鯛魚魚湯專門店 (已結業)

喜歡魚湯的朋友有福了星期六晚來了東區用膳招牌魚湯底可配搭多款配料先點一碗皇帝蟹腳手打烏冬奉上時用火爐烘著皇帝蟹腳極其粗壯肉質肥厚味道出奇鮮甜每碗都配有木耳絲京蔥油揚絲但這碗烏冬的重點在其湯底呷一口味道鮮甜得不得了像一碗濃縮了大量鯛魚的魚汁稻庭手打烏冬質感滑不溜口最後喝至一滴不剩見碗底另點了鮑魚花膠魚肚手打烏冬名貴食材全部真材實料但整碗麵的重點仍在魚湯上餃子雞翼都是平時的那種味道飲品我強烈推薦粒粒桃由果醋和蘆薈粒調配而成不但滋味開胃更有幫助消化之效

今日放工之後去咗鰂魚涌搵嘢食。喺朋友介紹下就去咗一間專食鯛魚湯底嘅日式料理店。即使係晚上八九點時間，店內店外亦人頭湧湧，令我對呢間餐廳嘅期待感即時倍增。揭開餐牌左揀右揀，選擇困難症又發作！餐牌上每一款烏冬/湯飯都係我嘅心頭好呢！最後揀咗鮑魚花膠魚湯烏冬，再人氣追加一隻廣島生蠔同象拔蚌。至於湯底方面，店員同我解釋有兩款鯛魚湯選擇，包括有特濃蕃茄鯛魚湯同鯛魚湯（原味），各有特色！我就比較鍾意蕃茄鯛魚湯。最後我揀咗番茄鯛魚湯湯底！味道甜甜酸酸，非常開胃！追加既廣島蠔同象拔蚌，份量充足。鮑魚超大隻呢！整體海鮮類亦非常新鮮，全部「大大隻」，味道鮮甜，感覺超幸福呢！為咗健康，食咗咁多野當然要叫一個沙律中和下。最後叫咗煙三文魚蟹子沙律。沙律份量超足夠，今餐絕對大滿足100分！

店舖位於鰂魚涌，距離地鐵站大約10分鐘左右，位置尚算方便。店舖面積不算大，大約能容納30至40人。店舖主打菜式是鯛魚湯的拉麵。帶我點算的是一份雞扒定食，味道尚算不錯。同行友人有點選魚湯拉麵，我也是了味道，整體來說不錯。但略嫌店舖整體價格有點貴。

上年都食過鯛魚魚湯專門店一次，覺得個魚湯真係幾好食既。咁之前同男朋友係屋企訓到三點三先起身，咁就去附近搵野食啦！就你啦！鯛魚！【汁燒雞扒烏冬】$45我就叫咗呢個汁燒雞扒烏冬，因為我愛辣，所以轉咗地獄辣豬骨湯底。唔係好掂喎大佬！首先個湯好差。咁講到明魚湯專門店，豬骨湯底無咁好我都預咗。地獄辣豬骨湯底，豬骨味試唔到，地獄辣試唔到。淨係覺得好濃味好鹹好痛苦。又唔辣。可以改名做地獄鹹豬骨湯底。跟住個雞扒，唔係好夠熱。唔係幾好食，滑又唔算，鮮又唔係。可能一方面係我條脷比個湯收咗皮？唉是但啦。唯一好既係，沙律菜都新鮮既，爽口既。基本野囉。總結，唔好試豬骨咩咩咩。但我見成個下午茶menu都係豬骨湯底，不如留係屋企煮個豬骨濃湯出前一丁啦？拿，戴多次頭盔，其他魚湯咩咩咩係好食既。係下午茶好難食。

Blue Monday OT完就想食得清淡d記得好耐之前電視有介紹過一間專食鯛魚湯飯/烏冬，一於就黎覓食下間餐廳都近地鐵站，而入邊環境較細同迫不過可能平日同比較夜，所以唔係太多人黎到呢間當然要試下鯛魚湯有幾正叫左個鯛魚湯底-鮑魚魚肚烏冬$116 (仲加左$18蚊3條象拔蚌)個湯底的確好鮮甜，係魚湯個種奶白色仲有爐熱住，個湯愈來愈濃郁👍而烏冬係扁身個隻，比較彈牙同有口感鮑魚同象拔蚌幾彈牙同有海鮮個種鮮味個魚肚吸哂魚湯既精華，但太大舊，一舊就好濟叫個小食--卷卷蝦炸得好脆同好熱，個蝦身都仲係幾彈牙不過就會油膩左少少好彩旁邊有d沙律，減少成個小食既油膩感總括黎講: 鯛魚湯底的確唔錯👍而且份量都多2個女人食一個烏冬同一個小食都好飽不過環境比較迫同員工服務麻麻地(可能趕收工)

