高高酒家 (已結業)

一班麻甩仔,收工最好就緊係啤啤佢大排檔絕對係不2之選但有女同事在埸,大排檔始終又係比較污糟左小小既高高酒家滿足哂大排檔風味,以及有返小小裝潢同服務4丁友,叫左四樣野,同大家介紹返啦呢到^﹏^脆皮炸豬手:略為乾身,味道十足,送啤酒不無輸黑椒薯仔牛柳粒:重口味之餘,份量絕對足料,又係果句,送啤酒一洗..HAHAHA避風塘炒蟹:夠惹味,夠鑊氣,比較咸,夠哂避風塘FEEL啫啫通菜煲:食肉獸之後,要黎D綠色平衡一下,即埸炒,香氣十足又唔會老,正總結:環境算叫乾淨,當然可以再好一點價錢合理,一般酒家貴小小既價格,但份量俾返多小小放工有女同事想食野啤啤去,又唔想太污糟既話,可以選

我上次都已經食過旺角嗰間啦，但係因為距離地鐵站好遠所以今次我就選擇咗太子呢間，因為地鐵站行過嚟都係5分鐘左右，對我呢啲住港島嘅人方便好多！同埋佢係收凌晨架所以我哋返零售收工黎食都得呀！我囡囡又覺得佢最出色嘅就係冰鎮咕嚕肉，外面凍冰冰好脆口，內裡又暖笠笠真係好好食！黃金蝦球都好香鹹蛋味不過食完就覺得有啲濟。其他嘢食就同大排檔差唔多啦，不過佢哋嘅水準都唔錯架可以去試吓。如果大家慶祝生日佢哋係冇切餅費㗎

一大班人聚會最好係去食中菜雖然作為一個港女係好鍾意打卡呃like，但如果純粹講食，個人其實係鍾意實而不話嘅平民中菜貪佢有鑊氣，夠濃味同埋一班朋友傾計吹水都可以奔放啲黎高高必吃招牌冰川無骨咕嚕肉炸米網蝦卷, 酥脆, 要趁熱食整返個炒龍躉, 龍躉片好似少啲兩味, 蒸嘅魚皮果種膠質更突出黑椒薯仔牛柳粒, 本人好鍾意食牛柳粒, 因為方便食, 配埋薯仔好香口豉油皇鵝腸, 不過不失最後單尾來個炒飯, 炒米飽飽但飽極都要食甜品, 炸湯丸, 唔係度度先到如果可以炸脆啲仲正

每次去親大南街酒吧飲酒都會叫依家高高送外賣過嚟，原碟上唔會用外賣盒夠環保👍🏻上次食過佢嗰個冰鎮咕嚕肉，上菜嘅時候係幾震撼，因為好大隻碟好多冰，但係冇乜咕嚕肉，咁好食嘅就貴精不貴多，可以食埋啲冰，冰都有甜酸汁...今次就叫咗普通咕嚕肉，因為價錢都相差$30 ，而且仲有菠蘿食比較化算，另外就叫咗半隻霸王雞、炒芥蘭同埋瑤柱蛋白炒飯，四個人食啱啱夠😋中菜我就最鍾意食菠蘿咕嚕肉，係我必食嘅小菜，我可以話自己係咕嚕肉嘅專家，依間菠蘿咕嚕肉做得非常正宗，值得推介👍🏻霸王雞就有一個通病，就係為咗保持雞肉嘅鮮嫩往往中間都係好多血，唔夠熟炒芥蘭唔算太多油，幾好👍🏻每次叫依間高高嘅單尾都係依個瑤柱蛋白炒飯，好食😋

一大班朋友相約飯局, 大家都想食中菜, 其中一位提議去高高酒家, 貪夠鑊氣.好彩一早打去訂了位,  未夠七點已經有八成入座率,  服務員很快安排座位入坐,看見牆上貼滿各樣菜牌 食物照片, 這就是香港街坊飯店的特色.來得這裡用膳, 每枱例必會叫冰川無骨咕嚕肉上桌時，服務員會提醒我們侍一分鐘左右先起快，這樣做會令咕嚕肉的外面更加脆，果然無介紹錯，外凍內熱，肉也很軟腍另外叫了呢間菜館力推的特色小菜避風塘瀨尿蝦肉成碟滿怖很香的炸蒜味，我們要在黃沙中尋寶，啖啖的瀨尿蝦肉，非常野味值得一提係脆皮炸豬手豬手的肉唔會太鹹，啱啱好，皮十分脆，送啤酒一流話明是街坊小菜館，當然沒什麼光鮮的大裝修，不過環境係衞生乾淨的，這點可以放心。只是當日隔離枱有幾個大叔嗓門超大聲，真係吃不消，沖沖吃飽，埋單走人。

