馬六

營業中

休息中

晚飯時間，呢間餐廳完全唔需要等位因為客人快入快出海南雞配油飯out of 5海南雞冇骨，其實幾好食不過略嫌有啲鞋份量都OK雞太肥太多脂肪雞皮下面有一層透明嘅啫喱喺度有啲人可能會好鍾意❤️油飯粒粒分明唔會太過油有油香味呢個係一個晚飯嘅套餐所以有一個正餐，會跟一個小食呢個就係一些炸雞翼，不過冇乜特別另一個加個小食就係呢個班蘭糕本身以為斑斕嗰個係煙銀有一層綠色一層白色嗰款點知一嚟到，仲衰過食大菜糕完全唔知自己食緊乜嘢呢個串燒係幾好食，全部都係雞肉不過價錢就貴咗啲，$42/3串上面嘅汁亦都非常之惹味特別想一讚呢一杯斑斕冰斑斕嘅味非常之濃郁當佢嘅冰有少少融嘅時候就好似飲緊斑斕汁唔會太甜又好香嘅椰汁味

同朋友第一次幫襯這間餐廳，味道有些失望點了兩份套餐，新加坡喇沙米線和海南雞飯，跟餐有兩個小食：惹娘蘿蔔餅，新加坡鹹蛋黃魚皮惹娘蘿蔔餅：一口咬下去，一口都是油，感覺每咀嚼一下都有油必出來。冇興趣再食第二啖。鹹蛋黃魚皮，好罪惡。非常香口，但好鹹，最後都沒有吃完，健康最重要。喇沙米線：湯底味道非常好，米線也很彈牙。但各樣配菜就很遜色。蝦，沒有海鮮味。魚蛋，食落都是麵粉。不想多說。海南雞飯：整體味道可以，但雞肉像棉花，扣分。

辣椒🌶️板麵配魚蛋湯佢哋嘅配料好香 成碗麵超香有炸蒜 小魚乾 菜脯 同肉碎撈埋一齊口感超豐富 味道啱啱好如果可以有其他麵底揀就好啦因為呢隻麵底容易淋 食到一半嘅時候啲麵已經一pat pat啦燒雞配油飯通常啲雞肉/雞扒/燒雞飯嘅雞都好鞋熠熠 但佢哋啲雞肉真係唔會好柴 反而啱啱好再配搭小魚乾同埋花生一齊食增添口感 & 風味美中不足嘅係啲油飯唔夠香姐😉桔仔紅茶&手工奶茶都好好飲總括黎講：👍🏻👍🏻👍🏻👍🏻👍🏻👍🏻/10姐係 幾好食嘅🥰

近日都幫襯了好多喇沙麵店，今日試試這間味道如何！這間湯底尚可，但欠缺鮮味，又係落了香港，港式化，用米線，馬來西亞湯麵多數都有油麵、米粉、河粉，甚至乎有參參(油麵+米粉)。希望有朝一日店主睇到，有所改變。服務方面，在落單至食物到都不錯，唯欠叫了三次，三個不同人要求兩杯清水，到走都沒有拿來。在食物與價錢的比對，尚可一試，未到物有所值。另外叫了一個巴東牛肉撈麵，牛肉冧，但做不到真正巴東牛肉的香辣，醬汁顔色遠遠徧離正中巴東牛肉的色，醬汁不夠多，令撈麵有點干食感覺，希望店主有所改善。

因為是下午茶餐，所以份量較少，叫左海南雞飯，配3款醬汁及少量青瓜拌碟，雞肉口感雖然未去到好嫩滑，也不會鞋口，反而雞油飯就乾身左少少，但配埋杯野飲才50蚊價錢還合理。因為是late lunch , 食完飯唔係太有滿足感，再追加多一份雞翼，一客兩隻大大隻才11蚊😂😂 其實好抵食，新鮮現炸熱辣辣，而且夠晒咸香味，當小食也不錯👍🏻

✨係荃灣想搵間餐廳食飯,見呢間經過好多次都未食過,所以試試佢,呢間就係［馬六］,係星馬菜餐廳‼️.💬巴東牛肉配米飯 $66賣相唔錯,份量可以！牛肉醬汁微辣,多汁而且惹味,牛肉口感算軟腍,整體上幾好食,好啱重口味既我😉！.💬傳統老鼠粉 $68我本身就好鍾意食老鼠粉！呢個都算足料,其中配料有我鍾意食既豬肉碎同魚仔,將啲料撈埋黎食惹味又唔會好辣,好滿足☺️！..📍 馬六 (荃灣)荃灣眾安街68號荃灣千色匯1樓1023A號舖..

