鮮芋仙 (屯門市廣場1期)

營業中

休息中

成日都聽人講芋圓芋圓😳😳 其實我自己就一次都冇食過🤷🏻‍♀️🤷🏻‍♀️🤷🏻‍♀️因為我本身唔係太鍾意食甜品🤷🏻‍♀️ 但係最近真係比佢哋講到我忍唔住要試😂咁我哋就一大班同事叫咗呢一間鮮芋仙嘅外賣我自己就叫咗一個芋圓5號 入面有芋圓，珍珠，白玉，紅豆....第一啖食 真係因為本身唔係好好甜品嘅關係 所以覺得好甜呀 仲有嗰舊冰超級硬所以我就等冰溶耐少少 咁可以溝淡啲甜味 咁過咗一陣我再試過 可能係因為啲冰 所以入面啲珍珠芋圓 都變得硬左 我反而覺得口感好好喎😍 比我想像中好味😋

期間限定，18/9-10月中，夜晚去食，排長龍，見到枱枱都試呢款新品，我都係專程去食架！等左差唔多45分鐘，因為限聚令，場內一半既枱都封左唔比坐，所以等既時間會耐少少，而且食沙冰既話，個個都堂食，自然要等一等。如果係外賣其他野既話就好快~個雪山好高，份量係同廣告圖係十足一樣！滿滿料堆成山，一定要預返兩三個人先食得曬~~D芋泥同芋頭肉好香！小芋圓QQ彈牙好好咬！d冰食到奶香！底下有好似蔗糖既糖水，溶得比較快頂個球雲呢拿雪糕都幾濃。夠曬凍！開頭食好爽，成個人都冰涼~~慢慢食到一半個時，就凍到全身震抖，手腳都微微震，因為商場入邊冷氣都幾勁。於是就拿拿臨食完走！整體，我覺得好正！期間限定真係要去試！無伏。$65兩個人食係幾抵既~

屯門分店店面比較難搵，喺轉角轉彎位，店面面積唔大，堂食要先排隊攞位再落單。招牌仙草 （$45） 外+包心地瓜圓+蜜芋頭 （外+$6） ～ P.S. 同朋友share加料 呢碗真係神級之作，先講佢最basic嘅配搭～✔️芋圓：好有咬口好煙韌之餘，份量又夠多✔️仙草：仙草味好出，分量cover到個冰沙✔️冰沙&個奶：兩者好夾，融合成碗甜品嘅其他材料加料～✔️蜜芋頭表面有層蜜糖，而芋頭非常綿密，6蚊兩大舊，好味更抵食。✔️包心地瓜圓第一次加呢個料！ 唔加真係會後悔！6蚊有5粒，外面係地瓜芋圓，入面係芋頭泥～芋泥口感同味道都好出，煙韌控千祈唔好錯過。其實呢幾年，市面上出現好多唔同芋圓小店，暫時我都未搵到另一間可以替代佢，佢嘅招牌仙草真係No.1 屯門呢間分店感覺仲會大碗啲添

光顧左鮮芋仙好多次，亦去過荃灣同銅鑼灣的鮮芋仙，覺得幾間店的水準都能維持高水平同一般，亦試過店嘅不同的台式甜品，整體都覺得呢間店好味道呢個係芋圓4號，芋圓同芋頭都係好出色，裡面係甜水加沙冰底，加珍珠同紅豆令口感好正，因為我特別中意芋圓同仙草凍，所以我每次都會再另加，呢碗糖水份量其實都好大碗，我自己一個人食就會覺得大滿足同過多，所以都中意同朋友分享，再瘋狂加料另外豆花系列同仙草系列都覺得好正，不過店內係自助式，屯門店還好，會有員工收搭枱面，比較清潔同衛生，疫情其間，排隊安排比較好，有人幫忙安排入座，無之前咁亂或者有人係隔離企住等位，感覺都會更好。

