鯛魚魚湯專門店 (已結業)

這間已開了一段時間，不時看到午市時間都頗多人，家在附近也沒有來吃。今晚大廚媽子不想煮，便提議到這裡試一試，大家亦沒有異議!適六的晚上雖沒有上班族的捧場，卻依然有不少枱客人，也令我們更期待這間食物的質素呢! 四人選了三款主食和三碟小吃。鮮帶子三文魚籽湯烏冬 ($128) 是老媽子點的。數片鮮帶子和大大粒三文魚籽鋪於頂層，配菜還有魚腐，椰菜，海帶等，堆得滿滿的! 奶白色的魚湯看著誘人，魚味頗為香濃入味，愛魚之人如我會喜愛，否則或會感到有點魚本身的腥臊味，但我會定之是屬魚本身的獨特味道。帶子是鮮甜的，但稍嫌略為薄身，不夠咬口。烏冬有咬口，但個人覺得可以再有彈性一點。值得一讚是此款本身是配湯飯的，但媽媽想吃帶子又想吃烏冬，店方也可有彈性地滿足客人需要，很好!吉列豬扒定食 ($85)配白飯，沙律菜，中華沙律和味噌湯，份量很足呢! 小吃一口豬扒，炸得香脆，肉又不會乾身，弟弟表示很不錯。醬汁燒雞扒烏冬 ($72) 的雞肉同樣份量不少! 燒汁鹹中帶微甜，雞肉肉質也頗滑，雖然較為薄身，但味道也不錯。另加配蟹棒 ($18)和煙三文魚 ($18)兩款小食，味道正常，只是想吃一些小菜而已。薯絲卷卷蝦 ($38

鰂魚涌其實係一個有好多好嘢食嘅地方，所以肥妹仔周不時都會走去鰂魚沖涌搵嘢食!今晚畀妹仔就同媽咪去左鰂魚涌嘅一間專食魚湯飯嘅專門店試下。鯛魚濃湯鮮蟹手打烏冬  $138話說肥妹真係好鍾意食蟹嘅一個女仔，但係出街好少會見到有蟹既烏冬! 蟹殼有好多蟹膏，肉質彈牙新鮮，好濃蟹味。佢嘅湯底係鮮魚湯湯底 ，食得出冇落任何味精，係用鰂魚淆咗好耐而得出嚟嘅鮮甜奶白色湯底，肥妹仔外飲咗成碗都唔覺口渴!!烏冬彈牙，煙煙韌韌，好好食。鮑魚花膠魚肚湯飯  $138而肥媽就叫咗呢一款鮑魚花膠魚肚湯飯，佢嘅用料真係非常矜貴，花膠同魚肚係差唔多鋪滿曬成碗湯飯，一啲都唔會手軟。佢嘅鮑魚食落去好香鮑魚汁， 花膠嘅膠質好重，超多膠原蛋白!魚肚好爽口，吸滿曬魚湯，非常鮮味! 薯絲捲捲炸蝦  $38另外肥妹仔仲叫咗一碟小食，呢一個薯絲捲捲炸蝦外表係薯仔絲，炸到脆卜卜，而內裏就有一隻蝦肉，食落去好彈牙，好惹味。凍檸茶  $+18肥妹仔嘅至愛，酸酸甜甜，非常好飲。

早前去了鰂魚涌上堂, 上完堂後, 有點肚餓, 就係附近覓食, 最後就試了鯛魚魚湯專門店食嘢. 這裡的款式選擇也有不少, 可以揀烏冬, 湯飯. 我選了原隻波士頓龍蝦湯飯, 湯底就揀了我愛食的特濃蕃茄鯛魚湯. 小食點了一口芝味魚塊. 店員先奉上原隻波士頓龍蝦湯飯. 賣相相當吸引. 整整一隻龍蝦. 當中還有不少配菜, 包括黃菜絲, 木耳絲, 京蔥, 油揚絲和海草, 材料好豐富. 龍蝦蝦肉夠爽口彈牙. 再試下個湯, 香濃的蕃茄湯底, 愛食蕃茄湯的朋友可以一試. 而飯就吸收晒所以材料精華, 特別好味. 最細心的地方係唔夠湯可以叫佢加湯, 唔夠熱可以加熱. 一口芝味魚塊. 外層夠鬆脆. 一咬開, 就有芝士流出, 芝士和魚好夾, 非常好味.

