香港魚蛋皇

營業中

休息中

同朋友係灣仔附近搵間粉麵食下，簡簡單單，餐廳姨姨好好人，幾有禮貌，餐廳普通中式粉麵店格局，尚算乾淨，晚餐時間都幾多街坑食，地點算方便近地鐵站。我叫左個柱侯牛肚粗麵加配雲吞，份量好足，超多牛肚，粗麵好有口感，超重蛋味而且我中意佢煙煙韌韌，牛肚好入味，雲吞豬肉同蝦比例剛好，連湯飲幾好味。朋友叫左個紫菜四寶米線，魚蛋夠曬彈牙，魚片都係，紫菜份量都算多，雖然係清湯但同樣好飲，米線都ok, 炸魚皮好脆！推介！

今天行過灣仔, 有d肚餓. 又唔想食太貴既野. 行過見到魚蛋粉. 突然又好有興趣LOL 於是就入左去食.6/7PM 呢D時間人唔算多. 可能因為近呢幾個月都人流較少. 所以冇咁旺... 坐低就睇下MENU食咩好... 有飯有麵有套餐. 選擇都多... 但因為呢度係魚蛋出名. 所以叫左1個魚片頭併雲吞麵, 另一半就叫左個紫菜四寶河, 等左幾分鐘就有得食. 好快 ! 魚片頭好爽, 食之前好擔心佢係淋JIEJIE 果一種. 好彩冇失望, 雲吞係鮮肉鮮蝦. 足料!  而且一碗仲有咁多粒, 都只係HKD43 , 值得!  而另一半既四寶, 紫菜量好多LOL 好好味, 不過配料就每樣一粒, 有魚餃/墨魚丸/魚片頭/豬肉丸等等. 全部都好食,唔係霉果種. 不錯 !埋單連飲品HKD103 唔貴. 響鬧市來講都算抵吃, 又飽肚 !下次去開可再食!!

一個月緊有幾日要OT，咁OT完真係特別肚餓，想起公司樓下既魚蛋皇，食番碗先回家好了。之前都吃過這裡的牛腩燜得入味，而且牛味頗濃，今日當然要再食啦。但比我發現了，這裡原來有一款招牌牛三寶，當中已經有牛腩、牛肚、牛筋，非常體貼，岩哂我呢個牛魔王。龍鳳檸樂 - $21 （跟粉麵$15）食野飲冰凍可樂(檸底)，當然係最爽啦。招牌牛三寶米 - $60牛三寶非常足料，餸料都全整地蓋滿了米粉了(剛剛有一刻覺得價錢較貴$60)，但現在就覺得值回票值了。牛根咬落腍身而軟滑，當中充滿了骨膠原的膠質，而且更入口溶化不膩口。牛肚厚身，食落有口感，而且紋理將精華都裝下了，但又不會覺得太鹹。牛腩肥瘦適中，一夾起佢軟腍腍的，肉質軟冧，最正係有少少根位置，但又唔會一絲一絲卡在牙縫的感覺，有水準。菜心 - $19 （跟粉麵$10）菜心超腍菜心容易入口，輕輕一咬已可咬開，清潔吃到當中的清甜味。今次加了點蠔油，更添美味。辛苦了一整天，食番餐豐富牛宴都唔過份啦。

Early dinner香港魚蛋皇 地址： 灣仔軒尼斯道309號地下 Wan chai 有好多港式粉麵店，論價錢呢間一定唔無最平，低勝在開得夠夜，有時ot 完心血來潮，要匆匆去食晚餐先返屋企，呢間就變成小數仲有開架選擇了今晚要趕做野，只求醫肚。先點了油菜一碟，補充一下外食唔夠菜，煮得菜夠腍身架另外再要一些小食，難得粉麵店都有 pork chop,chicken wings and sandwich. 不過姐姐話大部份夜晚無.....先6點幾乍wor ，menu 又寫11時起供應再要一碗淨餸，加紫菜，佢個湯好甜好飲，所以是令我再來架原因，落好多料架。食多d 紫菜咪唔怕甲狀腺出問題

