魚蛋哥

營業中

休息中

疫情之下好耐都冇出去行街，食嘢， 今日出旺角買啲嘢見到呢間舖頭乾淨企理，但礙於限聚令都係外賣返屋企食。外賣返到屋企都要十五分鐘打開啲食物都仲係暖暖哋， 叫咗車仔麵好擔心索水，原來呢間舖頭好貼心有分隔裝置， 叫咗蘿蔔好淋，豬腸洗得好乾淨， 豬油渣就有改善空間， 湯底叫咗小辣都唔係好辣而且味道濃沃。 整體都係唔錯嘅。叫咗腸粉，估唔到有驚喜，都係平時啲醬汁但食得出豉油有少少分別， 而且佢都好滑。碗仔翅我就覺得稀咗啲，至於魚蛋同燒賣都係唔錯嘅， 魚蛋辣味比較重 ，對於食辣嘅人嚟講都係唔錯。掃街小店嚟講我都會畀幾高分，亦都會推薦畀我身邊嘅朋友， 下次路過可以試下

經過朗豪坊，見到呢間新開嘅魚蛋歌，門口都幾多人，心諗可能呢間野都幾好味，心癢癢就想食吓魚蛋同燒賣。我好鍾意食魚蛋同燒賣，所以對魚蛋汁嘅要求都好高，覺得魚肉燒賣嘅口感都好緊要 我今次點左辣魚蛋味，但我略嫌呢度嘅汁除咗得個辣字之外，完全食唔到其他味道。而且撈埋燒賣嘅時候，我冇落到豉油，所以令到燒賣都得辣味。雖然魚蛋同燒賣嘅口感唔錯，但真係因為太辣嘅關係，我食到一半都食唔到落去。下次可能要試吓原味先知道佢整得到底好唔好食。

Lunch time諗住快食 見新開張裏面乾淨外面都多人等外賣就嚟試下， 叫咗燒賣魚蛋、魚肉湯、豬紅蘿蔔同牛魔王同兩個嘢飲，兩個人食好夠飽。d嘢食好快上，食物質素唔錯魚肉湯- 好大碗湯底飲得出冇味精，魚肉好彈牙 夠晒健康😋牛魔王米粉- 牛肚同牛柏葉都好爽口,牛丸都好彈牙,米粉好入味軟硬適中 最好係配搭晒唔使諗👍🏻燒賣魚蛋-少少辣口感唔錯幾過癮😍蘿蔔同豬紅-蘿蔔幾入味同埋唔苦，豬紅夠晒滑都好好味🤪整體來講 全部野都好好食最緊要係好快上枱 價錢又唔貴

係朗豪坊亞皆老街附近新開間叫‘魚蛋哥’嘅小食店，真係抵食到笑，有我好鍾意食嘅魚蛋燒賣同腸粉，魚蛋燒賣都係$6蚊，三寶好味又大件見到都流口水，野食種類都幾多，經過都會入去食下野，試過車子麵，都幾得意，有幾個、大神、「豬八戒、牛魔王、海龍王、還有大胃王」我朋友就有選擇困難所以就有很喜歡個王set，我就喜歡自選車子麵送，試左油麵加蠔王冬菇、牛肚、大腸、朱紅、蘿蔔，好味兼且大滿足。有次經過見下午茶又好抵食咁岩又有啲肚餓，就入去醫下肚仔， 再次感受到佢哋的熱誠、我唔係好識傾偈嘅人但係都feel到佢哋太度親切又周到，係鬧市有一間咁樣嘅小店真係好難得，我會繼續支持的，加油！

疫情期間晚市得外賣，剛好經過見呢間新開就試吓。見佢門口放左兩個餐既display，一款叫豬八戒另一款叫牛魔王，我就叫左個豬八戎（$40唔使包野飲算好抵），加多個咖哩魷魚。返到屋企打開當然試左個湯先，個湯好香，餸就有豬皮豬腸同豬紅，份量都好夠，最鍾意佢果樣野係佢個外賣盒係麵同湯分開既，呢點我好like，叫得外賣湯麵類如果唔分湯，拎到返到屋企啲湯好易比啲麵吸哂。而咖哩魷魚份量就細左少少，但啲魷魚好有咖哩味，係慊佢咖夠辣（可能我食得辣），但大致上都唔差。講返個湯，好有大地魚既香味，最後我成碗麵連湯飲埋😃。因為個湯真係幾吸引到我，所以都會返去再食。👍🏻