今天晚上去試一試這間鯛魚湯底，入到店內，女服務員帶我到面壁的餐桌坐，我只要求換其他位置不想坐面壁的位，但她的態度非常惡劣，我見桌上有幾個沒有坐的位，但她沒有安排給我，亦不緊要，她說這兩張桌有其他人book咗，我覺得亦不緊張，但她的面部表情非常惡劣，雖然是很好味道，但我也以後不會再去，從來沒有見過一位帶位員有咁差的服務態度🤬

今日接左係炮台山的返工嘅朋友放工，同佢去鰂魚涌附近搵嘢食。俾我搵到間食魚湯專門店嘅鋪頭😋距離地鐵站只係5分鐘左右，位置好方便。店舖裝飾好有特色店舖主打菜式是鯛魚湯的菜色，原來大部份烏冬同泡飯都係鯛魚湯。原來鯛魚湯係有豐富蛋白質同營養，連個湯底都可以好放心咁飲埋！最後兩個人叫左三樣野:皇帝蟹腳海膽泡飯皇帝蟹腳手打烏冬蒜片牛柳粒皇帝蟹腳海膽泡飯海膽好鮮甜而且份量又多。將佢浸落鯛魚湯到，等海膽熟左少少，熱食仲好食！一啖海膽一啖飯一啖湯 味道好配皇帝蟹腳好細心咁幫我地剝左少少殼，等我地易剝d不用整到好混亂泡飯裏面仲有好多配料，有雜菜，木耳等，好清新。朋友叫嘅皇帝蟹腳手打烏冬手烏冬好彈牙！配埋啲湯度食好match!最後仲飲晒d湯😋蒜片牛柳粒個蒜蓉片係新鮮炸的，配埋啲牛柳粒食好香！旁邊仲有個沙律添🥗大家去食一定要叫！整體來說不錯，店舖的菜式價廉物美，平價晚餐一流

最近胃口麻麻，想食d清淡野，同事就推介左我黎呢間，我就叫左一碗鮑魚花膠魚湯烏冬，d魚湯係用鯛魚黎製成，所以湯底非常鮮甜，濃郁既魚鮮味 但完全係無猩味，我叫既呢個仲加入左鮑魚同花膠，岩哂中意滋補既女士們，花膠口感q彈，烏冬唔會過軟 保持到咬口，我仲另外加多左兩隻廣島蠔，蠔肉肥美，鮮嫩多汁，吸哂魚湯既味道，好正！飲品我叫左杯提子蘆薈梳打，提子味香甜，蘆薈一粒粒咬口十足，呢杯野飲甜度適中唔會過甜 清暑一流。咁近我公司 下次lunch, 可以再黎

今晚難得去開港島東，當然唔可以浪費呢個機會，要搵下附近有咩好嘢食！行過呢間日本嘢，未夠七點已經近乎滿坐，於是我地就決定食呢間餐廳主打湯飯。我點左鮮帶子三文魚籽湯飯，追加海膽！！！個湯飯本身已經好豐富，三文魚子同帶子份量都好多！兩樣食材都好新鮮，三文魚子非常卜卜脆，味道鮮甜！我再加$88追加海膽，成個飯即刻升Level三樣嘢一齊味道都好夾咪睇佢細細窩，食哂飯飲埋個濃郁的魚湯，其實都幾飽！羊媽媽點左鮑魚花膠魚肚魚湯湯飯，好多花膠食極都有！佢話補充左好多骨膠原而且除左花膠仲有兩隻鮑魚！呢個飯感覺上重口味少少，啱哂中意濃味嘅羊媽媽～

