魂 (已搬遷) 新店位置

日本人對於拉麵, 有著非常崇高的敬意。最初, 它只是由日本叉燒、荀、蔥花、醬油、麵條等簡單材料整作而成。但時至今日, 拉麵嘅口味越來越多樣化, 配菜和湯底亦層出不窮。自從「一蘭」和「豚王」陸續抵港後, 再無幫襯其他拉麵店了。原因是它們把拉麵推進到另一個層次。還有人可與之分庭抗禮嗎？今日就去試試同樣選址銅鑼灣的「魂」！賣相討好、材料十足。青龍湯底選用菠菜汁配上豚骨湯底製成, 味道甘甜不油膩。值得一試！把湯底一滴不留, 是日本人對製作者的一種敬意。

銅鑼灣鵝頸橋底有間細細既拉麵店，門面裝潢日式風味好濃。青龍 （$99）食拉麵唔知點解對d綠色湯底有種情意結。今次既綠色係菠菜汁湯底，湯底杰身，但菠菜味真係略淡。配上半個半熟流心蛋，蛋既熟度拿捏得岩岩好。仲有肥美既叉燒，同少量既蟹肉同魚子醬，份量唔夠唔太食得出。拉麵麵質幾有咬口，唔會太糊身。整體拉麵麵質唔錯，但味道好淡口。太極 （$99） 黑色既湯底係墨魚汁配豚骨湯，湯底略為唔夠濃厚，豚肉味未為濃郁。係叉燒上面有蟹膏同金箔，蟹膏鮮甜濃郁。叉燒口感肥瘦適中。總括不過不失。

前排去完日本已經好掛住個邊既拉面，日想夜想，搵左好耐最後決定黎試一試呢間都算幾出名既魂。黎到好好彩唔洗排隊。餐廳入面唔算大，坐位唔太多，但裝飾設計已經令我更掛住上次既日本之旅。總共有四款拉面。自己點左青龍，朋友就點左太極。麵質點左"硬"，而醬油揀"中"。青龍拉面。湯底綠色，係秘制菠菜汁配豚肉湯，一黎到已經聞到淡淡既菠菜香。湯底濃郁但又唔會好漏，而且加左菠菜汁感覺好似健康點。叉燒無太乾身都幾嫩滑，唔會太肥。蟹柳出奇地好味，肉厚而且有小小蟹香。玉子（溏心蛋）都係水準之上，食完想再追加多舊。麵質選左硬，所以唔會稔而且幾彈牙。另一碗係朋友點既太極。湯底係墨魚汁配豚肉湯。墨魚汁聞落無好香，但飲左一啖就覺得好有墨魚香味。重點係叉燒上味放左蟹膏，令成碗拉面更新鮮而且帶點蟹膏香。另外追加左木耳，十分爽口。由於呢隻溏心蛋令我有食完再想食既衝動，但又唔想俾錢追加，毫不猶豫咁食埋朋友個隻。整體黎講兩碗拉面湯底出色，麵質配料都有水準。可惜係老闆話拉面店將會搬黎銅鑼灣到九龍區。估計係銅鑼灣區租金太貴，小店難以經營。不過搬鋪後一定會繼續支持。

