魔膳工房 (已易手) 新餐廳

訂座時有備註是生日飯，而且是正日，但好像完全沒有用。。。隔離臺也是生日飯，不過就有迷你生日蛋糕。唔系貪D咩，只系成個氣氛唔同曬。菜式味道系唔錯，不過位置間隔就好窄。。。

因為朋友係觀塘返工，知道近幾年觀塘工業區樓上餐廳不斷開幕，所以上黎睇下各位有無好推介!一睇之下見魔膳廚房口碑不錯就係apps 到訂枱！咁岩係apps 訂的話，如叫set 仲送Cake tim! 今早訂，下午已收到餐廳電話confirm booking! 幾有效率。地點好近地鐵站，係鱷魚恤落扶手電梯右邊其實已經到。係門口仲有二拉架，唔難搵。不過只可以上樓梯，如行動不便既朋友要加多留意噢!!可能因為太多好評對間餐廳有較高期望，環境同佈置都好森林既感覺，仲有幾個大投影機播啲無聲嘅卡通片，大人細路都岩睇。枱與枱之間都有距離，大約七點半入場唔算多人，但到八點半開始滿客，好嘈，好似散唔到音咁。跟本聽唔到對面朋友講啲咩，佢講時辛苦我聽時更辛苦。因為有朋友遲來，所以我同另一位朋友就叫野食先。因入門口比沙律吧吸引，所以想加$38自助沙律吧。點知一加就要全部客人加。有點失望的是，因為我朋友唔想食沙律，得我自己食但要迫其他人都要加似乎有點夾硬黎。之後個男同事企硬話一定要咁，我地都沒辦法，只好放棄。不過整體都只有小貓一二枱客人加，可能都因為呢個問題而卻步。我地一共叫左三個Set, 但一次過上曬麵包，湯同主菜

今日放假，搵下九龍灣同觀塘嘅餐廳，諗住食個好d嘅lunch，就搵到呢間餐廳舖面同埋餐廳內嘅環境都幾好，裝潢都算特別👍🏻我地兩個人兩點鐘黎到叫左兩個餐，有餐湯，餐包同飲品。加埋自助沙津，份量就好足夠，可惜味道真係麻麻地，令我地大失所望。先講個豬肋骨，肉質好乾，食落好粗糙，完全唔juicy，有少少似食緊柴皮咁，主要係個醬汁叫無咁差，蔬菜又唔得，又凍凍地，味道好似唔係好新鮮薯角就一般貨色啦，所以成個主菜就淨係食幾塊薯角個海鮮意大利飯就更差，淡而無味，飯粒太大粒，完全唔似食緊意大利飯，好似食緊一pat爛飯咁，海鮮食落又覺得似雪左好耐咁整體黎講食物質素真係完全唔掂，唔會再黎第二次。睇左食評就黎呢試呢間野，但食物完全令人失望，可能期望太高掛，但呢次都真係中左伏，係得環境同服務叫好少少呢個價錢係同區可以食到更好嘅野食!!

很久沒跟朋友A相聚，她在觀塘碼頭上班，難得跟她飯聚，一定要選一間可以「磨得耐」的餐廳。近年，各餐廳於觀塘工廈湧現，印象中，價錢不比商場平宜，但勝在環境闊落舒適，食物質素不錯。今次，我們選了這家魔膳工房。走上一兩層樓梯，梯間牆上掛著一幅幅有些格調的畫，才看見正門，感覺有點神秘。店主的確用心佈置，營造獨特氣氛。餐廳的空間感不錯，餐桌之間不會太近，非常適合聊天。我們想專注交換最新近況，所以選了簡便的晚餐，而沒有點選是日精選或加沙律吧。南瓜忌廉湯南瓜味道清甜，忌廉不算太澀身的。餐包原先認為這家是較港式，對餐包沒有特別期望。 餐包竟然不是平日的西餐包，而是紅苺麵包。香煎帶子黑松露意大利飯帶子肉質算鮮嫩，意大利飯不會煮得過份𣺉身，保留到米粒中間的嚼口。蒜香牛油大蜆意粉蜆肉有姆指那麼大！肉質爽口。意粉非常爽身，軟硬度適中，帶輕微辣度。整體來說，我們都幾滿意，尤其可以坐得舒舒服服，慢慢邊吃邊傾。飯後點了一杯檸蜜，潤一潤口，圓滿！

