮮湯 $68 ，海鮮多過啲湯，足料之餘海鮮夠鮮味！每樣嘢都真材實料，同Menu個樣整到一模一樣。

呢個weekend去左間餐廳陪人朝聖😂召集鐘意索柏 路飛既面孔😌🔊 #onepiece新開係黃埔既海賊王餐廳🤪 其實好岩feel開係黃埔船底😂餐廳內裝飾一流！ 有齊海賊王大型景品😍凳都未坐暖就去同佢地逐個selfie☺️📸.估唔到食物方面都不錯喎 通常呢d主題餐廳都係呃人嘛🤭😭（比果d點心/cafe呃過幾次😩）.🍴路飛BBQ雞翼🍴$58真係估唔到咁抵食＄58有三大件雞鎚🤑隻燒烤醬整得好好食👍🏼👍🏼但係略嫌鹹咗少少 岩我呢d重口味人士😂呢度嘅菜式每一碟都會插上one piece人物既圖紙 真係好想逐一收藏🤭😍.🍴三刀流串燒🍴$178/3串本身覺得都有啲貴 但係比想像中大條😱😱2個人係絕對食唔哂 因為並唔係出邊泰式串燒既size!!最好笑係把刀唔係用紙做 係堅金屬做果隻😂😂可以攞黎插人🤭🙊又令我諗翻起巴西燒烤既回憶🙈有🍢海鮮🍡牛肉🍢豬肉 個人覺得豬肉串配佢個汁最好味！.🍴西班牙海鮮飯🍴$138無可否認呢間海賊王餐廳真係好多海鮮食😂唔知關唔關事🙈 海鮮又大粒又多種類 粒帶子重超有海水味！ 食落唔似外面既急凍海鮮pack😋🤣個飯就反而唔係好重海鮮味 亦唔係用專造西班牙炒飯既西班牙米🙊.🍴阿羅芭菲

約左家中的小鬼撐檯腳，有人提議嚟呢間新開嘅「香港海賊王餐廳」朝聖，原來店子用上 One Piece 故事作設計概念，除了裝潢以烈陽號為藍本外，還有一系列海賊王主題菜式和精品等供應，啱曬年輕小伙子嚟打卡兼影靚相！餐廳座落於紅磡黃埔新天地第 5 及第 6 期 AEON STYLE 黃埔地面，店內佈置沿用了動漫入面嘅一啲細節，例如大門外設有烈陽號船頭的獅子頭大炮，而且聽講仲會定時噴煙，場面迫真！另外店內亦有多個一比一的巨型雕像，好似少年時期的路飛，亦有艾斯和薩波舉杯結拜的情境、山治向奈美示愛的雕像等等。趁時間尚早，店內食客不多，先外出四處拍下照，用餐區佈置成船艙模樣，木系配鐵銹色餐桌，天花掛滿繩網同船用吊燈，而餐廳中央更設有大螢幕播放海賊王 Lighting Show，讓粉絲們可以邊吃邊欣賞！Menu 設計得非常精美，逐頁細看，有湯、沙律、小食、Jumbo 肉盤、斧頭扒、漢堡、三文治、咖喱飯、甜品及飲品等，選擇超豐富，而且全部項目都加入左海賊王的元素，應該花左唔少心思。馬上開餐，先來一客草帽日式咖喱飯 ($128)  打開胃口，咖喱飯砌成一頂闊邊草帽，形狀突出，而且用上日式咖喱汁和安格斯牛肉

