鮨見 (已結業)

真係好耐好耐無到過日本啦，疫情下，只可以坐困港城，每年到日本朝聖差不多是好多港人必做之事，因此，近來詢問身邊朋友同事，邊度有日本小店那樣坐在Bar枱旁由廚師發板及料理。今晚到呢間小店，目測大約10個位之內，只有廚師兼老闆及一位姨姨幫手。Order左一個二人餐先上前菜，胡麻醬八爪魚仔仔，帶子裙邊，mixed中華沙律鮟鱇魚肝黑松露，完全無魚腥味茶蒸蛋、D蛋蒸到超超超級滑👍🏻深海池魚及樱花魚併吞拿魚，D池魚有用火槍輕輕燒過，燒既過程已經聞到陣陣魚香味，出曬魚油金目鯛壽司，上面帶有少許金菇醬汁赤貝壽司，手工精美，賣相一流赤蝦壽司海膽杯，這是鎮店之寶，用上大量馬糞膽，再加埋三文魚子及甜蝦一齊吃，太鮮味！靜崗蜜瓜，好Juicy, 好香，好甜

Booked lunch,前一晚11:00 pm whatsapp comfirm booking?! 仲要冇乜禮貌「哩約咗聽日12點半2位。哩會唔會准時光臨😲🙏🏻」已經有啲嬲嬲地第二日照去啦，一去到超嬲，令到我全餐飯都唔滿意：師傅係普通話人扮日本人！！！！其實點解要扮呢？唔係日本人冇問題喎，大把Omakase 師傅係本地香港人都好好食，見到呢度好多俾佢呃咗，話佢係日本人，佢真係唔係！！！唔好見佢講幾句日文就俾佢呃咗！！咁照食啦，食壽司都冇乜嘢，佢就不斷講自己啲魚好新鮮咁去到食到signature 就弊了個海膽杯裏面嘅魚子係壞嘅又臭又酸的！真係壞嘅！好耐冇喺度寫過嘢，但係真係唔想再有人中伏！

而家冇得去日本，連街都冇得出，唯有睇住舊相望梅止渴。。順便為大家介紹下好食既omakase 我最欣賞佢幾樣壽司，特別介紹佢先鯖魚配薑。鯖魚一d都唔腥，配上薑，整件事好新鮮同refreshing中拖羅配馬糞海膽,兩樣都係我至愛！真係好中意食佢！好想再食！唔洗講，好食！左口魚配柚子漬物,柚子的酸味，同左口魚鮮味配合，新享受！帶子配左口魚裙邊,師父會加日本味真係上面，好香魚味，帶子又新鮮,十分完美茶碗蒸都好正架！充滿蛋味，入面仲有海鮮架！最後就飲埋魚湯，師傅話煲左好耐架啦！所以好濃！食北海道豆腐雪糕做甜品，一流！

成日見朋友share食omakase,  終於忍唔住, 自己要試一次。第一次就決定畀呢一間鮨見， 可能因為疫情，所以werekend 7點嚟到都係好少人。 餐廳座位唔多, 見到既得一個樓面姐姐同埋一個師傅， 師父係一個日本人非常有禮貌又好笑。 感覺好似家庭或經驗既小餐廳。 餐廳menu非常簡單， 得兩個set, 由於來之前已經畀佢個海膽杯吸引住, 所以同朋友兩個都決定嗌“見”。第一次食， 雖然好期待， 不過成二千蚊一個人都係好心痛。 唔理咁多啦食咗先算。 師傅好細心問我哋有啲乜嘢唔食， 佢每做完一件壽司都會好仔細咁介紹係乜嘢魚 ， 乜野做法。 再一次感受到日本人嗰種明明語言上溝通唔到， 不過都好努力表達嘅感動。 知道我哋第一次食廚師發板， 會同我哋講食完嘅時候應該將個碟放係邊， 互動嘅感覺非常好。 由於係廚師發板， 所以相信都唔使我介紹邊款好食， 不過見到師父對每一件壽司， 由食材到擺碟都好執著。 果然係另一個層次嘅日本餐。 未食之前諗住我咁大食， 呢啲精緻菜色一定唔夠飽。 最後竟然要捧住個肚走， 食得非常開心， 以後一定會再來。🥰🥰🥰🥰

 I think the omakase lunch set is super value. Sashimi is fresh and sushi is quite good.The chef is Japanese and lived in Hong Kong for years. Overall, we have tried out this restaurant many times. Great value for money.Highly recommend!

