馬六

營業中

休息中

今晚和朋友去叫外賣，因要各自回家食，所以就同收銀個位哥哥講2份外賣分開袋，佢一句⋯唔得喎，你地分開落單啦！其實我和朋友分開落單係冇問題既，但呢位收銀哥哥既態度就十分有問題！之後我就只係好細聲講左一句…咁既環境服務態度仲咁差既！呢位收銀哥哥就好唔友善咁講⋯咩服務態度呀！然后仲好大力咁將要找給我們的硬幣拍落張收銀檯度！😡😡😡⋯⋯這間店真係冇下次！！

今(20-12-2020 Sun)日懶咗唔願起身,起咗身整得嘢嚟都晏,老公話唔喺屋企整嘢食,出去食,時間都係開始午市了,好多黃店都未開,咁今次求祈搵間,我記起呢o後有越北,於是行嚟,但佢未ready好開門,不過隔離呢間就已開門,咁就試吓.睇完menu,老公被佢啲小食吸引,決定要兩種小食,我就話叫個set lunch share食,咁就決定要1. $82.00嘅馬六無骨海南雞飯拼新加坡喇沙呢個落完單即上,超快.我一食無骨海南雞飯就覺得凍,油飯唔夠油,但好彩個飯夠軟,3隻醬中,我都係只鍾意薑蓉,老公話食到甜豉油有啲似保衛爾嘅苦味,我都試真啲,係有少少.味道: 2.25分新加坡喇沙我唔食蝦,老公就食蝦,我食蛋,呢個椰香味好夠,亦都夠辣,好彩個辣度我仍接受到.味道: 3分2. 追加$18.00嘅南洋咖央多士呢個揀斑蘭味,多士烘得唔多,唔燶,不過又夠乾脆.而斑蘭味味唔係咁多,只食到牛油,我食牛油多士嗎?味道: 1.5分3. $36.00嘅娘惹咖哩角(3件)睇見唔係好油,覺我個餡係薯蓉或鷹咀豆蓉,呢個辣中有羶味.個角係鬆脆嘅.味道: 4分4. $36.00嘅娘惹洋蔥蘿蔔餅(2件)顏色唔錯嘅,外脆內

男朋友話朋友講過呢間好味。自己一個，趁星期日來個午餐。海南雞香滑的，喜歡貼心的是醬碟夠大，很多店雞件比醬碟大，難沾醬。餐份量夠。另外小食两個咖哩角，是酥皮的，香脆，薯蓉滿滿，熱吃。。。很不錯桔仔菜，茶味偏淡。。。侍應service很好。。。態度佳會和男友再來。。。

一個人在荃灣吃下午茶, 來到了一間開了一會兒的馬來西亞餐廳!常常把餐廳名字看錯成馬六甲本以為會像大集團的下午茶, 結果食物令人意外!!個人點了沙巴燒雞古法秘醬拌摻摻 $46, 另外加了一款小食 - 獅城蝦春卷 (2條) $16不知以為雞脾好細隻, 只是碗比較大, 原隻大雞脾有手掌那麼大隻, 比麵更多的感覺!! 燒雞味道很不錯! 幾香燒烤味!! 個人感覺幾抵食!摻摻是指油麵加米粉在一起的意思! 拌摻摻的話沒什麼醬汁拌, 所以比較乾身...另外獅城蝦春卷也很特別, 蝦都有幾粒,  網面皮很不錯, 但送上來已經不太脆...

辦完了事，未夠1200點，沒有太多選擇，一個人走進荃灣千色匯，在一樓扶手電梯旁，找到了這間號稱馬拉娘惹食店。坐下來發現了有肉骨茶和海南雞飯的混合套餐，還可以用優惠價($16)追加一客兩隻咖喱角。肉骨茶有分：巴生及白胡椒味的，我選了白胡椒味的；只可惜是不論單味或混合的肉骨茶套餐，湯都是不能添加的。湯，好有白胡椒味，卻沒有中葯材味，唔錯，還有一大舊一字排，如果肉冧多少少，會更好！無骨海南雞好滑，三種調味恰到好處，吃完了雞油飯，還有幾片雞塊。追加的咖喱色也不是太辣，但是不及印度咖喱角的酥皮及內容。

