鰻工房

營業中

休息中

最近返新工，同事話公司附近開左間專食鰻魚既餐廳，剛好我都鐘意食鰻魚，於是lunch就約埋去食(´▽｀).蒲燒鰻魚丼 $78(+$30轉套餐)套餐有温泉蛋、鹹菜、鰻魚肝白貝湯同玄米茶或汽水。新張期內加錢轉套餐仲會送一串燒鰻魚串(´▽｀).丼飯上有毛豆、的雞蛋絲同紫菜絲。鰻魚燒得焦香，温泉蛋配埋飯一齊食一流。鰻魚肝白貝湯鮮味十足，幾好飲(´▽｀).其實仲另一個食法，就係食到得返三分一飯量既時候，可以請店員加昆布高湯，再自行加入芝麻、紫菜，變成鰻魚茶漬飯，不過唔我對茶漬飯所以就無試到.

♡ 尖沙咀即燒鰻魚飯｜鰻工房 ♡-最近 K11附近開左間鰻魚飯店 好吸睛～ 馬上去試下先‼️鰻魚全部都係即叫即燒 店鋪裝修以和風木系設計為主開業期間 所有套餐 都會送鰻魚飯團🍙+$30 就可以轉定食 包埋鰻魚白貝湯、溫泉蛋。- ♡ 生燒鰻魚井 ♡ $188外皮燒到好香脆 👍🏻皮與魚肉之間嗰層脂肪好煙靭 魚肉厚身 仲有少少彈牙😛不過飯的分量就唔算多店員教我哋留返三分一丼飯 加埋昆布高湯、芝麻、紫菜一碗熱騰騰的鰻魚茶漬飯🥣就完成啦～-♡ 鰻魚萬花筒 ♡ $68 外觀上枱幾靚 用黎打卡唔錯鰻魚全部都係薄切 容易入口醬汁都好香 連埋飯食好開胃呀！一定要加埋溫泉蛋 好邪惡😈-❥#⇢店鋪資料：鰻工房 (尖沙咀)尖沙咀赫德道1-3號利威商業大廈地下7號舖## 🔍尋找同區美食📍➾ #礦泥黃X尖沙咀-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南

鍾意食鰻魚嘅朋友一定要留意！尖沙咀K11對面開咗一間主打鰻魚ge專門店「鰻工房」，有好多花款!!作為貪心嘅我梗係叫咗咩都有嘅三重鰻魚丼($198)，有齊穴子、蒲燒鰻魚和白燒鰻魚，鋪成一座鰻魚山。蒲燒鰻魚油脂豐富，肥美內嫩，穴子肉質較薄身，口感軟腍；白燒鰻魚外皮燒得脆卜卜，肉質較爽口，我自己最鍾意燒鰻魚，肥美得你有數學！另外仲叫咗玉子丼($98)，玉子好厚，好嫩，夾埋鰻魚一齊食，兩個都係有軟腍腍嘅感覺。做緊開業優惠，可加$30套餐會送原價$28「手握鰻魚飯糰🍙」，套餐有溫泉蛋、鹹菜、鰻魚肝白貝湯、玄米茶～～最後，可以向店員索取昆布高湯，再自行加芝麻、紫菜等調味，自製「鰻魚茶漬飯」，另有一向風味！

最近上網留意了這間鰻魚飯專門店，很有興趣，一向喜歡吃鰻魚飯，這天就約了同樣喜歡吃鰻魚飯的朋友來這餐廳試一試，順便聚舊。我們於平日接近8時入座，餐廳都幾乎已經坐滿，幸好我們不用等位，因為吃到中途已看見需要等位，相當受歡迎。餐廳不算大，椅子內可打開來放手袋，設計也很貼心。想不到吃個鰻魚飯都有這麼多選擇，我覺得白燒比較有特式，所以就點來試一試，而比較經濟實惠有職員說是最近新推出的鰻魚萬花筒，被名字吸引了就點了，和朋友兩款Share來吃，可以兩款都試之餘價錢又相對經濟。因為鰻魚是生燒的，所以也需要等待一會，不過也不用等太久。先來的是鰻魚萬花筒（$78），賣相超美觀，打卡一流，是由一片片鰻魚舖滿碗邊，份量很多，而且有溫泉蛋之餘仲有蛋絲和香蔥，非常講究，相當吸引！鰻魚能吃出燒過的香氣，非常高質。而且溫泉蛋蛋味香，配白飯非常美味。活鰻丼，白燒（$188），白燒和生燒的鰻魚才能品嚐原汁原味，一向吃醬汁燒的比較多，這間餐廳有白燒當然不能錯過，鰻魚很厚身，口感很好，而且燒得皮很香脆，肉質亦爽口彈牙，亦帶有油脂香氣，非常高質。這款配的飯有加入枝豆和紫菜，提升口感。以上丼飯加30元有套餐，包括鹹菜，玄米茶，溫

