魚蛋哥

營業中

休息中

又係到咗醫肚仔嘅時間，諗黎諗去唔知食咩好忽然間醒起‘’魚蛋哥‘’自選車子面出前一丁麵底+加上自選的香濃的牛腩、廚師腸切花好得意煎蛋和豆卜都好好味大食時食埋咖喱魚蛋同三寶就正啦！

2020年9月26日 星期六今日係難得嘅星期六，終於可以出去旺角行吓街，似乎世界開始回復疫情前的模樣，而身邊嘅人都開始習慣戴口罩出街，所以而家已經好少見到有人一邊行街一邊食嘢，好懷念以前細個嘅時候喺街邊掃街拮魚蛋喺旺角嘅街頭中，竟然俾我見到呢一間店舖，主打嘅當然係同餐廳店名一樣，魚蛋，咁即係售賣港式小食，霎時之間好懷念，真係好耐冇食過，所以就同老婆衝左入去見到餐牌有好多款唔同嘅港式小食，每一款都好似好吸引，而且我哋入去嘅時間仲有提供下午茶餐添，最後我哋要左幾款小食首先嚟到嘅係咖喱魚蛋配魷魚蘿蔔，魚蛋十分之彈牙，而蘿蔔就吸收晒咖喱汁嘅味道，所以好夠辣勁。至於魷魚嘅份量都唔少，好有咬口跟住當然有港式小食嘅代表，蒸燒賣，燒賣當然要配上豉油先至係絕配，咬落去有魚肉 味，唔會太過粉，如果加埋辣油簡直係一絕之後有蒸豬腸粉，加咗混醬，所以咬落去每一啖都有豐富嘅味道，完全唔需要擔心唔夠醬料，腸粉上面仲有芝麻，食落去更加香另外我仲要左一碗車仔麵，有魚肉、咖喱魷魚、牛丸同墨魚丸，份量超級多，兩個人食足夠有餘。特別想讚賞一下魚肉，因為呢一間店舖將魚肉切成一粒粒，方便進食之餘，每一粒都入晒味最後仲有滋味炸雞翼

細個掃街必食既魚蛋, 碗仔翅, 煎釀3寶, 而家真係買少見少, 有時口痕起上黎都無得食! 近朗豪開左間魚蛋哥, 行過左幾次, 今日停低腳步諗住買少少野食, 先發覺原來好多掃街港式小食, 依樣執d個樣執d叫左成袋外賣走😍咖哩魚蛋魚蛋哥既魚蛋竟然8蚊有6粒, 平時街邊食開都起碼10至15蚊串, 叫6粒都有碗仔裝住, 中意佢夠辣勁, 魚蛋彈牙大粒, 早知叫多串啦!厚切煎釀三寶28蚊6件, 有茄子, 黃椒, 紅腸, 豆腐。件件大大件, 豆腐真係好厚, 加埋甜豉油好有風味😋滋味炸雞翼28蚊5隻, 雞翼表面沾左炸蒜粒, 惹味手工粢飯熱辣辣加埋飽滿餡料, 粢飯煙煙韌韌, 正~懷舊糯米飯哥哥仔推介加3蚊加肉鬆好食好多, 番到去打開個飯, 差d滿瀉!! 面頭鋪滿肉鬆, 再下一層係滿滿蝦米, 撈均成個飯, 蝦米既咸香同肉鬆既香口味道好突出, 糯米飯有咬口又香, 推介!三溝另一掃街靈魂, 生菜魚肉碗仔翅!! 依度既魚肉係切成粒, 同生菜, 翅既比例適中, 唔會太少, 碗仔翅唔會好稀, 加埋醋同胡椒粉, d回憶番哂黎!!