一向對馬拉野有興趣的我，一見到有New店舖點可以唔入去試試？立刻叫左我最喜愛嘅喇沙同咖央多士，重有、重有、重有最緊要的白咖啡（重要嘅事情講三次）！！！喇沙味道唔錯，不會淡過水，食材新鮮份量足，大大碗有三只蝦男士們都夠晒食得飽！咖央多士有三種味道（蛋黃/班蘭/榴蓮）比你選唔錯，我叫左班蘭味，食出了清香的班蘭香不會太甜not bad，不過沒咗傳統嘅椰子味。平時飲開熱白咖啡的我呢，今次叫了凍的，口感還好沒多冰沖淡晒。食到撐住個肚走如果價錢平D就大件夾抵食啦！

店舖既賣點係星馬的食物，此次用餐叫左下午茶餐嘅海南雞飯及蝦春卷食物方面，海南雞飯比較平庸，雞肉口感極軟，不是軟滑，只有軟，阿婆無牙都食到，味道亦一般；飯亦都係快餐店級數，所以真係一般，叫做份量ok，無乜機會會番頭再食海南雞蝦春卷方面，上檯時係熱，少少燶，味道不錯要彈嘅話係叫左罐可樂唔夠凍，可能剛剛返貨先雪，哈哈服務不錯，呢間店幾旺下，服務生都好忙，但態度很好環境亦不錯 荃灣要食海南雞真係無乜邊間，口痕可以食下專登就無謂

叫咗兩個一人餐嗌咗東巴牛肉飯，燒雞摻摻同埋鹹蛋黃魚皮。鹹蛋黃魚皮都還好，燒雞唔錯，雞肉串唔好食，但係最致命嘅係個摻摻，淡而無味起初我以為自己撈得唔均勻，之後撈完同埋再叫侍應比多碗沙嗲醬我自己點知都係淡而無味，另外佢旁邊其實有碗蔥湯，一飲落去同水冇分別，真係唔明點解湯會冇味。應該不會在短時間內再幫襯！價錢偏貴！總體而言價錢偏貴性價比不高，而且份量都好少

湯係唔錯, 蝦係爽但無味, 魚蛋係淋唔係爽, 豆卜有D唔識形容既味道, 魚片係唔爽,但比較正常座位係幾舒適既. 有個女店員都幾靚女身材都幾好. 可以試一試 建議坐窗邊位. 男士可以見到好多美麗既風景店員既服務態度其實都好一般. 而有一位同事嗌左佢既無骨海南雞飯佢幾抵食既 配埋冬瓜湯比你 好普通既例湯味道D雞都算幾滑 味道亦都幾足夠 D凍飲就加3蚊 不過就份量好少 佢拎過黎既時候 杯野只有8成滿 加埋成杯咁多既冰 我諗原先既野飲應該得一半既份量

疫情之下 大家都做好防疫措施，呢度有提供自動酒精機外，都有提供紙袋入口罩同濕紙巾消毒。點了 海南雞飯，熱檸檬茶，蛋黃味多士。海南雞飯，雞係幾滑而且都無骨的，而飯都算係正常而非白飯，但就沒想像中咁吸引。熱檸檬茶，味道正常，沒有甚麼評論。蛋黃多士，可能本身自己以為熱食，黎到變左凍既，蛋黃料係凍而沒有溶，味道算不錯的不過如果熱食又唔知會係咩味道呢。環境方面，卡位比較闊及舒適。份量方面，這個價錢有呢個質素都算是抵的，可以一試。

唔知係咪疫情關係，無得出國旅行，呢排分別試咗好幾間星馬菜嘅餐廳，但入到去😅其實我食嚟食去都係嗰幾味，肉骨茶配油飯同新加坡喇沙摻摻重有加多個咖央多士(蛋黃)，第一樣要講嘅就係個多士，唔知關唔關星期六事，客人多所以佢烘定咗啲多士，上枱時已經唔熱了，唔洗多講都知個包係唔鬆脆啦，加上入面無乜蛋黃，食牛油多似啲🤦‍♂️🤦‍♂️…{失望}，而肉骨茶啲骨又唔夠入味，好彩個湯尚算可以…至於嗰個喇沙摻摻就合格啦，湯底都算濃郁！總括來講可以再做得出色啲，嚟緊我會比多次機會佢，希望下次有改進啦。