又黎到觀塘發掘下工廈有d咩好食，今次去左一間好近地鐵站出口既魔膳廚工房食lunch。門口好普通簡單，但入到去空間感好大，中間有個小小既沙律吧，行過小小有個投影機同mon播片，再另一邊就係開放式bar位。午餐只係得set lunch menu，有一個餐包，羅宋湯/忌廉湯，一個主菜同一杯飲品。餐包係提子包，好軟熟。紅湯唔會太酸，白湯又唔會太稠，2款都好不錯。主菜方面，選了粉紅忌廉汁煙三文魚意粉。唔好以為只有意粉面幾片煙三文魚，忌廉汁入面都有好多三文魚肉，而且d汁好掛身，唔會稀稀的，加上車厘茄既小小酸味中和忌廉汁，食哂成碟都唔會太漏。另外一個主菜要咗紐西蘭西冷牛扒配薯角。牛扒要左七成熟，廚師煎得啱啱好，入面既肉仲係粉紅色，好多肉汁。跟餐配左黑椒汁，但我覺得牛扒唔需要點汁都已經好夠味！伴菜既薯角都非常好味，好厚實好脆。飲品加錢叫咗一杯凍mocha同熱檸蜜，檸蜜係正常味道偏甜。而mocha就有驚喜，好濃既咖啡味，又唔會太甜。 總括黎講，呢度性價比好高既餐廳，環境又闊落，係同男女朋友食晚飯既好地方！

今晚收咗工同朋友去咗觀塘好近地鐵站嘅餐廳「魔膳工房」食飯。室內環境燈光柔和，地方寬敞舒適整潔，好啱閒聊短聚，因環境都算寧靜，人流唔太多。我地叫咗「魔膳小食拼盤$108」份量都算大份架，都夠2-3人share食，裡面包括有薯角、咖哩角、春卷同洋蔥圈等，炸得好爽脆，唔會太林，即叫即炸，所以熱辣辣架。另外，中間會放有沙律雜菜，新鮮又爽脆，配搭酸醋，十分醒胃。我地仲食咗個「香煎帶子黑松露意大利飯$168」配料好豐富，而且黑松露味道濃郁，份量都唔錯，帶子都係厚厚嘅，食得出真材實料。最後，因為set dinner，所以會有餐包仔同忌廉，味道都唔錯架！

上次食過都OK，但今次就失望。本身想叫西冷，點知比個staff建議叫左肉眼，仲要成300幾蚊，一啲都唔好食。成塊冇食，咬唔倒。🤦🏻‍♀️冇下次。唉.....

這是觀塘工廈裡的一間餐廳，我們被餐廳名吸引-Mage kitchen.. Mage 跟 magician 有咩分別呢？我們帶著這個問題來到餐廳...餐廳環境很美，特別是因為我們6點便食晚餐，環境比較清靜。當時餐廳在播放卡通，是關於兩條蟲蟲的幽默故事。餐廳先送上飲品，是玫瑰蜜花茶及檸檬蜜糖。雖然都是蜜糖，但兩款飲品都不會過甜。侍應告訴我們，白湯是椰菜花湯，所以忌廉湯不是十分細滑，但味道很香，有勾芡口感。麵包暖暖的，十分軟熟，不會太乾。麵包細細個，但頗實在。主食味道都不錯，意大利麵的醬汁十分濃稠，而飯的口感比較貼近我們平日吃的飯。兩款主食味道適中，食材配搭得宜。我跟朋友在這裡一邊聊天，一邊食晚餐，十分滿足。離開餐廳前，我們google了一下mage跟magician,其實兩者意思相同。總結一下我們小小的研究，現代人一般會用magician形容玩魔術的人，而mage就比較多形容魔法師。

很喜歡在觀塘的工業大廈搜捕美食，找到這一間，是被它的名字吸引😎所以相約朋友去了這間具有特別名字的餐廳😂裹面的食物還可以，只不過沒什麼特別新意，或者招牌菜與餐廳名相配⋯

Nice food n excellent environmentI like this place very much. The price is very reasonable. It is marvellous.

熟悉觀塘的朋友都知道該區有很多工業大廈，近期很多餐廳進駐工廈，今日我就去左工廈揾食出左地鐵站在鱷魚恤中心旁邊，有一間叫「魔膳廚房」的西餐廳。這是由我一個在附近工作既朋友介紹我的。沿著樓梯上一層會見到一道防煙門，推開便是餐廳入口。入到去餐廳比我想像中大，畢竟工業大廈地方真的很夠，「魔膳」絕對可以容納100人以上，lunch time都不用等太久。裝潢用上木傢私，又耐用又予人悠閒感覺。而且有免費wifi，是一個好好"hea"的地方。餐點以西餐為主，我點了「和風鰻魚椰香意大利飯」，配玫瑰咖啡。另外可以加錢要沙律吧套餐有餐湯跟餐包，可選擇白湯/紅湯。至於主菜意大利飯份量不算多，但由於用大量cream同牛油烹調，絕對夠飽肚。鰻魚切成小塊混入飯內，每一口都吃到鰻魚，很滿足！加上椰汁令到飯很香，而且減少膩的感覺，這個配搭又新鮮又好吃咖啡方面我選擇了latte，奶味果然夠重，而且有淡淡玫瑰味，很香很好味工廈餐廳果然又大又舒服，更便宜價錢享受更大空間，個人非常推介喜愛慢活的朋友試一試。

