馬六

營業中

休息中

餐廳：馬六地點：西環石塘咀菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。仲有地道推介下午茶餐。馬六無骨海南雞飯 $65馬六無骨海南雞飯有好多雞肉食，有脾有胸有翼。雞肉算嫩，皮滑溜，伴有四條青瓜，跟有大大碟三色醬汁。雞油飯大大碗，非常黏口。仲有一碗蟲草花蔥花雞湯。豬頸肉喇沙摻摻 $48喇沙好少見配豬頸肉，豬頸肉一共五件，口感味道都唔錯。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻超好味糖心蛋，豆角，豆卜4件，同少少爽口芽菜加香口脆脆。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味，燒得脆皮。伴有青瓜同車厘茄。另上參巴醬。馬來手工拉茶 （跟餐）馬來手工拉茶滑溜香甜，叫左少甜甜度剛好。熱桂圓紅棗茶 （跟餐）熱桂圓紅棗茶有好多紅棗肉，下底有一粒桂圓肉，加有菊花，好香花味，唔甜。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。

今日放工自己去咗西環睇啲野，記得大學站附近有間馬六坐得舒服，所以諗住自己去食個早餐。點知竟然有朋友話都喺附近，咁索性一齊去馬六食晚飯！每間馬六嘅menu都好似有啲唔同，呢間嘅一人晚市套餐有排骨同醬油叉燒！仲有得+$22 追加喇沙/肉骨茶！即叫《 馬來黑醬油叉燒撈粗 $75 》嚟試吓！追加：（餐）娘惹大蝦喇沙 （輕量） +$22叉燒好爽脆！一咬真係爽到「索」一聲！味道似係豬頸肉，醬油煮製好入味又唔會咸，有成5大件真係份量好多！撈粗都好正，唔乾身配埋好香濃嘅雞湯！濃過肉骨茶！幾惹味。《 娘惹大蝦喇沙 》輕量版份量剛好，湯有椰香，微辣惹味，有油麵、粉絲、蝦、豆卜吸湯。熱柑仔話梅水 （跟餐$0）朋友嗌《 馬六無骨海南雞飯 $78 》 再追加：（餐）巴生肉骨茶 （輕量） +$22 一次過滿足兩個願望！ 肉骨茶講真偏淡，好彩呢個餐都配有香濃雞湯。海南雞肉keep到係滑，油飯淡香～凍 香茅橙茶 （跟餐凍飲 +$3）

餐廳：馬六地點：西環石塘咀菜式：馬拉野餐牌：茶餐12選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。仲有地道推介下午茶餐。馬六無骨海南雞飯 $65馬六無骨海南雞飯有好多雞肉食，有脾有胸有翼。雞肉算嫩，皮滑溜，伴有四條青瓜，跟有大大碟三色醬汁。雞油飯大大碗，非常黏口。仲有一碗熱到辣口既蟲草花蔥花雞湯。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味，燒得脆皮。伴有青瓜同車厘茄。另上參巴醬。班蘭咖吔多士 $28班蘭咖吔多士一客四件，每件1/4份。烤得脆口綠色多士入面一大片厚身牛油同班蘭咖吔醬，脆中帶鹹又甜，唔錯。連呢個餐都跟飲品。老街椰汁冰 跟餐加$8老街椰汁冰用杯裝，椰汁味好香，飲完好似食完甜品。古仔路芒果冰 跟餐加$8古仔路芒果冰用杯裝，中間明顯有冰沙，芒果味道唔假，夠解渴。馬來手工拉茶 （跟餐加$3）馬來手工拉茶滑溜香甜，叫左少甜就會少少苦。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。

