香港魚蛋皇

營業中

休息中

今日收工經過香港魚蛋皇，見到門口餐牌好吸引，夏天熱辣辣又唔想番屋企煮飯食，出街食就最方便。餐廳主打魚麵，手打魚蛋製成的一條條魚麵，口感就好似食緊魚蛋一樣，入口好鮮甜好彈牙。魚麵吸哂湯底，入口味道濃香鮮味，手打果然唔同啲啊！我叫左四寶魚麵，先飲一啖湯底好濃香好鮮味，魚皮餃和魚角好岩我口味，魚餃皮薄餡料好豐富，入口好多汁又有肉香。魚角外層香口，中間好彈牙。我仲叫左一杯凍檸蜜，好冰涼好透心，夏天飲就最岩啦。

昨天放工後, 突然覺得肚餓, 就去了香港魚疍皇吃潮洲粉麵。這裡選擇超多,  最出名是魚旦、牛雜等等, 另外還有魚麵。鋪面不算太大, 但有冷氣提供, 另外還有多部電視, 尚算舒服。我點了招牌紫菜牛三寶粗麵、魚皮鮫和涷檸茶, 食物很快送上, 份量都夠大。招牌紫菜牛三寶粗麵分別有牛肚、清湯腩、牛根, 牛味很濃郁入味, 粗麵彈牙, 紫菜無砂不腥, 份量十足, 相當美味!魚皮鮫一客六隻, 魚味濃郁,  再加上幾條青菜, 整體感覺美味可口。最後來杯冰涷香甜的涷檸茶, 滿足回家。

收工肚餓又唔知食咩好，喺灣仔行下街之後見到香港仔魚蛋王就入咗去食啦，本身諗住醫下肚，殊不知入邊嘢食原來都幾好味。入到去我叫咗一個鮑魚肉碎豪仔粥，同埋一份淨牛筋。兩樣都係我自己最中意食。入到去姐姐主動問落得單未，肚餓既我緊係即刻落左單先。嘢食上得都快，粥要即滾就無可避免，但食住牛筋等完全唔覺得耐。先講下牛筋，牛筋煮得好入味同好淋。分量來講自己一個食都算好多，最後食都食唔晒。個人來講覺得偏少少鹹，送埋粥食真係一流。之後到個粥，粥係非常之多料，蠔仔就咁數都已經有十幾廿隻。食落仲要好鮮甜。配埋蔥花真係非常正。

好耐冇食過潮式魚蛋粉喇，今日就去咗食呢間係灣仔嘅香港魚蛋皇喇🍜實不相瞞，去香港魚蛋王，我係冇食到魚蛋㗎🤭🤭因為見佢哋推介嘅係牛腩🐂🐂，所以我就揀咗牛坑腩米粉喇，再加咗紫菜，又再加埋酸菜，啲酸菜酸酸辣辣，真係好開胃呀，仲即刻勁有潮州style添😋😋佢哋嘅牛坑腩真係好正，肥瘦均勻，真係推介，超淋呀🤤🤤另外我仲叫咗個腐乳通菜🥬，啲菜夠哂嫩，同埋啲腐乳多到好似唔駛錢咁🤗，正呀👍🏻

今日又食魚蛋皇，今次試「紫菜八寶河」（$58），八寶分別係魚蛋、魚片、豬肉丸、魚腐、墨丸、魚扎、魚皮餃、牛丸，大部份丸都幾彈牙，紫菜和河粉份量都多。湯底係用沙魚骨響螺豬骨湯底，味道偏淡肯定無味精！加錢要埋油菜同熱菊花蜜。芥蘭新鮮爽脆又唔會苦，份量多。而菊花蜜上次飲過還是喜歡，佢都係濃到你加水沖多杯都得，好抵呀！其實佢有飯食，但總覺得呢度應該食麵。臨走發現佢竟然可以微訊支付，估唔到小店都幾追上潮流，或者可能灣仔都多遊客，坐一陣都已經有幾對內地人幫襯。

fish ball and canton noodle was my childhood snack. I was attracted by the shop name. initially decided to eat ramen but changed my mindI ordered a choi sum first. 紫菜湯好足紫紫 仲幾鹹甘好似 有份甜鮮淨水餃好大隻 皮滑多餡，餡仲幾爽口架 加左酸菜個湯仲惹味,酸茶菜令人胃口大大提升正呀 煎蛋因唔夠肉 要蛋白質,好早餐感覺