平時好鐘意去d主題餐廳，今次就去左舊年十二月先登陸香港嘅 #海賊王餐廳，餐廳環境以#烈陽號 設計為題🚢，仲有好多個1:1角色figures可以打卡呢，令我諗返起之前係東京鐵塔🗼見到嘅海賊王figures，好懷念呀☺️meun好精緻，每款都有圖看~🌟三刀流串燒$278用卓洛的三把刀串着，雞、豬、牛各一串，賣相好吸晴，感覺食完真的可以用來做武器😂😂但價錢就偏貴了點點，要成$278，不過用來打卡都幾得意，而且當中的串燒味道不錯，尤其係帶子同雞肉串，好香口好食呢！🌟索柏強化蟹肉可樂餅$58可樂餅外層炸得金黃又香脆內裏就好似薯蓉咁，幾creamy，但蟹肉味就唔太出啦😂🙈🌟路飛BBQ雞翼$58雞翼用左雞鎚部份，不過我還是喜歡雞中翼多些😂，用上BBQ醬煮，幾惹味~🌟蒜香大蜆忌廉意粉$118蜆肉意粉是我平時都好鐘意食，雖然成日食又比較普通，但見到還是會叫的，蜆肉的份量都幾多👍🏻，但意粉略嫌有點乾🙈，不過整體味道不錯呢~🌟索柏帽子蛋糕$68蛋糕做成索柏帽子嘅造型，粉紅色💕，很可愛的，蛋糕其實是紅桑子及士多啤梨味mousse，內裏有紅桑子醬，味道偏酸，不過不失，外貌取勝😂

海賊王主題餐廳來到了！呢間海賊王主題餐廳位於黃埔船裏面😝，裏面有齊海賊王既主角模型等你selfie📸，整個佈置都好靚，每隔一個鐘仲有表演😏，而且店員仲會同你吹水吸印仔😂。Franky Super 漢堡 $138藍色既漢堡包好搶眼，但其實食唔出味道有咩分別😜，裏面夾住酸瓜、蕃茄片、生菜、芝士同牛肉漢堡，漢堡較鬆散，味道不過不失。草帽日式咖喱飯 $128好可愛既草帽飯造型📸，周邊既係微辣既甜咖哩同牛肉粒。跟住要介紹甜品😀，覺得佢地既甜品做得較主菜更為出色😛。羅芭菲 $68層次好豐富既一款芭菲，分別有荔枝啫喱、奶凍、忌廉、曲奇碎同雪糕，奶凍質感幼滑，牛奶味道好香好重，曲奇碎甜甜地又有咬口，食成杯芭菲都唔會覺得好漏。索柏帽子蛋糕 $68份量幾大，就算2個人分都食到好多。覆盤子草莓慕絲包住覆盤子草莓果蓉同一層較濕潤既蛋糕，酸酸甜甜好清新。

小學雞放假，一日到黑追住我帶佢去街。趁假日帶佢嚟黃埔行吓，順便帶佢嚟呢間「海賊王」主題餐廳。門口有間主題精品店，食完可以買吓紀念品。場內有好多海賊王人物，小學雞不斷要我幫佢影相，要send俾同學仔睇喎。嘢食佢發辦，即管叫啦~雜菌忌廉湯$48忌廉味好濃，但雜菌味道唔出，一般般。Luffy BBQ雞翼$58四隻小雞脾，預先起左肉出嚟，食得好方便，用手食最啱。Chopper蟹肉可樂餅$58圓碌碌，幾香脆，即炸的。入面見到有一絲絲蟹肉，又有啲洋蔥粒，但係裏面有多一種羶味，味道有啲似羊奶味道，唔知點解。西班牙海鮮飯$138材料幾多，青口、蜆、墨魚、魷魚鬚、蝦、西班牙辣肉腸，落單時店員溫馨提示會有少少辣，怕小學雞食唔到，佢話「駛乜驚」。入口只係微微辣，易入口，又幾惹味。Franky Super漢堡$138藍色漢堡得一次見，落單時仲問我地要幾成熟，幾貼心。星形薯餅，小朋友就最開心。Chopper雞蛋仔$78底層係雞蛋仔加忌廉，忌廉唔會太甜，而雞蛋仔就唔夠脆又略為硬，上面係棉花糖，影張相，呃吓LIKE一流。搭正九點，廣播話有場SHOW，現場會將燈光調暗，跟住有啲燈閃閃吓，有啲DISCO feel，小學

