馬姐重慶麻辣燙(老字號)

營業中

休息中

睇返都有成半年無嚟過馬姐喇，今日晏晝突然對呢個向西村掛念，嗌咗個牛腩豆腐乾支竹茶葉蛋，放棄哂啲米線米粉粉絲河粉，揀咗個唔係度度有得食嘅刀削麵，個湯底始終如一，夠哂風味，牛腩勁靭，八蚊得四粒，每粒大過粒骰仔小小，仲要有一粒係全肥食唔到，豆腐乾幾得意，有啲鐵蛋味，唔知會唔會同鐵蛋嘅做法一樣係經過反覆滷制嘅呢。茶葉蛋太鹹，個鹹度直逼鹹蛋，幾乎相嗌碗白飯嚟餸下，刀削麵嘅麵質好好，掛湯能力高，挽回分數不少。等食期間腳底有隻小小強散步，我一遞起隻腳諗住同佢打招呼佢就極速閃返落去枱底，睇佢咁精靈應該平時都豐衣足食嘅。

由於學業關係，加上成日去旅行，係內地都留過唔少時間，因為咁愛上左食麻辣燙，係內地食十成九都係地攤檔，衛生就一定唔好架啦，但食得就預左，亦唔知用啲咩油，總之就紅油一堆，用左唔知幾多日，但又平又惹味又夠辣！係香港好少有機會食，見到呢間寫到明係食麻辣燙，當然去試下。麻辣燙 最低消費$30起點左蘿蔔, 自制炒手, 牛腩, 西蘭花，冇加麵食。麻辣燙，湯底最緊要，一試......點解有啲似岀前一丁隻粉既味，不辣，不惹味，似餸浸味精湯，失望。我諗要搵到內地既味道，仲要花點時間。

鍾意食辣野既我地，行行下觀塘見到呢間馬姐就入黎試下～每碗麵既價錢都算抵食，有部分麵底又唔洗加錢，所以最底消費既$30/$25 全部可計落選擇既餸！個人認為湯底唔夠濃同辣，又唔麻～ 所以對碗麵有點失望。但小食幾好味，夠入味，雖然貴少少，不過都算大碟既。

好想食辣嘢，懷念北京exchange食過嘅麻辣燙，所以來試下唔知揀粉紅色定粉藍色落單紙，唸住佢個名係麻辣燙，就揀粉紅色落單紙食麻辣燙(事後發現粉藍色紙，叫重慶酸辣粉，應該會好食d)黑木耳，似雲耳多d, 份量偏少豬腸，ok，唔肥，係細腸部份金錢肚，切得太薄，食落係爽口一條條，唔係平時大塊d吸收左湯汁嗰種枝竹，ok, 可以軟dd湯: 一開始飲兩啖湯，覺得唔辣，而且冇乜味…後來開始越食越辣，叫救命…辣度會慢慢麻出來，可惜係我覺得湯味唔夠濃，食唔到花椒香味，只係食到尾食到蒜頭味同我喺北京企街邊食嘅風味差好遠，亦都冇麻醬。只有醋。感覺香港此類食物需求大，但往往只係做出辣嘅車仔麵，比起大陸食嘅真係差好遠，雖然喺香港食係會食得安心d…紅薯粉，滑，夠軟身，唔錯，份量都係偏細整體價錢偏貴因為每款送嘅份量都比較少，又有最低收費。味道唔算正宗。見隔離食重慶酸辣粉，轉用刀削麵，望落湯底比較好，因為會有重慶粉嘅配料，肉碎花生同芫荽。期待其他菜式會好食d

辣癮又起，經過呢間食店好似好辣咁，於是決定入去試一試。小食種類算好多，淨係蔬菜都有六款選擇。為食嘅我睇左好耐餐牌，最後點左一碗四送中辣重慶酸辣米線。重慶酸辣湯底有生菜，花生，酸菜，肉碎，生蒜作配菜，花生夠脆，酸菜吾係一味死酸又大大塊嗰隻，我喜歡！加生蒜好香，只嫌肉碎半肥瘦，吾啱我口味，我個人鐘意食好瘦嘅肉碎，有咬口嘛！我揀左豬紅，豆卜，腐皮，雞腎，抄手。豬紅好吃，吾會一夾就散，豆卜浸到發大，入晒味，腐皮吾抵食，五蚊得好少，雞腎切到細細粒，介花，有咬口，不過無乜雞腎味，如果可以切大粒多少少會更好，抄手係自家制，裏面嘅餡好似生菜魚肉果啲魚肉咁，少少彈，皮大餡少反而更好食，八蚊有五隻，幾抵食。中辣剛剛好，有辣味之餘又吾會一味得個辣字，好多時大辣比中辣油好多，辣到苦，蓋過左其他食材嘅味道。米線係比較幼身，但吾會淋b b,好食，但本人食量驚人，份量略嫌少，食完成碗未覺飽，下次要加底先得！我下午四點黎食，人好少，坐得比較舒服啲，其實呢度好細，晚餐時段黎食應該會幾忟，座位之間好迫，係食完就即刻埋單走嗰隻，不過店員幾有禮貌，一邊包抄手一邊招呼我，呢餐合共$58($2買左包紙巾，無飲嘢)，我覺得抵食。

