影片
港鐵天后站 A2 出口, 步行約2分鐘
繼續閱讀
附加資料
位於天后食街新建商業大廈頂層, 落地玻璃,覽270度維港景色
營業時間
星期一
全日休息
星期二至日
12:00 - 15:00
18:00 - 23:00
以上資料只供參考, 請與餐廳確認詳情
本身滿心歡喜去食lunch omakase, 去到個景靚同埋service都幾好, 但係全場得兩個壽司師傅去serve晒全場….之前去其他餐廳通常都係一個師傅serve兩枱客最唔滿意嘅就係師傅突然同我哋講預唔夠海膽份量, 所以轉蝦壽司俾我哋, 但正常有book位又唔係walk-in, 應該要預夠份量。。雖然師傅有講唔好意思，但因為我哋隔離幾枱同時間都serve到海膽, 真係好無奈。。俾人感覺好唔專業最後整體壽司質素average, 但呢個價錢絕對可以食到其他質素再高好多嘅omakase….真係強烈建議唔好去😥😥
繼續閱讀
星期六午市，行經金輪天地。本來想食有鐵板燒嘅omakasa,但上到去，因為冇訂檯，記被人一口回絕左了。咁搭𨋢落多幾層，就到鮨千月。估唔到冇訂檯都尚有吧檯位，仲望到海景，好意外驚喜。侍應好有禮貌，會頻頻添茶，對答都好有禮貌。師傅又會同你傾幾句，都係好有禮貌，令你感覺到好自在舒適。食物方面，沙律、蛋嘅前菜固然好味。壽司每件都好新鮮美味。我在套餐以外點的燒鱈魚片又係大碟好食。整個用餐過程都係好愉快。很推薦大家來試下午市omakasa！
繼續閱讀
喺香港食咗十幾間呢間係唯一 服務員招呼絕對可以 基本上任何要求都可以做到 就算我唔識飲白酒 佢哋都可以介紹到畀我 刺身師傅 基本也迎合客人要求 一千蚊樓下的價錢 這樣的服務 絕對沒有任何一間可以 食材方面在我的角度 已經絕對合格 我本身也是做飲食業的 呢一間舖頭 絕對會有下一次 絕對值得推介
繼續閱讀
一直想試下天后這間勁難book 位omakese,今次有幸訂到枱，而且當晚算少人較舒適，座在大廚席前還可以多互動交流。餐廳格調很和風，有日式許願的繪馬供食客求福，而且餐廳周圍都是落地玻璃窗，可以遠望維港景色，還有露台可出去打卡。KIYO 氣淑 $1580/head▪️前菜兩款▪️日本生蠔🦪▪️刺身4款 石碟魚🐠，杉錭魚（即長尾錭）表面師傅有略略火炙）▪️和食2款鮫魚，和牛🐮粒，火炙中吞拿▪️壽司8貫池魚，金時錭，麥金錭（入面有柚子皮很fresh), 金目錭，獅魚，牡丹蝦，大tuna, 海膽▪️湯 評分極高濃魚湯，師傳滾得一流👍🏻▪️甜品 日本蜜瓜🍈▪️另叫Sake🍶✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ▫️鮨千月 (天后) @sen_tsuki 📍天后電器道68號金輪天地26樓✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿
繼續閱讀
去咗間節日慶祝一流嘅餐廳，見到成個維港夜景嘅omakase ✨睇住靚景嘆美食❤️仲可以出去露台影相留念！佢哋而家開業兩周年，凡於晚市惠顧Omakase套餐兩人同行 一人半價!!! 今晚試咗令月 $1380@❁ 前菜昆布包住魚蓉，食落去軟林林好香魚肉味，上面辣蘿蔔汁。另外右手邊係汁煮吞拿魚，上面係淮山汁，魚肉滑溜。❁ 北海道厚岸生蠔🦪人生入邊都係第一次食咁大隻生蠔，長過我手掌好多，接近20 cm，食落比較creamy、肉厚，上面加咗岩鹽、魚子醬😌❁ 刺身笛吹鯛第一次聽呢種魚，個名好得意呀，白身魚味道比較清。加左柚子皮，刺身可卷上芽蔥、紫蘇花，然後點酸汁食，有需要仲可以加四季紅，帶來少少辣味。✨✨✨活北寄貝刺身，咬落鮮甜，上面有竹炭鹽再加咗青檸汁，有需要可加小黃菊、芥末，好靚好好味。燒拖羅脆卜卜嘅紫菜加上師傅即場燒嘅拖羅，夾住紫蘇葉，上面加魚子醬、芥末。超正❤️師傅成件比你拎住用手食，拖羅油脂豐富，每一啖都好正。❁ 和食汁煮剝皮魚即係麵豉湯煮魚，食落感覺比較清，一大片魚肉，唔使擔心條魚唔係好多骨，輕輕夾出嚟就可以。入面仲有蘿蔔、豆角，面豉味道香。啱啱食完拖羅，而家清清地就差唔多。❁ 壽司 •黑目張: 白身魚唔腥，味道比較清，油份適中•石垣貝: 上碟時師傅會用力一拍，新鮮嘅貝類會即時收縮✨•梭子魚: 師傅刀工十足，切得好靚，魚肉油份唔多但魚皮油份豐富，火炙後味道香，上面有岩鹽調味。•白蝦: 口感細綿黏口，加上紫蘇花、青檸汁、竹炭鹽，好靚 •黑鯥魚: 肉質鮮甜係刺身入面嘅極品，輕輕燒魚皮，味道更佳。•超拖羅: 有四片薄身拖羅叠起，食落無筯，肉質軟滑。•海膽: 超正，成大片用紫菜包住，食落真係好甜😁❁ 湯品白魚湯，魚味香濃。❁ 甜品白桃雪葩，超級吸引，半個🍑雪成冰，雪葩感覺清新唔肥。📍鮨千月 (天后)天后電器道68號金輪天地26樓
繼續閱讀