魚蝦蟹 (已結業)

炎夏般的七月初，走進這間新開的小店。冷氣有點不夠，正午十二時多，安靜的小店，我正糾結蝦湯還是魚湯，最後選了「鮮濃蝦湯鮮魚片米線」，加上小食「秘製車厘茄」和「蝦油燒賣」，合共$96，在中上環屬於合理的午餐價錢。至於味道方面，第一口湯，似乎偏向味淡，不太嚐到鮮味和濃蝦味，我最後加了兩匙羹辣醬才覺得夠味。魚片厚身，和湯頭表現一致，欠魚味。米線不知是發脹了還是店主喜歡的質感，我比較喜歡幼細煙靭的米線。值得一讚的是秘製車厘茄酸甜有致，在酷熱的天氣下，清新開胃。蝦油燒賣蒸得不太夠熱，表現正常。店內擺設整齊，細節見心思。一入門口樓底頗高，在34度的高溫下進來，彷彿別有洞天，若冷氣充足更佳。食物方面，看來尚有不少進步空間。

係外賣app見到 "魚蝦蟹" 個名咁得意，所以就敢咗入去睇，見到標榜零味精，就揀咗尼食。我點咗一碗招牌鮮濃蝦湯麵，加埋幾隻大蝦，再配一杯梳打水。招牌鮮濃蝦湯麵，個湯底真係超濃郁，一聞到知道不得之了！湯底有濃郁嘅蝦味，好鮮，好香，感覺真係冇味精，因為飲完完全唔覺口渴。每一口麵都吸收咗湯汁嘅精華，好好味，啲蝦肉質彈牙，好juicy。雖然呢間餐廳都真係幾遠，不過為咗呢個湯底，我覺得真係好值得。食完完全feel到呢度用心製作嘅誠意，確實無論距離幾遠，都要嚟試下呢個招牌鮮濃蝦湯麵。

呢間小店位於上環歌賦街，真心有驚喜😍，特大海蝦湯麵好正！fusion蝦汁泡菜意粉和小食都唔錯，幾抵食❤️！🔹️特大海蝦秘製鮮蝦湯麵 $159呢度嘅蝦湯真心唔錯，味道濃郁，用左好多大蝦淆製，係餐廳巧手之作，無味精所以食完唔會覺得渴。海蝦非常大隻！肉質新鮮彈牙！仲有魚肉和糖心蛋，超豐富！🔹️特濃蝦汁泡菜意粉 $112呢個fusion意粉好有風味，意粉吸引蝦汁🦐和泡菜味好特別，酸辣得來有鮮味，喺依度先食到！🔹️黑松露蟹肉醬多士🦀 $78多士脆脆，上面有好多蟹肉，加埋黑松露真係一流。🔹️香煎墨魚餅🦑 $58墨魚好新鮮，煎到幾香口，$58 有6塊，CP好高。

曾經我係一個係中環返工的薯仔🥔好鍾意係中上環周圍搵野食原來九如坊附近有間「零味精」嘅餐廳😍咁一定要黎試下喇餐廳細細 但坐得都好舒服⭐️秘製鮮味蝦湯米線嚟到呢度一定要試吓個湯面喇✨秘製的湯底 沒有味精 充滿住蝦嘅鮮味3隻大蝦新鮮爽口又彈牙米線吸晒啲湯嘅鮮味每一口米線都充滿了湯的滋味🤤想濃味啲可加蒜蓉或辣醬我就加左少少辣醬更惹味⭐️日式咖哩蟹肉撈麵未上到枱已經聞到咖哩香🤤蟹肉的質地鮮嫩，仲有少少菇濃郁的咖哩香氣、鮮美的蟹肉和彈牙的麵條好夾⭐️秘製話梅車厘茄車厘茄多汁，仲去左皮一口一個😍吸收話梅醬的酸甜酸酸甜甜勁好開胃⭐️蒜泥青瓜仔及雲耳新鮮的青瓜和滑嫩的雲耳搭配香氣濃郁的蒜泥醬唔使講 勁快清碟⭐️炸深海巨魚柳配秘製甜酸醬上碟是沙律醬~熱辣辣新鮮炸起無法抗拒😋店員親切 享受着美食過了一個愉快的晚上📍 魚蝦蟹 (中環)中環歌賦街45號地舖

