馬來屋星馬泰美食 (已結業)

呢日放工之後同男朋友去左新蒲崗呢間馬來西亞餐廳食dinner。餐廳既環境都幾大。呢度用QR code 落單，好方便。打開餐牌，見到有好多唔同既馬來西亞菜，價錢又唔貴。我地有啲肚餓，所以都點左幾多野食。去東南亞餐廳當然要點海南雞飯啦，海南雞質感好嫩滑，再配埋好香既油飯，唔錯。另一個主食係青咖喱雞飯，咖哩落左好多料，非常香濃，有少少辣，撈飯食一流！另外仲點左一碟清炒通菜，好味又健康。小食方面，仲點左泰式鳳爪同埋蒜蓉包。泰式鳳爪已經去咗骨，好方便，食落爽爽脆脆，味道酸辣，好開胃。蒜蓉包好香脆，又惹味，好正。食呢啲辣野當然要點返個清甜既椰清balance一下，椰子水好清甜，飲完啲椰子水之後，仲可以食埋啲椰肉！

黎開新蒲崗買嘢，見到呢間係一樓既餐廳又見到價錢唔係太貴，一於試吓。入面選擇都唔少，四個人食唔洗500蚊，而且質素高，性格比高。入面有幾款全日套餐，套餐包有一杯飲品，轉特飲就加$8，今次我地叫左兩個全日套餐（1）豬頸肉泰式木瓜沙律-木瓜沙律酸酸地好開胃，豬頸肉就脆身得來又唔會乾身，唔錯；（2）滷水豬手飯-雖然係一個全日套餐，但係豬手嘅份量好多，而且滷水好入味，豬手唔會食到覺得好肥膩！讚！泰式小食拼盤-當日冇蝦餅就轉左魚餅，所以小食拼盤入面就包括左魚餅、春卷同埋泰式鳳爪；呢度比較特色嘅就係小食拼盤入邊包埋泰式鳳爪，鳳爪都係好正宗嘅涼拌方法，真係食出泰國嘅味道。碎豬肉生菜包-呢個真係我最強烈推介嘅一款，說豬肉勁有鑊氣，而且帶有少少辣味，另外份量好大，生菜都俾得較多。呢一個價錢食到呢個質素真係真係建議一試！馬拉盞炒通菜-呢一個通菜就正正常常冇咩太出色嘅感覺，不過就係送飯一流。冬陰功湯-冬陰功都係十分之足料，而且味道都係比較正宗嘅。串燒-呢度都有幾款串燒，串燒都唔錯，唔會燒到好乾身。送啤酒一流呀🤣椰青-呢個又係我非常推介嘅一個，因為個椰青好鮮甜而且好大個，咁熱嘅天氣配上椰青真係果然好解熱。食得太

是但放工入咗間，食到一半，我同朋友好奇網上評價，發現好多差評，我同朋友一致要為佢平反一下，價錢公道合理，叫幾平，又大碟，有啲都幾好食，座位又坐得舒服，員工都友善，冇網上講到咁🌝推薦第一位滷水豬手 $68肉質超嫩，而且超入味，醬汁係偏甜少少的，超好食❤️配酸甜醬，幾開胃肥瘦平均下有有青菜🥬中和油膩感第二位冬陰公海鮮湯 $48海鮮多到嚇親，雖然海鮮唔係最新鮮啦，但都處理得唔差😇湯味濃，偏港式少少係其他餐廳試過差唔多質素🤫但人地係百幾第三位泰式奶茶🥤$28一試有驚喜茶底極濃，甜味應該落咗練奶絕對比得上岀面😆之後排名不分先後海南雞 半隻外相幾好，見到幾有心思但點蔥油🥲真係r曬頭但雞是ok的馬拉盞炒通菜幾惹味的

平時少去新蒲崗食嘢，今日嚟開搵朋友去下啲工廠大廈睇吓，估唔到而家新蒲崗都有好多嘢食㗎喎，有啲新嘅商場！好耐冇食馬來西亞野，見到有間叫馬來屋，就去咗睇睇！見個Menu都多嘢食揀喎，價錢又相宜喎泰式小食拼盤都幾多嘢食！有炸蝦餅炸魚餅春卷同泰式鳳爪！不過就都幾辣嘅…我哋食咗兩個湯，泰式椰子雞湯椰子味好重㗎，雞湯都好甜嘅都足料，幾唔錯！冬陰功湯多重香料㗎不過一樣都係相對比較辣，如果譚仔食唔到小辣就應該都頂唔住豬肉碎生菜包好足料，呢個唔會太辣，好惹味，可以食極唔停另一個驚喜位係海南雞飯啲雞！煮得啱啱好好滑嫩泰式炒通菜都okay，都幾大碟泰式辣椒膏炒青口，都新鮮嘅，泰式辣將咁樣炒都炒得幾惹味，not bad not bad..

