馬來屋星馬泰美食 (已結業)

素食的餐牌不同種類的蔬菜、蛋白質有蛋和豆腐干有誠意Like 🌈馬來西亞餐廳通常都係肉食為主，好少見到專門做俾素食者的餐點，所以見到就特別開心，而且食材都好用心。

鑽石山站行過黎都好方便因為同朋友要黎呢邊上堂 朋友話見呢間鋪頭係openrice d評價都唔錯就試下呢間新開鋪頭～啲職員好有禮貌 我地叫左碟金邊粉同埋串燒金邊粉好味 有辣粉同花生碎 一次過撈埋好惹味 但唔食得辣就唔好撈曬啦～撈少少好啦🤪串燒都ok,即叫即燒 熱辣辣 不過有個叫泰式酸腸就唔係幾岩我地口味🤧試一次就夠了如果下次再黎都會想食金邊粉同試下其他小食😁大家如果黎開呢邊都可以試吓～lunch我見都幾抵架～

吃的是所謂黃㗎喱飯, 不是正宗泰式的黃㗎喱冇乜配料, 份量少, 飯硬冇味, 叫菜蜜,杯餐飲好大陣漂白水味, 再沖過一樣不減味道。服務是可以的, 但價錢不符合質素, 食得出係 hea做食物的心態, 留言是因為這與大部分評論不符, 唔肯定有冇可能買好評

今日下午和朋友叫了一個濕炒肉片河，淡而無味，水汪汪的，肉片像橡皮膠，最後勉強用辣椒醬吃了一半，非常難吃。泰式蝦金邊粉酸得不可想像，我誤以為自己叫了檸檬炒粉。凍奶茶非常甜, 不好喝。最後只吃了一半就離開了 相片也沒有心情拍

咁啱要去新蒲崗攞嘢，呢幾日仲要落咁大雨，經過一個商場仔抬頭見到一間東南亞菜，咁就入去避一避同試吓，環境唔錯好光猛，食物選擇唔係好多，大部份都係泰國菜，仲有日式串燒但係價錢偏貴，海南雞飯，海南雞都幾滑但係啲飯係冇味嘅，青木瓜沙律，好難食，同九龍城食嘅泰國菜差勁遠，冬陰功湯，味道唔似平時食嘅冬蔭公味，但係有奇怪味，呢個我真係講唔出，咖喱係完全冇咖喱味，總之食入口就知道好差，都唔會係平時食到嘅泰國菜黎，呢間嘢冇乜服務，問一句答一句，成日黑口黑面，有啲員工就似喺度玩手機，特別係前台有嗰冇着制服嘅戴住頂帽踢拖，態度特別差，去比錢嗰陣好似唔想收咁，又慢又hea，有時又圍埋成堆員工係度又講又笑，冇人理過我

自從啟鑽苑入伙後, 唔少餐廳都進駐新蒲崗, 今日丫姨係新蒲崗掃日用品, 叫我放工join佢一齊dinner。新蒲崗除了工廠大廈, 亦有幾座新寫字樓, 樓下幾層都為食肆, 今晚就去咗呢間馬來屋試試。餐廳內裝修簡約, 如同快餐店般, 地方企理。自行scan QR code落單, 食物極快上檯。晚市同樣可以點lunch-set, +$8升級特飲。海南雞飯:油飯粒粒分明, 有油香得黎唔會過油; 海南雞賣相唔太好, 雞皮不完整又暗黃, 還好肉質算滑, 另配上海南雞醬。黃咖哩牛飯: 個汁唔會好稀, 很有咖哩香, 唔辣; 牛好林, 配有唔少好林嘅薯仔, 撈飯食幾開胃。泰式奶茶: 奶香味突出, 有淡淡茶味, 味道正宗。另外散叫咗幾款share食。炸蝦餅: 呈扁平狀, 炸得偏為燶咗d, 外層脆, 內裡鮮甜彈牙, 點酸甜醬食, 不錯。馬拉盞炒芥蘭: 炒得幾有穫氣, 芥蘭莖爽脆, 個汁有微微地辣, 幾香。鹽燒雞全翼: 雞全翼欠缺雞搥, size亦不算大隻, 燒至金黃, 加咗少少鹽吊味。

