魚治 (M88)

營業中

休息中

朋友發板, 又約齊腳來蘭桂芳試新開的日本菜。平日的晚上沒有太多人, 只有四枱客人, 我們五人坐於靠牆的長枱, 空間感十足, 自成一角, 不錯。按人數分配的雜菜, 清新爽脆。某人搶先落單, 點左一條燒喜知次。果然係日本國寶, 一上枱已甚有氣勢, 魚肉鮮甜好味! 同場加映: 禾桿草燒鰹魚, 玩味十足。再為每枱客送上鰹魚一份, 份量按人頭計。我不吃生, 朋友說有腥味, 囗感也只屬一般。安格斯牛肉鍋, 是壽喜燒湯底, 雪花牛肉入口即溶, 食材高質。海膽就一般。燒銀雪魚 (西京燒), 很香很滑! 最後還叫了甜品, 滿足。埋單每人 $600, OK 呀。

完成沖繩之旅後，對日本菜多了一份莫名的喜愛，這星期也連續吃了三頓。首先分享週二在中環威靈頓廣場七樓的 魚治 聚餐，除了價廉物美的日式美食，這裡還有令人神往的日式裝潢及美好氣氛，一不小心，真的以為自己又去了日本旅行呢！ 中環一帶的日式餐廳可真不少，但擁有如此濃厚日式居酒屋風情的，可謂絕無僅有。一抵達七樓，除了很傳統的木櫈和汽油罐，又設有需要屈身進入的入口位，寓意來到居酒屋的每一位客人都是平等，再無高低或階級之分。 入到木式裝潢的店內，每日由日本豐洲市場新鮮運到的海鮮、香氣四溢的爐端燒，還有擺放著並不高價的清酒酒架，令店內洋溢著一片溫馨又放鬆的氣圍，還真是忙碌的上班一族，下班後放鬆身神的好去處！ 此情此景下，不喝酒是萬萬說不通的；在店方引薦下，也來了一支雪之茅舍純米吟釀，清甜的水果香、柔滑的口感、恰度好處的酸味，與接下來的美饌相映成趣。 美好的晚餐，以【鯷魚醬拌鮮野菜】$68 開始。這批蔬菜全是由日本空運過來，如：宮崎來的青瓜、靜岡來的大根、鹿兒島來的紫薯等等，每款均非常新鮮、清甜而美味，配上濃郁美妙的鯷魚醬，十分引人入勝，簡直是停不了口！而多款蔬菜中最愛粉嫩的紫薯，不能錯過啊

餐廳位於中環，地點都好容易搵。餐廳環境帶有日式居酒屋的feel，所以環境都偏暗。每張臺都擺左好多調味醬汁for唔同食物去沾，感覺都幾pro。燒菇燒得好香，而家夠juicy。牛舌都幾厚切而且燒得剛剛好，好入味。燒吞拿魚尾就失色少少，因為燒得太乾，所以唔太好食。呢間居酒屋有一樣好特別既地方就係每逢weekend的9點都會有特別表演😬 師傅會用禾稈草燒當日被選中的魚，全場氣氛即時好高漲！燒好的魚仲會分好然後送比每一桌客人，俾每個人都可以試到👍🏻

最近去試左間新開的居酒屋，雖然話係美X集團開，不過質素都幾好幾推薦可以去試下。餐廳環境都幾暗，可能想營做出日本居酒屋的感覺。店員服務態度都唔錯。燒帶子都幾好食，帶子好大粒，咬落去好鮮甜彈牙好多汁。甲羅燒好正，味道好香好濃郁。食食下突然間熄晒燈，仲以為係停電，點知原來係居酒屋每晚9點都會有表演，就係即場用禾稈草燒鰹魚，燒好的鰹魚會分好然後送比每一桌客人，令到成個氣場更加熱鬧，更加有居酒屋的感覺。👍🏻

menu只有日文同英文，不過大部份菜式名旁邊都有手繪圖，圖文並茂令人就算睇唔明文字都可以睇圖畫就明，而而且圖畫生動d都令人更加有興趣去order。白汁焗海膽三文魚籽通粉撈埋白汁，海膽，三文魚籽一齊食好香好濃郁的味道，不過略嫌個汁太稀，如果可以cheesy 少少多少少拉絲的感覺會更加好。西京燒鱈魚燒到好香好滑，而且好juicy，點埋mayo一齊食就更加正啦！看到有甲羅燒好想食於是就點，份量都唔錯，店員會幫我地燒埋，好味！

Fun night out at Uoharu. Finished the night (around 9:15pm) with a cooking show - bonito warayaki. The bonito sashimi was good !Warayaki or straw-seared cooking originated in the fishing villages. Utilising dry straw that burns at extreme temperatures of up to 900C degrees – outer layers of fresh seafood and meats are lightly seared, while the inner flesh remains tender and juicy. The grilled ox tongue, beef short ribs, and wings were good. The A4 sukiyaki was also yummy. Nothing was overcooke