我與友人都好中意發掘香港地不同既拉麵舖，今次係鵝頸橋附近發現左 魂 ，清清地都幾好食，推介一下。魂 舖頭細細，不過都有四款拉麵，價錢都係公價，我地揀左太極同青龍。Menu有解釋湯底同材料，可以揀選麵嘅軟硬同湯底濃淡度，我就揀左硬同中，友人揀左雙中。青龍 $99菠菜汁加落豚骨湯做湯底，加上叉燒、玉子、蟹肉、魚子醬，非常特別。呢款拉麵係 魂 最特別嘅，每日六點後先有得食，每日限賣三十碗，所以要食到都唔係咁易。食落湯底真係幾濃菠菜味，會見到一粒粒嘅菠菜碎係入面，岀面幾難食到嘅一個味道。太極 $99墨魚汁加上豚骨湯底，一左一右，一黑一白，是為兩極。除左必有嘅叉燒玉子之外，仲有蟹膏同埋金箔。墨魚汁本身唔係一個非常濃味嘅醬汁，雖然我叫左濃味，湯底都唔會太濃清清地，有別於岀面濃到結身既豚骨湯。麵質係幼身款，掛湯一般，叫左硬都唔會太硬。有蟹膏嘅位置就會好味好多 叉燒半肥瘦都幾好食，入口未都即溶但係都溶到一半。食完同店主傾左陣計，原來銅鑼灣舖做到八月中，之後就會搬到太子，所有九月黎食嘅朋友就記得去太子舖啦！

第二次尼，今次食左火魂拉麵😋啲麵彈牙、硬度啱啱好，豬骨湯味濃郁，唔似出面啲味精湯整體碗麵唔會太咸，辣番茄味好開胃！流心玉子、叉燒都整得好好雖然價錢貴但係值得！

不嬲如果想食拉麵就會去一風堂/等得既話就去一蘭，或者去登龍街睇睇。個次去南洋酒店開完會，見隔離有間好family style既拉麵鋪，擺係門口啲拉麵相又吸引，就走左入去食。其實食開辛辣拉麵，都大概估到咩味，但我叫左既火魂，完全超出預期，有番茄味之餘，完全冇蓋過清甜濃郁既豬骨湯味，而且辣味亦好夾。可以食得出完全冇味精，因為我湯都飲曬都冇頸渴既感覺。 會來多幾次食厭火魂為止費時成日心掛掛

已經食過呢間拉麵幾次 覺得真係唔錯！我個人本身唔太鍾意食拉麵，之前食開味千同一蘭都覺得冇咩特別.. 但係試過呢間之後對拉麵大大改觀。魂拉麵啲湯好厚 非常獨到 湯雖濃，卻又不油膩，恰到好處，一食就知絕非係落味精。老闆話佢地嘅豬骨湯要每日煲9個鐘以上，同時又要保持湯新鮮同品質，所以自己每日都要好早起身製作... 聽講呢家店不久後將要搬遷，真係有啲不捨，到新店一定會繼續支持！未食過魂拉麵嘅真係務必要黎試下👍🏿

我每次想食拉麵、每次很自然便去了銅鑼灣「魂」拉麵、它的拉麵是不是全港最好吃的一間、我不知道、可能不是、這並不重要、只要我想食拉麵、我只去「魂」這一家。我每次都是自己一個人去享受我覺得最適合我吃的原味-魂麵、它是最原味的。每次吃它都勾起我過去在日本生活的點滴、有開心亦有不開心的日子。而這麵和我小時候在日本小店吃的一樣、味道一樣、感覺也完全一樣、毎次吃完都有一種說不出的特別好心情的感覺、這店除了湯的味道、麵的口感、蛋更是一絶、我連內心也極為享受呢。

今日同男朋友試食魂。三點左右去到，入面得兩個食客，唔洗排隊。我嗌左墨魚汁拉麵，男朋友嗌蕃茄辣拉麵。墨魚汁拉麵配蟹膏，蟹膏唔錯。拉麵嘅蛋都幾流心，但係冇調味嘅。墨魚汁仲未同湯完全撈埋，記得撈好再食。墨魚味偏淡，不過應該少啲味精，感覺幾天然。個湯可以濃少少。蕃茄拉麵，蕃茄味唔係好突出，一食落去可能會覺得好辣，但食多幾啖都接受到。個麵配三文魚，三文魚得好少而且都幾咸。仲有個麵同叉燒都幾少。枱面杯水好似放左好耐。值得讚係個拉麵造型幾靚。