行pmq附近見到呢間專門做魚湯、蝦湯小店，就入去食下，估唔到CP勁高！❣️一定一定要食個特大海蝦秘制鮮蝦湯麵，大大隻蝦好吸引，無味精湯底一飲難忘❣️其他小食價錢合理得來好有水準，CP幾高🦐特大海蝦秘製鮮蝦湯麵（配溏心蛋）$159- 除左超巨型大蝦🦐好吸睛外，個無味精湯底都係重點！用上西餐熬湯法，蝦味超濃，飲落去都好天然濃香帶有番茄味，又唔會太heavy。- 蝦肉係彈口新鮮，仲有流心蛋同魚肉，好豐富。想濃味d 仲可以加蒜！🥪黑松露蟹肉醬多士$78- 食落去滿滿黑松露香，配上粒粒蟹肉撈沙律醬，味道幾好🐟炸深海巨魚柳配秘制甜酸醬$58- 大大條魚柳，肉質白雪雪 juicy，炸皮薄薄地入面多肉，高CP🍝黑松露忌廉蟹肉意粉$105- 意粉texture唔錯，仲有粒粒蟹肉，不過蝦湯吸引d😆😆

魚蝦蟹 @ 中環唔係過年先有魚蝦蟹既…標榜用海鮮材料淆好耐既湯底…無味精…推薦一飲到底。呢個slogan吸引左好鍾意飲湯既我入黎吔個晏仔呢度午餐都幾多選擇…全部食材都以海鮮為主。有湯又有無湯我地點左特大海蝦配招牌鮮濃蝦湯同咖哩蟹肉撈麵…同加左錢升下cup特大海蝦果然無呃人…隻蝦好大隻🤩🤩。概然講到個湯咁正…當然要飲頭啖湯…夠熱👍🏻…有海鮮既鮮甜味…果然足料…好啱鍾意清清地既你。如果你想再濃味dd…老闆建議加入佢地既調製韓式辣醬同蒜蓉…加左撈混佢又另一種風味。建議試左老闆既心意先再加調味。講番碗米線先。蝦肉實淨爽口…靚野黎。驚喜係多左舊魚…幾嫩滑…落單時老闆建議轉米線底…話同個湯夾d又真係幾好…雖然唔知麵會唔會更啱…當然信專業。米線好滑…不過我就覺得腍dd… 咖哩蟹肉撈麵都幾多蟹肉…夠慷慨…日式咖哩做得唔錯…可以食到薯仔煮到同咖哩汁融為一體。所以比較濃稠dd。呢個麵質好煙韌…撈咖哩汁唔錯。配菜既蕃茄漬物做得甜酸度適中好開胃小食既煎餃子就不過不失燒賣配特濃蝦汁…賣想變成章魚小燒賣咁老闆好健談…講左做餐廳理念…同好緊張客人意見…同埋分享左現時經營環境既困難等等。老闆推介左一個韓式泡菜蝦意粉…

同黎朋友來到中環這家清新小店。餐廳主打天然無落味精，湯底日日新鮮熬製，真材實料，飲得更健康。前菜用精緻日式小碗盛裝，擺盤精美。秘製鮮濃蝦湯麵：蝦肉厚身，爽口彈牙，好鮮味；天然無落味精既湯底，真係飲多幾啖都唔會口渴，湯底鮮甜濃郁。黑松露忌廉蟹肉意大利粉：蟹肉夠鮮味，意大利粉軟硬適中，口感creamy彈牙。蒸魚肉燒賣配招牌特濃鮮蝦汁：魚肉燒賣本身夠鮮味，再加埋個招牌特濃鮮蝦汁，令鮮味更突出，必食之選。+$22 升級套餐開胃前菜2款：甜醃蕃茄仔、酸靑瓜酸酸甜甜，開胃又好味。是日炒菜/ 炸物 ：餃子大大隻，外脆肉軟，炒青菜清新口感。精選鮮果：罐裝/ 包裝飲品：飲品自助雪櫃自取，選擇都幾多。🔎魚蝦蟹 (中環)📍中環歌賦街45號地舖