近年香港特別多日本過江龍餐廳。這間來自東京，由曾經在日本築地市場最大批發商提供新鮮漁穫的名店「魚治 UOHARU」，就是其中一間，亦是它海外首間分店。 店子門口是比較低的和式設計，背後理念原來所有客人都需要彎低身來到居酒屋，代表餐廳對所有客人都是一視同仁： 內裡環境是 Open Kitchen，增加了互動性： 餐廳以爐端燒作主打，廚師會在席前準備各式食材，如來自日本不同地區的新鮮蔬菜，有來自大分縣的冬菇、長野縣的杏鮑菇、來自京都府的青椒等，可讓食客即場挑選，我覺得是個不錯的 gimmick，菜單也會因應每天不同食材供應而改變。 手寫餐牌畫上插圖，相當漂亮，食物價錢也屬合理水平，很多幾十蚊有交易可互相分享，不錯： 坐底先有小吃「楓糖忌廉芝士拌薄脆」 少少鹹多多脆。一口一啖小多士，塗上用法國鮮忌廉、北海道3.6牛乳，澳洲楓糖做成的 cream cheese，幼滑： 入直路，「鯷魚醬伴鮮野菜」$68 據聞日本總店的精神主張「簡單，就是美」，此菜應該甚能彰顯此宗旨。用當造新鮮冰鎮蔬菜，來自日本各地，都寫在紙上。蔬菜可點用蠟燭暖住上枱的「鯷魚醬」來吃，鹹香與冰涼無添加蔬菜對比明顯。我覺得爆汁

今日應朋友之約, 嚟試一試呢間新開嘅日本居酒屋🍻 呢幢大廈都有幾間唔同嘅日本餐廳, 我自己就冇乜試過居酒屋, 都非常之期待🤩喺度要讚一讚呢間餐廳嘅Menu, 啲圖畫畫得非常之靚, 幾特別幾有心思, 不過就得日文同英文, 可能要請侍應介紹一下菜式先識叫😅先來一個沙律, 去開胃先🥗呢個沙律菜有一個暖住嘅汁送, 侍應仲會細心添菜添汁, $18/head, 啱晒一大班人share食! 再嚟一個燒茄子🍆, 魷魚🦑Eggplant $68Squid with squid liver $98 燒魚🐟!!再嚟一個燒魚🐟! Grilled whole Mackerel $128北寄貝海苔燒 $128Uni and salon roe macaroni gratin $148Mustard leaf pickles with pollock roe stone pot rice $118簡單嚟講, 石頭飯😋非常滿足而又豐富嘅一餐飯, 餐廳嘅氣氛亦都唔錯, 居酒屋俾人嘅感覺都係放工之後想輕鬆講吓笑飲杯嘢🍻 食返餐😌臨走前仲有禮物送, 每位顧客都可以隨便選擇幾包送飯嘅一小包, 任君選擇, 叫做又食又拎啦🤣🤣

好耐冇去居酒屋爽下！適逢好友生日攞正牌去嘆嘆喇喂！選了來自東京的著名日式海鮮居酒屋魚治 Uoharu。 魚治的首家海外分店選址正是我們的香港，餐廳以爐端燒作主打，大部份食材也來自日本不同地區，令客人輕易品嚐到不同的食材！ 居酒屋大約有80個座位，除了吧檯更設有舒適的靠邊座位，當然也附中央的熱鬧小檯！ 檯上已放滿各式醬料，就算您有多重口味也不用擔心沒選擇啦！！ 另外菜單以美美的手繪圖示人真的很用心思，亦是少數令我很認真地欣賞了多遍的一份菜單！ 好友未到齊先來一杯Tokoy Mule＄58，以ginger ale、柚子汁和薄荷混成的特飲，味道清香不太甜很爽口最合我口味！ 體重管理進行中！！先來一客鯷魚醬伴鮮野菜＄68，以時令日本蔬菜奉客所以每天也會有不同般款式，而色彩鮮明的雜菜最重要是清甜爽脆到不行，輕輕沾上鹹香的鯷魚醬更添惹味！ 這一客前菜是炙燒刺身他他＄88，以數款時令魚鮮手剁成蓉混合白味噌等調味的魚肉他他，配以一顆圓美的日本蛋和紫菜！ 侍應生會即場在客人前炙燒，火光熊熊下的刺身他他頓時香氣四射！ 以香脆紫菜加點蛋汁包裹吃，吃下香脆油香鮮味又滑溜口感挺可愛！ 再來是客楓糖