去完灣仔188買game有點肚餓，在附近找點東西吃,行行下見到此店,有點想吃牛腩粉麵，就入去一試!看了菜單很久,琳琅滿目，不知怎麼選擇，但是有一系列，很吸引我的眼球，那就是魚麵，於是我就選了一碗招牌牛三寶魚麵-牛三寶積是牛肚、牛腩、牛筋，三樣也是我這個牛魔王的至愛:牛肚是我唯一會吃的內臓，浸入湯中，牛肚吸取了腩汁的味道，浸浸地更好吃牛腩很淋,牛味亦很濃牛筋淋而且入味,一定煮了好耐先有這樣的效果魚麵非常彈牙,吃得出有魚味

一個人食午餐，想快快脆脆食完就算，經過間粉麵店就毫不猶豫入咗去~本士地道餐廳，唔少餸菜可以揀，麵底都可以揀好少食到嘅手打魚麵~牛筋丸墨魚丸手打魚麵~牛筋丸爽口彈牙，口感結實得來唔會乾身，咬落去爆汁非常juicy，牛肉味濃，而且牛筋丸比普通牛丸口感更加豐富，粉麵必選~墨魚丸彈牙，食到少許墨魚粒，調味尚算足夠，但味道比牛肉丸淡少少，志在大大粒多滿足~魚面條粗身，店鋪自家製成，麵條長度雖然不一，但每條都好似魚蛋般彈架，調味足夠，唔會好淡，就好似食緊淡淡魚肉落肚，但食落唔會有渣，配埋雙丸一齊食好滿足~最後配埋個醒胃既熱檸水，酸味重，不帶苦味，帶走油膩感~

在外國居住久了，最難吃上的是一碗好吃的廣東麵條。經過灣仔看到有牛筋便想進來吃一下。牛孖筋魚麵 $53 加紫菜 $7想吃牛筋，看到有魚麵想起好久沒吃過，馬上便決定點這個。魚麵非常有魚味，牛孖筋入味又不膩口，好吃！鮮炸魚皮 $19友人不太餓點魚皮、蔬菜及飲料。魚皮香但好像不夠脆，有點失色。郊外油菜 $19愛吃生菜的我們，自然點了這個補一下纖維量。凍奶茶 $19 少冰少甜也是我們大愛之一呢。好久沒吃過魚麵和牛筋，這家的牛筋魚麵都做得出色，可以再訪。

香港有好多粉麵鋪頭，而且各有特式今日放工同朋友食個簡單飯就再去下場再傾計呢間出名魚蛋，我叫左配魚蛋角米，叫左之後超快送上，魚蛋角彈牙，唔腥，米粉又多，所以都幾飽下！呢到除左魚蛋類嘅野出名，牛都唔差，可以揀牛腩、坑腩、牛肚、牛筋等等.......朋友叫左牛肚河，我地互換左D餸，牛肚爽口，又入味，而且份量又多！另叫左碟油菜，每餐都要有菜食，咁先健康呀！仲要全走！$19蚊大大碟超抵，不過忘記影相，哈哈！

小妹經常係銅鑼灣、灣仔一帶出沒💼有時趕時間做野⏰快快手手食個lunch🍴就嗱嗱聲再出去或番公司做野📈呢到都久唔久黎食下🥢因為貪佢「快靚多」😂哈哈「快」係同員工落左order🤓唔洗5分鐘就即刻有野食😜「靚」嘅係魚蛋🍢睇個鋪頭名就知呢到馳名魚蛋啦🤪仲有牛嘅各部位🐮例如牛腩、牛肚、牛筋等等...不過小妹今日叫嘅係魚蛋墨魚丸米🍜「多」嘅係一碗粉有7、8粒丸😝仲要勁多米粉😆開心係咪「快靚多」先？！😄

朋友在灣仔收工，今晚食左個輕食，香港魚蛋皇起集成對面，每次坐巴士經過都會見到，好大個招牌好顯眼的，反而我係第一次食。呢到有個與別不同手轆魚麵，真係唔多地方有，朋友就叫左魚麵，口感味道有d似生菜魚肉個d 魚肉，加上碗麵都配左d生菜，好正！ 另外仲有餸，叫左牛粗丸拼炸魚角魚麵 $60，雙拼丸類加 $7，話晒係正宗潮洲食品，個牛粗丸真係超好食，係好彈牙，咬落仲有d 油同肉汁，大愛！我就叫左個比較普通既五香牛什拼鮮蝦雲吞米粉 $43，因為雙拼所以加$7，牛什份量好多，腩汁好入味，反而鮮蝦雲吞就普通左少少。