呢一間酒家都唔係第一次幫襯，雖然環境唔係稱得上好好，但勝在食物好味，價格相宜，所以最近幾次嘅家庭飯聚、做節或朋友聚餐都選擇係呢度媽媽住喺葵涌區，佢平時只會去荃灣區用餐，冇乜必要都唔會離開呢個地區，佢話荃灣區已經大把嘢食，唔需要去到咁遠！但自從佢去完高高酒家食過後，佢竟然主動話下次可以再嚟，可想而知佢對呢一間酒家有幾喜愛今晚一行7人又去咗高高酒家補祝母親節，每次去高高酒家都會必叫冰川無骨咕嚕肉及避風塘賴尿蝦肉，身邊朋友或屋企人都對呢兩道餸讚不絕口，今次當然都唔例外要order呢兩道餸啦！除咗呢兩道餸，我哋仲叫咗六道餸，包括豉椒炒花甲、黃金桶蠔、拍薑芥蘭、黑椒薯仔牛柳粒、高高小炒王和紅燒豆腐煲，媽媽對所有菜式都好滿意今晚7個人總共叫咗八道餸，又叫左幾枝啤酒，又自備蛋糕，但埋單都唔過$1500，又唔收加一服務費及切餅費，真係好抵食

相約咗朋友出嚟聚會，朋友介紹這間高高酒樓，酒樓環境是舊式街坊小菜的酒樓，但內裏乾淨衛生。 朋友話這裏的街坊小菜有鑊氣又有特色，做得唔錯所以專誠約埋我們一齊品嚐一下。 小菜品種選擇都較多，今次我哋選擇咗小炒王，因為朋友每次必定order這個小炒王，配料好足除咗韭菜花主打外，配有蝦乾芋絲炸花生 真係做得好美味有鑊氣。這個冰鎮生炒骨上枱時鋪滿冰塊， 上枱時好似只係一盤冰塊，賣相就不是很吸引，但內裏的生炒骨非常酥脆又美味。這個椒鹽瀨尿蝦， 瀨尿蝦完全剝曬殼，雖然不是大隻瀨尿蝦，但隻隻瀨尿蝦剝去殼，啖啖肉做得好香口。還有這個砂鍋薑蔥魚卜，我是第一次食魚卜，平常都會覺得魚肚腥味， 但這個做得好香脆惹味完全冇腥味。整體這家小菜真係做得幾出色，朋友冇介紹錯

遲左打comment年三十晚團年飯， 家姐介紹呢間高高餐廳好好食今日去到已經係好多人 ，book咗位唔使等即刻入坐低見到已經好多人叫呢個 冰鎮咕嚕肉連婆婆最嘴刁嘅都話好好食好夠創意， 食落去外凍內暖 ， 皆因我哋十五人食到唔夠再叫喉多一碟， 冰鎮咕嚕肉之後仲叫多啲豬手唔好睇佢買想咁簡單， 師傅煮得過味道啱啱好唔會太鹹， 豬手啲皮好脆不過諗住叫埋個羊腩煲， 佢話要叫就快啦，得返一個，我哋叫咗等咗七個字都未有原來係漏咗單 。最後嗰個畀咗人 。。。不過唔緊要啦嗰日真係太忙太多人呢間飯店可以再黎

這次去了太子一間新開的酒樓起初也不抱有期望 只想快快吃完就走😂看看餐牌 就看到冰鎮咕嚕肉就覺得新奇所以就點了一個及避風塘賴尿蝦肉 和雜菜煲😁一來到這個冰鎮咕嚕肉 的賣相就已經令我喜出望外 ，真的用冰埋著 。然後心裏想這道菜好看不好吃，吃了一口情況竟然相反，肉脆而且香口 。非常推介👍🏻👍🏻👍🏻👍🏻到避風塘瀨尿蝦肉👍🏻👍🏻👍🏻也非常好吃 肉嫩而且 多肉 最重要是他起了肉不用剝殻😋😋😋價格便宜 扺吃👍🏻👍🏻👍🏻餐廳環境不錯 不過餐廳位置有點難找😕下次還會來值得一試🤗

上星期五專登去深水埗高高酒家試菜, 由於是朋友極力推薦介紹之下, (因為她跟老板熟悉), 話這間酒家的菜式很美味, 價錢又合理, ....那晚叫了幾個這間酒家最特別的幾樣菜式嘗試,  分別有(1) 冰川無骨咕嚕肉, (2) 避風塘瀨尿蝦, (3) 招牌咸雞, (4)欖菜肉碎四季豆, 老實話, 期望愈大, 失望愈深,  環境衛生已經不計較好差之外, 侍應服務(None  ), 食了他們所謂鎭店之寶必吃的_避風塘瀨尿蝦更加失望, 瀨尿蝦的肉不新鮮之外, 也不好食,  肉質很潺, (喔)  冰川無骨咕嚕肉只是加一大堆冰灑在咕嚕肉上碟,  味道普通, 只是玩下卓頭而已 (喔),  其他兩個菜也只是不過不失,  在進餐其中, 只見侍應不斷摧促隔離枱的客人埋單走人,  見到都心煩, 而我們兩人只是食了50分鐘, 還未食完就已經被迫埋單走人,  一個小時未到已趕客人走,  價錢一點都不便宜,  非常失望, 我絕對不會推薦這間高高酒家給朋友去食, 試過一次就受夠了. 