周日打完波,經過見到 魚蛋哥 呢度可以話大部份香港街頭小食 統統都搵到，份量味道亦都對得住價錢。主餐牌已印滿各款香港街頭小食。另一餐紙仲有3款車仔麵組合或自選車仔麵供應。厚切煎釀三寶 （3件）$15/3 欣賞可以點3件少少地，食落唔會油淋淋索晒油嘅感覺，合格～最邪惡代表香脆油渣麵 $34 香脆油酥嘅豬油渣配上份量十足上海麵，配料仲有冬菇、火腿絲，加埋辣菜甫整個配搭會更完美！豆漿$10/支 呢款口漿豆香濃郁又唔太甜，幾好飲。韭菜豬紅豬腸 $26份量超多，湯底唔會胡椒味過重或死咸，豬紅質地可以，豬大腸有嚼勁無異味，做得不錯皇牌咖喱魚蛋$8/10粒睇介紹有超過10款醬汁，邊10款我就食唔出，不過秘製醬汁真係惹味，微辣～兩溝魚肉翅 $24 魚肉切到方塊形狀方便食，而且啖啖都會有木耳、肉絲幾足料。車仔麵系列有3個組合：男友話識揀梗係要海龍王麵 $38（配料有：咖喱魷魚、魚皮餃、墨魚丸、生菜）大地魚湯湯底好濃郁，用嘅魚皮餃、丸類都係好味嘅百幾蚊又多款式又飽肚，絕對滿足到兒時回憶。

🔸2人開心share套餐 $56🔸自選5餸車仔麵 $58-近排疫情問題，少咗好多人企喺街邊「篤魚蛋」，我作為旺角小地膽同大家介紹呢間新開嘅小食店——魚蛋哥。座落朗豪坊附近，地點好方便，而且同以往街邊小販檔唔同，係有鋪位可以坐低慢慢品嚐，又衛生得多！同朋友share一個5餸車仔麵，叫晒所有想食嘅餸，有魚皮餃、魚皮蟹籽丸、咖喱魷魚、鮮蝦雲吞、炸魚皮，食得好開心啊🥳 然後再叫一份開心share套餐，有齊香港街頭必食嘅小食：魚蛋、腸粉、煎釀三寶、炸雞翼、豉油皇炒麵等等任你配搭。推介咖喱魚蛋真係辣得幾過癮，仲有煎釀三寶釀嘅魚肉好新鮮彈牙，仲要煎得好靚仔賣相一流！下次再嚟想試埋生菜魚肉，咁就可以再試真啲個魚肉啦！🥰

假期前永遠都係飯局既最佳時間，因為可以慢慢食，刷餐勁😁 但好多餐廳或者放題係假期前收費都會比平日貴😢而今日正正就係假期前夕，仲要糧尾既關係，我同同事就決定今日要睇住荷包搵好野食💸我係其他朋友得知旺角有間平價港式鋪頭，而且又近朗豪坊同港鐵站，食完仲可以行下街，所以就決定去食啦😀到達門口睇過餐牌，食物同價錢都好符合我同同事既要求，二話不說就坐低😌雖然身處糧尾既困境，但價錢真係好平既關係，我地都叫到成枱野，俾大家睇張全家幅🔹豬八戒麵有豬紅，豬皮，豬大腸，配上米線，湯底選擇了大地魚湯+沙嗲汁豬皮豬大腸索哂湯入哂味，沙嗲湯又濃又夠味，抵讚👍🔹牛魔王麵有牛肚，牛柏葉，牛丸，生菜，配上米線，湯底選擇了大地魚湯+咖哩汁牛肚，牛柏葉唔韌好淋，牛丸爽口，咖哩汁又夠香，好味👍🔹滋味炸雞翼炸蒜蓉配上炸雞翼，熱辣辣好香口，個人貪心覺得再多d炸蒜會更加好味😂🔹厚切煎釀三寶真係好大件，一件等於街邊檔兩件，咬落去填滿個口，好幸福🤣🔹兩溝（碗仔翅+魚肉）碗仔翅食落無平時出面食開既咁濃又重味，唔會食到口渴，想重味d可以自行加醋，魚肉細細粒食落好舒服😌🔹混醬腸粉腸粉鋪上大量芝麻，加上大量醬汁撈埋一齊，每一舊腸粉都見唔到白色

