高高酒家 (已結業)

6月份食家姐生日飯，大家一致覺得好食，所以一早已經決定9月份再黎食，慶祝我呀仔18歲生日，相隔幾個月，水準仍然保持得唔錯😍真係最欣賞果個雞煲翅，好正！👍咕嚕肉都係整得好好味道，外脆內軟😅今次味菜鵝腸就味道一般，同埋碟鵝腸都無剪開😍海鮮孖寶：清蒸海斑+豉油皇蝦😋超級好味道！無得輸！不過落單果時我係分別落單，個店員又無同我講有孖寶，幸好有個收銀姐姐，幫我地改返孖寶價錢，當然份量就少左啦🤣👍黑松露炒帶子：壽星仔指定要食，不過佢只係食晒啲帶子，留返啲翠肉瓜搵人幫佢埋尾👍蒜蓉炒油墨菜：最後加單既一道菜，點知成碟都無食過，打包返去益樓下保安，雖然無食到，但都見到炒得幾靚！😅泡椒魚卜：我對辣有極度狂熱，不過呢兜有其色無其辣，同埋魚卜好un，而且又唔辣，所以吸引唔到我，相反之前食過兩次薑蔥魚卜好鬼正！最開心就係一家人齊齊開開心心食餐飯，因為家中兩老都唔想出街，今次就我地班【後生】自己慶祝🤣大家又估唔估到邊個心心人係壽星？邊個又係我呢個吃貨呢？🤪🤗埋單$1500有找，多謝咁多位老闆🤗歡迎下次再光臨🤩

招牌菜鹹香雞，味道剛剛好，雞肉嫩滑！芥辣牛柳粒同外面的店有點不同，芥辣醬佈滿整粒牛柳粒，好惹味！野菌浸菜苗，魚湯味道濃郁，野菌有炒過有香香既菇味！菜苗都好新鮮！最正係炸豬手，點芥辣醬送啤酒一流！員工服務態度親切友善，會再幫襯～👍🏻👍🏻

今天是農曆七月初四！40多年前專登早10日出來看世界，做個真真正正的唐人唔做鬼妹，要先多謝車公公、婆婆的養育及愛護之恩，更多謝幾條冷好友於月頭已跟我預早慶生！ 地點選了太子的高高酒家，最喜歡地道飯店的率性，沒分寸前的我可以沒顧忌放任笑和吃！ 幾條冷成員出動美酒少不了！我帶了格魯吉亞陶罐紅酒，少了木香但果香更盛，其它是好友們帶來的白酒及我愛C的Rose Moscato！ 飲杯！多謝各成員的生日祝福，我也希望大家身體健康、生活愜意，無憂無慮！ 菜式方面不是離地的好吃！但穩打穩紮的味道算不賴，對我來說最重要是飯腳，先來送酒良品鹹豬手色澤粉嫩非常，皮也算脆肉質也不俗，配酸薑很合附中菜特色！ 蝦籽柚皮賣相飽滿，吃下質感十分實在，只是略嫌不夠香口！ 豉油皇鵝腸質感是沒問題的！但真的鹹到一個點啊吃了一條我已放棄！！ 砂鍋龍躉翅熱呼呼的上檯很惹味！龍躉翅群邊充滿骨膠原，喜歡吮骨的朋友必愛！ 油鹽水花甲不過用的是蕃薯蜆，味道很鮮甜最重要乾淨無沙吃得舒適！ 招牌鹹雞金黃色的雞皮很吸睛，吃下鹹雞滿有鮮甜味鹹度亦自然，吃得很舒心！ 魚翅海味雜菜煲很夠量，内有大量雜菜、粉絲，還有不少魚翅群邊及海味，清新中帶

人大了，閱歷告訴我們人生最珍貴的不再是車、樓、金錢等物質。 因此，我們將最最最要緊的身體健康、平安快樂之祝福送您，生日快樂 Maggie～ 為八月壽星生日飯的事前籌備工作可謂一波幾折，最終我們還是趕上並安排妥當！於是大家又如常自攜美酒赴會，壽星更帶來格魯吉亞的紅酒分享 （右邊）。據上回的「聚興家」，今次選址也是大廚們熱愛宵夜的熱點 — 高高酒家！我愛「高高」這親切的稱呼，直接反映「高高」親民的路線。 Cheers，Happy Birthday～ 「高高」有不少惹味與香脆的招牌食物，正好迎合我們要嗒幾杯的要求。先來的炸豬手，粉紅的肉色與粉紅的酸薑非常合拍，而且可以互助制衡，所以多來幾件也不擔心！ 不得不讚炸豬手做到皮薄、酥脆，豬手肉鹹香幼嫩，入口乾爽而不油，具水準之作！ 第二道是工夫兼懷舊菜的蝦籽柚皮！柚皮夠厚夠挺身、口感不錯兼沒有澀味，唯蝦籽未算香濃、入味程度則一般，而芡汁略嫌過稠。我不愛過度腍軟的柚皮，「高高」的絕可放心進口！ 鵝腸是壽星女的至愛，於是要來了豉油皇鵝腸！一入口，鵝腸即釋放出新鮮爽滑的本色，鵝脂來得恰好，不會吃得滿口肥油，正合我心喜好！唯豉油皇鵝腸缺乏鑊氣與焦香，相對較

