鳳城酒家 (已結業)

昨天是情人節，明天是年二十九。經濟暢旺，這幾天差不多所有好吃的食肆都座無虛設，全場滿座。沒有定位吃晚飯，幸好放工後尚早，六點半已經來到銅鑼灣，想起了鳳城的美食，便跑上去看看有沒有位子。坐下還沒有十五分鐘，果然已經爆棚，也算今天又些運氣。兩個人，叫了兩個菜一個湯。計有生炒肉排，西芹石斑球及蟹肉東蓉羹。大大碟的，傳統的風範，明知較多味精，卻鑊氣挺好，用料新鮮，烹調得法，十分好吃。此外，夥計的服務也是很傳統，沒有多餘的殷勤，額外的禮貌，卻勤敏快爽，直言直語。打工仔的人工才加了三四個，但是這裏的菜價最近卻加了百分二十以上，真摸不著頭腦。最後再要了個馳名的西米布丁，下樓要五百塊多。不過，過年過節，最緊要吃得開心。

27-1-2007 (六) 6人同幾個朋友行完山,搭車到銅鑼灣食dinner,度度都冇位,終於來到呢度唔洗等位,嘩~~見到餐牌都有d唔想食,貴到飛起,但又餓又攰,唯有照食..服務:唔夠人手炸子雞一隻$150, 唔記得什麼魚卷$160, 雞油豆苗, 茄子煲, 湯,糯米飯$80 (超貴)甜品:焗布丁$60 (見到差不多每枱都有叫,但我覺得甜左d,同埋唔係好好食姐)總括黎講普通料囉!唔係唔好食,又唔係好好食!埋單$835

上星期六幾個朋友出左銅鑼灣, 因為要食中菜, 而且好多都冇位, 於是就去左呢間食啦!!人多既關係我地要坐自動樓梯口, 人手又唔夠, 員工都做到好悔氣!!野食一般, 又貴, 又唔係真係好好食, 下次我係唔會再黎呢度食架!!

午市時間, 比樓上酒樓較少人等位, 咁係咪即係唔好食呢?我同友人都係因為樓上要等位, 所以走落呢度, 眼見好多人都係好似我咁, 呢間唔係友人首選. 其實呢間酒樓我係未試過ga, 但名就聽得多, 總係無機會試, 今日終於可以有機會啦.午市套餐炒飯加碟菜炒飯炒得幾靚wo,幾乾身唔油.味道唔錯!豆苗普普通通, 都ok啦, 又夠大碟, 幾抵呀.馬拉卷呢點心最令我歡喜...好軟"熟"唔太甜, 好正!其他點心都唔錯wo, 全部都新鮮熱辣辣. d點心款式就比較傳統,唔會有其他d 咁有創意lor. 傳統有傳統好, 有機會晚市再試下先.

之前來過晚飯,水準不錯。11月19日與家人來飲早茶,叫了些懷舊平價點心+其他點心,覺得不錯的有:-紫菜花枝餅:熱辣辣,彈口,good-馬拉卷:好軟"熟",不甜-順德魚茸燒賣:好鯪魚味,沒有大量溝粉,幾好-鯪魚粥-布拉滑腸粉:真好軟滑-芝麻/擂沙煎堆一般的有:-叉燒包-菜肉包-蘿蔔絲酥餅:皮一d都唔酥,no good-柴魚花生粥-魚湯浸xx餃:皮厚d-芒果椰汁糕-酥皮蛋撻:奇怪地有臘鴨油味,所以no good因11.00am前埋單,有優惠,好抵!

大良炒鮮奶...麻麻地,味道淡淡地唔係幾好味!炸子雞...熱辣辣皮又脆果然係招牌菜!清蒸老虎斑...肉質太老!可能是蒸的太久了!煎藕餅....幾好味甜品.焗西米布丁....太甜!唔仲意!位子較擠,坐得唔係太舒服!

叫左炸子雞, 炒牛奶拼窩蝦, 蟹肉菜膽其實3樣都好好食, 不過炸子雞有d dry炒牛奶拼窩蝦, 其實只係蝦多士, d牛奶味唔多, 蛋白味重左d.......反而個唔出名的蟹肉菜膽好清甜, 比較好食埋單...$350...貴...

3人行，星期六找個地方飲茶。不知這裏12點前離座結賬仍有早茶優惠，否則早一點來。大、中、小點正價為$11、$15和$18，另有幾款優點可選($5.8)，茶錢$8。點心選擇不算少，而且當中有些是其特色點心，自必要試試。結果要了：2款小點–叉燒飽、花生芝麻蛋散；1款中點–鮮蝦香茜餃；2款大點–鳳城燒餅、鳳城高湯炸粉果；2款優點–順德魚茸燒賣、羅漢齋粉飽。點心普遍OK，熱食的全是熱辣辣上桌，分量亦不小，吃得飽飽的。喜歡煎炸食物的，應會滿意燒餅和炸粉果，不過相當油膩，顫底的紙油跡斑斑。結賬$120，若果早些來更不用$90，以這裏不俗的環境和點心質素來看，不錯的了。