［警世]平時平日lunch都會去試下唔同日本餐廳既omakase, 但呢間真係食過最差.一入到去見到個裝修有啲殘舊既感覺, 但覺得問題不大, 食野都係最緊要啲野新鮮同好食, 所以大家接唔接受見仁見智啦.同其他日本餐廳一樣都有lunch set, 佢有幾個set揀, 為免中伏, 我同朋友都唔會揀最貴,咁就叫左一個平的一個貴少少, 因為貴少少個個有海膽食.叫完之後惡夢既開始.首先張檯已經抹唔乾淨, 係有飯粒係檯面到, 跟著望到壽司師傅條圍裙有一達達污漬, 再黎就係見到師傅用嚟抹刀個塊布都係好殘舊, 感覺係唔知用左幾耐. 魚生未食已經聞到有腥味, 個師傅又係唔知點解勁作狀整壽司,扮晒大力掐啲飯, 但係你一夾起啲壽司飯係分開晒,唔係一團或者一舊飯咁,壽司食落去同之聞到有腥味一樣, 完全唔新鮮, 好似啲食材唔知擺左幾耐既感覺, 同埋佢係每舊壽司都搽豉油上去, 我自己覺得唔加調味料先可以食得到魚生個鮮味, 但係結果係加左豉油都蓋唔住食材唔新鮮個陣腥味, 可想而知幾差. 最後每件都食快少少就走, 因為用餐感覺實在不太好, 如果你問我點解食完隔咁耐先打呢篇食評, 係因為唔想比人我覺得好似抹黑佢地, 同

服務阿嬏態度極之惡劣，埋單問多句都鬧人。老闆見到唔出聲！壽司飯出面濕淋淋入面個心未熟透，仲有浸藥材味🤮海膽杯海膽一半係苦！亂咁配搭D魚生。D汁太多調味唔掂！咁嘅態度同質素，沒有最差只有更差，真心勸喻千祈唔好去🤬

今天收到消息限聚令將會又再收緊至7月份一樣，即是晚上6點後不得再設堂食，對於我等貪吃一族真是天大噩耗，趁最後機會，一於要老公請我食番餐好的，當然揀選我至愛的日本菜，這餐廳經朋友介紹但一直不捨得去，甫進去後完全感受到日本風味。主廚師傅是日本人，套餐只有二個選擇，既然有排都沒得吃，當然選個好的。冷盤是胡麻醬八爪魚仔和鵝肝跟配黑松露，不用多介紹也知非常惹味。跟着來一個熱食燉蛋，不知是他功夫了得還是日本來的雞蛋，這個燉蛋食來很滑嫩鮮甜。開始戲肉來了，就是7道魚生，第一碟是深海池魚加櫻花鲷併吞拿魚，用火槍燒完那些魚油會出來的，非常特別。第二碟是廣島蠔及雪魚卵，師傅說要連汁吃的，非常補身。第三碟是左口魚包着帶子，上面鋪上三文魚子及金鉑，何等名貴!第四碟是北海道馬糞海膽加黑拖羅，這個海膽完全沒腥味，拖羅肉質鮮嫩。第五碟是日本飽魚，那個葉汁配以日本飯團，從未嚐過的好味道!由於食評只限上12張相，其他相未能在此分享給大家睇。第六碟是鰤魚壽司，第七碟是北海道毛大蝦壽司，結尾再來一個集所有精髓的滾熱魚骨湯，終於在嚴格的限聚令前來一個完美的大滿足。

見到評分算很高的一間廚師發板，特地訂位和老婆食餐好慶祝結婚12周年。其實餐廳食物同大部份餐廳一樣，有啲好有啲唔好有啲普普通通；但勝在好的多，一點點的溝通同少量的唔好。頭盤：八爪魚仔十分普通沒有特別屬於普通其後的魚肝好食；茶漬蛋也算上好，食得出昆布味。魚生算係比較突出：深海池魚👍👍👍 - 廣島蠔(👎，有啲腥）- 左口魚帶子（普通）- 冰火拖羅👍👍👍 - 鮑魚👍壽司中規中矩: 金目鯛👍👍👍 - 牡丹蝦👍👍 - 北海道帶子👍👍 - 海膽杯(普通)總括嚟講值得一試，因為3x👍 真係非常好食兼特別，出邊好難食到。

Bad experience...was quite disappointed with the food quality and the service (In 1.5hrs only 5 plates out of maybe 14 had been served as we were in a Tatami room). Overall we think this is not value for money and we definitely won’t go back for a second time!