Malacca Cuisine specializes in Singaporean and Malaysian Peranakan casual cuisine 🥢 offers afternoon tea sets at great value ☕️ interior features wood elements with a tropical vibe 🌿馬六 主打 新加坡 馬來西亞 娘惹菜 🥢 下午茶 性價比高 ☕️ 木系裝修 南洋風情 🌿🦆 馬六娘惹茶燻鴨飯 HKD$62nyonya tea-smoked duck breast with chicken oil rice 茶燻鴨 肥瘦分明 🦆 外皮香脆 肉嫩彈牙 油飯粒粒分明 🍚 香而不膩配埋薑蓉 辣醬 醬油 更滋味🍜 厚切豬扒喇沙 (摻摻) HKD$58laksa with thick cut pork chop豬扒焦脆 帶有香茅味 🐖湯底濃郁惹味 椰汁香濃 🥥 配料有豆卜同糖心蛋摻摻係油面米粉兩溝 🍜 油麵彈牙 米粉吸湯🍢 街頭雞肉串燒 下午茶 + HKD$26grilled chicken skewers雞肉嫩滑 🐓 配

今晚和先生嚟石塘咀馬六食咗個二人餐（$168），滿足又有驚喜。馬來菜好味之餘，仲帶有濃濃嘅家鄉風味。餐廳光猛明亮，坐下不久便滿座，見到不少是附近大學的學生來食，證明性價比高。套餐有主菜巴生肉骨茶，湯底濃郁香濃，藥材味恰到好處，豬排骨煮得入味，仲有冬菇、腐竹同豆卜吸晒湯汁。配埋油炸鬼和香噴噴嘅雞油飯，飯粒帶少少油香，絕對係完美拍檔。馬拉盞龍角豆係套餐嘅配菜，龍角豆又名四角豆，外型有四條邊，口感爽口仲帶少少豆香，用馬拉盞同辣椒爆炒，鹹香惹味，煲仔上，好快俾我哋掃清光！套餐仲包咗一份 娘惹炸鮮奶，外皮炸到金黃酥脆，內裏滑嫩香甜，帶嚟少少甜品嘅感覺，係一個好特別嘅小驚喜。另外加點咗一碟怡保芽菜（$32），粗身飽滿嘅芽菜配鹹魚炒得香氣十足，簡單但有水準，絕對值得一試。飲品方面，兩杯熱桔仔茶收尾，暖笠笠好舒服。

朋友喺西營盤番工，搵佢一齊食lunch. 朋友話每日放工經過呢間都未食過，今次就食下1點鐘，lunch hour 好多人，卡位需要搭枱。如果遲少少黎到，就要等位了。今日天氣凍，叫左無骨海南雞飯，飯同湯都夠熱，不過海南雞例牌係凍。海南雞好食，肉質嫩滑油飯香個湯係蟲草花湯，暖胃朋友叫左喇沙湯麵，凍凍地食湯麵好啱仲加購左馬來黑醬油叉燒秘製叉燒，個醬似叉燒醬，但實質食落去似豬頸肉，好爽口，成個味道+口感都好好食，推介加購呢個叉燒

我地十個大學生食lunch俾錢嘅時候，收銀員喺度擾攘左十分鐘先比到錢，仲要好串好煩嘅態度。我地用自己電話scan qr code落單，個收銀就話我地好搞到咁多張單，然後喺度話我哋搞到咁麻煩，佢又唔自己處理好，就算係個system問題自己都唔應該態度咁差啦！我提前問佢係咪有得用學生優惠，佢話可以，但係出單又唔落，然之後又要問多佢一次，佢就話要晒10張學生證我哋行入嚟比學生證佢圍住個收銀台佢又話我哋好阻住晒，真係好煩囉！我已經好聲好氣咁樣對住佢慢慢咁handle，又淨係收cash又要一齊俾我都慢慢咁樣同佢搞，但佢態度仲係好差，然後我就一路對住一個態度咁差嘅人10分鐘先俾到錢。希望間餐廳可以處理好佢落單嘅System同埋令到啲侍應可以好啲態度咁對客人。

