駟馬拖車潮州飯店 (東九匯)

營業中

休息中

脆香芋絲卷伴梅膏骨可以比個贊；鹽烧小黃魚太咸而且唔脆；飛天大虎蝦面淋而凍，只適而打卡用味道可以；甜品𣏌子桂花糕比－般酒樓還差，服務態度－般，人均消費比酒店還要貴，早之….唔去

喺牛頭角附近返工嘅朋友有福了，終於有一間好食嘅茶樓響牛頭角，午飯時間，請早啲去拎位，或預先book定，如果唔係，都幾大機會要等位。茶樓環境都可以，枱與枱之間有少少迫，但係都唔會影響到食嘢，大部份嘅枱都有自助茶水機，我自己就覺得幾方便，始終你叫得啲伙記，自己都已經做咗🥴每張枱佢都有一碟酸菜，佢嘅酸菜唔會太酸，有少少甜甜地，好醒胃，如果唔鍾意食酸菜嘅朋友，可以request換花生，不過個人覺得酸菜好食啲😋佢啲點心係即叫即蒸，送到上嚟嘅時候，真係熱辣辣，出晒煙。。

呢間酒樓已經開業左，試咗好幾次，食物質素一般，但係員工態度極差，尤其門口嘅接待員及收銀員。今日我嚟買外賣，叫方魚肉碎粥外賣自取，個收銀問我係咪單點，我答係，佢就收我$80，我好聲好氣問佢，明明餐牌係寫$48 ，點解係$80嘅？佢就好勞氣話我，你話單點呀！我話留意番，我第一句已經係話外賣自取，跟住佢先死死地氣，叫個經理嚟取消張單，然後再幫我落單，仲喺度咿咿哦哦。作為一個收銀員，對啲價錢唔了解，仲喺度賴個客，態度極惡劣，以後都唔會再幫襯！

餐廳名稱：駟馬拖車潮州飯店返工最愛幾個女仔一齊食飯，飲下茶傾下計，都幾開心架1. 爆口叉燒包餡料比一般叉燒包更多，好味😋價錢：$21好味程度：😋😋😋/5個滿分價錢抵食度：💰💰💰/5個滿分整體感覺：❤️❤️❤️/5個滿分推介程度：👍🏻👍🏻👍🏻/5個滿分——————————————————————2. 沙嗲金錢肚沙嗲味濃郁，金錢肚煮到好入味，好淋價錢：$33好味程度：😋😋😋/5個滿分價錢抵食度：💰💰💰/5個滿分整體感覺：❤️❤️❤️/5個滿分推介程度：👍🏻👍🏻👍🏻/5個滿分——————————————————————3. 翠綠鮮蝦腸粉皮算薄，料都多嘅，煙煙韌韌嘅腸粉價錢：$44好味程度：😋😋😋/5個滿分價錢抵食度：💰💰💰/5個滿分整體感覺：❤️❤️❤️/5個滿分推介程度：👍🏻👍🏻👍🏻/5個滿分——————————————————————4. 碧綠燒賣皇唔算多肥肉，感覺良好價錢：$33好味程度：😋😋😋/5個滿分價錢抵食度：💰💰💰/5個滿分整體感覺：❤️❤️❤️/5個滿分推介程度：👍🏻👍🏻👍🏻/5個滿分——————————————————————餐廳整體感覺：無影相嘅就無寫啦，食物質素都尚可，行過可以一試，如果，係返

想食潮州野, 其實附近都唔少選擇不過因為同朋友聚會, 想坐得比較舒服上網睇相環境幾靚, 就揀左呢一間環境方面, 黎到真係冇失望, 新裝潢, 而且幾大 目測30-40張枱左右枱面積都算OK, 4,5個菜都可以同一時間放到椅子我都滿意, 有橫條可以’’晾’’手有少少可以改善係枱同枱之間窄左少少店家就用左一張直立既透明膠板做防疫間隔不過因為透明, 視覺都係好CLOSE, 太親近了同埋如果坐入面兩個位, 要慢慢出, 同埋要出面兩個位既人起身先出到此外, 有樣野幾好, 佢有個自助加水機係隔離所以我地冇茶冇水可以即刻自己黎呢樣我倒覺得幾好因為有時要等侍應加水都有排食物質素整體都算滿意而且份量不少所以性價比幾高我地人均食左$234, 好飽WEEKDAY 唔多人, 全場得5,6枱人, 所以我地都坐左成2.5 小時, 好盡興呢一個可以再回頭小話題, 樓下有兩個入口, 左邊有一個坐LIFT, 右邊係商場入口坐扶手電梯左邊其實是後門, 要再推門再推門先入到去右邊就直接上兩層就見到正門, 靚D可以注意一下➽酸菜 $16正常發揮➽海蜇手撕雞 $58以呢個價錢黎講份量好多, 滿滿既一兜但係好凍, 應該係直接係雪櫃