行過見到新開業，主要係食日本鰻魚，又有開業優恵添，叫任何套餐即送價值$28嘅鰻魚飯團🍙，入去坐低環境舒服。三重鰻魚丼$208三重係鰻魚，穴子同生鰻魚，中間果啲就係穴子，都係鰻魚嘅一種，但無鰻魚咁油脂豐富，生鰻魚魚皮焦香酥脆。加咗30蚊變套餐有溫泉蛋，鹹菜，鰻魚干白貝湯同玄米茶。生燒鰻魚丼，生燒鰻魚除咗皮脆，啲肉都好結實同Juicy，不用沾醬汁，都夠味。另外新店開業送嘅兩個飯團，配合獨特醬汁，少少炭烤風味。

OP介紹新開鰻魚專門店, 食評讚賞很多, 所以放假本來要去K11行街和順路吃一下. 餐廳比想像中細. 幸好椅子可放手袋,本人手袋有點大, 離開時拿不出來, 即埸瘀爆生燒鰻魚丼 （白燒）一定要新鮮鰻魚肉（活鰻）燒先會彈牙，而且要慢燒到外皮脆絕對不是簡單事。 $188 另+30 配溫泉蛋，咸菜和鰻魚肝白貝干湯，都是很超值! 玄米茶 （水滾自然茶香）, 玄米茶好香. 解渴.活鰻魚肉質同平時日本超市，蒲燒鰻魚都沒得比，而且覺得一定要白燒更凸出魚味而且完全不腥溫泉蛋好Q彈，凍凍流心蛋液同飯另一種味道。 咸菜：2片脆瓜3片白蘿蔔，飯除了配魚，配塊咸菜清爽開胃。貪心 選了三重鰻魚丼 $208 穴子 幼身得別軟腍，細海鰻入口特別嫩；(好滑入口化開感覺)蒲汁燒鰻魚比較大件，甜甜燒汁少少焦，配珍珠米很適合。今日特別喜歡生燒活鰻魚，因為活鰻口感同另外2款完全相反.這個口感同雪過肉質完全不同!魚皮燒到很脆好乾身，肉質爆口彈牙.喜歡鰻魚的人我個人覺得不要貪心食3款，因為每款得少少反而未滿足感覺。我後悔無選期間限定沙羅鰻蛇$198 價錢有成隻手臂大細，我一定會要再來吃沙羅鰻蛇

一直鐘意食鰻魚，但香港比較少聽話有專食鰻魚既地方，就黎幫襯下。沙羅曼蛇丼 $198期間限定點都叫黎試下，大大條賣相非常吸晴，蒲燒夠惹味，調味剛剛好唔會太鹹，肉質厚身肥美，份量夠超過兩個人食。最驚喜係飯上鋪滿玉子燒，熱辣辣口感軟滑且蛋香濃。店員有推介原來重有另一種食法，倒啲昆布湯可以試下茶漬飯風味，幾清新可以減膩。鰻魚飯堡 $108呢個幾有創意，用紫菜包住飯堡夾住鰻魚、芝士同菜食，相當邪惡。幾鐘意飯堡帶脆脆焦香感，同鰻魚相當match。燒鰻魚串 $28燒鰻魚肝 $38串燒頗香易入口，食完今餐都幾飽。

今日同朋友到尖沙咀食飯，去到餐廳不需要等位就可以入座 。我們叫了鰻魚萬花筒套餐，另外再單點了一個沙羅曼蛇丼 。首先，沙羅鰻蛇丼絛鰻魚非常之巨大，足足有一隻手臂長，鰻魚肉質鮮嫩，搭配香氣四溢的醬汁，入口即化，另外有一個玉子燒，蛋香味濃而且口感滑，米飯香糯 。最後食到三份一時，可以叫職員加高湯變茶漬飯，一丼二食 。套餐中的鰻魚萬花筒外形似一朵花，中間有溫泉蛋，鰻魚切成片狀，再燒得香口 。另外餐湯以鰻魚肝和白貝熬煮，濃郁的香氣與鮮甜的味道完美融合 。整體而言，巨鰻份量驚人，味道不錯 。