祟尚健康的我一向愛食魚同烏冬，今次見到呢度sell 魚湯底當然要一試。睇睇餐牌，除了魚湯烏冬仲有魚湯飯可選，若選湯飯會有埋一個明火爐頭跟住碗湯飯。正值夏天都見不了人選湯飯，但由於此行為烏冬而來，所以選了鯛魚片魚湯烏冬及象拔蚌魚湯烏冬。湯底真係散發濃郁魚味，非常鮮甜，與傳統日式烏冬湯有很大分別。由於湯底用魚制成，所以不會像日式烏冬湯咁肥膩，烏冬麵係扁烏冬，煮得煙韌，份量剛好。真心喜歡個魚湯，健康又美味。而且烏冬價格在$70-80/碗，價格合理。

2年前就開始幫襯，但係服務質素越來越差，今日點菜時女服務員木口木面，還未吃完準備飲湯，一個服務員突然衝上來收走個盤.....禮貌上係咪應該問一句^小姐請問你吃完未^...真係好似想趕客做下一單咁，好坦白講我地兩個人都食了3百幾，感覺仲low過去碟頭飯快餐店。好失望。唔會再來了。再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見再見

個日肚餓入左去叫個帶子烏冬,有兩大隻帶子,個味道都幾鮮,個質地都幾好,烏冬個口感都好滑,絕對吾會將貨就價比d 平價烏冬,湯底都無馬灰,清清甜甜,係魚湯底,下次想試下佢個牛肉烏冬

星期六收工剛好兩點，番家順路去鰂魚涌搵野食，行左一陣，見到呢間鯛魚湯烏冬店做緊下午茶優惠，就試試佢。一入去環境係木系裝修，普通日式餐廳格局，由於小弟一條友食，所以被安排坐毒毒吧枱面壁食(老老實實，張枱都幾窄，剛好擺到食物啦)。下午茶黎講呢，款式算多(但全部豬骨湯)，款款都係$45，包一杯熱飲及麻醬沙津菜，凍飲加3蚊，特飲半價( 荔枝藍蝶花茶、菠蘿菠蘿蜜之類啦，原價24蚊)。最後我叫左個吉列豬烏冬餐凍奶茶。野食10分鐘內到，賣相k，炸豬算大塊同厚(而且有鐵架隔油，一堆美奶滋點下)，奶茶份量正路茶記size，沙津菜正常麻醬量夠。 味道:奶茶偏甜，似午後紅茶，不過熱死人天氣，凍就得啦 ; 湯烏冬係用扁身果隻，有好多紫菜同木耳絲，爽口不錯，豬骨湯底白色5太油，都有豬骨香味，算幾好飲，整體5錯，性價高。可惜，個炸豬排肉太硬，而炸皮就5脆，部份一夾就甩出黎，不算出色，有待改善。整體:以$50以下價錢食日式烏冬餐，性格比不錯，係鰂魚涌附近較平既日式餐廳(以下午茶時段黎講，正價食就5一定係佢最平)。去開呢頭想食日本野，又撞正下午茶時間，又又想坐得舒服d吹下水，又又又無咩錢，呢間係幾好既選擇。P.S.

前日已經好想食烏冬！之前同事試左灣仔分店話唔錯所以lunch time就帶左我嚟呢間分店試下12點幾去到都幾多人等位 不過佢地會俾你落左單先 一有位入到去就好快上得野食湯底嚟講 我平時係唔中意食魚架 但我飲落唔覺得腥 反而覺得好香濃好好飲吉列豬扒新鮮炸起好脆身 其實成個餐份量勁多！基本上食哂成碗烏冬同啲豬扒就完全唔會再食得落啲沙律所以我每樣都食左7成左右！已經飽到夜晚好推介

去政府合署，順便試下鯛魚湯我不太喜好食紅肉，一般食白肉為主，諗住魚湯咁受歡迎，應該不太差，試一試......但勁失望而回.平日12:15 都坐滿了，坐位非常迫，好狹窄.不能在餐廳靜心選餐，而門外 先落單，後入坐，急急忙忙，都無睇清楚有咩食......1） 招牌推介 ： 海鮮魚湯烏冬 $88 2） 吉列蠔定食 $88魚湯，我滿心期待，未食之前，首先試啖湯底，勁腥，海鮮味好重，但並唔出味，仲好搶口，飲完口嚨 好唔舒服，似用魚湯 煮硯，蝦......連海鮮海水都一齊煮，所以不是鮮甜味，而搶口......太失望😞⋯⋯蠔 ， 幾大隻，但只有三個，味道合理，價格普通，這個反而無問題，正常的定食總括，要特登去食......不會，再去都不會考慮魚湯 連魚米家仲都好飲......