壽星女擇左呢間上網評論不多的酒家，一早打電話Book 定枱，一開始大家都諗唔知好無食呢？當食完之後，大家一致話樣樣野都好！食！難怪全場爆滿，好熱鬧 ！原來呢度仲要開到凌晨三點，幾夜黎食都無問題！絕對係晚飯好地方，超推介！呢度有兩層高，員工安排我地坐上層，一直會有員工長期企喺到負責上層，所以唔怕叫極都無人！而且上菜速度都好快！冰川無骨咕嚕肉一上碟員工已提示等多一陣先開始食，原因係錦樣外皮先會好似冰錦脆口，果然一咬落去外皮勁脆！酸酸甜甜，咕嚕肉好軟腍！外凍內熱的口感超掂大家一齊喺冰塊堆尋寶避風塘瀨尿蝦超好味！！用勁多炸蒜炒勁重蒜香味，咬落好香脆有少少辣！好惹味！最重要係瀨尿蝦一早去殼！咬落去真係啖啖肉！！招牌鹹香雞(1隻)只需要用 兩個字形容！椒鹽炸豆腐外皮脆薄，內裡的豆腐好滑溜！！

好耐之前朋友介紹去高高酒家必試冰川無骨咕嚕肉，今日同朋有行完街經過就黎試下咩料子啦！一黎到就係放滿哂冰，店員話黎到要等1分鐘先食得，1分鐘好快就過左啦！可以食喇！食落帶脆口，同平時食既咕嚕肉好唔同！係幾好食！加上無骨既關係 好快KO! 係幾好介紹！第一次食無骨既咕嚕肉！另外仲叫左脆皮炸豬手 豬手幾香口 唔係太咸 鐘意食豬手既可以一試最後再叫左個回味濃湯雞煲翅，又係朋友力推我要食呢個，果然不出我所望！勁大塊翅，真係好珍材實料！湯好濃郁！好值得一試！

親戚家人做冬團年，預早喺高高酒家訂枱全包宴！用心製作真材實料！店員全部都好nice而且好風趣😆冰川咕嚕肉勁大盤！賣相一流！一大碟冰大家喺度諗喺咩嚟，堂兄弟姊妹玩嘢話想食熱多啲喎🤣 冰粒底下就喺咕嚕肉同三色椒粒。三色椒粒爽口得嚟喺凍㗎！咕嚕肉喺暖暖哋，要襯咕嚕肉未變凍之前食哂先德🤣龍湯回味雞煲翅雞味濃郁，個湯好清唔算好油！仲有嫩滑雞肉同埋魚翅。超多料👍🏻👍🏻蝦子柚皮鵝掌柚皮好軟腍腍，入口即溶化。鵝掌好入味，推薦！避風塘尿蝦肉雖然有啲熱氣，呢個餸超級推薦！爽脆口得嚟唔洗剝殻，吸收哂椒鹽味道，肉質仲好粉嫩！生炆龍躉斑翅好香！竹枝紫蔥炆製而成，份量超大！斑翅超厚肉！肉質好鮮甜，而且魚皮好彈骨膠原超級豐富😍 啲骨好大條，唔怕食唔到骨，而且炆到啲骨輕易分開，交剪都唔洗出動。最後我食埋條魚尾🤣 果皮蒸南非鮑呢個餸最遲先至上，大家都食得飽飽了。果皮好香，鮑魚無咩味道，有啲靭。💛 推薦：避風塘尿蝦肉、生炆龍躉斑翅

太子這間高高酒樓最大吸引之處係免茶免加一，食幾多俾幾多都化算啲，我最鍾意呢度嘅冰鎮山炒排骨，食在口中冰火交融的感覺就係呢種，雖則非我心中最好食的Level，皮脆又未至於好脆那種，但還是不錯的。另外，神推避風塘賴尿蝦，重點是不用剝蝦殼，酒樓已剝好後才烹調，賴尿蝦肉直接落鑊炒吸收了椒鹽蒜泥等精華特別入味。仲有是孖寶都幾化算，我哋叫了蒸魚同聖子，當中原隻聖子鋪滿了蒜頭，香味十足，肉彈牙不錯。其實今餐計起條數每人二佰頭，晚餐來說是幾抵的。

經常都聽到男朋友介紹依間餐廳嘅食物, 今日終於可以有個好嘅理由, 約埋班同事去試吓, 慶祝中秋節之餘, 聯絡吓大家嘅感情。由於之前已聽過有咩食物好食, 所以都預先留咗三款食物, 其他食物就到店先點。我哋一行九人, 大約23:00先到達店舖, 店內依然熱鬧, 由於係節日嘅關係, 好多食材都已經售罄喇, 好彩我哋都仲有好嘢食, 全靠店員嘅幫助咋, 原本招牌鹹香雞已經售罄, 但店員為咗令我哋唔好失望, 主動到其他分店幫忙攞雞返嚟。佢哋真係好好啊。店內嘅員工每位都有禮貌, 而且風趣幽默, 令我哋有個愉快嘅宵夜時間。