8月4日揾食肥華生日前夕，首次與靚媽到此店一試佢哋嘅星馬泰食品，試泰菜一定要叫冬蔭公及泰式酸辣鳳爪，呢兩款泰式餐廳都會有嘅國菜，一間標榜食泰國菜食店若連呢兩款，泰國尋常百姓家都做得好嘅菜式都做得唔掂，呢間泰國菜館都可以講，係好極有限公司，而今晚肥華和靚媽在此店食到嘅，呢兩款泰式菜館考牌菜卻有極高水準，個冬蔭公有B+級評分而酸辣鳳爪更有A級評語，鷄肉串及小蕃薯兩款食品亦相當美味有B+水準，反之個海南鷄飯除咗碗冬瓜湯叫做好飲，雞勉強食得吓，海南鷄飯嘅精華嗰個飯，可以講係拙劣，飯完全無油飯嘅香和味，加上米嘅質素甚差呢碗飯是肥華有史以來食過最差嘅海南鷄飯嗰款油飯，評分E-都俾多咗佢，而個燒豬肋骨則相當肥膩，食到成口油計埋個味道衹值C級分数，可幸此店環境及員待客態度有B+水準加上價錢大衆化若肥華日後想食泰式鳳爪及飲冬蔭公此店都係在選擇之列

晚餐一於喺位於新蒲崗呢一間食馬拉菜，一坐低就即刻叫咗個喇沙河粉配豬頸肉、同埋嗌咗個豬頸肉飯、之後叫咗一串燒雞肉同埋燒牛柳粒，價錢181味道中規中矩，食完之後不過不失。

⭐️馬來屋（新蒲崗）⭐️今日嚟到新蒲崗嘅平民商場，萬迪廣場有一間新餐廳，有我最鍾意食嘅東南亞美食，而且價錢相當實惠，晚市有午市套餐，大約50至$60 ，加泰式飲品都係加$8。⭐️泰式鮮蝦炒金邊粉套餐（$55）⭐️金邊粉份量真係超級大份，甜甜，用既蝦隻冰凍普通蝦仁。味道中規中矩。但係$60左右的確係抵嘅。⭐️黃咖喱牛腩飯套餐（$55）⭐️椰汁味好香，而且亦都有洋蔥嘅香味，牛腩好琳好入味。的確係有啲驚喜。而且份量都好大份，都算係足料。⭐️椰子雞湯（$78）⭐️呢個椰子雞湯非常鮮甜， 椰汁味超香，而且有得淡淡的香茅味，格外惹味，而且雞粒亦都非常鮮嫩， 再配埋車厘茄，感覺好健康。令人食過返尋味。😋⭐️生菜包（$76）⭐️生菜包算係比較辣嘅一碟，但係食得辣嘅你千祈唔好錯過，每次嚟到泰式餐廳一定必叫嘅菜式。⭐️雞皮蝦（ $48 ）⭐️反而串燒系列我唔係特別鍾意，雖然餐廳特別推介師傅特製嘅雞皮蝦，蝦係幾爽口彈牙嘅，但係份量偏小，而且唔係特別好食。真係除咗呢碟之外其他都幾值得食。

放工與同事晚飯去了馬來屋吃星馬泰菜。室內環境清潔舒適，座位寬敞，裝潢感覺有馬來春色景緻耀雅之感。餐牌選擇多，價錢平民，星馬泰菜式任君選擇配搭。見到樣樣都想揀，下次要叫多d朋友一齊黎食。1. 泰式豬頸肉飯$55香燒豬頸肉，肉嫩脆口多汁，調味恰好，配上秘製醬汁更覺惹味，餸飯一流。2. 泰式炒金邊粉$55有幾隻鮮蝦芽菜蛋絲花生碎伴著彈牙的金邊粉，酸甜味道適中，鑊氣十足。3. 炸蝦餅6件 $48上枱時蝦餅很熱是剛炸起，外脆蝦肉鮮，好食夠脆口。4. 泰式鳳爪$58酸甜辣味夠，鳳爪肉質夠彈牙，配上爽口紅蘿蔔絲和雜菜絲更覺惹味醒胃。每款套餐轉泰式飲品加$8兩杯都大大杯，珍多冰椰汁味濃，甜味適中。龍眼冰香濃鮮味，舒服潤喉，兩款都是飯後最佳飲品，夏天飲透心涼，豐富滿足的一餐。

今日去新蒲崗探朋友，原來都好方便喺地鐵站行過去幾分鐘就到，探完朋友佢帶我去食啲嘢傾吓計，佢推介我去咗一間叫做馬來屋星馬泰美食，呢度嘅食物同埋串燒都好正所以推介一下。地址係新蒲崗大有街3號萬迪廣場一樓C號舖。上到去餐廳見到裝修得好整潔，而且望出街好開陽，比我嘅感覺都好舒適。泰式鳳爪沙律 ，鳳爪嘅份量都好多，而且好友泰國風味，少少辣，加埋其他配菜一齊食，真係非常好味，酸酸辣辣真係特別開胃。炸蝦餅六件，蝦餅熱辣辣而且炸到金黃色，非常香脆，睇得出廚師用心嘅製作，而且蝦餅爽口彈牙，食得出係用新鮮嘅材料去製造。呢個蝦餅真係好惹味 。河豚乾，河豚乾燒到啱啱好，味道好香，加埋醬汁一齊食真係好正。鹽燒牛脷，賣相非常吸引，而且牛脷燒到好香，入口有少少鹽香味，牛脷非常新鮮，牛肉味香甜，我一個人可以食幾串，呢個係必食嘅推介。雞軟骨串，雞軟骨燒到金黃色，入口脆卜卜，加上有少少焦香嘅味道，用嚟送酒真係一流。日本小番薯 ，雖然日本番薯size好細粒，但係番薯味好香甜。椒鹽軟殼蟹 ，份量好多，呢個性價比好高，軟殻蟹賣相非常吸引，加上椒鹽特別惹味，味道好新鮮，蟹肉味香甜，口感一流。食泰國嘢飲返個椰青真係特別有風味，而且