呢間新開嘅鰻魚專門店 有多款不同烹調食法嘅鰻魚 價錢合理 性價比高 而且餐廳佈局似日式居酒屋🏮光線充足 有氣氛之餘 好適合情侶/閨蜜同行❣️沙羅鰻蛇丼(+30套餐溫泉蛋、鹹咸菜、鰻魚肝白貝湯、玄米茶)兩個人share都食唔晒呢個巨型鰻魚丼 手臂咁長嘅鰻魚 連個丼飯盒都裝唔晒🤣蒲燒汁香甜濃郁 巨型嘅鰻魚好肥美 而且有油脂香好厚肉 外面燒得焦香無比 唔算太多碎骨🙌🏻下面會配搭厚身嘅玉子 口感香滑軟嫩丼飯有毛豆同紫菜絲 可以提升口感👍🏻最值得一提係佢嘅套餐有鰻魚肝白貝湯 飲落鮮甜白貝無沙 鰻魚乾濃郁 飲完之後真係好暖胃😍食法:1️⃣保留三份一嘅鰻魚丼2️⃣向店員索取昆布高湯3️⃣加入芝麻、紫菜、昆布高湯4️⃣鰻魚茶漬飯完成

呢間位於尖沙咀嘅小店，主打鰻魚，木系裝修。我地揀咗兩款鰻魚便當，賣相精緻。首先係鰻魚萬花筒$98，一片片鰻魚鋪到靚靚，中間有溫泉蛋，飯有蛋絲，層次滿滿～～另外，沙羅曼蛇丼$198係另一道招牌菜，份量超大，真係兩個人食都夠。巨型的鰻魚，又長又厚身，濃濃嘅汁，打卡一流。鰻魚下有厚厚嘅蛋，相當飽飽～～加$30有溫泉蛋、鹹菜、鰻魚肝白貝湯及玄米茶。 我地加左一個餐。 呢度另外有熱水供應，可以飲。📍鰻工房 尖沙咀赫德道1-3號利威商業大廈地下7號舖

超鍾意食鰻魚嘅我最近留意到尖沙咀有一間新開嘅鰻魚專門店，即刻心郁郁約朋友去食😜❤️ 主打幾款唔同整法嘅鰻魚丼，仲有鰻魚串燒同玉子燒等小食。前排有開業優惠，嗌套餐就送鰻魚飯團🍙✨沙羅鰻蛇丼 $198 +$30套餐呢個係期間限定套餐，見到已經即刻被吸引🤩套餐有溫泉蛋、酸菜、鰻魚肝白貝湯～ 鰻魚黎到比我想像中更大條，有我兩隻手掌拼埋咁大，太正喇！！超重手筷子都夾唔起🤣 建議大家食嘅時候可以問佢攞個碟裝住先，容易啲食。鰻魚肥美鮮嫩，蒲燒醬汁好香又夠入味，鰻魚下面仲有大大件厚切玉子。好完美😍超滿足，非常推薦！！✨生燒鰻魚丼 $188 +$30套餐鰻魚可以揀白燒或者汁燒，因為想原汁原味啲，今次揀咗白燒😆鱔皮燒好香脆，魚肉好彈牙爽口，味道鮮甜，經過椒鹽調味更加食到魚嘅鮮味！高質呀！🥰食淨大約三份一飯嘅時候，仲可以問店員拎昆布高湯整鰻魚茶漬飯，一次過試晒兩款食法👍

尖沙咀新開了一間日本餐廳，主打鰻魚菜色。餐廳裝修簡約雅緻，日式風格，天花旗海飄揚，很富特色。牆上海報推介“沙羅鰻蛇”，好奇之下便點了一個。“沙羅鰻蛇”，原來不是蛇，而是鰻魚，超級巨型的蒲燒鰻魚，有成人手臂的長度。下面是一大塊玉子燒的丼飯。丼飯還可以有兩種食法，吃到一半的時候，可叫服務員拿來兩碗昆布高湯，再按自己的喜好加入芝麻和紫菜，成為滋味的湯飯。鰻魚肉質鮮嫩，肥美多汁，兩人食用，綽綽有餘。另一個菜是“生燒鰻魚丼”，選了“白燒”，嚐嚐原汁原味。鹽燒白鱔，燒得皮脆香口，裏面仍然保持鮮嫩多汁，真正是外脆內軟。由於選用鮮活白膳炮製，肉質特別鮮嫩爽口。丼飯有：鳴門卷、蛋絲、毛豆和紫菜飯。+$30 加配：溫泉蛋、鹹菜、鰻魚肝白貝湯、玄茶。溫泉蛋加入丼飯一起吃，更加美味。白貝湯微辣惹味，更有蜆肉。新張期內還有“鰻魚飯團”贈送（開業優惠），紫菜包住美味可口的鰻魚飯團，新鮮即製，暖暖口感。這裏的鰻魚菜式很有特色，豐富又美味，服務殷勤，喜歡吃鰻魚的一定非常滿足。