早兩日同屋企人去開荃灣行街，行到千色匯嗰陣時見到有間馬來西亞野，平時真係小食，肚仔又餓就走入去試吓先😚。入到去坐低，坐位都舒服，唔會太逼夾😆。睇一睇Menu，見到有唔同嘅小食可以揀，都幾吸引㗎！上菜速度都好快，抵讚👍🏻。🫕大蝦喇沙拉麵湯底香椰子味，一開始食唔算好辣，但後勁強，配料充足，有魚蛋、蝦、丸、同埋豆卜，豆卜吸哂湯底精華，夠晒入味😆大大碗，食唔哂，下次可以叫少米線。🐤燒雞配油飯隻雞一上枱已經香噴噴，一啖咬落去，好入味，雞肉唔老，嫩肉😚個秘醬少少辣，開胃，連埋啲花生，又幾夾喎😆。🥪斑蘭多士多士有三款可以揀：蛋黃、榴槤、斑蘭如果有得撈埋一齊就好啦🤤最後揀咗斑蘭，個多士唔夠脆，斑蘭味又唔出，略淡☹️。🥤 2杯餐飲一杯拉茶同埋一杯咖啡，中規中矩，ok喇～。

經過見到佢有買海南雞飯，就入去試一試先🙂🙂佢係以主菜、小食、飲品作為一個餐我就叫咗～～～馬六無骨海南雞飯～～～最鍾意食海南雞飯係有配湯，仲要係好飲嘅湯😁😁！海南雞飯切得比較幼，味道真心幾滑嘅亦都有雞味😙😙飯係有雞味嘅油飯👍🏻👍🏻～～～新加坡鹹蛋黃魚皮～～～魚皮同鹹蛋炒得非常均勻，夠新鮮！🥰🥰～～～馬來手工拉茶～～～好淡，可以唔飲😅😅🤴🏻個餐就係～～～娘惹茶燻鴨配雞油飯～～～佢嘅燻鴨真係好滑好出色！ 分量亦都唔少，飯係帶有薑味嘅飯，同海南雞飯嘅飯唔同！但同樣好味🙂🙂～～～娘惹蘿蔔餅～～～酥炸味十足嘅蘿蔔餅，油而不膩，呢個值得一試😄😄～～～椰子斑斕冰～～～上枱嘅時候會有碎冰喺裏面，所以等一陣溶咗啲冰之後再飲會更好飲🤪🤪，斑斕味濃😛😛另外嗌左個小食～～～新加坡鹹蛋黃雞翼～～～鹹蛋黃雞翼同炸魚皮一樣炒得非常均勻，同時雞肉鮮嫩多汁😀😀整體來講馬六係好好食，值得再嚟😀😀我明白飲食業真係好辛苦，男店員說話非常簡潔冇尾音，能夠改善絕對可以加分🙂🙂

［荃灣］馬拉食店呢幾日食得多西餐 同媽媽猶疑左好耐究竟食段純貞定馬六好 因為一人一碟一定好快可以飽肚🤣跟著就久違地去左馬六！平時都係食開辣死你嗎 今次決心一定要試D麵類🍲檳城傳統老鼠粉+馬來手工拉茶💰68（+12）第一次食個陣我就覺得好有味！相對於蘇媽蘇媽來講味道會更重小小🤏🏻而今次上面都有一隻溫泉蛋 配菜有炸魚仔 花生等等 但係今次嘅老鼠粉有小小偏酸🥵不過整體老鼠粉好有彈性同夠軟淋😍🍜檳城蝦麵💰72配料有半隻糖心蛋 幾塊腩肉 幾舊豆卜同幾隻蝦肉 又有小小四季豆同芽菜做點綴😆一開始睇湯面頭覺得好油 但係食落去原來好清！而油麵質感真係超好食😍米粉都索湯汁 算可以！作為一間連鎖東南亞餐廳 個人就覺得味道頗爲出色😍而且上次試過佢嘅咖央班蘭多士 覺得冇蘇媽蘇媽咁甜 仲有好多小食！下次會想試下松露流心蛋😉