泰式小食拼盤裏面有炸蝦餅🍤炸魚餅🐟炸春卷🥠泰式鳳爪啱哂樣樣都想食啲既朋友🥳朋友好欣賞佢個炸蝦餅 好多汁同埋泰式鳳爪🤣串燒🍢分別叫左司華力腸🥓同雞肉🐥泰式金邊粉火候適中題外話 因為完全唔食得辣所以叫咗少辣❌🌶️食頭幾啖仲諗住完全冇辣咁正😍但係……一個唔小心 將側邊少少辣椒碎🌶️撈勻左🫠出事了🫠唔食辣嘅朋友記住唔好咁手多呀🤗泰式辣椒膏炒青口非常微辣，青口算新鮮，個醬汁要嚟撈飯一流炒通菜🥗整體而言：性價比高🤩

新店又成二十幾個好評，雖然都知有真有假，我係超鐘意食海南雞，見佢有海南雞飯，都試下。佢一set海南雞飯，有湯有飲品，計埋好似$60有找。（唔見左張單）個湯就冬瓜湯，清清地，味道okay。一開飯盒見到黃晒嘅飯就知可以減一半分。有人講過黃薑飯一定係垃圾，如果有心整會用雞油同其他材料去整個飯，色水會係淡淡的淺啡色，落得黃薑粉即係佢懶唔想用複雜嘅步驟同材料整個雞油飯。個飯的而且確係唔合格嘅，無雞油味，得陣淡淡嘅黃薑粉味。雞係主角，份量算多了，不過完全係0雞味，唔知係咪用雪藏雞，佢有俾泰式海南雞醬，就係點左佢隻醬更突顯佢隻雞無雞味，好似搵清水烚咁，亦都唔滑，胸位就更加差。

今天到新蒲崗接男友放工，順便吃馬泰菜。➊ 生菜包 \ $76 / 大大塊新鮮生菜包著惹味豬肉碎，吃極不厭！➋ 冬陰功海鮮湯 \ $48 /划算的湯品，味道濃郁之餘，很足料，也很開胃。➌ 菠蘿海鮮炒飯 \ $88 /不過不失的味道，配料很多，有菠蘿、腰果、肉鬆、八爪魚、青口、蝦、臘腸和三色豆。➍ 自家制雞皮蝦 \ $48 /雞皮薄薄一層包著大蝦，蝦肉彈牙。➎ 雞肉串、豬肉串 \ $15(串) /雞肉的口感很嫩，豬肉則較有嚼口，都很喜歡，配麻醬吃，能吃過不停。➏ 鹽燒雞全翼 \ $22 /外脆內多汁，調味剛好。➐ 炭燒羊架 \ $58 /羊羶味重，配檸檬汁和芥末，啖啖肉。➑ 椰青 \ $42 / 很大顆！肉很厚，椰子水很清甜，推薦～(´･ω･`)➒ 木橘冰少見的品項，第一次見，點了一杯試試，有淡淡的藥材味，有點像羅漢果茶。店員友善，價錢適宜，在附近工作的話會常吃。

今日約了教會姊妹小聚，要找個地方吃飯聊天，我對食很有要求，本著前人的經驗，多人排隊等位的地方一定有好野食。這裡很好多人排隊，一定要試一下。😋小確幸，坐在窗邊的卡位，窗外陽光燦爛，窗內清涼寬敞。馬上掃碼點菜，試新地方就要食大路菜式，我們點了半只海南雞，冬蔭功海鮮湯，泰式炒通菜，還叫了泰式凍奶茶。食住先啦！😉一杯色澤鮮明的泰式奶茶送到，顏色和港式奶茶稍有不同，試一啖，份外香濃醇厚，遠勝港式奶茶。👍冬蔭功海鮮湯超水准，香鮮辣都恰到好處，一飲不能停，一個人都可以飲曬。🤪鮮黃亮麗的海南雞🐔上台，半只的份量不少，肉厚味鮮，還有番茄青瓜菜心伴碟，葷素搭配，營養又好食。好像還未飽，再點了青咖哩牛腩和蒜蓉包，青咖哩汁配蒜蓉包是絕配，每次來都一定要食。