魔膳廚房 (已結業)

星期五經朋友介紹，我們去了位於觀塘既 ms.kitchen，餐廳是任飲任食的；環境也很大分了三個區域啊！餐廳設有Share Facebook活動，之後就會送食客一盤以人頭計算既海鮮盤。海鮮盤是一次性，海鮮絕不馬虎。鮑魚林口的，蝦隻實肉又彈牙，貴花蚌好鮮味，另外青口和魷魚圈也不錯。龍蝦汁海鮮扁意粉：個人極度推介的主食之一，自己也食左不少碟呢！龍蝦汁既味道淡淡的，而扁意粉口感不會太硬，易於消化。海鮮種類很多包括：青口，大蝦，八爪魚等等，自己就夾左爽口大蝦呢！這道菜也是其他食客之選，所以要好好把握出爐時間！甘筍粟米忌廉湯：味道濃郁，適合小朋友飲用。Today Special：當日是薯蓉配螺肉，薯蓉因上層有醬汁所以味道濃郁；而螺肉一點也不硬，適合大朋友和小朋友～甜品：餐廳所設既甜品很多，爆谷好脆好甜；蛋糕仔好多選擇，個人特別喜歡：芝士和朱古力款。另外，還可以親手自製棉花糖啊！

開心新發現觀塘區竟然有自助餐，同朋友們就襯星期五晚試試佢，門口就係觀塘廣場對面，入口都有裝飾過有點可愛，價錢亦清楚列名，沿著樓梯行上一樓就到，安排入坐店員細心介紹一下，還會稍後會送上一份海鮮大雜會比我地添，地方唔可以話好大，滿滿客人好熱鬧。salad bar有齊基本火腿芝士冷盤，餐湯都兩款。是日周打魚湯同雜菜湯，蒜蓉包同虾片亦保持暖暖脆口。食物吧枱齊齊整整 refill又快手，真係做到源源不絕供應，真係食唔到咁好肉，不過實在吸引實在。回本之選，可愛名稱叫豬羅紀公園，其實係有好味德國鹹豬手，Ribs同豬肉腸，好味道。還有當然係牛系列嘅燒牛仔骨，起碼2種牛扒同牛脷，大堆頭製作，絕對啱曬鐘意食牛的愛好者。熱辣辣之餘還備有燒汁同黑椒汁，肉質較瘦食多幾件也沒有罪惡感！小食拼盤少不了一些炸物，無骨雞翼啖啖肉，迷你蔗蝦，滑雞球全部都好好味。串燒雞柳同 Thai式魚餅都不錯，還有好多熱葷架，甜品基本嘅芝士餅，椰青糕，還可自製特飲添，好玩又好飲！

平日，都有黎食午餐，幾多食既！見OpenRice 有做優惠搞自助午餐，咁就試下啦！到場時，職員話12/5，因為臨近母親節，每位加廿蚊，為何訂座既時候唔講？ 優惠卷亦冇指明！ 基於朋友生日，我都費時勞氣，所以算數。平日的我，點都會搞清楚食品： 有沙律吧，中西湯，肉醬薯蓉，茄汁長通粉，冬陰公炒意粉，印度薄餅，中式熱葷，茶水部（種類都幾多），甜品，棉花糖食左兩轉熱葷，最有印象係蒜香翠玉瓜x蘑菇（幾香），印度薄餅（幾有咬口），冬陰公炒意粉（幾惹味）依個價錢，可能係食量就抵食啦！但我們兩位女士就食唔到好多野，食物質數一般，如果午膳的話，觀塘大把選擇

見到啲食評寫到咁好， 即刻用飯網訂位試下， 超期待嗰個自助沙律吧， 但我今日去到居然冇冇冇冇冇咗! 真係想即刻走， 不過見啲人話啲餐都ok就即管試一次， 果然再失望多次， 我哋叫咗 慢煮牛肉乜乜乜， 同埋咩蜆肉帶子意粉， 啲慢煮牛肉 好靭， 乜慢煮唔係應該軟滑㗎咩？ 意粉直頭普通到冇評語， 總知兩樣都唔好食!

