馬六

營業中

休息中

平時經過呢間位於荃灣千色匯的馬六，門口都大排長龍。 因疫情關係終於唔駛排隊，即管入去試試佢哋嘅午餐set。 茶燻鴨喇沙摻摻佢嘅叻沙湯底非常香濃，唔會太辣。佢嘅湯底有好香濃嘅椰香味同海鮮味，用油爆香香料先煮湯嘅味道。麵底亦保留新加坡/馬來西亞當地喇沙嘅滲滲，係油麵溝米粉。米粉晶瑩通透，油麵唔會熟到淋晒，好爽同彈牙。 平時叫開海南雞，今次試下叫燻鴨，估唔到仲好食過佢地嘅海南雞。鴨肉外片滑而脆，好多糕。 入口後肉質彈牙，好有鴨香味，似食鴨胸既感覺。 另外，還食得出有煙燻過嘅味道。豆腐撲，好有豆味，唔會出現酸味。 證明係新鮮貨。 再配埋叻沙一齊食超滿足凍香茅橙茶平時去開馬來西亞餐廳都會叫馬來西亞拉奶，今次見有香茅橙茶叫，係疫情間要提高維他命C, 即管點來試試。 一入口飲得出濃濃的香橙味有點清香甜味。 紅茶亦係新鮮沖泡，唔會有苦澀味。 飲品外觀色澤呈橙紅色，非常透徹。 打卡一流！ 再附上兩片橙片，令整杯飲品外觀加左唔少分數。咖央多士多士即叫即做，烘到金黃口感非常脆。入面夾住剛溶嘅牛油同甜甜嘅咖央漿，令口中令到非常多層次的味覺滿足。以連鎖店的馬來西亞餐廳來說，水準不錯，會再回來幫襯。

餐廳佈置特色明亮， 座位舒適， 食物選擇豐富，價錢不但親民 , 仲不需要加一服務費 ， 吸引不少街坊粉絲支持。海南雞喇沙米線$68喇沙是南洋經典人氣麵食，金黃色的湯底，加上奶及椰汁， 湯面還放上辣油， 湯底香辣濃郁帶淡淡椰香， 每條米線及豆腐卜， 吸收了湯汁， 十分惹味 ， 與滑溜的雞一起享用， 令人再三回味。 海南雞飯$70海南雞外皮油光亮麗， 好喜歡去骨的海南雞， 啖啖肉的口感， 黃油雞皮彈牙緊緻， 配上嫩滑雞肉， 再沾上甜醬油， 十分滋味， 跟配的油飯， 香軟可口， 充滿雞油香味， 讓人喜歡。咖央多士$22薄脆的多士， 入口鬆脆之餘， 加上香甜的班蘭果醬及滑溜的牛油， 滋美得令人停不了口。馬拉盞通菜$26翠綠的馬拉盞通菜，火候控制剛好， 鑊氣十足， 微辣帶馬拉盞香 ，惹味過癮。老街椰汁冰、 凍椰子斑蘭冰 (跟餐另+$8 )老街椰汁冰、 凍椰子斑蘭冰 ， 冰爽怡人， 啖啖天然椰汁甜香， 甜度適中， 而淺綠色的凍椰子斑蘭冰， 帶淡淡班蘭香氣，清新冰爽。

我已經嚟過呢間餐廳食好幾次，一諗起要食東南亞喇沙就會嚟荃灣千色匯呢間馬六食。下午茶要等到三點先有得食,未到下午茶開餐時間，已經好多人拎飛，都要等成20分鐘先入到去，好快爆滿。馬六海南雞喇沙滲沙佢嘅叻沙湯底非常香濃，唔會太辣。佢嘅湯底有好香濃嘅椰汁味同海鮮味。麵底亦保留新加坡/馬來西亞當地喇沙嘅滲滲，係油麵溝米粉。下午茶最抵食係可以配搭海南雞海南雞肉質鮮嫩，滑溜。超有雞味，完全唔會好韌。個雞皮好似啫喱咁超彈牙。再配埋叻沙一齊食超滿足馬來西亞凍拉茶呢度一定要叫佢哋嘅馬來西亞凍奶茶，非常濃嘅茶味同奶味。完全比足料，唔會水汪汪。馬來西亞版嘅拉茶絕對拍得住港式奶茶嘅風味。因為貪食, 喺疫情期間仲出嚟堂食，係呢間餐廳感染咗Omicron。有朋友話為咗一碗麵而感染新冠肺炎值得咩，我覺得好值得，因為真係好好食！