好少過海🙈嚟到香港大學站呢頭更加唔熟見呢間餐廳下午茶時段都幾多人所以就入咗去試一試佢🤨除咗門口呢兩張大枱之外後面所有細枱同卡位係坐滿🙈下午茶都幾多選擇而且價錢真係唔貴最我揀咗個燒鴨喇沙米粉加咗個小食蘿蔔餅成碗麵嘅份量都好足😳燒鴨有起碼六至七件米粉可能因為好索湯所以就感覺更多😂湯底嘅花生醬味好重亦都飲得出落咗好多椰漿不過略嫌啲湯少咗啲🙉俾米粉索晒啲湯飲唔到幾多啖😂😂😂蘿蔔餅唔會炸到好油 幾脆口杯白咖啡冇嗌少甜都唔會過甜啱啱好 值得一讚食到咁上下想食啲菜又追加咗個馬拉盞通菜幼通😍馬拉盞嘅份量毫不吝嗇所以成碟菜好惹味亦都食得出啲菜好嫩 好新鮮餐廳一路播住啲印度風歌舞歌曲🤣所以先話間餐廳有好濃厚嘅異國風情食完呢餐飽到晚餐都唔使食lu

天文台在今日 10時20分除下8時風球，我應該在2個小時後回公司開工，為避免與大家趕車，我就安排了半天例假，約同好友去食下午茶餐。我地去左西環石塘咀皇后大道西513號尼斯花園地下B號舖的馬六食下午茶餐，環境舒適，坐得舒服。我點左個 馬六無骨海南雞飯 $65，好友點左個 斑蘭咖吔多士 $28，追加個 馬來黑醬油叉燒 $36，餐飲係 2杯熱桔仔話梅水（跟餐）。馬六無骨海南雞飯賣相不錯，雞肉嫩滑；斑蘭咖吔多士上檯時，熱辣辣的咖吔夾著牛油，真係好好食；馬來黑醬油叉燒好香口，食起來好好味。

兩個人去食飯，梗係要叫一份二人套餐佢嘅2人套餐B，首先上嚟嘅係酸辣鳳爪，鳳爪新鮮又唔太辣，酸酸辣辣嘅味道好開胃。之後嚟緊嘅係娘惹炸鮮奶，外脆內軟，一咬就流出鮮奶嘅香甜，真係令人回味。無骨海南雞係我哋最喜歡嘅一道菜，雞肉鮮嫩多汁，配上三種特製醬汁，香氣四溢。馬拉盞龍角豆炒得好香，帶有微微辣味，好開胃，而且龍豆角平時喺香港好少見，今次見到真係好難得。飲品方面，我揀咗凍桔仔話梅水，口感清新，微甜微酸，少甜少冰更加解渴。另一杯凍馬來桔仔紅茶，可以走甜，香茶味道濃郁，飲落超過癮。

今次嚟到大學站附近搵嘢食，餐廳裝修好靚好有特色，有大卡位可容納六人，內有獨立廁所， 下午茶時間唔係好多人可以慢慢坐，慢慢食，慢慢傾計斑蘭咖央多士斑蘭咖央醬好重手，還有大大塊牛油配埋脆脆嘅多士，入口柔軟，有鹹有甜再加牛油嘅香味簡直回味無窮 🤗巴東牛肉(配油飯)巴東牛肉好軟熟，基本上係用咗牛腩嚟炆到好淋再配油飯，真係好好食海南雞清湯米粉 (改油麵)海南雞米粉可以改參參，米粉或油麵，我就揀咗油麵， 油麵粗少少，我鍾意食啲，海南雞冇骨嘅，啖啖肉同埋好嫩滑，好正宗新加坡咸蛋黃魚皮小食家配料炸魚皮 鹹蛋黃 而家拉嘅炸魚皮再炒鹹蛋黃 雖然邪惡但好好味 ☺️馬來黑醬油叉燒另外都加咗黑醬油叉燒，叉燒有啲似豬頸肉， 彈牙爽口少少肥，煮得好入味和軟熟熟南洋白咖啡 & 熟香茅橙茶 & 美綠哥斯拉白咖啡香滑，橙茶係隆隆嘅橙味，再加埋香茅嘅清香，幾特別，哥斯拉美祿重朱古力再加埋哥斯拉脆脆喺面頭更重朱古力

