馬六

營業中

休息中

超抵食下午茶🤤👍🏻👍🏻見到仲有下午茶時段，就去左食馬六，以前係荃灣反工，最中意食佢既摻摻😙😙主食：海南雞喇沙摻摻$58摻摻即係油麵加米粉，喇沙湯底濃郁惹味，海南雞嫩滑，全部都冇骨，非常適合玩完成身散哂懶惰既我，份量方面，我覺得同午餐晚餐一樣咁足料，但係平$10-$20，所以我覺得十分抵食🤭主食：馬六海南雞清雞湯米粉$48呢個就清清地，比較啱吾太中意食濃味既朋友，海南雞一樣都係咁滑嫩同無骨，份量都係好足料😎追加小食：娘惹焗釀蟹蓋(2件)$18釀蟹蓋幾好食，加小小特制醬汁，食落有小小似魚蛋feel，最特別係佢真係拎隻蟹蓋尼釀，蟹蓋都幾脆，好易會咬爛，之前未食過，覺得好得意😆😆飲品：老街椰汁冰+$8椰汁有濃郁味道同口感，椰香味好重，飲落口真係透心涼既感覺，同埋好夾今餐食物，消暑一流😘飲品：香矛橙茶+$3有橙味的茶，覺得幾特別又健康，出面小有，中意橙既朋友可以試下✅

荃灣性價比極高的馬來西亞下午菜，在6點前柯打，二人吃撐賣單不過$200，實在是平民飯堂。🐠🐟🐬🍜魚三寶蝦麵單看名字好像很寡淡嗎？不！這是我吃過配料最豐富的蝦麵！切條魚片、炸魚皮、糖心蛋、炸魚蛋、怡寶芽菜、豆角、豆卜、炸紅蔥炸蒜和蝦皮。最欣賞麵湯是滾熱辣的！用蝦殼及辣椒熬煮成香噴噴的赤紅辛辣湯底，再配上黃麵條和米粉😍實在是大愛大愛！回頭率爆登。🐥🍢雞肉串燒2pcs套餐加配$26。濃濃的香茅醃料，非常惹味，必點小食！🦀蟹肉酥盒 記得以前我在餐廳吃過類似的，價錢是2倍以上。怎麼可以這麼好吃又便宜？蟹肉、木耳和洋蔥釀入酥餅盒中。酥餅酥脆得掉渣，酥盒上還有矜貴蟹黃加冕👑🍛海南雞油飯香滑雞件配上雞油飯，誰不愛？沾上三色醬：薑蓉、濃黑醬油和酸辣汁更是滋味。送一紫菜湯濕喉。🍧班蘭椰子冰套餐加$8。班蘭椰子味非常香濃，絕不是色素化學合色品。

#搞串個pantry今次就去咗一間喺 #荃灣 嘅 #星馬菜 🇸🇬🇲🇾餐廳，一於收工之後食返餐勁嘅🥳。🌈什錦椰漿飯($82)一上菜就見到椰漿飯鮮艷嘅綠色💚好搶眼，加埋其他顏色嘅食材，望落去好吸引😍。將酥脆嘅炸物、多汁嘅燉肉、脆香嘅魚乾花生、同埋甜香椰漿味嘅飯🍚一次過食，口感味道都好豐富😋，好有南洋feel🏝️！🦐蝦湯麵($78)蝦大大隻，蝦肉食落唔錯🤤。加上濃郁蝦醬湯底，配埋豬頸肉🐷嘅油香味，夠惹味，幾好😚。幼身嘅麵底好啱掛湯咁食，好有海鮮味🌊。🍀小食拼盤($108)炸春卷嘅網紋外皮好酥脆，點埋特色醬味道更加濃，幾正😋！蝦多士🦐上面嘅白芝麻，令到食落除咗有蝦嘅香味同彈牙，仲更加香口🫦。班蘭葉包雞🐔就夠曬星馬風味，總括嚟講唔錯😆。❄️老街椰汁冰(+$8)椰汁除咗有濃郁嘅味道同口感，椰香味🌴都好夾今餐嘅嘢食，作為每度菜之間嘅間隔幾正😝。🌴椰子班蘭冰(+$8)飲落除咗椰子嘅濃郁，班蘭🍃嘅清新味道令到呢款嘢飲更加輕盈，飲落fresh啲🎐，幾好。