之前來過呢度飲茶,叫左5樣野食,佢有幾樣特價點心,可惜去到得返白菜餃,就叫左,另外仲有蛋球(點心紙係無,好在之前睇過食評知道係必食,所以識問佢),豬腳薑,炸粉果,鯪魚球,樣樣水準都唔錯呀,最鍾意食蛋球,真係好耐無係酒樓食過喇,而家係酒樓都好少有得食,好鬆化呀,又唔會好多油,食完好溜;炸粉果第一次食,點湯食好得意,都ok,皮好鬆脆;魚湯白菜餃用d奶白色的魚湯浸住,幾好食;薑醋都好入味,$25一碗,份量不算太多;鯪魚球無咩特別,但都ok

同一班小學舊同學相聚，搞手提議鳳城，反正都係想下舊食，因此沒意見。上到去第一個印象認真麻麻，我明明訂，知客竟然想安排我坐路口臨時，我表明想坐大堂後佢就反而先安排其他街客入場，好彩我未齊人可以傾住計等下。入座後發覺張好細，五個人坐好勉強，面最多擺兩三碟，唯有一上盡快食晒留位俾下一碟。菜方面味道同份量都幾好，外國返同學尤其欣賞碟炸子雞，話外地始終好難食到咁好食雞。不過其實大家掛住傾，都無乜留意食。

之前去過另一間鳳城食晚飯, 覺得幾好, 於是就試下呢間既lunch叫左一碟星州米, 仲有d點心, 有幾款吳錯一定要係度推介星州米只係得個辣字, 不過雖然係咁講, 但都ok, 講好食都係要去茶餐廳是油王腸粉係乾炒牛河腸粉版, 諗起都好味酥皮蛋tart, 正常酒樓既水準, 不過而加都吳多見lu蝦多士上層係蝦下層面包, arm arm炸起, 脆到不得了, 甜甜地幾好蛋球更加好食, 終於食番倒d有質素既蛋球, 好回味

18/7/2006事因遲來o既歡送飯局,本見大家冇咩心水地方自己就私心諗住去食”港大校友”但居然反應返黎係怕有人唔識路,心諗”吓!唔係咁多村姑丫?”…..最後為免麻煩就一行十人去左呢樹食,貪佢方便d環境舒服d方便傾下計八掛下,另食物應唔會太差,去到都係唔使點諗食咩,只要大家唔太怕煎炸野就簡單得多生腸–雖然賣相都幾恐怖,但入口照舊爽脆炒鮮奶配野雞卷–鮮奶唔會太濕同油水準保持,野雞卷因同檯有朋友未食過當然要點,雖然都不錯但都係感覺太肥膩間中一次半次冇所謂鴿鬆生菜包–寫菜時講明因每次都唔夠生菜而要多d,小二話無理由唔夠喎最多幫你同廚房講聲,但最後都係一樣唔夠,好彩今次個肉鬆冇咁咸淨食都冇問題煎藕餅–食落有馬蹄但魚肉太多而蓮藕就要比d心機搵,整體似魚餅多d霸王雞–據小二講話係新鮮雞整先叫半隻試下,食落都嫩滑有小小雞味,但都係試過就算炸子雞–另一招牌菜,雖然係冰鮮貨但照樣外皮脆而有肉味,必食黃金脆豆腐–即椒鹽豆腐,上碟時見表面濕濕地,食落感覺古古怪怪,下次咪攪生炒涼瓜片–先前講明唔好出水一定要生炒,黎到見到濕濕咁之後夾上黎見佢軟淋淋心知應該出左水或有用湯/水煨過,食落雖重有小小爽同有苦瓜o既青草

一去鳳城都係果幾味1. 大良炒鮮奶...味道淡淡，但我幾鐘意~2. 炸子雞...正!3. 翡翠斑球乜乜...我鐘意食魚，所以都喜歡.4. 琵琶豆腐...都好好5. 煎藕餅，冇食6. 蝦多士，冇食7. 焗西米布DEEN，唔太甜，幾好~~

常稱兄道弟的朋友突然有事快將出差一段時間, 拿拿臨來一個四人會議.想去天外天又爆左, 唯有去附近的鳳城.我只去過禮頓道店, 此店還是第一次.冬瓜湯清清地都幾多料, 但我想飲多少少都冇, 一人一碗多少少...大良炒鮮奶和禮頓店水準相約, 不過不失.生菜包, 餡就幾多下, 不過生菜少左d, 生菜咁平, 唔怕俾多d.食食下唔夠飽又再加多三個餸:咕嚕肉, 也有水準, 唔太多肥豬肉, 又夠脆, 不過唔夠酸, 似乎權發仲好少少.炸子雞半隻, 炸得剛好, 皮脆肉滑, 肉都幾夠, 又唔肥.蟹肉扒雙蔬, 有蟹肉, 芥菜和娃娃菜, 其中以芥菜最好食, 唔算太大, 但有芥菜味, 又唔苦.傾下計, 睇下美女廚房, 又一晚.每人百多元, 朋友說今次聚會消費比以往平呢!

星期日一點鐘，人都幾多呀!我哋兩個人叫咗幾樣點心!鳳城炸粉果、棉花雞、流沙包、魚蓉燒賣&一碟乳豬!個炸粉果真係勁好味!炸得好鬆化，簡直值九十分呀!棉花雞&流沙包好味架!乳豬我就覺得年紀略為大左Ｄ，唔係好似乳豬!不過都ok!埋單$111已經好飽!今餐值八十分呀!