諗住是是旦旦食碗麵，估唔到哩間門面咁普通既麵店，可以比到我新嘗試，非常有驚喜。餐牌驟眼睇冇咩特別，但最底部有一系列既魚麵配塔。其實魚麵都係第一次聽，一心諗住碗麵係用魚湯湯底做既。點知碗麵黎到，見到d麵好似烏冬咁粗，又有啲似食開既生菜魚肉，當下先意識到魚麵係指用魚肉造成既麵條，非常有驚喜。手轆魚麵麵條口感好得意，有啲似魚蛋質感😋，好彈牙。另加既牛筋份量好多，非常入味，食落仲有章住章住既口感，大愛❤️。朋友點左碗雲吞麵，有五粒雲吞，麵份量同出面麵店差唔多。不過雲吞就非常足料，大大隻蝦係雲吞裡面，口感彈牙，而且皮薄夠滑，絕對係新鮮包起👍🏻。麵質爽口，軟硬適中。杯菊花蜂蜜好好飲，唔太甜，可以解渴😋😋。

今次森仔係灣仔放工，好累😔好肚餓😂就係附近食個快飯，填填肚！甘就見到魚蛋皇，甘我緊係忍唔住食下啦。餐廳🍴環境都可以坐到20-30人，不過就有少少迫。可能我係早果批晚餐，所以不多人，足夠位置👍🏼另外，餐枱也是傳統的長枱和圓枱。有晒各種調味料放在枱上，方便客人自己使用。由於真係幾肚餓，我叫左個招牌三寶魚麵，再加左個腸仔煎双蛋，仲有叫左冰涼爽快既涷檸樂🤓🤓😍😍招牌三寶魚麵，果3寶就係牛腩，牛筋，牛肚😍😍都係男人既浪漫💕！而e三寶都好好食，特別係牛腩係我食過以黎最好食。雖然廋，但肉質嫩滑，重牛味，不會很硬同很乾👍🏼👍🏼👍🏼😃😃而金錢肚，亦清得很乾淨，不會腥臭。同時，牛筋亦都滿滿的骨膠原😍又入晒味，正正子😆最重要餸既份量十分充足，最樣至少4-5舊🤤🤤🤤至於魚麵亦都好味👌🏻👌🏻👌🏻食落好新鮮，有d似啫嘟魚肉。不過佢落左麵粉和魚肉溝在一起。所以就食落硬身少少😆😆魚🐟味都重😍😍所以幾正。腸仔加双蛋就冇咩特別啦。不過，我真係好肚餓，所以先加點🙈🙈至於檸樂亦都好有誠意，分別兩樣上，值得讚賞👍🏼整體來說，餐廳🍴不錯👌🏻，不論食物和環境，可以讓人快速填肚，而食物質素都👍🏼👍🏼👍🏼

這幾天天氣都較熱，想食d濕濕地既湯粉，剛同男人去完灣仔做body check, 順到附近既香港魚蛋皇食lunch~餐廳環境不是華麗的那種，但卻給人一種懷舊溫暖既感覺紫菜四寶河 $48Four Combos with Seaweed紫菜四寶河有好多餸，相當吸引同豐富，裏面有魚片頭、魚皮餃、貢丸、魚蛋、魚腐、魚肉卷和紫菜🤤魚片頭和魚蛋彈牙，湯底仲用左鯊魚骨響螺豬骨去淆手打牛丸 $36Beef Ball 一客有5粒牛丸，用手打既牛丸肉質較鬆化而且口感Q彈😋炸魚皮 $19Deep Fried Fish Skin食粉麵當然唔少得炸魚皮啦，魚皮非常脆口，但小妹就比較鐘意放落湯粉到浸淋食，正呀凍檸蜜 $14Ice Lemon with Honey凍檸蜜唔會太甜，好飲性價比高~

呢間大家應該成日見過佢個名，全港九都有分店，我自己久吾久都會幫襯下．今晚就黎食晚餐．首先大推呢度既牛筋，非常淋滑入味．試過食到Ｄ硬過石頭！好恐怖！牛腩都炆得好淋身，不過可以再重味Ｄ黎到呢碗四寶河，丸其實就無咩特別啦，勝在份量十足啦最後因為驚老豆吾夠飽，叫左個蠔仔方魚泡飯．加左Ｄ魚乾果然香好多，成件事即刻變得好＂海鮮＂．蠔仔算幾大隻飽滿，而且吾會好孤寒比得幾小隻可惜我吾記得叫走青，所以試幾啖就無得食其實以魚蛋河黎講都吾算平，但味道就夠曬經典，身為香港人久吾久都想食下