回歸港式小食魚蛋哥就在 朗豪坊與旺角街市中間，肚餓吃碗車仔麵， 早上買個粢飯當早餐， 行過路過買串魚蛋燒賣，位置方便，價位和味道也非常ok。海龍王米線懶人揀pre-set, 豬八戒牛魔王大胃王， 餸料各有所好， 海龍王配表料全都是與海鮮有關，咖哩魷魚、墨魚丸、魚皮餃和生菜。 咖哩魷魚夠爽口入味， 墨魚丸夠彈牙，吃到粒粒的墨魚粒。 魚皮餃煙韌有魚肉香。 最重要是 湯底可以任君選擇， 大地魚湯配牛腩汁配咖哩汁也可以， 酸菜辣湯底可以配大中小辣，選擇甚豐。 吃過大地魚湯沒有感覺味精重重的，非常大推啊皇牌咖哩 魚蛋六粒叫得自己魚蛋哥最自豪的當然是魚蛋，幾乎是到訪與路過都必點, 魚蛋質地不俗，外皮香口，內裡彈牙爽口，感覺紮實自然。醬汁初時第一口會覺得小兒科，但這種辣有後勁，又不會嗆喉，久久不散，過癮！魚肉燒賣5粒燒賣外皮鮮黃 有光澤，食起來煙煙韌韌，有魚味，有油香，但又不會太肥膩，豉油鹹甜味道剛好，8蚊5粒抵食。手工姿飯（鹹）現點現做， 即場包料。 內餡非常實在，油炸鬼、肉鬆、炸菜包得滿滿的。 糯米飯蒸得軟熟，米粒煙韌有咬口， 油炸鬼仍然香脆，熱騰騰的拿在手上， 好吃兩溝 魚肉溝碗仔翅非常足料

旺角篇~魚蛋哥店內光猛清潔，有多款香港街頭美食，依家無得企/行街食，咁就坐底舒舒服慢慢食 😋車仔麵 I ❤粉麵、湯底、配料多款，選擇困難👉👈no la~組合有四款麵~豬八戒、海龍王、大胃王，我叫既全部都係牛既牛魔王河粉🐮有牛肚、牛丸、牛柏葉、生菜，另外加咗辣菜脯、炸魚皮，當然唔少得第一位街頭小食咖哩魚蛋la， 魚蛋好入味， 應該叫佢另上有埋汁，會更加😋整個份量唔少😚，3 牛正常口味👌菜脯辣得幾狠㗎🤪無需再加辣， 魚皮唔腥好脆口👍值得一讚，店員服務好細心，比個like~

喺朗豪坊行到攰攰地想食啲野突然好想食煎釀三寶唯有出朗豪坊搵啦結果發現燒臘店隔離新開左間魚蛋哥有煎釀三寶❤️——————————————————可能下午茶時間關係入面好多人睇下個ʍҽղմ超多種類樣樣都想食但唔會食得曬於是乎揀左幾樣最想食嘅兩款車仔麵分別係牛魔王同海龍王👨🏽‍🦱個牛魔王有牛柏葉 牛肚 牛丸牛丸彈牙口夾雜啲牛筋有咬口好有牛味牛肚牛柏葉煮得夠林好入味湯底係大地魚湯+咖哩汁咖哩香濃得嚟帶少少辣勁 惹味至於海龍王就有墨丸 咖哩魷魚 魚皮餃湯底叫咗沙嗲汁同大地魚湯融合👍🏻煎釀三寶勁厚切大件最有驚喜係青椒 好爽甜好味呀韭菜豬紅大腸湯底清澈無浮油豬紅冇腥味林滑爽口超入味豬大腸份量夠多夠大件，非常足料本身諗住食少少點知最後都食到勁飽因為真係太多選擇太多野想食😂——————————————————℗ 牛魔王 $39℗ 海龍王 $38℗ 煎釀三寶 $28/6件℗ 韭菜豬紅豬腸 $26℗ 魚蛋燒賣 各$8