這家餐廳給我留下深刻的印象。舒適的環境、休閑的氛圍和美味的食物，讓我度過了一個愉快的用餐體驗。牆上掛著一些小蟹掛畫十分可愛😍我點了一碗秘製鮮濃蝦湯米線，蝦湯的味道鮮濃豐富，每一口都讓我感受到濃郁的蝦香味。米線煮得剛剛好，有著彈牙的口感，完美地吸收了蝦湯的美味😋 蝦肉爽口口感不錯👍🏻另外還嘗試了他們的蝦籽蝦油鮮蝦撈麵，可以將鮮蝦轉換成豬梅肉片或墨魚餅。我選擇了墨魚餅，結果真是驚喜！🥳 墨魚餅的質地彈牙，搭配著蝦籽和蝦油的鮮味😍 讓這道撈麵充滿了豐富的層次感。麵條口感彈牙可口！此外，還點了一份魚肉燒賣配招牌特濃鮮蝦汁作為小食。想不到魚肉燒賣配上他們特濃鮮蝦汁會這麼好吃！有驚喜！

中上環附近返工嘅我，近日係九如坊附近發現咗間「零味精」嘅食店😍，就等我試下係咪真係咁健康先得。秘製鮮濃蝦湯麵 $79大蝦🦐有3️⃣隻，全部爽口彈牙，秘製嘅蝦湯真心幾好👍，唔太鹹，充滿蝦嘅鮮味😋。蝦籽蝦油鮮蝦撈麵 (轉墨魚餅) $65因為已經叫咗蝦麵🦐，所以將鮮蝦改咗口感彈牙嘅墨魚餅🦑；撈麵除咗蝦籽外仲加咗秘製嘅醬汁，所以比較頭先個湯，這個味道更加濃😍，但又唔會過鹹😋。+$22 升級套餐開胃前菜兩款分別係自家製蕃茄仔🍅和酸酸甜甜雲耳青瓜🥒，作為開胃菜非常合適😋。炒菜/炸物炒白菜夠哂入味，餃子🥟就炸到金黄色，皮脆肉juicy😋。精選鮮果今日係火龍果同橙，非常鮮甜😍。飲品飲品可以自己去飲品櫃選擇，意外地選擇都唔少😆。追加小食蒸魚肉燒賣配招牌特濃鮮蝦汁 $28燒賣正常發輝，但當加了自家製特濃鮮蝦汁之後🥰，完全係兩回事，非常好食🤤。果然名副其實「零味精」，飲完成個湯，一啲都唔覺得口渴👍，睇嚟我以後又多個lunch選擇。

中午同同事去佐一間主打無味精海鮮湯嘅餐廳食午餐🥣店面枱唔算多，但勝在唔會迫夾。木系裝修睇落好溫馨❤️招牌鮮濃蝦🦐湯麵湯面嘅靈魂就係個湯底，食麵之前一定要飲啖湯先深橙色嘅蝦湯，飲落濃郁，滿滿嘅海鮮精個湯唔會太喊，飲完唔會口渴想濃味啲可加自家制蒜蓉🧄/辣醬🌶️上面有幾隻鮮蝦，彈牙有蝦味魚麵條煮得岩岩好，唔會太淋或太硬👍🏻黑松露忌廉蟹肉🦀意大利粉肉眼可見滿滿嘅黑松露醬，醬汁濃秱，每條意粉都掛滿醬汁，入口充滿香濃嘅黑松露同香滑嘅忌廉。我們加$22升級套餐有前菜，小食同飲品前菜有三款，水果、青瓜同酸酸甜甜嘅蕃茄仔小食有白菜仔🥬同炸餃子🥟另外叫佐個招牌小食蒸魚肉燒賣配招牌特濃鮮蝦汁♥️彈牙嘅燒賣上面淋上濃郁蝦汁再放上脆卜卜嘅鮮蝦片碎，一啖同時食到唔到嘅口感同味道，絕對值得入燒賣關注組➕