最近去鰂魚涌上堂學整月餅，同學介紹我食魚湯飯，聽佢講得咁吸引，趁老公接放學就走去試吓~  Menu上嘅選擇有好多，仲有講解鯛魚嘅營養價值，鯛魚含有菸鹼酸，有助血液循環、消除疲勞，仲含骨膠原係女人恩物~作為海膽控嘅我見到呢個皇帝蟹腳海膽湯飯 ($168)諗都唔使諗就點左！店員會送上小火爐，煲住食keep住熱令魚味更香。鯛魚湯鍋放滿皇帝蟹腳海膽，仲鋪滿大蔥絲、木耳絲、昆布、油揚絲、芝麻等配菜，非常豐富惹味！先呷一口鯛魚濃湯，鮮味十足。一開始飲得太多湯，店員工仲幫我添咗湯。約4-5條蟹棒已經剪好開口用筷子一夾就得，仲有大大隻皇帝蟹鉗添！ 因為一路點住火，免得海膽過熱所以先夾起，邊食湯飯一邊添加。老公就點咗原隻波士頓龍蝦湯烏冬($138)，影相啱哂。龍蝦已經切開左2邊，仲有好多橙紅色既龍蝦籽。另外追加左一客4片($18)既鯛魚片配埋鯛魚湯一齊食真係特別正！！點菜時無諗到分量咁大，仲點左吉列炸豬扒添！ 吉列外層鬆鬆脆脆，配埋沙律菜，減低熱氣感~唔好睇呢度係魚湯店，佢地既飲品都調得好靚㗎！ 我哋點咗一杯魔幻王國、一杯星空荔枝，兩款都係有好靚藍色既藍蝶花。其實藍蝶花係偏寒性既，我呢杯魔幻王國加咗生薑

今日和老婆往則魚涌鯛魚魚湯專門店食晚餐鯛魚片魚湯烏冬, 日本帶子魚湯烏冬配鮑魚、雞塊唐揚、蘋果樂園和魔幻王國。日本帶子魚湯烏冬配鮑魚, 帶子大大隻,味道鮮甜, 湯底清甜, 鮑魚大大隻, 食落鮮甜彈牙,烏冬我選了羽衣烏冬, 第一次食羽衣烏冬, 口感有點似河粉, 味道食落爽口, 配菜有黃菜絲, 木耳絲、京蔥和油揚絲, 黃菜絲, 木耳絲和京蔥食落爽口, 油揚絲食落鎖上湯汁, 食落惹味, 整份日本帶子魚湯烏冬配鮑魚份量十足, 食落鮮甜味美；鯛魚片魚湯烏冬鯛魚肉食落鮮甜味美, 而且鯛魚已去骨, 十分細心,烏冬食落爽口彈牙, 湯底清甜,味道十足；雞塊唐揚雞塊炸得金黃, 雞塊食落香脆, 雞肉肉質鮮嫩美味；餐廳的飲品很有特色, 蘋果樂園是蘋果茶,蘋果味道鮮甜, 飲落啖啖蘋果肉, 茶味香濃, 整杯蘋果樂園味道很爽口；魔幻王國是熱生薑和藍蝶花飲料, 賣相深藍色很吸引, 飲落薑味適中, 藍蝶花味道鮮甜。餐廳座位舒適, 很似日本居酒屋, 這裡魚湯不含味精, 味道清甜, 食物美味新鮮,味道十足, 而且份量適中, 我和太太食了一頓鮮甜鯛魚湯烏冬晚餐。

終於等到放工 又係出去睇下有咩食嘅時候 見到呢間都好多人食所以就試下啦 一打開menu就有介紹鯛魚湯專門店嘅由來 而且佢仲有細分鯛魚湯 鯛魚湯料理麵 鯛魚湯飯 同埋鯛魚定食 最後 俾海膽吸引住 所以就叫咗個原板時令海膽湯飯 海膽一啲都唔少仲要係超新鮮好有海水味入口即溶 連埋鯛魚湯加飯一齊食有種好特別嘅味道 真的食落很不錯 仲要叫咗吉列炸豬扒同埋薯絲捲捲炸蝦吉列豬扒 炸到金黃色 脆脆的而且 炸粉不多 豬肉很容易咬開 好脆好好食薯絲卷炸蝦真係第一次聽同埋第一次食 佢真係用 薯仔絲卷埋一大隻蝦 真係不錯嘅小食

每次經過呢一間日式鯛魚魚湯店 ~ 食午飯嘅時候都好多人~ 所以就決定夜晚去食~ 環境都唔錯坐~  得都算闊落~ 有好多都係鯛魚湯 好多選擇 ~ 之後叫左鮑魚花膠魚肚湯飯 ~ 份量超多 而且鮑魚一點都不硬 ～　仲要真係滿滿嘅花膠同魚肚 每一件都超大～　安格斯牛肉番茄鯛魚湯手打烏冬 ～　安格斯牛肉非常多 ～　而且個湯底非常入味～　 烏冬 軟硬度適中～　每一啖 都有 鯛魚湯的味道 ～　仲有好多配菜大大碗 好抵食～　 蟹肉網絲春卷～　炸到脆卜卜 超香口～　而且咬落去真係有蟹肉架～　真係不錯 ～　仲有好多不同嘅食物～　值得推介的鯛魚湯喔～