好吸引的環境，喜歡海賊王的一定要來！晚上9:00有特別片段播放😍先講食物，有好多靚靚的主題美食同飲料，雖然價錢唔算便宜，但賣相相當吸引，唔捨得食落口，一食會好開心好似同路飛船長一齊食緊😚（店內裝修設計超讚，拉落去慢慢睇住相先）好想點多d來試食，但價錢較貴，所以點了兩款，草帽咖哩飯超好食，肉味夠咖哩汁濃郁，賣相同食個環境已經夠正😜😘配上特別的喬巴棉花糖雞蛋仔好好好開胃，會諗起主角之一喬巴的可愛💋如果免費可試晒咁多款美食同飲品，我期待食肥d，本身瘦底，如有機會再來食，一定會試試飲品，看似好吸引！各位記得要影相😍有真人咁高的主角們活現眼前，超吸精🤩仲有女仔都特別喜歡的..喬巴bb😘發現小時候的路飛🤩見最多人同骷髏骨布魯克影相，我都好喜歡佢😻仲有好多位主角，大家到現場看啦，好開心的晚餐😻By Good Chui

朋友係海賊王super fans, 生日當然要去新開嘅海賊王餐廳慶祝一下啦！位置喺黃埔吉之島上面，有地鐵嘅關係，交通尚算方便。餐廳新開，內裡裝修很新淨！先講下食乜先，除咗海鮮茄汁飯之外，其他食物無論賣相及味道都好好。最後職員知道我朋友生日，竟然送咗一件生日蛋糕俾佢，雖然味道一般，但職員態度友善，值得加許！

第一篇開飯食評~諗嚟諗去都係揀左最鍾意嘅海賊王主題餐廳嚟寫其實之前係台北都食過一次，真心唔錯所以都好想睇下嚟到香港有冇Keep得到。晚上八點幾到，唔駛等就有位可能因為平日關係場內只有三、四枱客。首先送到嘅係"三刀流串燒"外觀已經贏晒牛、雞、海鮮每樣一串，貼心嘅係每層都夾住三色椒，減低油膩感最愛牛肉串，外皮燒得剛剛好，內裏肉質幼嫩多汁跟住嚟嘅係"路飛Jumbo肉盤"一次過有齊燒雞扒、司華力腸同羊架，啱晒食肉獸另配上燒汁、薄荷燒汁同藍莓汁。雞扒就燒得最香羊架有D過左火，不過大大份嚟計，一大班人食都係個好選擇最後係"正義牛扒三文治"一大塊牛扒仲大過個包可惜掛住影相，到食果時塊扒已經凍左但係咬落仲好多肉汁，食得出唔係用渣野下次一定要熱辣辣咁食多次提提大家，場內每隔一個鐘係大螢幕會有場Lighting Show，記得睇埋先走呀以主題餐廳嚟講，海賊王餐廳無論食物質素，服務都算得上高水準值得一讚係場內枱與枱唔會擺好貼，夠晒空間比一大班人傾下計，聚一聚所以真心推介比各海賊王粉絲唔係粉絲都值得一試呀