今午皆老伴初嘗，本身都喜愛星馬美食，見門口餐牌上照片都幾吸引🤩所以入去試試。坐低見餐牌價錢合理，便分別選了海南雞飯拼肉骨茶及海南雞飯拼喇沙👍👍先送上餐茶，我們選了熱奶茶和熱咖啡，年過74歲的老伴不小心踫灑熱騰騰的奶茶，倒向身上，上衣、外套及長褲被弄濕亦少許灼傷，即通知職員來處理，獲遞上濕紙巾並安排轉位。有點兒失望是隨後沒有問我們需要補回另一杯奶茶嗎？他們不送上另一杯是道理，但我見過某食店或者快餐店，如果有客人不小心倒灑飲品，他們會主動補回而不另收費。這店食物質素雖然不錯，但客戶服務可以改善下便更好😅😃

見好耐冇去馬六， 就去食下午茶。平時餐廳好多人,甚至要攞飛,點知今日超少人，侍應都冇野做｡坐低睇下個餐牌,原來加曬價。最愛嘅海南雞飯由42元加到60元，其他平均加4-5元，都冇咁離譜，難怪冇人食！加左價所以份量多左，但多得濟，根本是午餐份量。下午茶根本吾洗咁多，食剩盞浪費！連侍應都話「咁空，汁得啦！」笑死！而且個摻摻係咩事，撈麵嗎?冇湯而且太辣。以前冇咁辣的，越做越差！吾爭在講埋個杯，用厚不銹鋼杯，杯野熱到爆，應該幾個鐘後先飲到，唯有攞多個杯。服務態度都麻麻，我見侍應在忙，就自己攞杯斟水，點知有個四眼女侍應好寸咁大叫我話吾可以自己斟，吾得咪吾得囉，吾洗咁既態度既！

1 月9 日、時間19:04 分落order 買外賣、直至要到19:54 分才有！足足等左50 分鐘、在19:40 分我問櫃面女員工（帶眼鏡，扎馬尾）我已等40 分鐘、幾時有？那女員工回答：個個買外賣、冇辦法。完全冇follow up ,她繼續坐定定！ 直至見到男、女主管經過、我問他們、才有人跟單！ 在我前後的order 全部走晒。返家後、個米缐已結成一舊、我以為自己食麵餅。員工態度、愛理不理！😡

🌸荃灣美食🌸馬六🇲🇾今天適逢放假，相約好友到了荃灣一間主打正奈馬來西亞菜的餐廳-「馬六」品嚐下午茶❗餐廳鋪面寬敞，裝修簡約❗店員們也相當殷勤有禮。我們一行2人惠顧了以餐點：1️⃣🌟海南雞飯拼巴生肉骨茶 $75海南雞份量十足，海南雞香嫩幼滑，配有三種海南雞醬料（甜醬油、香蒜及辣味醬汁）及粒粒雞油香飯，還有巴生肉骨茶，肉骨茶香濃滋味，是一碗濃厚正宗的馬來西亞肉骨茶❗美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️2️⃣🌟大蝦雞串吉羅咖喱麵 $62大蝦鮮嫩滋味，雞肉串肉質鮮嫩惹味，咖喱上湯香濃，帶點微辣，還有糖心蛋，麵質彈牙入味，口感豐盛❗️美味指數：⭕⭕⭕⭕️賣相指數：⭕⭕⭕️⭕️抵食指數：⭕⭕⭕⭕⭕️3️⃣🌟班蘭咖央多士 跟餐+$22咖央多士充滿清新班蘭香，以厚切香濃牛油作餡料，多士香脆可口，十分惹味❗️美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️⭕️4️⃣🌟參峇啦啦 跟餐+$28參峇啦啦為傳統娘惹菜，以秘制參峇辣醬拌鮮嫩蜆肉，鹹度適中，略帶點辣，十分滋味️️❗美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕⭕️5️⃣🌟凍香茅橙茶 跟餐+ $3凍香茅橙茶充滿清新香橙及香茅味，配搭香濃紅茶，口感清新怡人