去觀塘行街,係apm見到間間餐廳都好多人等位,唔想等就去D工廈搵食啦.....行行下就見到呢間,未試過,就比個機會佢!!間餐廳有兩個投影機,播緊D動畫,而個場幾安靜,同朋友傾計一流。我地兩個人就叫左個二人套餐。有湯有甜品,咩都有。個頭盤係法色田螺焗薯。佢個薯溶有好香既田螺同牛油香味,而田螺唔會焗得太耐,有口感,唔會太軟身!到主菜啦! 有兩個既。第一個係極上和牛漢堡配薯角。佢個burger好脆,用刀cut落去卜卜聲,聽見都興奮阿! 而佢個和牛好多汁,食落唔會太乾,配埋佢個生菜、洋蔥一齊食,口感好豐富。D肉汁出緊黎阿!另一個主菜係大虎蝦龍蝦汁意粉。成碟野龍蝦味好重,D意粉索哂虎蝦既味道,就咁食意粉都已經好香! 而個虎蝦夠哂大件,外面煎得好香。之後就有兩個跟餐既甜品同埋野飲。我會推薦上面個個咖啡味tiramisu , 因為佢成件野都好滑,好香咖啡味,最重要係唔太甜!食左咁多野兩個人440蚊, 唔錯阿!

Went here for seemingly western food.Had the set which includes soup but the bun was weird.It had raisins in it and looked like a british teacake.There was butter so i buttered it into a toasted teacake since it warm.The retarded thing was that there were no side plates given to anyone because you are always given a side dish for breads etc and a butter knife too.Anyway, the mains were all too salty especially the pasta.

今日同朋有去官塘apm shopping ,逛完之後醫肚時間又到了，一直想搵間高質素西餐，突然諗起有時經過工廠區見到Mage kitchen 。餐廳空間好寬闊，燈光柔和，木製桌椅好特別。餐湯粟米忌廉湯，有粒粒粟米好清甜，湯又唔會太結又唔會太希。套餐可以加$38可以任食沙律吧，雖然沙律吧種類唔算多但勝在夠新鮮，沙律菜好新鮮好碧綠爽脆，仲有啫哩，車厘茄，蜜桃，帶子裙邊，粟米等。。。😋提子餐包，微熱好軟熟。烤原隻豬手配薯角跟黑椒汁熱辣辣薯角炸得好香口，又唔會太咸。豬手烤得好夠味又唔會太油，皮烤得好香口美味，又淡淡肉肉質又唔會太硬。帶子黑松露意大利飯帶子好大粒鮮甜爽口彈牙，飯軟硬適中好濃郁黑松露味😋

觀塘流行工廈餐廳，今晚與朋友來到很近港鐵站B出口的魔膳工房晚餐要上樓梯到餐廳的，但在下層可先看Menu呢。上樓梯時兩側排滿畫作，挺有藝術氣息呢室內也有不少畫作，增添了藝術氣息，位置也挺寬闊呢。Set dinner選擇很多呢，意大利飯、意粉、扒、烤春雞也有，而且也有些專享優惠。如果兩人來的話有專for二人行的大蝦和牛套餐這次我和朋友都各選了個意粉Set有紅湯和南瓜湯選擇呢蒜蓉牛油是很好的拍檔，令意粉很有蒜香很多西餐廳的餐牌都會形容Clam meat為大蜆，不過都沒有這裡的大蜆那麼大這個大蜆又大隻又新鮮，滿口肉汁很creamy的卡邦尼意粉西班牙火腿與卡邦尼醬也很配我和朋友都點了玫瑰飲品大家都是少女嘛朋友點了荔枝玫瑰梳打，甜甜的，充滿玫瑰花香也很Fresh。而我這杯凍玫瑰咖啡，也充滿了玫瑰花香少女表示很喜歡甜品櫃放了不同款式的蛋糕飯後當然要吃個甜品讓兩個少女很滿足的一餐