-鰻魚連皮帶骨都可以食，提供豐富營養我就最中意食😍早兩日行經尖沙咀見到新開日式餐廳仲要係專門食鰻魚，即刻試吓先😋/▫️沙羅鰻陀$198(套餐+$30)▫️期間限定特大鰻‼️店員仲要話有手臂咁長！💪🏻一上枱果吓真係「嘩」咗一聲，長到放埋落餐盤🤣🤣鰻魚肉超厚身，肉質軟嫩配合彈牙魚皮，食落啖啖肉！Don飯中有玉子燒🥚雞蛋同鰻魚真係好朋友👩🏻‍🤝‍👨🏼鰻魚嘅惹味同雞蛋嘅甜味互相輝映🫶🏻/▫️鰻魚飯堡$78(套餐+$30)▫️本身我中意食飯，更中意食飯堡😋飯做成漢堡嘅皮，兩面煎香脆配合中間配料包括鰻魚、芝士、雞蛋絲、生菜旁邊仲有兩塊大紫菜飯堡嘅微焦香，配合鰻魚肉軟腍濃郁芝士，爽脆生菜🥬全部食材一齊食真係大滿足呀😍*套餐包括漬物、溫泉蛋、鰻魚肝白貝湯/▫️燒鰻魚肝串$38/串▫️好少食嘅燒鰻魚肝🔥即叫即燒魚肝，獨有嘅甘香味配合微焦嘅表面加上特製醬汁，好惹味👍🏻係一款唔錯嘅佐酒小食😋/㊙️店舖設計充滿日式風味，滿滿打卡牆仲有細心位，櫈內可放隨身物品👍🏻各位鰻魚迷必試❤️

我是從Open Rice 搜查此餐廳，從沒有收取此餐廳或其他機構的任何優惠，更不是什麼餐廳會員！在網上看見這餐廳的照片，是一間全新以鰻魚為主食的餐廳，相片的套餐十分吸引。一個鰻魚蕎麥麵套餐，店員說午市套餐送鰻魚飯團，初時覺得以為會份量有點多，應該吃不了，怎知原來也能吃上，份量是剛剛好的。 套餐送到枱面，非常有驚喜，好靚好吸引。首先說說這個燒鰻魚，有兩個層次，魚腩部分用醬汁燒烤，肥美鬆軟；另外一個層次是接近魚尾部份，薄薄一層的魚肉燒烤，味道淡一點，但另有一番滋味。蕎麥冷麵配醬汁，不太濃郁，容易入口，配上生鮮鵪鶉蛋，味道比較香滑特別。蜆肉海帶湯清淡中帶點鮮味，可能加點麵豉醬會比較香濃，鮮味會更突出！最後是紫菜鰻魚飯團，留待最後食用，紫菜已有點韌力，飯粒又點硬，所以食用時容易鬆散。

平時都會間唔中鍾意食鰻魚飯，但係香港實在太難搵高質嘅如果好食少少嘅都要去到$400以上最近尖沙咀新開咗一間鰻魚嘅小店性價比極高，搞到我間唔中都會去食一次舖頭見好多人都叫呢個期間限定沙羅鰻蛇唔係講笑，真係好誇張平時喺超市買嗰啲雪咗嘅都要$100.1條呢度嘅份量足足有四倍但係都只係$198唔好以為佢淨係一味份量夠多仲好好味肉質好彈牙，口感幼嫩一咬落去好多汁，鮮味十足好鍾意佢個食法係可以加魚湯加埋芝麻紫菜Wasabi就好似茶漬飯咁樣食落就會冇咁油膩除咗呢個期間限定極度推介我覺得佢個白燒生鰻都好出色同燒汁煮法唔同佢係好似炭燒過咁每件切細細件個皮好脆口如果未食過鰻魚肝嘅都可以試吓佢呢一個串燒好煙韌，但係又有鵝肝個口感