鮮芋仙 (屯門市廣場)

營業中

休息中

因為晏晝食咗少少野，所以就決定食個甜品咁啦🤤大概3:00 左右去到，唔使等位直接入得😙朋友仔話，想食凍野，所以就揀咗大大個既布丁Q麻糬牛奶冰，部機制一響就即刻衝去拎，喺行返埋自己位既過程，見好多人都會望住，因為個冰真係好大個！🤩咁佢入面有啲咩材料呢！？一望就知有雪糕、雞蛋布甸、杏仁布甸、小芋圓一堆、Q麻糬等等。先講講佢個杏仁布甸，係超重杏仁味，鍾意飲杏仁奶既應該會覺得好好食😆雞蛋布甸就好香好滑，有幾下用匙羹不，都sir返出黎😂 Q麻糬黑色既好重黑糖味，煙煙韌韌嘅口感真係好正❣️❣️至於牛奶味刨冰方面，可能因為之前都食過，記得淡淡都有牛奶味，所以今次就有少少失望。冰塊太多，牛奶味亦都唔係好足夠😞，有幾下都覺得自己好似淨係食咗舊冰咁，亦要自己用匙羹整返捽啲冰先食到，所以希望下次有改善，變返以前嘅質素😭😭

終於都食到鮮芋仙，雖然成日都經過d分店，但正餐後太飽，都食唔落，今次唔食正餐，食甜品先。估唔到7pm已經好多人排隊，等左15分鐘到就可以入座。先去點餐及付款，之後等部機仔震動提示，再自取食物。布丁Q麻糬牛奶冰 $52有雞蛋布丁、杏仁布丁、小芋圓、Q麻糬、冬瓜凍……超級豐富。刨冰係碎粒狀，加入牛奶好香甜，配料超多，布丁好滑溜，小芋圓細細粒好可愛，也有咬口。最喜歡Q麻糬，煙靱帶爽，唔痴牙，仲有清爽嫩滑冬瓜凍，雪糕好重奶味，好夾好正。芋圓4號（芋頭、紅豆、珍珠）刨冰 $45刨冰基底係紅糖糖水，唔會好甜，但超凍冰好爽，夏天一定更爽，刨冰碎粒入口半溶，仲有少少落口，配軟綿甜蜜紅豆，仲有Q彈珍珠增加口感，最正係煙韌芋圓，好好咬。芋頭有兩大件，非常香軟粉綿，芋頭味濃郁。

宜家鮮芋鮮開到成行成市上次同朋友行街經過都忍唔住要試下佢嘅甜品！作為一個芋圓控 我又點會唔揀呢？喺櫃枱落咗單之後就坐低等食一份大甜品兩人分～～又有好多款式試 正呀delicious taiwanese dessert

佢真係好～大碗～啲芋頭好大舊～食之前期待感滿滿，而答案係絕對冇失望！啲芋頭仲暖暖地，加上啲凍冰冰嘅牛奶冰真係好正TT每一啖冰都有牛奶味，唔需要擔心食到底會淡左。但覺得除左芋頭牛奶冰，其他都麻麻地⋯⋯

天寒地凍，突然想食糖水，食開嗰間又刪咗門，於是就叫Deliveroo外賣，叫左日式Q麻糬+熱紅豆芋圓小丸子。個日式Q麻薯送到黎，已經成個乾乾地咁款，outlook勁hea, 心諗咁都要$42唔係啩，加上d sauce係直接諗喺啲麻薯上面，已經差唔多完全被吸收，建議佢哋將個sauce另上會更好。幸好麻薯食落口尚算煙韌，攞返少少分。個熱紅豆芋圓小丸子係夠大碗，不過紅豆湯為多，料好少，食落唔夠過癮。不過值得一讚係佢嘅紅豆湯唔係死甜，啱晒唔鍾意食太甜甜品嘅人，感覺比較健康。總括而言，食物質素普通，對比起差唔多嘅甜品店，佢嘅性價比比較低， 感覺over price。另外，落order時已標記不要餐具，結果佢都係送左黎，麻煩同事下次可唔可以睇清楚先放餐具呀？感覺好浪費...