放工同朋友趕住去上堂,朋友話好耐冇食過魚蛋粉,經過就即入去食.原來仲有飯餐,連凍飲都係$50,呢區性價比好高,不過都係想食店內名物,招牌牛三寶魚麵,朋友就叫左魚蛋粉.招牌牛三寶魚麵--牛腩,牛肚,牛筋,每樣份量都好多, 好大件.牛腩肥瘦適中,肉質軟冧,但又好有口感,有水準.牛肚有咬口,但又唔會韌.牛筋好有骨膠原,入口溶化,好入味,感覺即刻美顏左^^魚麵係用魚肉打,特別爽口,又有魚肉鮮味,凍杏霜好大杯,有好濃郁既杏仁味,入口都香滑,飲到尾都唔會淡,好好飲.魚蛋粉除左魚蛋仲有魚片頭,都好爽口彈牙,保留到魚既鮮味,河粉好滑身,好好味.

今日路經灣仔, 又忍不住嚟轉快閃”香港魚蛋皇”。此處位置無敵，對住集成中心。雖然坐位不舒適，地下油淋淋，但為咗美食實在在所不計，這正好貼切地道香港味。每次見到餐牌，選擇困難症又發作！忍住唔叫牛雜、牛腩、魚蛋⋯今次試了”方魚蠔仔肉碎粥”- 飯粒分明，湯底夠濃味，加上大量芫茜葱香，食出正宗潮州風味😋紅豆冰都有驚喜 - 紅豆夠綿爛起沙，份量竟然有半杯紅豆，此處用上碎冰，比一般連鎖店足料👍途經灣仔、銅鑼灣一帶，此處不失為一個快閃美食地！

臨時被人放飛機真係唔好受，唯有自己一個食晚飯，去左附近既香港魚蛋皇。聽餐廳名字以為得粉麵，原來亦有提供粥、扒餐、碟飯。我叫左一碟牛腩飯，牛腩同飯分開上。牛腩肉質腍軟，有少少咬口，牛腩汁撈飯真係頂呱呱。前後係碗內夾左兩份牛腩，加埋有15件入面內有乾坤，仲有大量生菜係底，生菜吸收曬牛腩汁，好惹味。炸雲吞平時聽得到，炸水餃大家聽過未外皮呈金黃色，雲吞入面既餡料好足，例如木耳等。所以入口香脆兼爽口。食完嗰牛腩飯總算開心翻無咁嬲，希望朋友唔好再放我飛機。

已有一段時間沒有來，位於灣仔的總令人心思思要來走一趟明明進來之前，心目中已有定案要吃什麼。但每每看到餐牌，總是要來來回回看牛雜河雖然是菜單上，不過這個份量對我們來說算常及實惠心，而且牛雜量給予大方幾乎要看不到底下的細麵，可謂誠意十足！心中例牌 牛雜依舊香濃入味湯頭牛味濃郁，牛肚/牛榜/肥腸軟綿甘香，加上秘製辣椒油簡直絶配牛雜部位給得還蠻齊的，多種部位都看到同一碗麵也能擁有雙重風味！河粉份量比一般食店多，大男人也會吃得飽。

今日去左灣仔搞護照，之前同女朋友去旅行發現護照就快到期。唯有快快手去搞！去到灣仔剛好lunch time，周圍到非常多白領人士，經過「香港仔魚蛋王」，就入去食個lunch！人客好多，餐廳都好乾淨好光猛，價錢唔太貴岩哂一班打工仔去食飯。我叫左一碗雲吞魚蛋魚麵，麵身特別地用上魚蛋打製而成，入口有好鮮香既魚味，彈牙好爽口，好似食緊魚蛋咁樣架！口感好獨特！雲吞粒粒皮薄餡料好豐富，入口有濃香湯汁，鮮香濃郁。魚蛋好彈牙，入口魚味突出，唔係街邊魚蛋既味道！的確好足料！難怪餐廳人客好多！我叫左杯凍檸茶，食完好飽足！