😳依間無第二次👋🏻👋🏻🍜喇沙湯底個味正常有杰杰地係ok,但D蝦又凍又無味又濕好似浸水😑可讚位係配料多同夠熱🍛個斑斕飯有味無味，仲幾螢光下🥶巴東牛肉味正常唔夠熱，雞件有味唔算太乾，有件炸物既東西唔知係咩粉粉地又無咩味又油油地🦀釀蟹蓋十級腥🤢又無蟹肉味，質地好似魚蛋，有個檸檬葉醬汁點，但都救唔到佢🦐蝦多士賣相唔錯，可惜超超超吸油⋯食左一細啖就食唔落😔唯一可以讚冷氣夠，座得舒服，服務態度正常

成日都見到開口有人等位，今日見到少人啲就入去試下~坐得幾舒服，因為有好多卡位~🔹馬來咖喱厚切豬扒飯🔹 咖喱係香嘅，比香港口味辣啲~但豬扒唔係厚切，而且有啲硬同鹹…..🔹娘惹雞扒喇沙摻摻🔹雞扒好食過豬扒嘅，起碼嫩滑啲~個摻摻俾啲湯浸哂，上枱嗰下有啲嫌棄，不過揚開啲麵就開心哂，仲要係米粉同油麵分開，個人鍾意咁樣食~😝🔹椰子班蘭冰🔹班蘭味 & 椰子味都有啲，正常發揮嘅，不過特飲得黎，個杯有啲頹….要加$8嫁~🔹馬來手工拉茶🔹成日會將泰茶攞黎比較，拉茶無咁甜，茶底濃啲，各有特色，呢杯都好飲嘅~

🔸 海南雞飯 $65 加$3配凍桔仔話梅水 有少少雞髀肉， 底下就係雞胸肉，肉質好嫩滑，配一碗雞油飯同埋一碗紫菜湯，醬料如薑蓉同酸辣醬 都配得好足，算喺幾正宗嘅海南雞飯。味道：8/10性價比：7/10🔸 魚三寶蝦麵 $52 加$3配凍手工奶茶魚三寶係指 魚皮魚蛋 三笠魚蛋 同埋魚片條 有四粒豆卜 豆芽同豆角 伴住，用嘅係 車仔檔嗰啲粗油麵 唔係蝦子麵， 不過食到碗底啲湯裏面原來係有啲蝦粒仔 所以叫做 蝦 麵大大碗食得飽味道：7/10性價比：7/10🔸 芝麻蝦多士 $38 / 4件 加$3配凍桔仔紅茶蝦多士炸得金黃香口脆卜卜好好味， 就係油漏咗一啲 😝配特製麻醬 點落有啲薑汁味 ，有馬拉風味味道：7/10性價比：7/10一個茶餐可追加一個小食🔸 一口脆魚三件 $18魚餅只係三小粒同快餐店嗰啲炸魚柳差唔多🔸 蘿蔔餅一件 $18蘿蔔餅就係以前喺街邊賣嗰啲 炸餅，外面脆卜卜，裏面有啲 青紅蘿蔔絲， 有蘿蔔嘅甜香， 可惜只得一小件。▪️🔹環境：喺正荃灣市中心商場裏面 ，地方都好闊落，尤其卡座好寬闊，坐得好舒服 🤪🤩🗣不收加一服務費😚-人均消費：～$68-整體味道：7/10性價比：7/10

👉🏻海南雞飯呢度嘅名物之一。咁耐冇食水準都keep到，雞肉有胸位+滑溜髀位，雞皮唔算肥，去晒骨好方便食。必叫油飯，有淡淡香味又唔太油，成碗啪晒無難度🙉跟餐有碗紫菜湯。👉🏻馬來咖喱厚切豬扒飯朋友嘅選擇～金黃色連骨豬扒真係幾厚又大大塊切好上碟，咖喱汁香味令人食指大動😋朋友分享左一塊豬扒比我，幾鬆軟又幾入味，下次我都想叫呢款。晚市套餐可以追加優惠小食（$18-$26）一口脆魚好正😋個靈魂參峇醬汁超好味，下次絕對要叫個全份。桔仔話梅水有大大粒甜話梅，正。