第二次去馬六，覺得佢環境都幾乾淨，仲有鍾意香港好少嘅肉骨茶，之前頭兩次都OK不過今次都幾失望，我食咗一個豬扒慘慘，個豬扒好難食好鹹好似放咗好耐咁😅慘慘都OK不過個湯唔係好熱😅杯咖啡奇奇怪怪😅海南雞都OK不過都係好奇怪兩碗湯麵個湯都唔係好熱，唔熱嘅湯麵真係唔好食，睇返餐牌其實都幾多嘢揀，$70有凍飲坐得寬敞其實OK嘅，可能下次都係食返海南雞飯，或者肉骨茶同埋咖央多士會好啲環境服務OK嘅👍，如果好想念馬來西亞食物都會俾多次機會再去

講起食新馬菜式，便靚正環境又好既新馬菜，一定非連鎖餐廳🍴馬六莫屬😋來到石塘嘴一帶返工，收工當然要食好西啦，而呢頭剛剛好就有一間馬六，今晚一於食佢啦😂兩個人$200 可以食D乜？真係可以食到好多野架😋首先兩個主食，有埋野飲，再一份小食一份甜品，抵食到爆啊😋主食：1. 馬六無骨海南雞飯 $782. 正宗巴生肉骨茶 $82 配油飯不用多講，最popular的主食一定呢兩款，海南雞一貫作風，滑😚肉骨茶的肉骨仲要大大份😋飲品：熱手工拉茶熱白咖啡☕️ 熱飲唔洗加錢😋小食：鹹蛋黃魚皮 $ 22 大大份又超級香，平時其他餐廳不可能$22 食到，必食推介甜品：脆炸鮮奶 $16 一個字，抵😋

💖港大/西寶城附近有間連鎖東南亞餐廳，晚市套餐選擇多得黎幾抵食，今晚去試下！1️⃣馬六無骨海南雞飯🐔 $78🔸桂圓紅棗茶🍵 🔸新加坡鹹蛋黃魚皮🐟 +$22💖海南雞無骨，肉質鮮嫩雞皮好滑🤤，可以配甜鼓油、辣椒醬同薑蓉。雞油飯飯粒飽滿，吸收左香口雞油更濕潤，配嘅湯鹹香得黎有啲鮮味。套餐免費送熱飲，要左補血補氣嘅桂圓紅棗茶，菊花茶底🌼配上大量紅棗片同龍眼清甜暖笠笠～加配左個鹹蛋黃魚皮做小食，鹹蛋黃好足料、流沙口感，配香脆炸魚皮好送飯。💖餐廳樓底高座位闊，坐得好舒服，QR code或者人手落單，上菜好快！

“馬六娘惹茶燻鴨飯拼新加坡喇沙”($90)“馬六無骨海南雞飯”($75)“斑蘭咖吔多士”($28)“馬來手工拉茶”(+$6)“古仔路芒果冰”(+$12)間唔中都幾鍾意食星馬菜咁岩屋企附近有間馬六所以就去食返個晚餐😝首先點咗個茶燻鴨飯拼喇沙🦆茶燻鴨超級香🤤食落鴨肉香加上茶燻味真係好正😍而且仲要啖啖肉😛拼埋飯同喇沙真係食到好飽🤣另一份點咗無骨海南雞飯🐔雞肉十分嫩滑☺️點埋三色醬送飯一流😚我地仲叫咗份斑蘭咖吔多士多士夠哂香脆夾住牛油同咖吔醬好邪惡🤤飲品都有跟餐優惠點咗手工拉茶同芒果冰,好爽呀😝