成年都冇二人世界了，趁住去悅和買醋，同先生快閃dinner見到呢度門口餐牌幾吸引，菜式係平時少見（可能自己見識少）分別叫了2⃣️個自選套餐肉骨茶 - 用料豐富，油飯香味濃巴東牛肉配斑蘭椰汁飯肉及配菜不錯，只是飯欠椰香及不熱小食 - 咸蛋黃魚皮魚皮夠脆，如果咸蛋黃汁干水少少會再好啲小食 - 黑松露蛋非常好味，這個雞蛋比上面巴東飯個伴菜蛋好多，緊熟嫩滑馬拉奶茶🧋一上枱飲非常OK，但慢慢溶🧊就太淡，下次再來會試熱嘅總體而言是不錯的

今日去咗城門水塘度行山， 回家經過千色匯商場就嚟度呢間馬六新加坡菜度食下午茶魚蛋清雞湯米線 加嘢飲 熱奶茶 $42紋首先個湯底幾合我口味，， 都清清地有少少雞湯味唔會太重味精 ， 本小妹都飲咗幾多， 個米線好特別， 特別煙煙韌韌 （口感小妹覺得平時食嗰啲好啲 ）， 雖然佢上嗰啲配料呢就好便宜，勝在味道可以魚蛋喇沙摻摻 加嘢飲 紅棗杞子茶$46紋首先個湯頭呢，畀其他嗰啲喇沙專門店就偏辣 好合小妹口味， 小妹唔鍾意太重奶味 個杯紅棗杞子茶 ，冇乜味唔記得影收據呀，啲湯粉麵名唔知有冇記錯

✨ 馬六 Malacca Cuisine ✨馬六喺香港都有唔少分店，主打馬拉菜式。最出名一定係肉骨茶，不過今次唔係食肉骨茶😂 今次透過 app 訂飯盒食lunch🥰 Join咗app plus 滿$100可以免運費，特選餐廳仲有6折，真係超抵！！🍲 娘惹茶燻鴨配雞油飯 $46.8（原價$78）👉🏻6/10燻鴨燻得好香🤙🏽配油飯啱好可以減少油膩嘅感覺但油飯唔知係咪因為外賣關係唔夠熱所以唔夠香 冇嗰種油香配菜係魚仔同半隻蛋魚仔係小編至愛 日常配菜都係佢🥰┄ ♡ 評分區 ♡ ┄💰價錢：5/10🌆 舒適：8/10😚 返兜：8/10📍#馬六 地址：荃灣眾安街68號荃灣千色匯1樓1023A號舖

我一向甚為喜歡馬來菜式，下午茶時段經過看到餐牌，上面每道套餐價錢合理（$50有找），便馬上進去試試。結果發現小食飲品竟然比主菜質素更有保證！
☆．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆🔸海南雞喇沙米線 $48🔸茶熏鴨喇沙米線 $48
🔸怡寶芽菜 $26
🔸馬拉盞通菜 $26
🔸參峇啦啦 $42
🔸桔仔紅茶
🔸香茅橙紅茶☆．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆
首先要讚讚這裡的小菜——怡寶芽菜和馬拉盞通菜！🥬🥬 芽菜炒得十分爽口，通菜同樣炒得出色，配上馬拉盞帶點辣味，更加惹味。🌶

另外，參峇啦啦也是一道充滿馬來特色的小菜，蜆肉鮮甜，用上馬拉盞炒得十分香，不過略嫌太多馬拉盞，蓋過了蜆肉的味道。🐚可惜這裡主打的喇沙菜式相形見絀，湯底沒有香辣味道，而且太重椰香奶味，和我預期中的味道很有出入。🥺🥺🥺 另外米線也處理不妥，明顯沒有「過冷河」，煮得糊黏。😩 上菜時當我一撈起米線，心知不妙。米線竟是呈「一pad」的形態，黏答答的。😞😞😞海南雞喇沙米線和茶熏鴨喇沙米線相比起來，我會建議大家吃茶熏鴨喇沙米線。😂茶熏鴨的鴨胸肉質雖然不算很嫩滑，但仍然有口感，而且吃