觀塘區近年一直活化工業區，多了很多新的店鋪及食肆。早前新假期亦報導了一間工廈自助餐主打牛肉，便決定和友人一同試試。店家門口張貼了很多明星光顧過的相片，大約三十幾張，十分有面子。店家的裝修亦非常美觀，與外面工廈的裝修截然不同。店家的位置亦相當之便利。我們一進去馬上覺得環境頗大和食品有很多選擇似的。店內其實有很多空位，但我們被安排坐在廁所對面，幸好廁所沒有味道傳出來，唯獨上面的冷氣機滴水。每枱都會送一個龍蝦汁海鮮拼盤，有鮑魚、青口、扇貝等等。店員細心叮囑我們盡快食。唯獨上菜時，拼盤只有微溫，很快便冷卻，使海鮮都便得不好吃。龍蝦汁亦太多，冷了後變成糕狀，影響食物味道及觀感。至於出面的食物，選擇雖多，但味道真的只可以用一般去形容。是晚主題牛魔王的拼盤雖然有不斷填補，但吃的人實在不多。牛舌大概是當中最好吃的。飲品吧的飲品只當中最為出色，凍飲藍莓及蜜桃特飲比較好渴，而熱飲則有很多茶包供應，當中士多啤梨芒果蘋果茶包較為特別。是次消息每人總共是$262，可以由六點吃到十點收鋪。感覺現場的食品比較像平常搞派對叫的外賣到會。若以時間來計算，價錢的確不貴。但若以美味來計算，我會選擇日式放題，或者其他普通的餐

上OP睇menu, 明明係一set dinner, 入到場變左任diu餐。算數，我催眠自己應該好多種類揀。Wa diu, 點知一去拎野食，見到d野食擺出黎賣相超差，牛既堆埋一堆，豬既堆埋一堆，乜野"豬羅紀" 乜野"牛魔王"，你露尾，唔講以為係廚餘日。有時諗，如果人類冇味覺，都幾冇life。但食左一啖我就覺得自己真係冇左條life...d 肉乾嘅，芝士乾嘅，沙律菜水浸嘅，甜品甜到糖尿，連最正常嘅檸檬茶d味都唔係正常。所謂6折都係假嘅，去到就話已經折左🥵而家我另一半食完又痾又嘔，呢間野可以搵食環check check!

今日喺觀塘打完拳 周圍望下有啲咩好食見到上次喺Facebook有人share一條片係講呢個自助餐感覺好似好吸引就決定同朋友一齊去食下 因為我哋都好鍾意食牛去到嗰陣見到樓下有好多人排隊 想食真係要早啲嚟 佢呢個自助餐$238可以食四個鐘 好抵食我哋見到門口黏咗好多同明星嘅相有好多人都有嚟呢度食過 真係令到我好期待呀裝修好新淨 仲好有田園咁嘅風味 牆上面又有好多畫 都幾有藝術氣息我哋去到嘅時候啲嘢食先啱啱出嚟呢度有一個牛魔王 仲有一個豬羅紀公園顧名思義就係食牛同埋食豬牛舌真係好好食 又唔會好韌 好好咬口其他牛肉都好好食好有牛味朋友鍾意食豬手所以佢不停咁樣攞豬手食另外啲串燒雞都幾好食 佢仲有其他嘢食㗎例如係手抓餅 水煮魚 龍蝦汁意粉 菠蘿炒飯佢仲有兩隻湯俾我哋揀 我哋要咗黑松露雜菌忌廉湯襯埋啲蒜蓉包真係好好食食自助餐仲有海鮮送添 好豐富㗎海鮮種類多 有鮑魚 花甲 蜆肉 魷魚筒 青口同埋蝦每一樣海鮮都好新鮮 好爽口一啲都唔會有腥嘅味道 而且份量都好夠店員又好好心叫我地要趁熱食最後唔少得嘅當然就係甜品啦呢度都幾多甜品選擇 有Tiramisu 檸檬芝士餅 又有伯爵茶同埋咖啡味嘅餅仲有牛奶布甸 隔離