呢間馬姐經就經過咗好多次喇，雖然勁鍾意食川菜嗰陣酸辣鹹味，但係睇個門面硬係提唔到入去試下嘅起勁，今次附近嘅餐廳都食得七七八八，就入咗去試下。入到舖聞到陣香料味，已經覺得我無入錯到，嗌咗個自家製牛肉上海麵，中辣，麵條爽口彈牙，湯汁亦都夠哂酸辣惹味，不過牛肉味道普通之餘，仲要只得寥寥幾嚿，明白牛肉價錢貴，但呢個麵都成 38 蚊㗎，落多幾錢肉緊好喎。

很喜歡吃這間的麻辣湯，味道剛好，湯頭味道正，湯內仲有生蒜，有不同辣度選擇，叫小辣最正，有辣味又食到食物的味道。最愛豬肥，唔肥，乾淨。好似車仔麵咁每款餸計，選擇都多，仲有不少小吃，價錢唔貴。

Calling#四川妹子#辣妹子今次介紹一間專食 #麻辣燙 #米線 想食唔洗再番大陸都有得食lu👍.依間本身係深圳向西村開左十幾年而香港依間分店都開左1年左右嫁喇 依間既麻辣同譚哥個d真係無得比!!真係好正!很對味兒😂涼拌藕片$25 本身大胃D以為涼拌就一定係凍食 但上枱時微熱 即係即叫即做既👍而且辣得岩岩好 咬落爽脆👍掂麻辣燙自選配料(牛柏葉 雞腎 萵苣 豬脆骨) 配米線(粉麵唔洗再加錢)建議先叫bb辣/小辣 同行既有次叫左中辣 辣到食左半碗咋😂陰功豬🐷配粉方面 豬脆骨食到有少少雪味 其他就無 不過可以接受既!佢既米線係幼身嫁 唔同譚哥個d粗粗硬硬米線 依隻食落滑身 幾彈牙 我幾鐘意食依種(利申:平時好討厭食米線 😂).紅油抄手 $28 有12粒啊!!好平 又唔細粒喎!👍食落有少少薑味 裡面應該係魚肉黎!個湯底好濃👍.間鋪比較細 做外賣既多 經過即可以試下👍👍.

麻辣味夠味先辣再麻，正👍🏻台上可以自己再添加辣椒油（自製）、醋叫咗麻辣燙、涼拌菜（涼粉）肥腸洗得超乾淨好食藕片、薯仔必點粉麵好多選擇：米線、米粉、河粉、粉絲、紅薯粉、油麵烏冬、公仔麵麵食：牛肉麵、豬大腸麵、擔擔麵、紅油抄手涼拌小食超多⋯部分價錢一樣仲可以雙拼👍🏻都一樣可以（走辣、BB辣、小辣、中辣、大辣）🔴推薦：川北涼粉 超好食 爽滑 自製紅油抄手 抄手Q滑 麵皮夠薄 麻辣燙 $30 多餸選擇 酸辣粉 薯粉夠Q ➕酸辣湯一起食👍🏻營業時間：中午12:00～凌晨3:00下次會再來

很久以前在深圳向西村食過雞煲之後，在香港確實未能找到接近的味道，這小小的店舖，非常用心去經營製作每一味小菜，完全是以為自己正在國內！喜歡食辣的朋友，值得一吃再吃！

朋友介紹之下黎左試下我地叫左自製炒手同肥牛炒手都ok好食但肥牛的確很肥😳得少少可以食得但整體黎講係好食既麻辣做得幾好比傷心好食得多不過老細加左少少料😳係碗面度食到有條鐵既線有啲啲反胃😫金錢肚同青瓜就普普通通但食啲青瓜可以冇咁熱氣好似😂

有看過《一路向西》的朋友就知道，向西村最出名什麼？不知道的話請自行Google !馬姐的麻辣燙，有BB辣、小辣、中辣、大辣，任君選擇。我只點了BB辣，也吃得出這滋味來。辣得來帶一點點麻痹的感覺，充滿家鄉風味。花生、肉碎、蔥菜，香口醒胃。光是呷一口湯底已經很過癮！我最喜歡的是刀削麵，薄而煙韌，用筷子夾起，還看到一點點通透的效果，沾着麻辣湯底吃，非常入味，麻辣的感覺滑到肚子裏。餸菜亦很多選擇，豬潤、大腸都是「車仔麵」必點吧！另外我很推介的是萵筍，清脆爽口，令麻辣的味道推到更高層次，大大碗也快速被吃光！

今日叫左個重慶粉食, 少辣, 送叫左蘿白, 牛肉, 木EAR , 但出來成碗野係無味道 , 連D 送都係無味.... 真係好奇怪 !  叫走花生來花生, 應該有莞西就無落....  最後頂到食左一半.... 就唔想再食了. 我一定唔會再來食了.

湯略嫌淡口中辣唔夠辣亦冇乜味黃花菜幾嫩新鮮食法雞脾菇好咬口Love it自制抄手皮滑餡靚但少自制酥肉似咕嚕肉粉ok 多幾得意But I won't order again紅薯粉彈牙可惜食食下有頭髮Service ok