呢日同娘親去屯門行街，因為娘親想去AEON睇行山杖，睇完之後本身諗住番屋企，點知經過鮮芋仙，娘親本身唔係一個好甜既人，但見到幾吸引就話想試吓。.其實我一直都好想試，但真係次次都見到排長龍，我就一早死咗條心lu~~點知個日經過見到，都有人排隊但只有2組人排緊，就一於去試下啦！.排左大概10分鐘唔到就入得去啦！因為疫情關係，全部枱都係每4個就有一塊板隔住，即使你一個人都係坐4人枱，所以位置都好闊落👍🏻👍🏻.佢同台灣一樣，入坐前係櫃檯落單俾埋錢再拎住張單揾位坐。佢會俾個震震機你，你個餐搞掂就部機就會震，就可以自己去最側邊張枱拎。.我哋嗌左一凍一熱。份量都算幾多，個我個人覺得價錢有少少🤏貴。一般岀去食呢啲都會好鬼甜，但佢又唔會喎！都算幾好食！.熱既係用紅豆沙做底，加佢配好既料，而凍既係刨冰做底加黑糖糖水我娘親大讚佢既黑糖係真既，唔係岀面果d cheap cheap糖漿。.如果突然之間想食，我都會翻兜！但要排好耐既話就不了！不過建議平日既嚟，應該冇咁多人排隊。

友人話食完晚餐想食甜品，經過見到呢間有位堂食就入左去。本身想叫2碗，但友人話一碗都好大碗所以share食，佢就叫左招牌芋圓沙冰，我就幫佢加餸叫左地瓜同布甸🤣🤣🤣我自己好少食凍野，底下個沙冰我試左一啖就無再食，不過想讚下個地瓜，原本我食芋圓既時候就覺得普通無咩特別，但個地瓜幾驚喜，呢碗野入面最好食係地瓜，如果想食芋圓個人比較鍾意元朗好出名個間多啲，無論口感定味道元朗個間優勝過呢間。個布甸仔搖佢個時好Q彈，不過個汁就超級超級超級過份甜，二位女士試完第一啖都認為仲甜過食砂糖，最後放棄左無食佢🤣🤣

朋友說這間「鮮芋仙 」時常都要排隊，但隊伍好快都能安排入坐，因為收銀的服務員安排得很好，顧客入座前可以落單選購食物，那便節省很多等待、點單的時間。芋薯圓Q麻糬牛奶冰 份量好多，足夠兩個人食用。牛奶冰冰上放着一球雲呢拿雪糕，牛奶冰就像一座小山屹立其中，外邊圍着的是芋薯圓，薯圓中有芋蓉，入口Q彈，還有小芋圓，黑糖和原味麻糬，冬瓜凍等，雪糕上還淋上焦 糖醬，結果我們兩人都吃得飽飽哦。

相信大家都唔陌生～人氣台式甜品店🙈有仙草、芋圓、豆花等等選擇～真係好人氣！我哋大概八點幾到 條龍好長🥵等咗大概半個鐘先有位。走嗰陣九點幾 條龍都未散🥱 大家要預多少少時間排隊我哋帶咗期間限定嘅 雪山雙芋牛奶冰 $65 料好足!!好多芋頭 好飽肚🤣🤣不過最愛都係芋圓💜 小芋圓煙韌亦有芋頭味牛奶冰最低係冬瓜味～味道幾豐富右邊一小兜係follow佢地ig就送嘅蓮子🙈 健康又好食😋唔知點解有啲栗子味😆😆

最近天氣轉涼，而且課業繁重，難得有空閒嘅時間，當然要出去食飯啦，食完飯，當然要食甜品啦！於是翻查咗openrice，發現咗呢間喺附近嘅餐廳，睇到有我幾鍾意嘅冰，就決定要去食啦！其實我地去到已經係九點半啦，十點就last order了，而且前面仲有幾張枱排隊，都好擔心食唔到，不過都非常幸運，最後兩三分鐘都入到去！🥺我地叫咗一份冰同加咗一份芋薯圓！布丁Q麻糬牛奶冰 $52🥛呢份就係我地份冰啦，份量真係好大，我地四個人食都食唔曬，一共有幾種配料，包括雞蛋布丁、杏仁布丁、小芋薯、Q麻糬、冬瓜凍。我最鍾意係小芋薯，其實就係細細粒嘅芋圓同蕃薯圓，芋圓特別好食，好有嚼勁，唔係好粉嗰種，而且微甜，好自然嘅甜味，配上牛奶冰係perfect match！🍡雞蛋布丁都好好味，入口即溶，而且唔會太甜，但我食到少少焦糖嘅甜！上面嘅雪糕🍦都係超好食，類似焦糖味嘅，配冰勁正！麻糬我就只係食咗白色嘅，不過不失！可能份量會太多！一個人一定食唔曬，因為有好多條。杏仁布丁就冇咩味，食咗好耐都食唔出，我一開始以為係奶凍之類，冇咩驚喜啦！冬瓜凍都係我食唔出嘅！不過甜甜地，幾彈牙，覺得都ok！而我地另外加嘅芋薯圓就冇咩特別，細粒