隨住牛頭角越來越多新商廈, 美食沙漠都多咗好多選擇, 今次一行八人提早訂位, 飲茶食lunch都坐得舒服食得暢快話明飲茶就點少得點心, 叫咗香茜叉燒腸粉、鮮竹牛肉球、流沙奶皇包、蒜香蝦春卷, 全部都中上水平, 反而點心唔少得嘅彩虹蝦餃皇同碧綠燒賣皇就色素為主, 味道係好但唔整色整水賣平幾蚊會開心d廚點就有鹹菜枝竹炆豬肚同海蜇手撕雞, 2樣都唔錯無論係新派定傳統潮州菜, 鹵水併盤都係必叫, 今次叫嘅鹵水鵝四併盤有鵝肉、紅腸、五花腩肉同雞腎, 配埋鹵水蛋同豆腐都幾豐富, 滷水汁味道醇香但少少鹹潮州雙棗 - 呢到雙棗係蝦棗同蟹棗, 夠爽彈, 要雞蛋挑雞頭就係炸得偏乾少少同唔夠鮮味欖菜肉碎四季豆 - 四季豆有挑豆莢筋, 有落足欖菜同肉碎去炒家郷咸肉炒麵線 - 唔會太油或者太鹹潮式糖醋麵 - 原本係上海蘇浙地方傳統麵食, 後期潮州版改做雙面黃, 將蛋麵兩面都煎香, 蘸點陳醋同砂糖食要留意返除咗茶錢, 酸菜都會收錢

於10月16日前往晚膳，由於之前曾經食過，潮州食品不是太正宗，但仍可接受，所以便再次幫襯。由於上一次去時，曾經有位經理表示幫襯兩支啤酒可以免開瓶費。所以今次去時，朋友帶了兩支紅酒諗住叫兩支啤酒後可免開瓶費！於是便問其中一位著西裝經理，點知他的態度甚為囂張，叫我哋搵番上次邊位經理有咁講，叫我哋問返佢，最後我哋當然不會糾纏，我哋來食飯只係想開心，所以最後都係叫了幾支啤酒算了！今次寫我哋只是想反映一下．就算唔得，態度都可以客氣一些向顧客解釋的！另外，他們亦都冇主動提及客人用匯豐信用卡有八五折優惠，當我主動問他要時只是話係，所以我都覺得佢哋公司不夠主動向顧客提供任何優惠建議，這一點亦都可以改善一下！

味道質素ok但禮貌大大欠奉，不論樓面男女都係、請正視一下，只站在你旁邊吹水傾計，嗌佢哋幫手就晦氣回應。一心一家人黎做節但要老人家一同受氣，為乜？ 家陣唔係食你啲特價菜式吧😡😡😡

之前食過一次，覺得啲點心幾好，記得嗰啲滷水拼盤有少少搵笨又麻麻哋好食，今次就冇嗌！ encore左啲嘗試覺得好味，同埋今次見到新出嘅菜式侍應落漏咗瑤柱凱美雜菜材煲，不過算啦都夠食蝦春卷幾香口腸粉同上次一樣幾好味，個皮煙煙韌韌！唔會大林又唔會太彈金錢肚今次感覺唔係幾新鮮，底下嘅蘿蔔強烈酸味，上面嘅都怪怪地叉燒包小點好抵食！非常大粒蝦餃變咗彩色，都係噱頭～不過我覺得冇乜特別，同埋有少少油係我要求高姐本身再想食嗰個紅菜頭帶子餃， 不過已經唔見餐牌上有佢乾蒸牛肉原來係類似牛肉球嘅嘢，或者應該叫佢牛肉燒賣，我仲以為係一片片嘅蒸牛肉不過佢唔會好肥膩，怕肥嘅我都接受到佢有好少見到嘅蒸蘿蔔糕，因為材料簡單而且成本低，所以係中點！你見到一條條蘿蔔條係表面，仲有好多臘腸粒，入面就冇蝦米嘅，不過純粹想食蘿蔔。嘅感覺都幾正雞扎亦都非常足料，有兩嚿實用嘅雞件，一粒冬菇，同埋兩舊好厚嘅炸大魚肚不過免不了係有油蠔仔粥今次反而冇乜特別感覺，可能本身期望超級高！不過都好味嘅 只係覺得同上次比好似少啲蠔仔呢個點完1分鐘都冇就拎上枱，好明顯係雪咗好耐等埋出去，所以食落都係麻麻哋新鮮而且好硬環境幾好，又有得自助煲水，不過唔知