呢度由日本人主理，一行入黎聽到日本師傅打招呼，再加埋呢度嘅裝修，感覺好似真係去左日本咁。聽師傅講佢巳經有30年經驗，所以質素都有返咁上下。刺身好新鮮，魚類款式都算多，有金目鯛 、鰤魚、火炙深海池魚、石鯛 、柚子漬左口魚、鰹魚、藍鯕吞拿魚、火炙 左口魚裙邊帶子。至於壽司飯，師傅就用左北海道飯，配埋醬油，口感一流。我自己就最鍾意加左麵豉醬嘅火炙左口魚裙邊帶子，火灸左嘅左口魚好香，左口魚嘅油滲左落帶子到，豐富左帶子嘅味道，而且帶子相當肥美，口感十足。另外要讚嘅係個海膽杯，師傳好唔孤寒地比唒成板海膽我地3個😋價錢方面，呢度得兩款set- 春 (壽司)同 見 (刺身)，價錢大約爭$200。春都要$739/head，我自己覺得以lunch omakase黎講，價錢有啲偏貴，性價比唔算高。

不得了！不得了！這家おまかせ真的是不得了！師傅又健談，做的料理又好吃！超有耐心地讓我用蹩腳的日語和他交談。😂美味しくて、楽しかったんです！食物方面🍣圖1️⃣：整頓飯的焦點-海膽杯！來自北海道的新鮮海膽😍別看他小小一杯，海膽超多！最喜歡每一口吃下去海膽都比飯多的口感。這比例，絕了😋！海膽杯上面的甜蝦也很鮮甜！圖2️⃣：這是前菜-麻醬八抓魚。很清爽、開胃。圖3️⃣-5️⃣：所有的壽司&生魚片都是當天早上新鮮送到。我的最愛當然是大トロ。要特別介紹的是圖3️⃣左上角。scallops本身沒有油份，師傅把大トロ放在上面，再用火烤，讓大トロ的油包住scallop，再流到下面的飯裏。好香！～～另外，左口魚也是我的最愛之一，加上黑松露，perfect！圖5️⃣的深海池魚魚湯也是要特別推介的！外面一般的おまかせ也會有湯，但多數只是一般的味噌湯。That really made this fish soup stand out!! 魚的味道很濃！感覺自己吸收了濃濃的精華！圖6️⃣：拜隔壁桌所賜，我們也多了這份生日特調。おまかせ就是廚師發板，就是師傅的idea。這杯生日特飲真的好特別。是三文魚籽➕梅酒。我從來沒喝過。師傅讓我們一口乾了

自問香港好多Omakase 都有試過. 有好有差係好正常。但未食過一間差過呢間. 未寫過食評. 但唔想人中伏所以share. （ Lunch $939 )食物不停放好好重味汁係食物上. 完全唔夾同食唔到食材味道.我太太的魚生入面竟然有骨.海膽杯- 食左一啖就無食。個海膽如係對眼望住食。 你係完全唔知自己食緊海膽. 全完只有醬油味。師傳不停講同一句日文最初己為係日本人。但發現係扮. 唔係日本人唔緊要。因為香港有多好師傳. 但唔好不停係到扮。睇真D完來係之前元朗鮨文請番來扮日本人個師傳. 上之發覺呢位師傅真係完全唔識做Omakase. 服務. 會突然間播啲好奇怪音樂好大聲真心覺得店主要認真諗下係唔係應該咁樣做生意.

一入到去佢個格局好似 private kitchen，最多八個客，真係好細，得一個廚師一個waiter。幾舒服因為唔會好多人，去之前一定要book！Lunch Omakase 建議經Openrice book 全單9折，即係免左個加一。叫左個春menu $739/一位 total $1,478。有9件壽司同一個好正既海膽杯！如果你係中意食海膽真係要試呢間，個海膽份量好夠，亦都完全唔會有苦澀味超級甜！唯一係嫌佢個飯唔夠多，佢可以再多少少飯配個海膽。9件壽司最出色一定要講嘅係超級大帆立貝配左口魚邊係上面。燒完之後出嚟所以都要有份逼走晒，放入口有少少暖暖地，又有香味又有甜味亦都有魚嘅鮮味。好豐富既口感真係感覺好好！其餘嘅就一般高級食材，有金木叼 toro 池魚等等因為今個星期颱風影響，原本嘅 Lectures 順延左！

話說心血來潮想食壽司，平時食開果幾間都book唔到位，突然記得呢間鮨見好耐之前第一次食覺得幾好，第二次已經有d 跌watt，主要覺得服務態度麻麻，今次第三次諗住比多次機會佢，又竟然即日都book到位，點知原來係伏呀！真係要大聲講句「無下次呀！」首先一坐低就發現得2個set揀，最平都$700幾，話9折根本係抬高個價黎折！其實都無所謂嘅，不過你唔好渣流灘囉！成餐飯我一張相都無影過，因為由頭盤開始已經想黑面，頭盤你比d好似平時街買返黎嘅墨魚仔，求期加d麻醬上去，我個心已經離一離！食到第二件話深海池魚，x！有骨嘅！喂你話晒日本師傅，可唔可以專業少少？之後嘅食材真係一件貴少少都無，d海膽仲要臭嘅，食落真係唔似日本貨！海膽杯上面隻蝦細到...仲要蝦腸都未清...最後個魚湯仲要酸嘅！我真係想問你收人700幾蚊良心過唔過意得去？最後我睇你幾時執笠，唔好當所有人傻嘅先得㗎！