婆婆接謙謙放學後同我快閃馬六嘆返個下午茶⬇️⬇️⬇️✡️ 斑蘭咖吔多士 ～ 斑蘭新香加上咖吔獨特的甜味，淺嘗一件夠滋味。✡️ 海南雞喇沙摻摻 ～ 海南雞夠滑溜，配搭上濃郁喇沙湯底更出色。✡️ 厚切豬扒喇沙摻摻 ～ 豬扒厚切得來唔會硬仲要好香香茅味，正宗喇沙摻摻，油麵和米粉拌在一起好掛湯汁。✡️ 新加坡咸蛋黃魚皮 ～ 下午茶餐加配小食，咸蛋沾滿魚皮，喜歡咸蛋的絕可不錯過。✡️ 娘惹芝麻蝦多士 ～ 都係加配， 面層有蝦膠下層的多士好脆口。🧋 美祿哥斯拉 ☕ 桂圓紅棗茶 🍹 凍桔仔話梅水

有時都會嚟呢度食晚餐，貪佢價錢親民，每人大約$100都食到好多嘢~🔘馬來咖喱厚切豬扒飯幾鍾意個咖喱汁，偏杰身，少少辣嘅馬來風味咖喱汁，撈飯一流，豬扒真係厚切，而且唔韌!!🔘無骨海南雞飯不嬲海南雞飯都係招牌菜，無論雞胸定雞髀位都幾嫩，最緊要隻雞唔係太肥，油飯都好夠味!!🔘娘惹大蝦喇沙🔘巴生肉骨茶追加嘅輕量版，喇沙份量幾多，有豆卜、魚蛋、大蝦同半隻蛋，米粉mix油麵～ 湯底幾惹味～肉骨茶少少藥材味，有一大條一字骨👍🔘桔仔話梅水🔘馬來桔仔紅茶叫咗兩杯有桔仔嘅凍飲，酸酸地幾開胃，又唔會過甜~

今日收工比較晏就決定食埋晚飯先返屋企，揀咗屋企商場附近呢間馬六餐廳，入面環境好闊落，裝修幾新，又有卡位，我哋叫咗兩個晚餐前菜小食分別揀咗檳城五香卷同埋街頭雞肉串燒，主菜我就要咗個海南雞飯，屋企人就要咗個厚切豬肉喇沙摻摻，仲有得配飲品，要左桔仔話梅冰同埋椰汁涼粉小食都好快準備好，五香卷一客有三小件，炸到外皮香脆，好似腐竹卷咁樣薄脆，入面包住滿滿嘅餡料，有調味，都幾好食。雞肉串燒非常好食，外面嘅醬汁濃郁惹味，好滋味海南雞飯係跟左油飯同埋紫菜湯，夠正宗。雞肉非常嫩滑，就算唔係雞髀位但係都好嫩，雞皮qq口感好似食緊果凍咁亦都好有雞味，配香口油飯特別開胃。至於豬扒喇沙摻摻，豬扒煎得好香口有少少蒜頭醃料，喇沙湯底厚厚嘅質感，濃郁又香，摻摻即係油麵同米粉吸收曬湯汁，又有唔口感，好食到一啖接一啖，同樣係份量十足。飲品有驚喜，預期之外嘅好飲，椰汁涼粉好香，涼粉qq彈牙，桔仔話梅冰酸酸甜甜，推介！