原先六月嘅慶生飯拖到而家😝又要就呢個就果個，跟住又接連有人中招，結果都係未齊晒人。都冇辦法照食左先，橫掂下個月會再食。其實都係象徵式名義上慶生飯，其實都係一個藉口一家人出嚟食餐飯姐。選址由壽星女決定，其實都唔係就佢想食乜嘢，都係就老人家姐。一路都以為地點近觀塘地鐵站原來係近牛頭角站多啲，不過話晒都係工廠區完全冇諗到呢度會有一間食潮州嘢重點係質素都唔算差性價比相當高一行八個人，就嚟九個啦🤫🤫響等齊人之際小姨甥仔好似好肚餓咁，所以食住前菜先，我推夾咗啲花生食點知食完之後佢話唔好食（因為唔係佢食開嗰啲脆卜卜花生🥰😅笑死大家，到其他家庭成員到，佢叫人哋食花生話因為佢唔鍾意食，再次引到大家哈哈大笑😂）我哋呢個家庭大部份主張寧願嗌多唔好唔夠飽，由細佬發板先嗌咗九樣嘢，嗌到個侍應都覺得要停一停😨可能驚我哋食唔晒啦！我覺得呢個行為幾好喎又，唔好做大嘥鬼呀嘛！雖然結果我哋之後再嗌多咗兩樣嘢🫣人哋心諗你哋班死餓鬼。😝先來菠蘿咕嚕肉（壽星女話去到邊都要嗌嘅咕嚕肉🤪）、滷水鵝片、普寧豆腐、啫啫芥蘭、上湯菜心、炸蠔餅、豆乳雞同炸蝦蟹棗。咕嚕肉不過不失啦，滷水鵝片略嫌太薄身，普寧豆腐都係一般嘅菜式，當然蔬菜類亦都

牛頭角高質中式酒樓，餐廳環境寬敞，裝修雅緻，採光好，景觀開揚，餐牌多選擇，食具、桌椅和環境均乾淨衛生，距離地鐵站幾分鐘腳程，地理位置亦很方便。彩虹蝦餃皇不愧為蝦餃皇， 皮薄餡靚勁大隻，唔係啖啖肉，係啖啖蝦，勁足料，蝦餃皮亦好靚， 名副其實色香味俱全。北菇棉花雞雞肉超級嫩滑， 分量多，有好多嚿滑雞，北菇同棉花都好入味，口感又好。荔茸帶子盒（2件起）師傅好功夫，外酥內軟，調過味嘅荔茸同帶子好夾，盒外香酥脆，盒內綿密嫰滑。總結： 酒樓裝修仲好新淨， 座位舒適寬敞，食物質素好，價錢合理，性價比高，而且侍應招呼殷勤，親切主動。

忽然想食蠔仔粥，搵到呢間新式潮州菜館，就去試一試。坐低冇幾耐，店員就送上熱茶、酸菜花生。呢間菜館有自動加水設備，幾方便。潮洲蠔仔粥 $42/碗呢個蠔仔粥好好味，一啲都冇令我失望😍超足料，好多蠔仔，每隻都脹卜卜，鮮甜美味😋。除咗蠔仔之外仲有碎肉、冬菇絲、方魚塊、仲有啲馬蹄粒同埋蔥花，好好味，夏天食幾舒服👍🏻荔芋香酥鴨$138個樣有啲似懷舊點心嗰款芋角嘅長方形版。呢個菜幾花功夫，佢下層係拆咗骨嘅鴨肉碎😍，配上香茜、爽脆馬蹄片，然後上面鋪滿口感棉密嘅芋泥😋，兩層夾住一齊炸到金黃酥香，食嘅時候配上柚子醬，減少油膩感。醬燒菠蘿蝦球 $108蝦球超級大隻😍，熱辣辣，外面有好薄好薄嘅脆脆炸粉包住超級爽口彈牙嘅蝦球😋，配上特製嘅醬汁少少酸辣，半碟仲有焦糖燒菠蘿，好開胃。銀杏芋泥$28呢個甜品清清地👍🏻，熱食嘅，好夠熱，係真材實料嘅芋泥，口感非常棉密，真係一啖一啖食緊好多芋頭，芋頭控不容錯過😌