今日去左旺角朗豪坊同朋友睇化妝品，睇完後有d餓想掃街食野，但因疫情係街食點都唔衛生咁，之後行多條街比我發現新開冇耐的魚蛋哥，咁就可以座底舒舒服服咁食掃街小食了。講真我地兩個都超喜歡掃街小食，必食辣魚蛋燒賣腸粉，呢幾樣係必放在一起連住食的，因為可以沾到甜醬麻醬豉油，辣魚蛋唔錯，腸粉又夠滑。豬紅豬腸韭菜，好入味的一盤，炸雞翼有小小炸蒜在面好香口， 咖喱魷魚牛柏葉豬皮都係好爽。大大件的厚切煎釀三寶，有齊 豆腐青椒茄子紅腸，每一件都好大件加上沾左魚肉去整，特別好食。學生時期我最愛的 三溝， 今日係呢到食到仲配辣菜脯，正到暈，必回頭再食。朋友就鍾情手工粢飯， 佢話材料豐富熱辣辣食最正。食咁多小食緊係叫返杯凍檸蜜和利賓立滋潤下啦。下次出旺角都可以買外賣回家做宵夜。

面對亞皆老街，見到有間好得意的小食店-魚蛋哥，照牌十分卡通可愛。應該是新開的，賣地道港式小食、車仔麵，價錢合理貼地。. .車仔麵有不同材料可選，懶得選我們直接揀-車仔面combo。4-6個餸只是$36-$53，好抵食，而且店面好新，光鮮明亮，坐得好舒服。車仔麵而言環境算是好好。-海龍王麵（$38）有咖喱魷魚、墨魚丸、魚皮餃、生菜-大胃皇麵（$53）魚蛋、鮮蝦雲吞、滷水雞翼、豬皮（我走了）、蘿蔔-更可以叫淨餸：牛栢葉、雞翼、咖喱魷魚有多款湯底及麵可選呢。飲品有半價，而可樂是用樽裝！.-魚肉燒賣 $8/5粒；皇牌咖哩魚蛋 $8/6粒果然是皇牌，魚蛋比一般的更彈牙，相信用料更實在！-厚切煎釀三寶 必食！$28/6件真心正，特別是豆腐，厚身又人件。魚肉蓉蘑到好smooth，與豆腐的嫩滑無違和感。-碗仔翅+魚肉 $24多魚肉好足料，切到四四方方好得意。加上醋麻油及胡椒粉，正宗港式滋味！而且堂食魚蛋燒賣的價錢($8一份）與外賣的一樣，無加到價，入座最低消費only $15，好適合等人、行街行到累時來休息一下。

放假去旺角行街,到左3點幾下午茶時間,見到有間裝修幾令既魚蛋哥🍢緊係要食下魚蛋燒賣香港既地道小食啦,但夏天係街邊食魚蛋燒賣真係太熱太辛苦啦,所以決定涼住冷氣入舖頭食野!!🥢食物方面:⚪️咖喱魚蛋魚蛋既咖哩味幾香微辣🤗夠大粒.彈牙都幾入味!⚪️三溝三溝即係碗仔翅生菜魚肉🥣一碗好足料,味道岩岩好,魚肉都唔會食到成口粉!⚪️車仔麵(揀咗牛魔王上海麵)🍴入面有牛肚.牛柏葉.牛丸.生菜🤗牛柏葉牛肚洗得非常乾淨白雪雪.完全冇怪味而且好爽口👍🏻牛丸好彈牙好多汁.平時好少見有得食上海麵🍜口感比烏冬幼少少但都好彈牙.唔錯!⚪️煎釀三寶(豆腐.青椒.茄子各一件)比平時嘅大件.魚肉唔算好厚.唔錯！⚪️豆漿豆味都幾濃,唔會好甜🥛整體方面:舖頊裝修得幾令,又乾淨冷氣都好涼,座得都好舒服,所有調味料都擺得好整齊👍🏻整體食物都做得好好,好味,除左小食之外,仲有車仔麵....🍜種類都好多,總有1款岩食,價錢都好合理,唔想企係街邊食野又熱又焗,就一定要去試下!!