我和朋友今日來到新蒲崗行街，到晚餐我們上網找了一下，在萬廸廣場一樓有間叫馬來屋食星馬泰菜的餐廳。入到餐廳內店員安排了卡位給我們坐佢地用手機點餐落單睇完餐牌後，我們叫了不少種類食物，非常豐富：泰式海南雞（半隻）$78這個泰式海南雞是去骨了，雞肉好嫩滑，二個人分都夠分。黃咖哩牛腩+白飯 $60+10黃咖哩牛腩的薯仔，好入味、咖喱好香甜、牛腩都煮得好林泰式椰子雞湯 $48至於椰子雞湯就好似冬陰功湯咁，它的味道是酸酸甜甜，飯前飲這個喝就好開胃泰式鳳爪 $58泰式鳳爪辣度好夠、配碟有洋蔥、蕃茄、生菜，感覺好Fresh。蒜蓉包 $28黃咖哩除了送飯，我們還用來點蒜蓉包，蒜蓉包香脆，和黃咖哩好夾馬拉盞炒雜菜 $58馬拉盞炒雜菜就勝在一碟可以食到芥蘭、菇、西蘭花、椰菜、紅蘿蔔，味道夠鑊氣。珍多冰 $28 & 椰青 $48最後我們叫了兩杯野飲，珍多冰唔會太甜，椰汁味夠，椰青大大個，多椰水。今餐晚餐食物豐富、美味，食飽仲可以一邊飲野、一邊吹水，都係好開心的事。

今傍晚去新蒲崗代屋企人交收 , 交收完後都差不多7點 , 就順便約鑽石山剛放工的朋友食埋個飯唔想去荷李活廣場果邊 , 就嚮工業區呢頭睇下有咩好食 , 途經萬迪廣場見到馬來屋招牌睇落唔錯馬上搭電梯上1樓試下餐廳面積目測約700多呎左右,餐枱16-20張 , 容納到50多人環境頗整潔 , 裝修簡單實而不華 , 靠牆的一堆卡位從大玻璃可望街景餐牌相當簡單 , 午餐與晚市價錢不會差太遠豬肉碎生菜包 $68 - 肉碎新鮮熱辣冒住煙 , 辣度適量 , 齋食肉可能有d人會覺過咸 , 包生菜食中和返fit晒炸蝦餅 $48 - 外層皮炸得脆 , 內裡蝦肉彈牙十足 , 點醬食一絕冬蔭公海鮮湯 $48 - 香茅及蝦膏味濃 , 少許調校到適合港人口味不算太辣 , 蝦都幾大隻 , 還有魷魚等其他海鮮材料泰式紅咖哩牛腩 $60 - 以我所知正宗泰式咖哩辣度  綠OR紅>黃 , 為免同枱友人食唔到,只有叫中庸的紅咖喱牛腩肥瘦適中 , 部份少許半筋半腩最滋味冬蔭功肥牛湯河 $56 - 肥牛與湯河 吸晒辣蝦湯精髓 , 比起齋湯係另一種滋味喇沙海鮮湯河 $58 - 滿咀咖喱及椰漿味 , 材料油豆腐,蝦,熟蛋,豆卜

今日去咗係工商廈林立嘅新蒲崗參加完手作workshop，當然要係呢度食埋晚飯先走啦！冬陰功海鮮湯（$48）足料惹味冬陰功，湯底夠酸夠辣，好開胃，除咗魚片、蝦同青口之外，仲有大大隻墨魚仔，好彈牙！泰式小食拼盤（$88）非常豐富，有炸蝦餅/炸魚餅/炸春卷/泰式鳳爪四款小食，個人最鍾意泰式無骨鳳爪，非常爽口！豬肉碎生菜包（$68）新鮮爽脆嘅生菜配上紅蔥頭、香茅、拋豬肉等香辣餡料，味道層次豐富，強烈推薦！青木瓜沙律（$58）高纖之選，份量幾大，口感夠爽脆，酸度同辣度都好夠，增加食慾。泰式炒金邊粉（$55）有大大隻蝦，跟餐仲配飲品，性價比好高！串燒（$14-$15/串）豬肉串同墨魚丸串燒都唔錯，配嘅沙嗲醬偏甜，唔太重鹹味同nuts味。椰青（$48）大大個新鮮椰青，飲完鮮甜嘅椰汁，仲可以刮椰肉嚟食，好滿足呀！再飲返啖泰茶，越飲越掛住泰國！一路食都見到唔少附近返工嘅人或者街坊嚟買外賣！等我下次嚟都可以再食個咖哩、薄餅先！