位置直接喺扶手電梯隔離好顯眼，上菜速度都幾快，當時都幾爆場。「魚丸魚條喇沙米線 🐟$62」對於喇沙湯底，平日我好少研究，我亦都冇食過好正宗嘅喇沙湯底，雖然聽聞喇沙都有分好幾個種類，但係如果就住自己嘅喜好去食佢，係相當之啱我口味，酸辣度剛好，不過材料簡單，味道又無乜特別，對比鴨黎講，自然就性價比低啲，畀人感覺就好普通，下次唔會叫。「茶燻鴨喇沙米線 🦆$70」呢個絕對有誠意，成條煙鴨胸上，我就唔係太食得出佢茶燻既香味，但勝在煙鴨胸份量多，又啖啖肉，沾埋少少喇沙嘅湯底，香氣嫩滑，真係好少見到有原條煙鴨肉咁上，多數係畀幾片比片皮鴨厚少少既，所以呢個一上菜我都有被驚艷到。「斑蘭多士 🍞$22」賣相好美麗，每一片都夾住牛油，香口又酥脆，金黃色澤均勻亮麗，牛油厚切正，斑蘭味略嫌太害羞。「凍桔仔話梅水 🍊+$3」平日普通凍檸檬茶都要加三蚊啦，佢既桔仔話梅水都竟然只加三蚊，仲要唔係普通交行貨敷衍人果種，味道好出色，桔仔同話梅都好出，而且好平衡，互相扶持互相呼應，飲品相當有驚喜，唔淡，好夠味！

大蝦叻沙，湯還可以，但蝦又霉又有陣膱味，入口即吐，難食到極，我已分不清這蝦是不是壞了；米線煮得很杰像醬糊一樣，吸晒d湯，一pat野咁，幾啖入口即想停止再食。肉骨茶有藥材味，但入口卻失其靈魂，而豬肉煮得很實，好難咬，這茶未算難食，但有唔會令人有想食落去嘅感覺！雞湯米線，湯有少少雞味，但極淡，雞肉無雞味，真係唔想食落肚。整體唔掂唔得唔好食，唔會再幫襯啦！

今日下午茶就試試呢間馬來西亞風味餐廳，叫了一個「T04海南雞喇沙米缐」～海南雞 ：份量少肉質不算滑🧐配菜 ：「半隻蛋+三件豆卜+三條豆角」普通😬米缐 ：比較煙韌有咬口，有掛湯能力👍湯頭 ：味道好香濃帶一點辣，口感順滑，果然靈魂所在湯裏，很正宗的味道👍👍👍飲品：本來想叫凍檸茶，因沒有改為飲椰汁冰…應該係用新鮮椰子肉打成，非常香甜美味👍👍👍如下次到必再飲此杯😋

今日中午行過千色匯，見到餐牌有诲南雞飯，咁入去試下先，入面唔係好多人但要企5分鐘先有人招呼，想試下佢地海南雞飯拼彰加坡喇沙，再試下佢地熱白咖啡，好快就有嘢食，首先試海南雞肉嫩好多汁，但油飯冇雞味太油，食咗1半試下喇沙，湯底唔rich好多油唔好食，只好食埋半個海南雞，白咖啡好似即冲。

行過千色匯見到好多人在「馬六」店外等位，又不妨試一試它的口味。叫了一個巴東牛肉椰漿飯午餐，樣子看上來也不錯，綠綠哋色嘅斑蘭椰漿飯好像只有色水，沒有椰汁味道。巴東牛肉肉質嫩口，醬料味道重但唔夠惹味，跟我平時吃的有點分別。手工奶茶倒非常出色，拉茶是奶茶的一種，是兩個杯子拉來拉去，越拉得長起泡越多味道會越好，入口感覺芬芳濃郁，有一種很獨特的茶香味。

下午茶時間入去，款式都幾多。入去時，因為平日空位很多，同個侍應講兩位，要我地按飛及等叫飛。😓😓😓覺得有點奇怪，好像不太環保，咁多位之下都要客人拿飛、等叫位。食物質素不過不失，還好。不過最激氣既係，我仲有半碗面留俾老公，老公就食緊飯。我地兩個都玩緊手機，個侍應問都沒問，手勢都沒，就收左碗面！我抬一抬頭先發現面消失左！😡立即同餐廳反映，拿走碗面既侍應過番黎，話見到我地睇緊電話，話有咩手勢問我地，又話如果想，最多煮番碗面，但沒餸既。我話完全留意唔到，同埋點解唔出聲，我地又沒點頭示意，又沒眼神接觸！佢堅持話有！咁我地話你下之次應該出聲，或者等個客有反應先，同人有眼神接觸先！碗面我地就唔要啦，驚會報復落野，不過服務真係有問題🤬下次都未必再幫襯！