上星期家人訂咗呢間係中環威靈頓街嘅魚治Uoharu，大家都無諗過原來咁得意又好食。個門口好矮，要烏低身入去，奶奶要用拐杖，我仲叫佢小心，點知侍應哥哥好快手咁拉開旁邊嘅秘門方便比奶奶行入嚟。食食下聽到侍應哥哥預告會有禾稈草燒鰹魚環節，之後仲會分比每一枱試食，好香好好味呀😋唔知會唔會不定期轉玩第二啲嘅呢。每枱都會有個調味架，架入面有不同味道嘅醬汁點唔同款式嘅炸物、燒物、魚生、魚類、肉類。其實我覺得大部分食物上枱時本身嘅調味已經夠味，不過想濃味點汁的話，侍應哥哥都好有心機介紹點邊個汁會夾味道。前菜係新鮮蔬菜點鯷魚醬真係好食到可以一個人食晒。一夜干鰹魚尾好味，肉質仲保持唔會乾。相入面每一樣都好味，可惜胃容量有限，下次再去戰鬥一番。話說最後甜品佢地叫咗ice cream sandwich，咁我以為係成件日本入口，點等咗一陣都未有就問侍應哥哥啦，原來係用法包仲要係焗到又脆又暖再釀雪糕入去，聽講幾好食，我下次又叫嚟試下先。

美x集團新開的日本餐廳，環境都幾好，入門口時頭頂有舊野，要彎下腰才能入內。燒飯團好好食，另外有個味噌豬扒同埋鯷魚汁蔬菜盤都幾好。食飯時有表演環節，是禾桿草燒油甘魚，每檯都會送上一小份油甘魚，好食呀！酒方面有成版都係gin，選了Roku lemon sour，幾好！價錢方面，老蘭食飯黎講唔算貴！唔飲酒大約$500/人啦！其實我一直對集團餐廳有點戒心，總是覺得他們不會辦得出色，只會按一個普通標準去做。這次有點改觀，希望下次再黎時唔好變差啦。

發現新店就要來試試了提早好幾又訂位希望不會太晚留枱五分鐘到底時看到歡迎卡這種東西越來越多了之後就是在下的享受時間明太子飯糰：這燒得有點過了，表面焦焦的還會痴牙，也失了明太子的味道蛤蜊味噌湯：好鮮啊，雖然味噌不濃，不過蛤蜊太好了白汁焗海膽三文魚籽：裡面還有通粉，開心，在下喜歡燒太刀魚：這個大概是零失手的料理啊，在旁的手切白蘿蔔很特別牛肉薯餅：正正常常牛油燒帶子：這應該是雪藏帶子放縠裡，牛油味太淡了，不過燒的時間掌握很好蟹味噌甲羅燒：上面是蟹味噌，底還有一點蟹肉呢鯖魚蛋傻仔沙律：有粒粒薯仔肉，濃郁的魚味漬物盛合：還是自家制的最好，最好吃的是大根炙燒味噌刺身他他：上枱時侍應會用火熗起勢咁燒。。出場好有氣勢藁燒鰹魚：食到一半有現場表演，哈哈，但味道就差點了，此終香港人跟藁燒不熟芝士伴多士：只不太喜歡楓糖的甜，烤麵包配芝士太好食了食完後還有芝士剩，沒想到侍應送在下一包餅乾超開心的還有今天大享口褔的清酒一白水成良心特別純米磯自慢本釀造Milan Juice鍋島特別純米七田七割五分純米蓬萊泉和純米吟釀南部美人純米吟釀Lemonサワ臨離開還有禮物收不過。。什麼來的？？

最近中環開左一間日式燒物店，鍾意食日本嘢又鍾意試新嘢的我當然唔會錯過，捉埋男朋友一齊去試。店舖偏暗，頗有日式居酒屋的感覺，不過座位都既闊落。menu每款食物都用插畫方式畫出黎，就算睇唔明文字都可以睇圖畫，都幾細心。因為日本菜份量唔會好大，所以可以叫多幾樣。最滿意係牛舌同西京燒。牛舌算係厚切但係燒得剛剛好，而且好入味。西京燒的鱈魚亦都燒的好香好滑，魚油香令到食完都齒頰留香。不過吞拿魚尾就一般般，燒得太乾所以唔係太好食。幾特別既係食到中途全場熄燈，本來仲以為係停電，原來係遇上逢weekend先有既燒魚表現，都算係店舖特色之一🤣

成日都嚟M88食野，見到有間新嘅餐廳所以就試吓。一入嚟就覺得好奇怪，個門口整得咁矮，不過就會令到啲客人都好印象深刻，都係 marketing 既一種？我叫咗個銀鱈魚定食，188 蚊，都好有質素，銀鱈魚好入味，唔使點mayonnaise 都ok，前菜係醬汁冷茄子，不錯不錯。味蹭湯正常，兩粒 mochi 都幾香口好味。朋友叫既 380蚊燒和牛 set lunch 就更加不得了，啲肉入口即溶，送飯一流，略嫌多咗少少肥肉。仲要瘦肉部份都係好肥美，朋友係一名食肉獸，佢覺得好正，我就諗緊如果一個人食哂應該都幾膩，佢請左我食兩舊我都覺得好好食。其他前菜配搭同銀鱈魚 set 一樣，都係有質素之選。 可能係新餐廳，所以服務都不錯，同埋暫時唔駛 book 位 walk in 都有得食，可以再黎 😃