舊友重逢，一切面目全非。無倫食物質素，叉燒變得硬口而冇味，湯底亦不如以往的味道。湯底係拉麵的靈魂……主廚已變成2位年青港人，侍應生亦變成港人大叔。更差的係廁所的濃烈氣味使人難頂，只吃了一半已失望失落地吃不下，走人……

聽聞呢間拉面店挺有水準，難得來到銅鑼灣就專程排隊試一試，晚餐時段等左大約20分鐘左右。魂拉面青龍拉面果然湯底味濃，拉面爽口彈牙夠掛湯，配料多，份量足。雖然拉面款式唔多，但專注用心做好每一款食物其實已經足夠！

昨晚7時左右來到店門前，見沒有人排隊感覺已有點奇怪，以為自己幸運剛巧沒有人排隊。 入店內落單一碗魂同另一碗青龍拉麵後，聽到一名女客人問店員取多一小碗湯店員解釋因為湯比較濃所以小湯？當麵來到我面前時一看有點怪感覺，麵湯很少，再用筷子一攪麵湯已吸曬，一口吃下去又干又硬，於事我又問女店員取一碗湯，女店員拿來一小碗湯倒了一半就問我夠未，我回覆她請全碗倒下去，她回應倒曬這小碗湯會變淡的？？為何如果同一碗是拉麵湯倒下去會轉淡呢？我再吃一口麵依然很硬，但我寫的單是要中度質感？再吃一片拉麵肉有點（益）味，真的很失望，以往食開味道完全不一樣，跟著再沒有吃下去就付錢準備離開，離開時問女店員是否已轉手啦！她回應是轉了老板，我自己終於明白不用排隊不是幸運而是味道變了客人通通都走了。

好耐冇嚟, 但我記很上一次嚟煮麵師傅同待應小姐都係日本人。一坐低, 聞到嘅唔係拉麵味, 而係廁所撈清潔劑嘅味道, 煮麵師傳應該係香港青年, 冇戴頭巾, 枱面唔係冰水, 戡水個樽舊得嚟帶點油積, 你望到已經唔會想斟嚟飲, 成間鋪, 我都唔知佢係日久失修定真係唔乾淨, 望到邊位好多積, 連木枱都覺得lup lup的。麵嚟到, 個湯唔係以前嘅味, 我唔會話佢唔好食, 但完全唔係以前嗰回事。依家嘅魂, 已經冇咗佢本來嘅靈魂。我埋單後, 待應小姐叫煮麵師傅拎盒壽司出嚟喺bar枱一齊食。我見到是有點O咀的, 主觀地覺得, 如果仍是日本人打理, 就算要食, 亦不會如此旁若無人, 又或者應該話, 以前係好生意到佢地根本唔會有空檔食。有冇人知日本師傅去咗邊? 景物依舊, 人面全非, 香港又少一間有質素的拉麵店。

係openrice見到咁多人like呢間拉麵店，諗住試下啦。進入拉麵店，感覺比較日式，香港寸金尺土，店內面積都比較「骨子」。當日店內都坐滿人，不過店內最入有2個位，就行咗入去，點知行到入去，有陣好UP嘅氣味，當時進退兩難之際，門口位置有人離開，即刻要求坐門口位。雖然位置係比較狹窄，有好味嘅嘢食，狹窄都係無傷大雅。點咗一個普通嘅豚肉拉麵同一個較特別嘅綠色湯拉麵，豚肉拉麵湯底都濃嘅，都ok啦。而綠色湯拉麵，其實我食唔出有咩特別味道，係比豚骨湯濃味d，都幾好味嘅！自問普通一個女仔，食量都算大，呢碗麵對我嚟講真係好少......最後要去食窩夫墊肚

今天母親突然說想和我嘗試一下魂拉麵，作為孝子的我😬😬，當然立即和母親去嘗試一下。我點了個太極拉麵，即是墨魚汁配豚骨湯。吃了一口，可能本人平常吃得比較清淡，感到湯底略為鹹了一點，拉麵也普普通通。對我而言，這碗拉麵不過不失。