無得堂食，放工只想快啲衝返屋企，旺角都少左好多人，行返屋企途中見到間招牌新淨、門面乾乾淨淨、餐牌又有特價，咁開心就衝左入去買外賣。個餐牌都好大，又港式野食又魚蛋又燒賣又腸粉仲有埋車仔麵，我減肥星期一就輕食算啦！見佢魚蛋有特價就揀辣味試試啦，又幾彈牙喎，少少辣得幾惹味！個燒賣唔係一堆粉團嗰啲，感覺幾新鮮，同姿飯一樣拎到返屋企仲係暖笠笠，即係唔係叮叮燒賣，正魚肉菜湯，魚肉都唔會好淋，湯底都幾清甜，飲哂都唔渴，下次會再試食個車仔麵

剛經過肚餓，遇著魚蛋哥開張派魚蛋🍡，試完3粒味道唔錯，幾彈牙有魚味，就入呢間試下啦😌叫左粢飯、腸粉、魚蛋、可樂，同老公2人share。魚蛋開業價$6 （6粒）抵👍🏼 落單時職員有禮貌，耐性，唔會催你落單，唔會催你食完走人。抗疫期間，一張4人枱中間有膠板隔開，可以對坐或平排坐都得，比較彈性。腸粉粢飯有驚喜，腸粉好滑，粢飯好足料，有我最愛既油炸鬼、炸菜、肉鬆😋，同老公share好飽，唔使食lunch都得😌。會再幫襯👍🏼。

經過見到新開嘅中式小食店，行左入去買左個栥飯同豆漿。首先豆漿真係可以唔使試，好淡，好水完全無豆味得甜味。其次個栥飯唔算伏，個料都幾足，唔會太鹹。不過個飯就有少少太水，唔夠硬身。同埋應該唔係新鮮包。整體來講都可以試下，不過未到一個要特登行過去食嘅地步☺️

最近係旺角朗豪坊附近有間有冷氣既小食店新開張。招牌醒目新潮，舖頭吸引不小年輕男女前去光顧。究竟呢間名為「魚蛋哥」有咩來頭呢。不妨試試究竟先⋯⋯原來旺角新裝修「魚蛋哥」大件夾抵食😋，乾淨冷氣又夠！就近旺角地鐵站，近朗豪坊，行街歇腳好去處👍👍👍招牌咖喱魚蛋，碗仔翅，同埋清甜蘿蔔豬紅，煎釀三寶加糍飯，樣樣都好出色店裡足夠容納十幾人同時堂食，去開旺角，緊要試下魚蛋哥！同朋友行街歇腳魚蛋哥係最佳選擇！#魚蛋哥

港式小食店主打燒賣腸粉和車仔麵車仔麵餸當中推薦冬茹 牛肚 雲吞冬茹肉厚有口感 特製醬汁帶有像壽起燒一樣的甜味牛肚厚薄適中 有濃郁的牛香味 齒頰留香 兩者皆炆得夠淋夠入味 能吃到用心製作的味道另外雲吞屬於大顆 皮薄餡多 蝦肉彈牙爽口 💁🏻‍♀️麻雀雖小 但充滿著小店的人情味 回頭率100%———————————————————

今日完症已經兩點半，唔想食飯，見到附近開左間魚。蛋。哥就入去試下。望下本餐牌，都好多款野食大部分港式小食魚蛋燒賣腸粉煎釀三寶碗仔翅生菜魚肉就連豬油渣面呢度都有得食。餐牌一餐牌二餐牌三 最後嗌左煎釀三寶，油渣面同凍檸檬利賓納香脆油渣面先係$34彈牙上海面加入主菜豬油渣同其他有火腿絲，冬菇絲，大量既蔥蒜辣菜脯非常大碗。豬油渣大約有十舊左右，舊舊都脆卜卜煎釀三寶6件$28件件都大大件，魚肉好厚啖啖肉+$9 嘆番杯凍檸檬利賓納唔係好多地方有得飲。後記:食完碗面已經食唔落煎釀三寶要外賣帶走🤣店員哥哥見我諗左好耐都未落單，就建議輕食可以食啲咩，想食得飽肚啲可以食咩。佢既建議非常岩我有選擇困難症既人因為太多野都食但又唔知點嗌好。下次番工前經過要買埋早餐食下先

臨到2200差唔多收舖既時間肚餓 好彩老闆都比我地入去叫左兩份腸粉同一份燒賣 再加一支豆漿腸粉完全唔吝嗇落咗好多花生醬甜醬芝麻同埋豉油 食完仲有勁多醬不過盡量嫌貴咗少少$15得四條 而燒賣好煙銀完全唔似平時嘅魚肉燒賣 不過size就有啲細可能臨收舖老闆請我哋食咗一碟王牌咖喱魚蛋舖頭名叫魚蛋哥 相信魚蛋一定係主打食物魚旦一上枱已經聞到一陣辣味 食落口好彈牙不過我覺得辣咗少少 掩蓋左咖喱味因為啱啱開業無耐所以魚蛋燒賣都有開業價下次可以試埋其他小食腸粉我一定會再返轉頭食