又與外藉同事見完客在鰂魚涌太古坊附近食飯。他「技癢」想利用我的account寫食評，就來個英文食評。Boiled King Crab Sea Urchin Rice in Soup - Fresh ingredients plentiful, tasty soup and crunchy cabbage - really build up my appetite, especially in rainy weather. Served piping hot so have to wait a little before digging in.Sea Urchin is normally served in the bowl but I asked for it to be served separately otherwise it's overcooked.Deep fried shrimp butterfly - Delicate batter, crunchy prawns but surprisingly light. Generous portion of salad ser

閒日6:30黎到，唔使等位～同男友每人各點左一個湯飯，好快就上枱，每個湯飯既份量都比預期中多，魚湯仲可以無限續加，相對上幾抵食！男朋友點左個原味魚湯配海膽同蟹腳，先講餐廳既主打魚湯，估唔到咁鮮甜喎，一啲都唔腥，本身對魚湯有些少抗拒既男友都飲到見底！而海膽同埋蟹腳唔算十分甘香同鮮甜，但以呢個價錢同份量黎講，算係相當不錯了！我就點左個蕃茄魚湯配廣島蠔同蟹棒。蕃茄魚湯既蕃茄味唔算太濃，如果蕃茄既酸甜更突出就好了！小食方面，我地叫左個魚腐，不過不失。飲品就選擇左玫瑰柚子蜜，叫左少甜，甜度正合我意。

喜歡吃烏冬的我，經鰂魚涌地膽介紹，來到這間專吃鯛魚湯烏冬的餐廳試試餐廳的門面已感受到日式的風味餐廳主打以鯛魚濃湯為主，除了有烏冬，更有湯飯、料理麵、定食及小食等皇帝蟹腳海膽湯飯這個真的是不得了！光是賣相已令人垂涎欲滴！蟹鉗大得很！海膽看上新鮮，再加魚湯香味撲鼻，令人迫不及待！這個配搭果真令人驚喜！蟹鉗及海膽也十分新鮮，鯛魚湯味道濃郁，海膽加上泡飯，增添美味，亦將魚湯及海膽鮮味帶出，每一口也是幸福的感覺日本帶子魚湯烏冬他們用的是稻庭烏冬，烏冬口感彈牙，再加上這濃郁的鯛魚湯及大隻帶子，口感及味道十分不錯！而且份量是頗多的！一口芝味魚塊魚塊比我想像中大，而且炸得脆脆的，每一口也帶着芝士及魚塊味，再沾上沙律醬，令人吃不停。伴菜的沙律也是十分新鮮！星空荔枝（左）、蜜桃成熟時（右）星空荔枝真的是物如其名，紫色的碟豆花十分美麗，再配上荔枝特飲，味道不錯，甜度適中蜜桃成熟時是蜜桃配紅茶，是一般我們喝到的蜜桃茶味道整體來說，這間餐廳的食物質素十分驚喜！這個鯛魚湯的味道是所有食物的精髓！而且價錢親民，值得推介！

平時食湯烏冬, 豬骨湯就飲得多, 鯛魚魚湯來做湯底, 我們都是第一次試。 我覺得鯛魚湯底仲好, 鯛魚營養價值豐富, 有骨膠原, 滋潤, 養顏。男女老少皆適合飲。Menu: 象拔貝魚湯烏冬$72店員叫我們襯熱食象拔貝, 凍左會韌。象拔貝爽口。 鯛魚魚湯奶白色, 味道鮮甜, 濃郁。飲得出鯛魚湯應該經過多個小時餚製, 而且没有味精。不覺口渴。熱辣辣飲一啖鯛魚湯, 好正。 追加鮑魚一隻$28 烏冬很滑溜 薯絲卷卷蝦$38 一客有5件。炸得酥脆。 星空荔枝$12 有荔枝, 藍碟花, 入口一陣陣的荔枝香。