話說我係一個魚蛋控，梗係要試吓魚蛋哥嘅招牌魚蛋先啦😝點知一嚟到全場爆曬，唯有買外賣上車食🤩估唔到嚟到先知原來仲有車仔麵食，我就先叫咗油麵，加上咖喱魚蛋，原味魚蛋，蘿蔔，冬菇，貢丸黎做配料😝首先每一款魚蛋都有好香嘅魚肉味，而且口感彈牙，每次咬落口都煙煙靭靭咁，當中我最喜歡食既係咖喱魚蛋，因為咖喱味辣度啱啱好，而且咖喱味好香龍濃好容易令到人食到停唔到口🥳蘿蔔好清甜，而且食落去冇渣，冬菇香味好重，大大舊好食，貢丸亦好香豬肉味加埋香菇，正呀🥰混醬腸粉好有驚喜，嫩滑嘅腸粉，食落口滑嘟嘟，加埋甜醬豉油嘅混合醬，yummy😝三溝碗仔翅魚肉生菜，碗仔翅好足料加埋胡椒粉即刻將個香味帶咗出嚟，加上彈牙嘅魚肉同埋清甜嘅生菜，呢一個三溝碗仔翅生菜魚肉好值得一試😜手工粢飯，飯夠晒腍身，入邊包住大大條嘅油炸鬼同埋肉鬆鹹菜，大大嚿咁飽肚感十足呀💪🏽油菜，夠晒新鮮，食完感覺好健康呀。豆漿嘅豆味好香濃，而且甜度適中，啱晒我口味啊😋😋凍檸茶走甜少冰，茶膽夠濃，加埋新鮮嘅檸檬酸度唔會去到苦嘅程度，呢杯凍檸茶夠晒出色。🥰

今晚晏左收工，返到屋企附近選左間港式小食店坐底食個快晚餐😄咖喱魚蛋$8/6蚊味道唔算好辣，但食落好重香料味，而且d魚蛋又吸汁又彈牙，平靚正wo!豬皮魚蛋蘿蔔$24蘿蔔好香甜，又冇渣😍豬皮咬落勁爽口😗手工粢飯（咸）成條姿飯熱辣辣，出哂煙～入邊配料有油炸鬼，炸菜同肉鬆，口感大滿足～厚切煎釀三寶$28/6件件件又香又大件，醬汁味道岩岩好帶到煎物既香味👍生菜魚肉$24食街頭小食唔算得我最愛既生菜魚肉。佢地既魚肉切到細細粒較為小見，質感唔算好彈，但勝在魚肉味道幾香幾出眾😋

今日落雨行街Ｄ鋪頭Ｄ冷氣已經吹到好凍手都麻痺晒為了避雨入咗Ｅ間魚哥食野一入去老闆已經知我凍叫我調去隔離枱暖Ｄ.之後仲主動走埋嚟說:不如熄細Ｄ冷氣👍👍嘩..對於一個怕冷的人他這樣令我很溫暖.可以不用捱凍了.他好快關了我暖曬＃今日仲有咁好招呼我打咗個突🤣🤣🤣而且佢會即時比餐牌你點餐..宜家去食晚市都未必睬你.你凍死佢都不會理你.好感動下次會再光顧．｀.大家都不防試下.就在朗豪坊van仔站隔離幾間鋪燒味檔隔離#衛生.個碗仔翅足料.杯豆漿不會太甜