鮮芋仙 (屯門市廣場)

營業中

休息中

我好鐘意食甜品，鮮芋仙喺屯門市廣場度開咗都有一段時間，平時行過都見堂食勁多人，今次我就買咗個外賣，拎返屋企慢慢嘆。我叫咗芋圓3號，配料有紅豆花生同埋珍珠。芋圓同珍珠都好有咬口，加埋花生好有台灣風味。真係會百試不厭！

在屯門市廣場，每次行過都會想食的仙草/芋圓甜品😍😍不過每次都見門外排好多人，因為座位數量不多，這次太想食，所以都有排～😂😂由其夏天，真的好消暑及滿足～食完透心涼😀每次都會試不同的組合。。最鍾意食都係芋頭+ 仙草配搭。。有時諗。。如果珍珠可以轉其他款就好了～ 因為每款大部分都有珍珠配落去。。哈。。太多了～.這個布丁麻糬拼盤都好味😋👍🏻👍🏻想起台灣的布丁很有名，又開始想念那邊的布丁了🙈🙈🤭

平時都好鍾意食鮮芋鮮，最鍾意同老公去食芋薯圓Q麻糬牛奶冰，因為$52大大盤Share食真係一d都唔貴，又好食又襟食，算係抵！今期路過見到有新野出，叫做紫薯牛奶冰，我就咁望張相以為係紫薯打成既冰，當堂好興奮，立即入去試下。點知，原來只係原本的芋薯圓Q麻糬牛奶冰加上一pat既紫薯蓉，而個pat紫薯蓉係值$28，真係唔係好抵，但只可以怪自己無睇清楚，同無問清楚。

食完晚飯 最完美既約會係一定要有埋糖水天氣咁熱 食冰當然係首選🤎•招牌仙草沙冰加芝麻湯圓🍧亦都係我既例牌 仲要加少少少少花奶啲芋圓同仙草都有花奶連埋個黑糖沙冰底超好味加埋芝麻湯圓 芋圓同湯圓都煙煙韌韌 正食完簡直係完美加無憾

好想叫外賣鮮芋仙，最後點咗一碗熱白玉湯圓紅豆湯比自己。要補補身！外賣送到嘅時候，溫度仲係溫熱。圓子軟軟，口感好好，紅豆湯不太甜，食完暖身好滿足！長期坐office吹冷氣嘅人，好啱食！

晚上九點過後，屯市還在營業的茶飲店不多～路過鮮芋仙，香港分店還未試過堂食、外賣都好多客人在等候點了一杯外賣茶飲都要等15分鐘以上紫米小芋圓（冰）芋圓算煙韌，紫米都有啲咬口⋯但味道很淡，可能溝多左水，說得上是無味？！雖然好大杯，但$42有點不值得，只有空虛的飽肚感！更加不值得花時間排隊呢～加上每次行過都大排長龍，應該不會再來回購外賣茶飲了。如果堂食不用等位的話，也可以考慮比多次機會的⋯唯一滿意的，也許是店員的服務態度吧

🥄夏日炎炎正好涼食返個冰爽下透心涼先·招牌鮮草沙冰🍨芋圓 仙草凍 仙草沙冰呢個係我例牌成碗滿滿有哂我最鍾意食加少少花奶芋圓煙煙韌韌 仲有清熱既仙草個底層係黑糖冰底 呢個真係食到你索索聲 食埋佢個冷氣機都可以熄埋♥️ 一路打一路又想食了🤎🍧

屯門鮮芋仙真係長期排長龍, 尤其是星期六日. 疫情關係四月一枱, 但店員不停放二人坐四人枱, 又不把四人坐分成兩張二人枱, 眼見是有足夠空間的, 導致遲遲不能入坐, 差不多等20-30min. 不少久等的食客, 都因為排隊太耐而放棄, 希望公司這方面有所改善. 芋圓芋頭紅豆珍珠加仙草~ 芋頭好棉👍🏻紅豆花生豆漿豆花, 好滑, 好清甜, 岩啲唔想食咁甜嘅朋友.布丁Q麻糬牛奶冰~ 小朋友至愛, 打卡最岩😂 雞蛋布丁, 杏仁布丁, 小芋圓, Q麻糬, 冬瓜凍,勁大碟, 超抵食小朋友不太喜歡杏仁布丁, 可能覺得似藥水味😅 冬瓜凍就好正好消暑👍🏻 配個焦糖漿好match😋

鮮芋仙我食過好多次但次次都係食麻糬冰所以今次就試其他新野叫咗個熱招牌豆漿豆花凍熱同價的唔記得咗係$45定$48 我仲+$6 要咗份芝麻湯圓 得兩粒🤣🤣🤣豆味唔算重但勝在唔甜同埋份量夠多包珍珠、芋圓、兩大舊芋頭珍珠細細地份量夠多芋圓都有大概十粒左右而芝麻湯圓就無咩特別 同時超市買既一樣😂Q麻糬抹茶布丁拼盤 $38真係好Q彈 瑤佢會震震下仲有四舊麻糬 都係黑糖味黎我麻麻地黑糖麻糬所以覺得還好😂呢間野真係勁多人排隊無論邊區都好多人排😂😂😂