今日同奶奶岀荃灣覆診兼買餸…行行下先同我講佢唔記得食飯😒😒😒咁緊係要帶奶奶食最愛嘅肉骨茶啦，近近地去左千色店食😝行黎馬六…平時超多人，今日竟然冇人排隊😱😱😱即刻入去食！食物茶薰鴨喇沙摻摻痴線🙈勁大碗，女仔食真係食唔晒..話說我唔知咩叫摻摻，更未食過喇沙🤣💕所以先帶佢黎，順便自己試吓🤣原來係油麵加米粉個鴨勁大舊，個喇沙辣(本人唔係好食得辣)但堅好食！溏心蛋都好正海南雞飯拼肉骨茶 - 轉白飯因為奶奶唔食油飯所以轉白飯，個海南雞好嫩好滑！不過這不是重點重點是肉骨茶超好飲！好勁藥材味岩晒我哋啲娘親飲🙈勁多料香茅橙紅茶、桔仔話梅水 - 必飲！原本我飲呢個橙紅茶已經覺得好好飲，個紅茶底好正！頂🤣點知奶奶分啲桔仔話梅水俾我…當下即刻比下去😝果然沒有比較就沒有傷害一定要飲呢個！熱飲唔洗加錢！無牙奶奶妹話梅🤣🤣俾我影低左sd俾佢個仔睇烤雞串燒烤野，又係好食😋好juicy ，總之呢個都係必食斑斕多士個醬好食！咸咸地服務入去嘅時候要掃安心岀行，但因為奶奶用老人電話，staff就拎個表俾我，叫我地坐低寫完拎岀去。我哋入都冇乜人，點知唔洗一陣就超多人排隊。不過我哋舉手叫野都好快有人黎幫我哋落order同上菜。環

《荃灣美食》兩點幾鐘去荃灣千色匯食 tea😚今個晏晝就來個馬拉美食之旅la~~餐廳還很舒適 空間咁大 坐得舒服👍兩點鐘下午茶時間 款式多 又吸引還未夠飽😜 可以優惠價錢追加小食😆餓底今次食野攻略係…重口味+超標系列 夠曬魔鬼😈😈#臐鴨喇沙摻摻以下午茶嚟講 份量都幾多下 好大方😚湯底鹹香夠椰味 鴨肉皮香肉嫩 滿嘴油香其他配菜豆卜 脆甜肥牙菜 都好足料㗎~~麵底當然要食層次豐富既米粉溝油麵啦🤤#班蘭多士甜甜地班蘭🍯+鮮牛油 超標都要食😆#凍桔仔紅茶清爽酸甜 幾好飲👍

今日到了馬六吃巴東牛肉椰漿飯，六點前仲可以叫下午茶，非常抵食！巴東牛肉椰漿飯有半隻糖心蛋、花生、炸魚仔，夾埋個巴東牛肉，非常好味！巴東牛肉個醬辣辣哋，好惹味　！配埋個椰漿飯，個飯好香椰子味，食到停唔到口。再叫咗個馬拉盞通菜，炒得好香，好惹味，不過有少少油。$26碟，真係好抵食呀！朋友飲品要了杯椰子班蘭冰，味道一般，唔夠香，唔夠濃。我就叫咗杯熱美祿，一般茶餐廳水準，其實都好難有咩特別。環境舒適，服務態度都幾好，下次會再幫襯。

每次經過門口，我都見好多人排隊，今日午餐忍唔住特登出嚟試一試。無骨海南雞飯， 餐湯係冬瓜湯，幾甜。 好大碗油飯，應該有2碗飯嘅分量，夠哂飽。 海南雞好嫩滑，又夠油香，就算唔點佢嘅醬汁，都好夠味。另一個飯係巴東牛肉配椰漿飯， 綠色飯夠特別，椰漿味幾香， 仲有少少炸魚乾仔同花生，增強口感，個人比較喜愛食椰漿飯多過油飯。 巴東牛肉帶有少少辣味，肉質軟淋，都唔錯。加咗少少錢，追加兩個小食，其中一個係馬拉盞通菜，味道比較辣，但夠惹味。另一個小食班蘭咖央多士，上枱時只係微暖少脆， 班蘭咖央醬較少，味淡，一般貨色。