新蒲崗俾人嘅印象都係工業區當然喺住宅區嗰邊都有好多嘅食肆今日喺萬迪廣場試咗香草肉碎煎蛋飯份量比想像中多，整體來講都幾好食午市價錢唔算好貴 $52包嘢飲（特飲再加8蚊） ！佢好似每日嘅午市套餐都有唔同嘅選擇朋友食黃咖喱牛腩飯，都唔會太油。而香草肉碎炒飯相對幾入味，隻蛋仲係太陽蛋，仲有蛋黃撈飯。！整體來講第一次食評價唔錯如果有機會都會繼續幫襯。兩個人食都係$106埋單，喺新蒲崗區來講價錢都係差唔多㗎喇。下次有機會就再試吓其他嘢啦

朋友新居入伙，所以就同老公去左新蒲崗探吓佢，之後我哋就去左呢度附近搵食。行到有個廣場，見到有間叫馬來屋，所以就上去睇吓。呢間餐廳在一樓， 門口招牌都已寫住星馬泰美食，正合我心意。門面唔大，但內裡都幾多位。環境乾淨整齊，座位寬闊，坐得舒服。打開餐牌，見到好多嘢都勁想食。呢度係用QR code落單，我樣樣都點左D。泰式小食併盤︰份量唔少，有4款，每款有3件。小食剛炸起，仲係熱辣辣。蝦餅又大塊又香口，點埋旁邊甜辣醬，好好食；炸魚餅彈牙夠味道；炸春卷裡面有紅蘿蔔絲同埋椰菜絲，外皮脆卜卜，內裡爽口；泰式鳳爪無骨，少少辣，仲有菜同車厘茄，感覺好清新。泰式椰子雞湯︰係冬蔭公湯味道呀，裡面有雞，蘑菇同香茅等配料，用椰汁做湯底，飲落勁有椰子味道，帶微辣，估唔到咁好飲。泰式炒通菜︰炒得青綠，食落爽口，唔太鹹，味道剛好。泰式海南雞︰基本上可以話係無咩骨，半隻雞份量都幾多，啖啖肉，好滑，又唔會油淋淋，夠雞味。青咖哩牛腩︰牛腩煮得夠晒淋，青咖哩甜甜地帶椰香，用黎撈飯就最好。喇沙海鮮湯河︰份量正常，喇沙湯底味濃，有椰子味帶有少辣，裡面有蝦、青口、魷魚、半隻熟蛋、豆卜同埋魚片頭，全部餸吸晒湯汁連河粉食，好惹味。飲品

今日早上在新蒲崗萬迪廣埸開會，順便在附近覓食才回公司…突然見到間星馬泰美食，$52 up ..於是跟同事一起入去了👻 星馬泰餐廳叫馬來屋，裝修簡潔，但很光猛，卡位可以望街景，不錯！香葉辣椒肉碎配飯，豬肉碎軟彈煙韌，而味道香辣得來很惹味，配飯一流！豬肉碎生菜包，份量不少，豬肉碎軟彈煙韌，味道辣中帶點酸，很開胃！生菜大塊又新鮮！海南雞飯，海南雞嫩滑，跟的辣醬味道辣中帶點甜，令人十分開胃👻 油飯很香和跟餐有一個簡單又滋陰降火的冬瓜肉碎湯😁炸蝦餅，有6件，炸得很香脆，口感彈牙！泰式辣椒膏炒青口，大大隻青口夠鮮甜，辣椒膏帶出微微鹹香，味道跟青口很夾！泰式奶茶，不會太甜！珍多冰 ，滿滿的椰汁香和粉條不少，充滿口感。

禽日天氣好突然去行山行完山後搭巴士總站到鑽石山已經食晚飯時間唔想係大商場食集團店鍾意搵吓附近有冇小店喜歡幫襯小店搵到呢間係地鐡站附近屬於工業區地帶但係比埋新嘅商業大廈入面一般簡單小店裝修我地倆個人都叫咗幾樣餸第一樣叫咗個"海南雞"半隻份量😋雞胸估唔到好滑👍🏻好少可以咁滑雞皮彈牙仲係無骨海南雞買相都好靚第二樣叫咗個"小食拼盤" 👍🏻女人總會想試多d 唔同口味拼盤啱晒d 女人每樣食d d 🤣蝦餅同春卷都係自家制第三樣"馬拉盞炒雜菜"有好香馬拉盞味道唔會太咸第四樣"冬陰公湯"更係飲反個湯啦酸辣道啱啱好仲有好多海鮮如果有個爐仔熱住飲更加好😅最後叫咗二樣飲品點少得"椰青“好新鮮d 肉好嫩滑另外叫個"青檸梳打"原來lunch 餐牌夜晚都可以叫一個人晚餐都可以嘆吓東南亞美食