月初的時候去到牛頭角,發現觀塘海濱公園附近,有一間金碧輝煌,外表吸引的潮州飯店。即使人少少,也入內嘗試一下。雖然我不是潮州人,但是喜歡潮州菜式,覺得它鮮香得來又不會太油膩,調味醬料多數帶有酸甜味道,非常合我口味。因為外面天氣炎熱,晚市一開我們已經入座,其他客人還未到達,所以當時非常清靜,可以清楚看到這裏的裝潢光猛潔淨。每張餐桌旁也有一個小櫃枱,放上自動注水滾水機,方便客人隨時添加熱水。雖然這個科技並非第一次見,但是飯店把它引入,實在是方便得多。正所謂水滾茶靚,熱水對於潮洲菜來說非常重要。因為只有兩個人進食,所以即有很多菜式也想嘗試,結果也只好選擇一些最想吃的。已經很久沒有吃過椒鹽九肚魚,所以忍不住也要點它。炸粉不會太厚,咬落鬆脆,九肚魚好像會在口中分解一樣,柔軟而且充滿魚香味。最重要的是,它的軟骨也可以直接吞落肚,怕魚骨的人也不用擔心,可以盡情享受吃魚的樂趣。另外一樣平常少吃的就是普寧豆腐。這裏的醬汁和以前吃過的有點不同。因為今次是炸豆腐,為免吃的時候口感太乾,所以普寧醬汁比較多液體,而且帶有清新的香草味,將炸豆腐熱氣的感覺一掃而空。鬆脆的炸豆腐配上這個普寧醬汁,絕對是錦上添花。接着出

媽咪喜歡飲茶，今日和她來到觀塘駟馬拖車潮汕飯店嘆潮式下午茶。餐廳裝修雅緻，每枱都有膠板隔開作防疫，好貼心。而每枱旁邊都有自助入水及煲水機，食客可自由加潻熱水，非常方便。我們叫咗幾款傳统點心，蠔仔粥和手撕雞。點心味道一般，沒有驚喜，要讚蠔仔粥，超多蠔仔，材料足，好有潮洲風味。而手撕雞都唔錯，配上海蜇及麻醬，非常惹味。此外要讚下服務員，大都非常殷勤有禮。客人坐得舒適，食得開心。下次再來晚膳，嚐嚐其他潮洲菜式。

坐得舒服嘅潮州打冷菜館👍🏻同朋友聚舊，佢鍾意食潮州打冷，但一般嘅潮州菜坐得唔係太舒服，所以揀咗呢一間坐得舒服嘅潮州菜館試吓。餐廳環境很好，裝修別緻，有一點高級中菜廳啲感覺，一入餐廳侍應便即時遞上奉上熱茶，餐牌，我們點了煎蠔餅、蠔仔粥、雙面黃、滷水拼盤、沙茶醬炒芥蘭，點菜的時候侍應很細心，問我們煎蠔餅想要煎還是炸，我們怕太熱氣所以選了煎的，首先來了煎蠔餅，一上枱就聞到撲鼻的香味，蠔餅入面除咗蠔之外還加了一些蕃薯粉，煙煙韌韌好惹味，之後來了雙面黃，這個菜式是我朋友推介，這是一個傳統的潮州菜，食落外脆內軟，點一些糖醋一起食味道不錯，之後來了滷水拼盤，裏面有滷水鵝肉、豬腩肉、紅腸、豆腐、蛋，這個滷水汁都不錯幾入味，之後來了沙茶醬炒芥蘭，芥蘭的味道不錯很爽口，配埋沙茶醬很香口，最後便是蠔仔粥，這個蠔仔粥除了蠔仔之外還有一些方魚碎，這個是眾多菜式最出色的一樣，很香口，雖然很飽都忍不住吃完，這間餐廳除了食物質素好好，環境舒適，而且價錢合理，可推介俾鍾意食潮州菜嘅朋友☺️