見餐廳咁多好評，今日即管過嚟試吓，我個人就唔係好識欣賞啦！好似一啲食評所講，對於怕魚腥味嘅人，個魚湯會有少少腥，我覺得都勉強可以接受，其實如果加啲薑可能會好啲。不過個象拔蚌我就真係一啲都唔識欣賞，冇留意到之前話啲象拔蚌好腥同埋質地好怪，所以我嗌左，結果一路食一路後悔！加左＄30要咗魚肚，呢個冇乜特別，索左啲湯都OK嘅！全餐最好食係個烏冬，係真係彈牙嘅！如果你係一個好唔怕腥嘅人，崇尚健康，都可以試吓嘅！

我個人寫食評的原則，是盡量值得讚方去寫，到了一些中伏的食店，我是不會花心思去寫篇劣評的，因為生意難做喔⋯⋯今天寫這篇，不盡都是讚，而是覺得如果可以某程度上改善一下，食品就更上一層樓了。如果店主不知道這些可以改進就太可惜。名符其實，此店主打鯛魚湯底食品，今次我點的是湯烏冬 - 蕃薯蚌虎蝦烏冬。買相不錯的(見圖)，和 Menu 中照片相比，真的很對版喔(少有的，一般標明相片只供作參考)。逐一評一評:1. 湯 - 👍🏻⭐️⭐️⭐️真的有魚味的 2. 烏冬 - 👍🏻⭐️⭐️⭐️質地和味道都是好的 ，份量足不欺場，配以青菜和木耳絲，兩者都很足料外，並無一般hea煮配菜的問題，平時最常見就是，菜不是太焾就是煮未透，這裏是煮得剛好的。以上兩點足以令$88的價錢已有回本的感覺，接著是要評一下配料，感到有點不足的。1. 那個蕃薯蚌，肉是肥美的，味道也鮮啊，但好可惜的是，有沙啊😖。每隻都已張開口，蚌肉下藏着可見的沙，很剎風景，喜歡吃貝殼類的人可以想像到那種失望。2. 至於那兩隻蝦，嗯，我不評分，只形容 - 蝦頭離身，黑黑的，殼是軟身黏肉，沒咱味道。結論是 : 烏冬和湯底都很不錯，配料留意改進一下，加上很有心機的外型，

N年先黎一次鰂魚涌，原來呢度都幾多野食喎！我一直好鐘意試唔同既湯底，魚湯更加係我摯愛。-配料款式都幾特別，原來食湯烏冬都可以咁豪華，又龍蝦又鮑魚又花膠。不過我今日純粹為左鯛魚湯而來，嗌個平平地既蟹柳雕魚湯烏冬($68)就算啦！餐牌上有介紹到鯛魚湯係低脂肪，高蛋白質既食物，而且每碗魚湯都經過十多小時既精心烹煮而成～令人非常期待。魚湯呈奶白色，魚味幾重，帶點清甜，味道不錯，但並冇人地話一試難忘咁誇張。手打烏冬彈牙，口感好。而蟹柳就冇乜特別。-湯底同配料都OK，味道方面偏清淡，食落都幾單調，唔覺得有咩特別。個人都係比較鐘意食濃味啲魚湯🙈

廣島生蠔、象拔貝魚湯手打稻庭烏冬- 奶白色、薄身的魚湯魚味未致濃郁，但淡雅清香，帶點點胡椒香氣- 配菜有木耳絲、海帶碎、炸豆腐絲、黃芽白及京蔥絲，爽脆香口清新兼備- 廣島生蠔飽滿味鮮- 象拔貝又硬又乾又沒味道- 烏冬滑溜彈牙，頗掛湯*吃到尾段有點寡，雖有七味粉提供，但仍未能增味，若有一味粉、山椒粉或蒜蓉指天椒提供更佳*餐紙上提到鯛魚含豐富菸鹼酸，有助維持神經系統及大腦功能正常運作……若人體缺乏菸鹼酸，情緒容易受影響。未有深究是否屬實，但一想到餐廳以吃鯛魚有助穩定情緒作賣點，就聯想到鰂魚涌辦公室林立，附近餐廳主要靠打工仔支持，打工仔壓力大，以此作招徠，或許真的有用