次次經過銅鑼灣都見好多人排隊次次想食都食唔到今次就去懲罰屯門店！平日夜晚堂食都唔少人排隊等咗35分鐘左右門口點餐俾錢芋薯圓Q麻薯牛奶冰 $52💁🏿‍♀️無錯 我一個人點拎餐嘅時候我呆咗 超大兜我用期待已久嘅心情去初嚐老實講有少少失望唔知係我個人口味問題定期望與落差嘅問題佢嘅牛奶冰 5啖有4啖係無味的明顯唔係好夠奶 令我扣咗唔少分(但我見網上食評又話唔係好淡 咁可能係我黑仔👧🏿)配料反而好ok 而且份量都算多雪糕好好味 啲味重過牛奶冰好多👍🏿芋薯圓又煙韌又重味 好正🤤 最愛💛冬瓜凍 口味有少少似啫喱 都唔錯 但無乜味麻糬有原味同黑糖味兩種 真係好Q 煙煙韌韌咁而小芋圓蕃薯圓就細細粒 增加口感但如果兩個人食 呢個價錢算幾抵同場加映仙草冰沙4號 $44因為小妹唔食仙草的 所以試都無試到但目測好多配料友人話都ok 可以一試同場加映2招牌豆漿豆花走芋頭加粉條 $54🙆🏿‍♀️試咗一啖 好重豆味👍🏿另外芋圓係大粒嗰啲 好吸引平時鍾意飲豆漿又鍾意食豆腐花嘅人就唔好錯過啦除咗個二人份牛奶冰之外價錢都算偏貴但我打算俾多次機會佢 下次試埋手工芋圓系列睇吓可摸耳一洗我嘅失望感⚡️逢星期4買芋圓1-6號減$5 優惠

前排同屋企人食完晚飯，個肚好似仲少少空間，咁就搵下啲甜品舖，經過見到呢間「鮮芋仙」長期都好多人排隊，果晚亦不例外，大約有30-40人係門口排緊隊入去，咁我哋當然都唔執輸，又去排埋一份啦😆香港人排得隊等嘅地方，9成都係有好嘢🤣所以呢間亦都唔例外啦，首先講吓價錢唔算太貴，都可以接受，味道方面亦係好唔錯👍特別係芋圓，有口感得黎煙煙韌韌咁，非常唔錯🤤豆花 同 涼粉亦十分出色👏唯一唔好嘅地方就係地方太細，得幾張枱，如果可以轉另一個大啲嘅舖位就好😋

每次經過鮮芋仙都好想入去食，但係尖沙咀個間經常排長龍，搞到都冇興致😢咁啱見到原來屯門都有就買黎試下啦😍呢間既芋圓係小編食過咁多最好食既，-佢地既芋圓又大粒又煙靭，叫左1碗芋圓2號，1碗招牌仙草冰沙，仙草佔左碗既三分二😆不得了，要記住外賣既話最好吾好拖咁耐先食，同埋一定吾好擺入雪櫃，如果吾係口感會變硬#冰芋圓底部係刨冰#熱芋圓湯底係紅豆湯

與友人聚會後，朋友表示想試一試這間店的甜點，便留肚食點品。去到時無位，等大約十分鐘便可以入座。等位時見到用餐者食用中，原來都好大碗下，便與友人商討，二人點一份分著食，所以點了兩份。一份芋頭牛奶冰，另一份原味食物一上檯，心裡暗叫糟糕，好大的一碟冰啊~~~芋頭係一大舊硬硬的，唔係我想像中細細件又煮軟左咁。味道就係牛奶冰有牛奶味，芋頭就係芋頭咁😅😅芋圓係迷你裝，細細粒，我鍾意呢個size, 至於味道咪又係芋圓🤣🤣🤣麻糬無特別，雞蛋布甸幾滑店鋪好大冷氣，D冰最後緊係食唔晒喇，食剩大堆冰同芋頭就放棄左

🇭🇰#屯門【#鮮芋仙 】芋薯圓Q麻糬牛奶冰 $52性價比超高兩個人食超級飽仲食到阿姨我有啲頭痛🌬有芋薯圓🟡小芋圓⚪️Q麻糬⚫️冬瓜條🟠全部都係煙煙韌韌😆芋薯圓入面真係有啲芋頭餡👍🏻小芋圓細細粒有啲似小丸子🍡Q麻糬有黑白色 黑色咬落好似甜啲冬瓜條冇冬瓜味總括來講除咗芋薯圓 其餘咬落其實冇乜味🤏牛奶冰唔算濃🍼不過加咗啲焦糖醬上去咁就甜甜地啦～📍 鮮芋仙 (屯門)屯門屯順街1號屯門市廣場1期1樓Kiosk C

屯門分店晏晝同夜晚去都要排隊，大約排半個鐘，店內座位唔算太多，所以都有唔少人會選擇外賣😂我本身唔中意食紅豆、綠豆、花生果類中式野，所以每次去一定係叫芋圓類🤤·芋薯圓Q麻薯牛奶冰($52)我覺得呢個係二人份量，原本以為一個人食得晒，所以我地一人嗌左一個，點知一黎到見到⋯份量超多🤣🤣入面有芋薯圓、小芋圓、Q麻糬、冬瓜凍、牛奶冰、雪糕，我最中意食芋薯圓，大大粒又煙韌，好感好正😍🤤小芋圓同麻糬都煙韌，不過我始終對芋圓情有獨鍾🤟🏻刨冰唔係普通冰，係牛奶冰，就算食晒所有配料淨係食冰都唔會咩味都無，亦可以等雪糕融左少少之後流入牛奶冰一齊食😝😝