呢日食完晚飯想食甜品，可能因為星期五嘅原故，勁多人等堂食，所以唯有外賣返屋企食一如既往，我都係叫我最喜歡嘅芋圓4號無計，女人係特別麻煩，綠豆、薏米寒涼，所以揀下揀下之下，4號嘅紅豆、芋頭、珍珠就變得好岩食喇😂外賣大概5分鐘左右就有喇，好快，膠袋size剛剛好，唔會驚易走位拎返屋企會漏👍🏻拎返屋企食仲熱嘅👍🏻有2大舊芋頭、珍珠份量都幾多可能叫熱嘅關係所以我覺得芋圓偏軟一d,煙韌好好咬，平時食凍嘅都好咬，但相對就會硬小小，都好食！同埋芋圓都足料，食到蕃薯/芋頭味，唔係得d色嘅一舊粉

收銀阿姨自己落錯單令廚房出錯咗，我要求要換返啱嘅，點知收銀阿姨好冇禮物，行埋嚟話出咗冇得換，然後又喺正我背脊大大聲同廚房同事講：「個客堅持話係我落錯喎！」講到係我屈佢咁，呢餐真係食到背脊骨落⋯⋯其實一向都好鍾意食鮮芋仙，每次都食得好開心㗎，但今次真係俾個收銀阿姨玩到謝，自己做錯嘢仲大大聲喺個客背後講個客，仲要驚個客聽唔到，其實咁樣真係令人好反感，鍾意自己做衰自己唔緊要，唔好影衰咁好味嘅鮮芋仙呢個招牌。

喺市中心一直都開咗好耐好想試吓終於有機會可以試吓發現原來佢個糖水都幾大碗雖然個甜度係有少少偏甜但認真講我係幾鍾意佢都幾足料同埋又可以嘗試到唔同種類嘅口感如果俾我揀我都會嚟多次試唔同嘅糖水

夏日炎炎想食個透心涼嘅甜品，就黎左鮮芋仙食。⭐️仙草沙冰6號呢碗6號內容有仙草粉條粉粿珍珠，份量十足。抵讚係仙草好濃果陣獨有嘅仙草味，食落口好滑好冰涼，好食過涼粉。好在糖水底唔算太甜，食落唔膩。第一次食粉條粉粿，粉粿似甜甜地冇紅棗味嘅紅棗糕。⭐️布丁Q麻薯牛奶冰呢碗份量真係好巨大，一上黎真係似座山，夠2-3個人食。料有雞蛋布丁、杏仁布丁、Q麻薯、小芋圓同冬瓜凍，雖然佢有好豐富嘅toppings ，但佢真係甜到傻左！牛奶冰本身都甜，加埋黑糖糖漿就真係太甜啦。好彩個冰融左後啲水似淡奶，返而冇咁甜又幾好飲。雞蛋布丁係統一布丁個隻味，冬瓜凍冇冬瓜味，小芋圓冇芋圓味，麻薯食完真係飽到上心口。試一次就夠啦！

布丁q麻糬牛奶冰（＄52）雪糕係雲尼拿味，牛奶味重，食落重忌廉，滑啲唔似雀巢。牛奶冰係煉奶味，有黑糖醬淋面。比起有時食到嘅冰係冇味嘅冰，呢個食每一口冰都有甜味，溶左之後飲冰水都好飲，加埋黑糖味好似飲緊黑糖珍奶咁，成功第一次完整咁食完成個冰。配料方面，愛玉係冇咩味，布丁係街會食到嘅布丁味，較水，好滑。白色係杏仁豆腐，重杏仁味，杏仁味唔假，幾鐘意。芋圓係細粒，唔夠煙韌，但芋頭味係幾香。麻糬有五個，白色嘅係正常味，反而黑色嘅好重黑糖味，味道好有咬口，令人驚喜。仙草冰沙6號（＄45）冰沙係仙草味，珍珠較細粒，有黑糖味，有咬口。仙草香好重仙草味，食完嗰口仲有仙草味，但係一咬就碎，食多幾啖就會溶係口。粿條較有咬口。粿黃色嘅得三舊，介乎麻糬同紅棗糕之間嘅口感，唔知咩味。