今日係上環嗰邊同同事放工，諗住行過去中環食下dinner，行過一間小店望下，見佢餐牌主要食魚，蝦，蟹嘅麵🐟🦐🦀標榜零味精，見個價錢係中上環又合理，就入咗去食👅小店行簡約風，入去坐又幾闊落喎👅蒸魚肉燒賣配招牌特濃鮮蝦汁🦐燒賣控必吃💕鮮蝦汁濃郁而鮮美💦每啖都食到鮮蝦嘅鮮味✨佢偏濃稠質地，完美咁融入燒賣嘅魚肉，帶出味道更加豐富同濃郁鮮香嘅口感🤤蝦籽蝦油鮮蝦撈麵🦐🍝一上枱已經聞到好香嘅蝦籽味！睇嚟餐廳都落足料🥰鮮蝦質嘅彈牙，好新鮮又鮮甜👅麵條有咬勁👅加埋豐富嘅蝦籽，令整碗麵更加濃郁💕撈麵入面嘅蝦油係自己整㗎😳啖啖充滿咗鮮味同蝦油嘅香氣，好食😋黑松露忌廉蟹肉意大利粉🦀🍝意大利粉煮得啱啱好，筋道有咬勁👍🏿意粉入面嘅黑松露忌廉好濃郁～啖啖都好香👅佢同蟹肉嘅結合，令味道更加層次分明，每啖都食到奶油同海鮮嘅perfect match✨✨加$22可以升級套餐😌開胃前菜：自家醃製嘅小蕃茄同爽甜嘅雲耳青瓜，小蕃茄好甜好正🍅！去咗皮嘅肉更加好食😋雲耳青瓜酸酸甜甜，帶嚟一啲清新嘅口感💕是日炒菜／炸物：炸餃子嘅外皮炸得金黃酥脆，餡料豐富，包括肉、蔬菜同調味料，味道層次分明✨炒菜好解漏，好健康！精選鮮果：今次我哋係火

假日同朋友去左中環一間特色米線小店。主打魚蝦蟹等食材。有湯麵，米線，薯粉，撈麵同意大利粉多款選擇，梗有一款岩大家口味。重點係佢嘅湯底，無加任何味精，注重健康嘅朋友就岩哂。唔駛食完個麵鬼咁頸渴，係咁飲水。今次試左兩款米線套餐同一款小食。🦐秘製鮮濃蝦湯麵 $79+$22 (套餐）套餐包左兩款開胃前菜，炸物/炒菜，精選生果同罐裝盒裝飲品。湯麵煮得恰到好處，鮮蝦爽滑彈牙，湯底非常鮮甜，蝦味十足。如果想再濃味啲，餐廳仲提供左辣椒同蒜蓉，可以再帶出多一重嘅鮮味。我就冇加到蒜蓉，覺得就咁飲已經夠哂鮮甜，一滴不漏飲哂個湯底。配埋生果，真係覺得個人都健康咗。🐟胡椒魚湯米線 $61+$22 (套餐）魚肉相當嫩滑，魚湯清甜，帶鮮味同胡椒味。朋友都大讚，米線都非常彈牙。🦐吉列炸蝦 $22本來想食炸魷魚酥，可惜太受歡迎賣哂。依家好多餐廳都主打香辣酸辣麻辣，好少小店咁有heart 會做無味精嘅湯底。值得支持。餐廳仲唔收加一，好抵食。餐廳同PMQ 都好近，食完仲可以過去睇下展覽，真係假日嘅好選擇。