身為一名One Piece嘅fans!喺自己地方開左主題餐廳點都要同另一半去潮聖下嘅！餐廳外貼上一眾海賊嘅通緝海報加上烈陽號喺大門歡迎一眾粉絲，餐廳內有一大電視，每90分鐘就會播放一條海賊王極短嘅短片！9位主角人物陪住粉絲們開餐，再加上餐具，餐牌都有海賊王人物，令粉絲們真係胃口全開呀！有睇開海賊王嘅朋友都知道主角路飛最鐘意食一定係肉！而餐廳都係主打肉嘅菜式比較多！我地叫左”路飛BBQ雞翼”，”三刀流串燒”，”必殺.綠星”，”草帽日式咖哩飯”。路飛BBQ雞翼：雞翼係雞搥位置，大隻，配上BBQ醬汁，調味較濃味，適合喜歡吃濃味的朋友！三刀流串燒：一刀係雞肉，一刀係牛肉，一刀係海鮮！價錢係貴左少少，但係個賣相真係嬴晒，唔會燒得過火，好夠味，個醬汁就有點油。必殺.綠星：雜菜球加上忌廉燴菠菜健康之選，蔬菜球賣相精美，好特別，好有心思，味道新鮮，忌廉調味都唔錯。草帽日式咖哩飯：日式咖哩飯配上牛肉粒咖哩好濃香，微微辣，牛肉粒不算太嫩，草帽造形的飯好得意。總括其實食物味道不太突出，價錢不太親民，但環境和氣氛都唔錯。海賊王粉絲必到之點！

位於黃埔Aeon嘅海賊王主題餐廳，每逢星期六日都逼滿人家大細，想試都唔係一件咁容易嘅事。今日我終於的起心肝選擇平日嘅晚上黎試吓，估唔到原來好多情侶都嚟呢度拍拖食飯！一踏入餐廳，已經有種置身另一個世界嘅感覺。大型嘅海賊王擺設、顯示屏上都不斷播着海賊王嘅影片同音樂,真係幾震撼！蟹肉可樂餅 $58可樂餅相當大粒，外層炸得金黃香脆，中間嘅蟹肉蓉幾creamyBBQ雞翼 $58呢款雞翼就同想像中有啲出入，雞翼用咗雞鎚部份，雞肉已經拆出嚟，食嘅時候好方便。味道方面鹹鹹地，唔太惹味但味道還可以。正義牛扒三文治 $168我最期待嘅三文治終於到！牛扒真係非常大件，連麵包都覆蓋唔住。 三文治攞中GAP左番茄同生菜，食起嚟比較清新。牛扒可以選擇生熟程度，我就點左5成熟，咬起嚟唔會太軔。草帽日式咖喱飯 $128草帽好可愛！咖哩味甜甜地，大人小朋友都一定會喜歡！

太太和我是one piece fan,當然會來一試！復活節假第一天訂了枱，本身怕多人點知嚟到竟然仲有空位，環境非常舒適,佈置非常有特色！主題餐廳來說食物質素算是不錯賣相也十分精緻！Frankie漢堡牛味不算很出但整體味道不錯！正義三文治算大份味道中規中矩！山治菠蘿特飲一般！我哋最欣賞嘅係索柏蛋糕，紅桑子mousse唔會太甜（不算很滑）加上裏面黑森林蛋糕絕對適合成人嘅口味！如果加埋這裏環境佈置作爲one piece fan是值得來的！（同樣價錢外面的餐廳的食物質素可能更高，但加上one piece的氣氛因素，我覺得值）！

今天下午，去了黃埔海賊王餐廳，一嘗這裡靚靚的甜品，索柏帽子蛋糕很酸，可能是紅桑子味，而草帽蛋糕和羅芭菲便味道一般，但勝在不甜和靚。餐廳內的每個figures ，和Tokyo Tower 的figures一樣很靚，所以影了很多相😍😍😍😍😍😍餐廳內的職員也很友善，和有耐講解產品（食物和紀念品。餐廳旁有One Piece精品店，如果有One Piece的靚罐餅乾和糖果，便更加好了！

與老朋友聚會棟了依間餐廳。整間主題餐廳嘅食物造型設計好有心思。環境完全係一個喜愛海賊王嘅小粉絲天地。餐飲嘅款式都同每個海賊人物配合。超正！食物味道都唔錯。好鐘意服務方面，員工每個都好有笑容，親切咁serve每位客人。而且他們有一個簡短嘅海賊人物介紹係個大熒幕到。感覺幾🉐️意。仲有個小抽獎