見到外面分左2條隊，一條排入去坐，一條就係落單買。4個人嗌左2碗，因為見到咁大碗怕食唔唒！嗌左冰芋圓，黎到有d失望原來係沙冰+d芋圓，早知試下鮮草或者其他。係好食既但可能見到咁多人排隊，所以期望過高。

天時暑熱食返碗甜品可以解解暑，呢碗甜芋4號都幾足料，好多冰，如果做綿綿冰會更吸引，另外有好多芋圓，芋圓都做得幾Q，不過芋頭可以多一兩舊會更好，唔夠喉。食完可以即刻降降溫。

本人係芋圓控，呢間店好似台灣過黎，之前見傳媒都有介紹過，銅鑼灣店仲排晒隊，路過見攰攰地，又有位唔洗等，一於入去試試~心大心細唔知食咩好，我同店員講話想食芋圓同仙草，佢就推介我招牌仙草沙冰 $45.點餐比錢後，有個點餐機拎住，搵左位等部機響，就可以係以上左手面出餐處取。先試芋圓，感覺蕃薯和芋圓比例不算多，如果你閉上眼食，應該分唔到兩隻味有咩唔同，吃不到食材味道之餘，質感上亦較撻口，好像不夠新鮮。仙草味夠仙草味(唔係必然有嫁！) ，仙草凍本身已微甜，就咁食都好味，有沙冰墊底，夠晒冰凍添！不過，其實我唔係咁鐘意沙冰，因為有牙齒敏感，食凍野都ok, 但直接咬冰真係頂唔順。呢個招牌仙草沙冰，沙冰的確佔最大成份，我諗有成七成都係沙冰，所以我係食唔晒既。總括黎講，環境算乾淨，但坐位較細同逼，仙草ok, 芋圓沒有我之前在銅鑼灣一間樓上台灣店出色，大家價錢差不多吧，好像沒有傳媒講到咁好味了！

可能因為今日晏晝飯食得好少，所以大概去到晏晝4點鐘左右已經餓到暈😖面對手頭上咁多嘢未做就更加係暈上加暈🤷🏻‍♀️呢個時候真係需要吸收返啲糖份🤣等自己開心啲！做嘢都精神啲😋所以我個芋圓癮就突然發作！超想食～相信鐘意食芋圓嘅朋友都應該會有聽過呢間嘢！佢嘅選擇有好多！有唔同嘅配料配搭❣️咁我就經外賣平台同班同事一齊外賣咗嚟食👍🏻拎到上嚟都仲係好冰涼！同堂食水準差唔多☺️芋圓口感非煙韌！我仲加多咗2粒湯丸！同樣都係好Q彈！夾埋綿密口感嘅芋頭一齊食，真係超正！❣️即刻為我嘅晏晝提起唔少精神😉

在疫情期間，很多食店都舉行不同的優惠活動，難得我有朋友是在醫院工作，就約她星期日來個下午茶。首先當日人流都算多，幾乎是滿座，不知道是否因為有這個優惠吸引客人。店內環境狹窄，空間小，但座位是坐得舒服。首先是要談份量真是好多，我是完全吃不完，最後只剩下糖水。因為座位位置在冷氣機下，所以一邊吃冰，一邊吹著冷風，使我感到凍冰冰，就算多好吃，都感覺不到。不過芋圓是比普通甜品店稍微大，亦非常有韌度，芋頭厚實，但芋香味淡，可能是曾混合過其他奶類。有優惠之下，算是性價比高。

超級大碗牛奶冰🍧~~~~~~~~~~~~~~~喺屯門食完飯有少少想食甜品，咁啱見到鮮芋仙，就入咗去食。-芋薯圓Q麻薯牛奶冰($52)我哋兩個人淨係叫咗呢一個冰，但係個冰真係超級大個，兩個人完全食唔晒，建議多啲人先食呢一個冰。個冰嘅牛奶味都算濃，味道都唔錯。