食物質素不敢恭維，全部似雪嘅翻兜熱，只有一個似現炒菜。總共大約12個熱的菜式中，有5款是粉面飯，白飯都算一款。不明樓下咁多好評點來，所有的菜式都寫晒了，多一樣都無。

女友就係觀塘返開工 呢排佢好多野做 壓力就十分大啦 於是作為男友既我 咁就梗係帶佢去食下好西啦 點知女友就話想食下佢同事推薦既晚餐buffle啦 所以就帶左我去食了 一開頭就梗係食左佢d  salad前菜同d火腿先啦 佢地既火腿真係算唔差 甚至可以係幾好 我都食左好多塊 佢地既salad都好fresh而且有麻醬同黑醋汁 呢d作為前菜就十分好 夠開胃佢地會送一個海鮮拼盤比你 入邊有蝦有鮑魚有蜆 佢地算蚊得好入味 而且食落唔會腥 女友都話幾好食~佢地都會有d 炸既小食提供 串燒都算唔錯幾好食 幾juice 佢地既肉都係會keep住加熱 保證佢地唔會冷左咁比客人食 都有好多人keep去食 我就覺得幾唔錯既佢地都有好多唔同種類既飯同意粉提供 仲有d係其他buffle冇既野食 都算十分好 我覺得最好食既就係泰國果隻炒飯 粒粒分明 食落幾甘香佢地會提供3種特飲比客人既 一個係藍莓特飲， peach特飲 同 lemon tea 佢地仲有一塊塊lemon提供比客人都算好貼心 個人覺得藍莓係最好飲 佢地會提供好多唔同既細cake仔比我地既 有earl grey cake ， fruit cake ，班藍

之前黎過魔膳廚房食晚飯幾次都係高質好食👍🏻呢排聽聞佢地晚市轉左做自助餐模式即刻心動走左去試下因為可以一次過食晒好多款主菜🤤🤤.....我地7:15去到明顯見到人流比以前多好多可以見到自助餐係有一定吸引力😂😂先講下有咩食先自助餐主要分左三個區域熱食區，甜品區，沙律吧熱食果面有🐷手，🐷肋骨，串燒，炸物，牛魔王盛宴法式田螺薯蓉，菜都有龍蝦汁海鮮意粉，菠蘿炒飯🐷肋骨真係無得輸龍蝦汁意粉都好好食好多料.....甜品果邊有幾款蛋糕芝士蛋糕一定要食濃濃芝士味加埋少少檸檬香👍🏻👍🏻另外都有涼粉，奶凍，爆谷.....值得一提係每位都會有個海鮮拼盤附送淨係食呢個都回左一半本😂😂有青口，北寄貝，鮑魚，蝦，蜆夠晒大隻👍🏻👍🏻👍🏻

想官塘食buffet不是冇可能，之前見到宣傳任食牛又有海鮮！每位$238 ja！ 就同左媽咪去食！一入門口就見到有得自己整爆谷同綿花糖，每枱送龍蝦汁海鮮盛宴，係熱食既！好抵食。
有有鮑魚帆立貝,大蜆,貴妃蚌,青口,蝦,鮮魷
*每日新鮮到市場選購,視乎當日新鮮食材而定！牛魔王盛宴有原條慢燒斧頭牛肋骨，香煎安格斯牛仔骨，厚切牛舌。見到都覺得好抵食，又好入味，自己夾，唔洗等人切。德國烤豬手，係勁多比你拎來食，仲要係以前叫豬手的質素，皮脆肉嫩。小食有唐揚炸雞、竹庶蝦、雞鎚自家製芋圓，見到有台式地瓜圓、芋頭圓、紫薯圓，即刻食。好軟熟in un，幾有水準！咖啡慕絲蛋糕、伯爵茶蛋糕、檸檬芝士餅、果撻等。飲品有檸茶，茶包，咖啡都有。每人$238可以到10點，真心抵食又高質素，勁多人食，要bk位。