魚蝦蟹位於中環歌賦街45號地舖可以由中環地鐵站A出口出，行至恆生大廈上扶手電梯，到半山天橋，上左2條扶手梯後落樓梯，再落斜坡，再向右行幾分鐘就會見到藍色招牌的魚蝦蟹。魚蝦蟹的裝壁係綠綠地，有掛畫同魚形狀的碟仔做擺設選一款主食加$20有埋前菜同飲品日式蟹肉咖哩撈麵 $69 咖哩中有洋蔥同菇類帶點鮮味蟹肉新鮮幼身麵帶點咬口，爽口感覺掛上咖哩汁非常香濃秘製鮮蝦湯面$79湯底沒有味精蝦湯鮮味蝦仁爽口幼麵爽滑檯上有蒜蓉醬同辣醬我比較喜歡辣醬味道變得更惹味

今次介紹比大家食食嘅呢間實在太精彩位於中環歌賦街隱世湯麵餐廳「魚蝦蟹」美食真係要用多少少腳力～不過，呢間絕對值得！餐廳主打零味精湯麵，店主非常之細心了解客人希望嘅湯麵生熟程度，而且每一個麵都係即叫即煮，唔會比麵麵浸過龍啱晒我呢啲鍾意有咬口嘅人，加埋佢個特濃特制醬汁～真係好味到痴線咁正🤣💖🍜招牌鮮濃蝦湯 （可以選擇配魚/豬）選擇咗套餐，會有埋前菜，炸物，嘢飲依個濃蝦湯嘅特色之處，就係不加味精，真係餐廳用心熬製嘅超級鮮甜嘅蝦湯！佢個糖心蛋真係好好味，原來有特別嘅製作方式，我覺得我可以添加再添加🤣🍜新菜式 - 蝦子蝦油鮮蝦撈麵 （可以選擇配魚/豬）呢個我真係超級鍾意食，因為好鍾意食蝦籽撈麵，我鍾意嗰種一粒粒嘅感覺同埋有咬口嘅麵條～呢個比起湯麵，味道更加濃！而且佢仲有特製嘅醬汁可以另外加上去，適合重口味嘅人，而每一粒蝦都係勁大粒勁新鮮！索索聲！🍤小食 - 煎餃子煎餃子入口脆卜卜，脆得黎完全唔會乾爭爭🍤小食 - 特濃鮮蝦醬汁魚肉燒賣呢個又係好出色，店主為咗增加口感嘅層次，上邊特登加咗蝦片，淋上媲美濃縮咗嘅鮮蝦濃汁～唷～不得了！必叫之選！美食當然唔少得美酒店主仲請我地飲佢嘅自己私家珍藏～一定要打卡

最近去左一間叫做Hooheyhow 魚蝦蟹的餐廳，係中環soho 過少少的一條街，真係被他們的招牌鮮龍蝦湯米線驚艷到！呢個地方雖然鋪頭唔大，但乾淨企理，簡單的日式佈置，還播放著住輕快的英文歌曲，非常有格調，令我放鬆晒心情。呢間Hooheyhow 魚蝦蟹嘅老闆真係用心製作每一樣嘢。我見到佢哋嘅招牌鮮濃蝦湯米線，湯底真係用最簡單嘅海鮮材料煲咗好耐，完全冇加味精，所以每一口都好濃郁嘅海鮮味。加上佢哋特製嘅香辣醬同蒜蓉，真係特別惹味，配埋鮮蝦，真係爽甜到爆！你一試就知有幾好食啦！仲有佢哋嘅秘制酸菜魚湯米線，湯底都唔加味精，而且佢哋特別訂製嘅原身魚塊，真係食起嚟過癮到爆！厚身得黎一條骨都冇，酸菜同魚湯嘅結合，真係好恰到好處，啲味道好正！唔止咁，如果你加$20升級套餐，仲有開胃前菜，包括佢哋自己醃嘅小蕃茄同爽甜嘅蓮藕片。再加埋一份炒菜或者炸物，精選鮮果同罐裝飲品，真係物超所值！如果你仲未滿足，佢哋仲有啲小食可以選擇。我就另外加咗一份迷你炸魚薯條，唔好睇佢個樣冇乜特別，但係都好好食架！總之，Hooheyhow 魚蝦蟹係一間真係令人驚喜嘅餐廳。佢哋嘅招牌鮮濃蝦湯米線同秘制酸菜魚湯米線都好好食，湯底唔加