前幾日好夜先係灣仔收工，忙於成日都好夜仲未食野，就諗住同朋友仔食碗粉醫下肚仔啦🙈🙈🙈我就叫咗一碗牛肚河加腩汁，牛肚份量都好多，而且河粉都索晒腩汁嘅精華，變到好入味，最加太肚餓，所以對呢碗粉真係好滿意🥰🥰🥰我同朋友仲叫咗一份細份牛筋一齊share,牛筋煮得好淋， 而且同樣都係入晒味，口感真係唔錯👍🏻👍🏻👍🏻👍🏻牛筋下面仲放咗好多生菜,牛肉既汁流曬落生菜到，食落都夠曬味🥰🥰🥰🥰

今天路過銅鑼灣和灣仔一帶，忽然很想吃一吃東西醫肚，看到這間魚蛋王，感覺很有代表性，便進去一試。一看見裏面就是一位老師傅主要處理食物，令人感覺很有香港人情味。餐牌上有林林總總的食物，除了魚蛋粉外，牛三寶絕對是很好的選擇。他們的牛腩並不是普通部位，可以選擇牛坑腩，實在是很高級的位置呢。港式必選的凍檸茶，炎熱天氣的確很合適。十分肚餓的我點了超多呢，紫菜牛筋腩雲呑麵。雲呑彈牙爽口牛腩燜得入味，而且牛味頗濃。湯底有牛味又有油香。加上一個油菜，清爽之選。

除左日本料理，我第二鐘意就係粉麵。今日同朋友去左銅鑼灣，梗係係呢邊揾下有咩食喇見到舖頭打住無味精湯底嘅特點，點會唔入去試下方魚蠔仔肉碎粥 $44比我想像中好食喎😃潮洲人好鐘食蠔仔粥、蠔餅，其實我屋企間唔鐘都會煮，方魚碎亦係唔少得嘅調味料（潮洲人一定明）但舖頭確實好有心機，蠔仔好新鮮、嫩滑，火候都控制得好好👍🏻👍🏻方魚碎好多，勁足料，味道夠晒鹹鮮。咁嘅價錢，大大一碗又足料嘅蠔仔又好多方魚碎嘅粥，簡超超值牛什魚麵 $53牛什魚麵一上真係好香，牛什好多唔hea你，仲煮得好入味。牛肚大大舊，牛腸清潔得好乾淨，仲有牛肺、牛膀，呢啲好多粉麵舖都食唔到喇👍🏻魚麵好香、胡椒粉味較重，但食得出材料十足，唔覺溝左粉😍配埋個湯底真係好好味😋手唧魚蛋河 $36河粉好大碗，魚角彈牙，魚片爽口、好重魚味，不得不提3粒魚蛋，佢嘅賣點唔係爽口、彈牙，而係嫩滑同魚味濃郁。我勁推介佢嘅魚蛋！！！可惜我最后先食黎碗湯河，顯得湯底味道唔夠突出，要飲多幾啖湯清一清個口先飲得出個鯊魚骨湯底😣

去灣仔298睇電腦野，睇完見肚餓想搵啲濕濕地嘅嘢食，見對面有間食魚蛋粉嘅，入到去朋友見仲有優惠午餐，佢點咗㗎哩牛腩飯，仲可以跟個紫菜湯㗎哩係用個大飯碗上，有薯仔，軟淋牛腩起裏面，黃色傳統港式㗎哩汁，小辣。「紫菜湯」有好多紫菜起裹面，好鮮，跟餐好過飲氣水「四宝鱼面」好大碗，魚麵真材實料，好似食緊一碗魚蛋咁，四寶有魚皮餃，貢丸，墨魚丸同魚丸。大大粒，每樣2粒。個湯鮮味，味濃。我地差唔多食完時就聽到佢地同D客講好多様都已經賣曬，5點都未到。

近排公司都要ot，一個人黎食碗細蓉真係唔錯既，細蓉是很久以前已經流傳至今的港式食物，即是雲吞麵的意思，但如果是胃口比較大的男士們大概會覺得份量不夠吧？雖然說是流傳多年的食物，直至現在仍然很有風味。但我最後都係揀左碗淨雲吞，因為可以食多d雲吞！雲吞裡的豬肉結實，不像一些雲吞店的雲吞只有丁點又不結實的豬肉，有兩隻蝦左右，不知道是不是人手包的雲吞，倒是挺正宗。要ot緊係要食好d，再叫左碗紫菜四寶河有紫菜、魚角貢丸、墨丸最後仲叫左碟油菜