一入黎就已經感受到餐廳精心佈置。食野環境好真係好加分架😍😍😍首先黎個好fresh嘅salad，淨係salad都有3款，有吞拿魚長通粉沙律、蟹籽蟹棒沙律、雜菜沙律...覺得好有心思。仲有我最愛嘅南瓜濃湯，好滿足。食buffet就當然係每款食物都食少少，意想不到就係個ribs啖啖肉，仲有豬手好有骨膠原，反而牛肉老左少少。另外今日個special係薯蓉，都係我好中二食嘅，所以好加分。中途送上海鮮拼盤，有鮑魚、扇貝、青口、蝦、魷魚、蜆等等，淨係見到個鮑魚同扇貝已經覺得值回票價🤣⋯⋯好後悔無聽服務員講趁熱食，真係要趁熱食先得！最後就黎自製棉花糖同涼粉做甜品，仲有好蛋糕，有牛奶布丁、檸檬芝士餅、tiramisu 、伯爵茶蛋糕等等，每件細細件反而食到好多款。真係好適合同知己好友黎邊食邊傾計！

收工又跟朋友過左黎觀塘尋寶，行到攰就揀左魔膳，貪佢食得又睇得。未上餐廳嘅樓梯位，已經足夠打卡影返半個鐘了，各類掛畫令朋友愛不釋手。係影相時更可以睇埋餐牌，一舉兩得。餐湯: 同樣是紅白湯。蘑菇忌廉湯幾香濃及杰身，飲時仲有粒粒菇蓉食到，增加口感。而羅宋湯就較為甜身，酸味唔會過重，幾香蕃茄及月桂味。幾鐘意佢個餐包，入面有啲提子乾同香草。鬆軟之餘又有淡淡甜味，令到飲湯時味道變化更多。香煎帶子意大利飯。奶油味極之香濃但又唔會好膩，加上飯粒煮到啱啱好煙韌，好食。帶子夠大粒煎完都仲好嫩滑。最特別係將金針菇油炸，做成軟殼蟹嘅效果。食落酥脆香口，配埋個飯食都有七八成相似。芒果三文魚伴沙律。芒果醬汁加入左青紅椒，所以味道除左酸甜之外仲有啲清爽嘅椒味，幾特別。三文魚可能太厚，搞到個脊位真係煎到啱啱熟。整體都好食嘅尤其係魚皮部分，煎得好香脆。伴碟沙律用上橘子／蜜瓜／芒果等，再加上藜麥好味又有益。果酸嘅味道更令三文魚嘅油膩感大大降低。唔錯。甜品係雜果朱古力心太軟，侍應係落柯打時都細心提醒係即叫整所以要等大約十分零鐘。黎到時成個世界盃咁，睇黎師傅都係個球迷。雜果用上火龍果／青蘋果／蜜瓜／士多啤梨及芒果等，配上咖啡

復活節期間去了食lunch buffet，好多食物都很適合小朋友，仲有小禮物送給他們， 真的很窩心。地方大坐得舒服，食物補給速度很快，是非常適合一大班大小朋友聚會的地方，一定會再次光顧！！

晚餐本身行入呢間店，係打算與太太叫個扒食，坐低咗之後先知道原來係食自助餐，本身想走，但又不想再搵嘢食，所以照坐低食。但呢個決定我做得好錯，首先食物完全唔掂，未去到難食，但唔好食，食物又唔吸引，款式又少。首先會有一個海鮮併盤（元貝，蝦仔，花甲仔，幾舊 魷魚等，食物唔熱，啲汁又好怪）我食了幾款食物，天使麵（發到脹晒唔掂），牛仔骨，牛仔粒（完全咬唔到）德國腸（唔似德國腸），自選沙律（沙律菜，栗米，番茄仔青瓜，已經係最好食）甜品及生果真係好唔吸引，所以無食，食咗大約40分鐘就埋單走人。雖然有折，但兩個人埋單都5百幾蚊，可能有人會講，二百幾蚊想食啲乜嘢呀，其實錢唔係問題，只想食到啲好食嘅食物，真心講一句，不會有下次。