成日都見到大排長龍嘅鮮芋仙，今次終於忍唔住一定要排隊試返次，同朋友一行四人叫咗個布丁Q麻糬牛奶冰，日式Q麻糬，芋圓4號我哋呢度四個人食份量啱啱好，見到我哋點嘅款式就知道我哋係麻糬控啦！不得不讚既係鮮芋仙既麻糬真係好好食呀！雖然對唔食得甜野既人黎講可能有啲偏甜，但我就覺得係接受範圍內，每一碟既份量真係十分足，絕對無偷工減料！芋圓又係比左超大兜同埋啲芋圓真係好煙韌，好鐘意食芋圓既我默默地食左大半碗！雖然成日都大排長龍，但我都覺得係值得嘅！

他們家的分店相繼越開越多，是次終於能夠一嘗它的滋味。🍨【Q Mochi milk shaved ice芋薯圓Q麻糬牛奶冰 $52】這一份甜品足夠二人分享，配料十分豐富，分別有黑糖麻糬、原味麻糬、小芋圓、芋薯圓、冬瓜凍、雲呢拿雪糕、黑糖醬。牛奶味的刨冰略嫌碎冰塊太多，有影響口感之嫌。迷你版本的小芋圓入口煙煙韌韌，黑白麻糬有嚼勁，應該會深得煙韌們的歡心。而我最喜愛的配料是「芋薯圓」，它的外層皮薄黏韌，內裡還有芋泥夾心，十分討好。

🉑：外賣自取 ​⭐評分: 8/10​———————————————​呢間嘢係有小小慘，因為早年港人最愛去深圳食佢，所以成日俾人一種感覺係中國大陸公司，人哋係台灣嚟架好無？😟開咗係屯門咁耐話食話食，結果咁耐都無食到。終於早排經過買返屋企食！​——————————————————​▪ 仙草4號($45)​​外賣好似比堂食無咁巨型，Size同摩登士丹里差唔多，不過價錢就貴好多。想講外賣隻匙羹原來都係product of taiwan 😳 我簡呢個係仙草底，有紅豆、珍珠同蜜芋頭配料。然後叫完先突然醒覺，呢個係無芋圓.....​😫​仙草非常正宗，係滑溜溜嗰種，唔係涼粉扮仙草，亦帶微微甘苦感覺，唔會過度落糖／溝木薯粉溝得太重手，攪到變一pat膠膠地嘅甜糕💩最好食嘅仙草係可以SIR入喉嚨，冰冰涼涼，真係食落喉嚨好舒服💦👍🏻​紅豆應該浸過糖水，比較甜，珍珠幾有咬口，重點嘅蜜芋頭有兩大塊，仲要好厚身！煲到好綿好綿，又唔會浸糖水浸到無晒芋頭味，嗒落仲有香氣，正！​🥰​鮮芋仙嘅出品從來都無令人失望，不過嚟到香港真係大漲價。拎返摩登士丹里嚟比較，我會覺得摩登士丹里係抵食啲(仲多一款送）不過個仙草就無咁好食；芋

係屯市呢度食完飯想食碗糖水選擇就真係唔算多話雖如此 佢成日要排隊都係因為佢好食！芋圓其實宜家周圍都有得食但係呢度嘅芋圓同埋糖水 長期都咁高質！而且佢其他甜品都好出色後面個雞蛋布甸配埋好Q彈嘅麻糬兩樣配埋一齊食都好夾而且佢全部款式嘅份量都好足料如果平時諗唔到食咩晚餐間唔中一餐半餐黎食 可以當一餐晚餐tim抵讚嘅係雖然佢長期都咁多人等位但出餐嘅時間都好快不過唯一美中不足就係間鋪係開放式有時會坐係條人龍隔離食

鮮芋仙一向都出名有水準嘅芋圓大大碗 非常足料不過今次令我更加驚喜嘅係我第一次食嘅「Q麻糬雞蛋布丁拼盤」超好味🤤🤤如果食芋圓食到悶真係好推介大家試呢個下次再食 我會試下「芋薯圓Q麻糬牛奶冰」望見隔離枱食已經流晒口水🤣