荃灣行街見到好多人食就忍唔住都入去試吓拎起個Menu發現所有嘢都好抵食唔怪之得咁多人食海南雞喇沙摻摻$72⭐️⭐️⭐️⭐️⭐️事關好想食海南雞飯，又好想喇沙 所以叫咗海南雞喇沙摻摻🤣一次過滿足晒兩個願望🤣啲雞好滑喇沙好香摻摻嘅份量勁多蝦湯娃娃菜 $36⭐️⭐️⭐️⭐️⭐️個娃娃菜勁入味啲湯好甜好香牛肉牛角包$38⭐️⭐️⭐️⭐️好似沙嗲牛包咗，啲牛肉有啲鹹，加埋個青瓜啱啱好斑蘭咖央多士 $28⭐️⭐️⭐️⭐️有一塊勁邪惡嘅牛油，如果斑斕醬在多啲就仲正咖喱蟹肉配薄餅$68⭐️⭐️⭐️⭐️快薄餅即叫即整，勁香勁脆，都勁大份飽到上心口美綠哥斯拉手工拉茶

🔴假日shopping有啲攰攰哋，揀馬六做我嘅下午茶。呢間主打星馬菜嘅鋪頭，當然要試吓肉骨茶同海南雞飯啦首先海南雞：海南雞一上枱就聞到雞油飯香，飯同雞油融合得好均勻，好好味。雞肉好嫩，加上三色醬，啖啖肉都可以唔同口味。而附上紫菜湯好清甜可以解一解口中油脂感。 肉骨茶米粉湯底一淡淡嘅藥膳味同少少甜，好適合香港人口味，肉骨好易入口，唔會有鞋嘅感覺，米粉好爽口，而豆卜為湯汁增加另外一種口感。下午茶嚟講可以飽肚，有免費普飲品又可以食到特色野。呢個價錢算唔錯。🔴

又去下午茶，今次來到馬六。馬來菜大都好惹味，因為有香料的食物令人食慾大增。選了一份娘惹茶燻鴨喇沙摻摻配馬來手工茶。拉茶先上，口感甜甜，已經要少甜否則更甜，不過帶有獨特的茶香，吃過喇沙後再喝就覺得甜度剛好。茶燻鴨喇沙摻摻，賣相好，喇沙色澤黃澄澄，湯底稠密合度，味道濃郁。已切好的茶燻鴨肉鋪在摻摻上，流心蛋，青豆角，豆卜，食材一眼看到。燻過的鴨肉嫩滑好吃，劃了十字花的鴨皮香脆。吸滿了汁液的豆卜口感軟軟綿綿，油麵和粉絲的混合令你吃得爽口又細緻。雖說這碗麵是輕量裝，但也吃得飽飽。

今日去到荃灣千色匯的馬六，呢間餐廳好似好受歡迎，即使在6點已經是座無虛席。環境寬敞舒適，裝修具有東南亞風情，柔和的黃色配上吊燈和吊扇，令人十分舒適。我們試咗幾樣東南亞美食，首先是馬六無骨海南雞飯。海南雞嘅雞肉嫩滑，飯的顏色比較深，口感香糯。跟住係厚切豬扒喇沙摻摻，豬扒大塊又入味，米粉和油麵浸泡在香濃的喇沙湯中，味道非常濃郁，令人十分滿足。小食就有兩樣，第一道係檳城五香卷，五香卷的外層以腐皮包住，裡面包含五香粉和半肥瘦豬肉等餡料。外皮香脆，裡面的肉質結實，口感非常好。第二道係十分令人驚喜嘅咖吔奶祿兩層西多士，分別搽上斑蘭咖吔同美祿加煉奶，味道和口感都十分有層次，絕對值得一試。最後是飲品，我地叫咗古仔路芒果冰，古仔路原來是一個地方名稱，芒果冰啖啖都有碎晒嘅沙泳，飲落超夾，最適合用嚟解辣。最後大約$200埋單，好抵食，可以再戰!

收工唔想用腦輕輕鬆鬆食餐新加坡菜✨未睇餐牌時我已經想食海南雞 但又想食叻沙同肉骨茶估唔到餐牌有得crossover 🤗🤗味道豐富 視覺豐盛 好難會失水準坐位又舒服 會再encore 😉#新加坡菜#馬來西亞菜#肉骨菜#海南雞#荃灣#hkig#foodie#hkfoodie#18區美食