今日同幾個朋友去高高，叫左好幾樣小菜，都幾好味呀。避風塘瀨尿蝦 - 瀨尿蝦已經去左殼，炒得好乾身，又幾惹味喎！值得一食！豉油王鵝腸 - 難得朋友都食鵝腸，梗係要食啦。都炒得幾入味，而且鵝腸都幾爽脆，唔會太肥膩，不錯呀。冰川無骨咕嚕肉- 真係好大碟呀！用好多冰去冰鎮住，d咕嚕肉又唔會搞到淋晒，都幾好。黑椒薯仔牛柳粒 - 好入味同惹味，就連薯仔都好好食！其他餸菜包括黃金桶蠔，翅群海味什菜煲同埋西施海皇泡飯。樣樣都唔錯，桶蠔真係好肥美，什菜煲真係有好多翅群，海皇泡飯又足料。整體真係唔錯！

一早訂左枱於某星期日晚上6:30pm, 入到去講番訂枱資料，店員望都無望張訂枱紙(佢成張訂枱紙貼在柱位當眼處，我一眼就望到自己個booking)。就話你呢個人數，上樓上啦。但明明地下呢層只得兩枱客。原來佢間店係嗰種夾硬於樓頂加個好矮嘅閣樓嗰d。上到去，另一個店員問我地幾位，然後叫一枱已經開左茶準備叫餸嘅客座另一張細d嘅枱，然後我地座人地呢張，明顯座位安排完全亂黎。全層座位好迫，頭先被轉枱嘅客係要對正部分體式冷氣個出風位食飯，部冷氣係近到就在座底後嘅頭頂位，佢地狂話凍，但可能心知大家都靠呢部冷氣，佢地完全無要求熄細d或其他，好偉大。我同後面張枱個客係互相肩並肩而唔係背對背，有枱客直頭係要座入一個樓頂係斜三角突出黎嘅貨倉位，都幾離譜！講番食物，以為佢個脆豬手好出名係必試，點知，落完單唔夠一分鐘已出菜，已心諗不妙，結果皮韌完全唔脆。😖😖其他餸菜不值一提，全部都好油，成晚唯一好味嘅係冰鎮咕嚕肉。食到後期，大概係我地入座後一個鐘左右，見有顧客同店員交渉，然後望住我地張枱，跟住老闆親身上黎，話唔好意思，然後攞左我地張食物咭，簽個字，然後話免晒我地叫嘅白飯，話唔好意思，對唔住，然後攞左我地張單去埋單

Waste of time going to this place. Whether or not you've made a reservation there is absolutely no difference. We booked for a table of 16 for a birthday 2 days ago. Reconfirmed with the a day before, got there on the day and was told that they were fully book!!!!!! They said we could go to there other branch which is another 10 minutes away and promised there would be a table waiting for us when we get there. ok, so another chance is given. What happens! Everything was yet another diss

訂了枱也是在門外等..沒有紀錄訂枱資料只說靠腦記...有枱用餐完了、出來問邊個4位邊個8位但不是跟訂枱排序叫人入去..有好多4位咁...個個都話訂左枱咁點處理呢？邊個入座先呢？沒訂枱又沒派飛亂到呢完全沒有次序..最後放棄唔幫襯

尋晚星期六同同事食完，覺得好好食👍今晚星期日晚再食，同家姐慶祝生日🎂今晚訂左6位6:30同家姐食生日飯，呢餐真係食飽飽，而且好好味😋尋日一早已經訂左6位既雞煲翅，每人一碗，雞湯超級味濃，魚翅大大塊，好足料👍正！豉油皇鵝腸超級好味！入味爽口夠彈牙😍我同呀仔姨甥女食唔停口頭抽蝦～呢個太好味道喇！我食左4-5隻，真係唔夠喉，大家都讚好好食👍👍👍咸香雞～好入味！唔做點薑蓉都好好食，不過賣相就差過星期六食果晚😋脆皮咕嚕肉～又係要大讚！真係皮夠脆，而且啖啖肉椒鹽豆腐～細細粒好入口，不過稍嫌唔夠味道！但豆腐都嫩龍躉一味兩食星期六食過龍躉煲，都覺得好食但感覺太膩，今晚改食兩味，兩味都好食，但我偏愛蒸煮法👍椒絲腐乳通菜～今晚最浪費係碟菜，差唔多無郁過，成碟打包返家做宵晚，今晚通菜炒得差過尋晚🤪整體講就係好食啦！埋單$1700#可惜酒家無辣椒油（潮式辣椒油），只有普通的無渣純辣椒油，下次我再黎食要自備私火野喇😎

原本想訂另一間店，但某些原因來了高高。據知此店新開無耐，菜式與一般酒家無太大分別，但估唔到質素卻非常好。先點了3碟椒鹽少炒（九肚魚、雞骨、豆腐），全部都咁乾身，而且用料、份量足，尤其丸肚魚，用料食得出夠新鮮。之後負責人介紹我地食避風塘瀨尿蝦，本來都無乜特別期望，點知上枱原來係拆埋肉，正！啖啖肉無得頂。再黎叫左芥蘭煲、冰川咕嚕肉、小炒皇，全部都係水準以上。食完大家意猶未盡，再叫多個糯米飯、炒麵，加多半隻雞。麵、飯都ok, 雞就買相差少少，但味道搭夠。整體黎講非常超值，6個人食咁多野，埋單都係1,400有找！